ملتقى طلاب صيدلة الاسكندرية

[Dr.diamond]

يا جماعه هو احنا اخدنا معادله اللى فيها حاجه زى الشوكه كده فى الان اورجانيك ؟؟


وفيه حاجه كمان

انا محجزتش مراجعه الضفدعه وكنت بفكر اروح بكره

هو ينفع اروح من غير ما احجز ؟؟

[Dr.ahmed91]

المشاركة الأصلية كتبت بواسطة د نبض الامة

الكلام ده جبته منين ؟
دا انا مسافرة من يوم التلات عشان اعرف اذاكر وعمالة اذاكر الورق ابو 5 جنيه ده وكمان الكتاب ومقريتش حاجة من الكلام ده؟

اولا: حمد لله على السلامه ومنورة الموضوع يا صاحبة الموضوع وصاحبة الفكرة كلها

الكلام ده جزء منه انا كاتبه عندي من المحاضرة

بس موجود النظرية في الكتاب ورسمتها...حتلاقيها ص27

[Dr.ahmed91]

المشاركة الأصلية كتبت بواسطة د نبض الامة

هو امتحان الكيميا العملى ده عليه كام درجة؟
اصلى عكيت عك اصل يومها كان عندى قبلها سكشنين وكنت صايمه وكمان وقعت مرتين ع السلم يعنى كنت بموووووووووووووووووووووووووووووووووت ف الامتحان لدرجة انى طلعت الاسكيم ف العملى وقعدت ادور ع التجارب لكن تقريبا النضارة كانت عطلانة ومشفتش اى حاجة فالملح بتاعى كان بوريت وان عملته فوسفات وكمان عكيت ف النظرى وحاسة انى هسقط

اللي انا عارفه ان النظري 10 والعملي نظري وبعد كده اقسمي على اتنين

يعني كله من عشرة

بس ولا يهمك .. الامتحانات جاية كتير والدرجات على قفا من يشيل

وانا مقدر ظروف يوم الاتنين ده بيبقى دمااااااااااااااااااااااار

تلات سكاشن ورا بعض وفي اماكن مختلفة..

ربنا معاكي... ويوفقك ان شاء الله

[Dr.ahmed91]

يا جماعه هو احنا اخدنا معادله اللى فيها حاجه زى الشوكه كده فى الان اورجانيك ؟؟

لو قصدك اللي في ص80 لا مخدنهاش ولا خدنا اي شوك ولامعالق ولا سكاكين لحد دلوقتي

وفيه حاجه كمان

انا محجزتش مراجعه الضفدعه وكنت بفكر اروح بكره

هو ينفع اروح من غير ما احجز ؟؟

ممكن ينفع ... فيه ناس معايا حجزوا في ساعتها وحضروا

[Dr.ahmed91]

انا خدت رفع الكفاءة بتاعت الحيوان

مش حقول فظيعة ولا خطيرة.......انما احسن بكتير من السكشن

العدد قليل..حوالي 8-10بس مع الدكتور

وبيشرح كل حاجة بالتفصيل... وشرحنا ال4 اجهزة

والضفادع كبيرة وحلوة كده

وبصراحة كانت احسن مرة اشرح فيها في حياتي (حتبقى تاني مرة ان شاء الله يوم الاتنين)


وعرفت اربط عند القلب واشوف الشرايين

وسلكت الوريد وشوفت الكلواكا والمثلث بتاع البورتال وحاجات كتير

وفي الاخر طبعا اليورينو جينتال

والحمد لله رب العالمين

وادعولي يوم الاتنين......اول واحد حيمتحن في صيدلة كلها

[هدير جهاد]

السلام عليكم ياجماعة
ازيكوا
طبعا قلبي عندكوا للجماعة بتوع كفاءة الفيزياء.بس ان شاء الله الظروف تتحسن اهم حاجة متتكلوش على الظروف وحاولوا تبذلوا شوية مجهود وذاكروا شوية لوحدكوا لغاية لما تلاقوا حل.

ربنا يكرمكوا ويكرمنا ان شاء الله

[Dr.ahmed91]

المشاركة الأصلية كتبت بواسطة dr.juliut

هو مفيش بكره من 11 ؟؟

اعتقد فيه من 2-5


والنهارده فيه من 3ونص


شوفي ورقة المواعيد..انا كنت جايبها هنا

[هدير جهاد]

صح ياجماعة انا نسيت اققولكم اللي مارحش النهاردة الكفاءة بتاعة تشريح الضفدعة افضل انه يروح بكرة ان شاء الله
حاجة يعني فوق الوصف بجد اول مرة اشوف كل الاجهزة بالحلاوة دي والاحسن ان د/جمال هو اللي كان بيشرح لنا

[Dr.ahmed91]

المشاركة الأصلية كتبت بواسطة Dr.juliut

شور فيه من 3.5 ؟؟

مهى الورقه مكتوب فيها من 2 -5

بس مش مكتوب من 3.5 ولا من 11

انا شوفت الورقة ومش مكتوب فيها من 3 ونص

مش عارف قريتها فين دي.....

بس الاكيد ان فيه بكره من 2-5 وده المعاد الوحيد بكره

[فراق]

المشاركة الأصلية كتبت بواسطة Dr.ahmed91

اولا: حمد لله على السلامه ومنورة الموضوع يا صاحبة الموضوع وصاحبة الفكرة كلها

الكلام ده جزء منه انا كاتبه عندي من المحاضرة

بس موجود النظرية في الكتاب ورسمتها...حتلاقيها ص27

لا انا قريت النظرية دى فعلا لكن بالانجلش مختلف طبعا

[فراق]

مش عارفة ايه حكاية رفع الكفاءة دى كمان؟
طيب ف العملى وقولنا ماشي اهو معيدين هما اللى بيشرحو ف السكشن وبرده معيدين ف رفع الكفاءة لكن النظرى تسيب واحد معاه دكتوراه وتروح تاخد رفع كفاءة عن معيد يا جماعة فكروا فيها احنا بقينا طلبة جامعة مش ثانوية عامة ولازم كل واحد يعتمد على نفسه شوية فى التحصيل والدكاترة كمان بيعملو اللى عليهم وزيادة شويتين (الا حالات فردية)
خواص مادة بتاعة دكتور الخطيب دى ليه بدل ما كله يروح ياخد رفع كفاءة نروح للدكتور في الساعات المكتبية بتاعته او نحاول نروح المكتبة او اى طريقة تانية غير النظام اللى شبه الدروس الخصوصية ده
طلبت طلب يا جماعة ضرورى بالله عليكو لو فيه ورق زوؤلجى نزل ياريت حد ينزله عشان انا ع الاخر

[فراق]

بالنسبة للتشريح انا مش عارفه ايه مستوايا فيه اناحافظة النظرى بس مش كله لكن مشكلته محلولة كلها ساعتين يبقى ف التمام اللى منرفذنى انى العملى كنت بشوف الاجهزة كويس الحمد لله وكمان كنت بخلص تشريح اول واحدة ف المعمل لكن انا مش عارفة كله بيقول مكناش بنشوف الاجهزة هو انا يعنى الوحيدة اللى بشوف والناس دى كلها عمى ولا انا اللى كان بيتهيالى انى بشوف وانا مشفتش؟؟؟

[Dr.ahmed91]

المشاركة الأصلية كتبت بواسطة د نبض الامة

لا انا قريت النظرية دى فعلا لكن بالانجلش مختلف طبعا

فعلا هي بالانجلش بتبقى مختلفة ودي بقابله في كتير من الحاجات اللي بناخده

لما افهم بالعربي يبقى الانجليزي سهل

المشاركة الأصلية كتبت بواسطة د نبض الامة

مش عارفة ايه حكاية رفع الكفاءة دى كمان؟
طيب ف العملى وقولنا ماشي اهو معيدين هما اللى بيشرحو ف السكشن وبرده معيدين ف رفع الكفاءة لكن النظرى تسيب واحد معاه دكتوراه وتروح تاخد رفع كفاءة عن معيد يا جماعة فكروا فيها احنا بقينا طلبة جامعة مش ثانوية عامة ولازم كل واحد يعتمد على نفسه شوية فى التحصيل والدكاترة كمان بيعملو اللى عليهم وزيادة شويتين (الا حالات فردية)
خواص مادة بتاعة دكتور الخطيب دى ليه بدل ما كله يروح ياخد رفع كفاءة نروح للدكتور في الساعات المكتبية بتاعته او نحاول نروح المكتبة او اى طريقة تانية غير النظام اللى شبه الدروس الخصوصية ده
طلبت طلب يا جماعة ضرورى بالله عليكو لو فيه ورق زوؤلجى نزل ياريت حد ينزله عشان انا ع الاخر

انا فاهم يا دكتور
المشكلة اني كنت واخد فيزياء بس عشان خاطر خواص المادة ولزقت فيها باقي الفروع

عشان انا مش فاهمها خالص

وكمان لو تبصي للفيزياء (د/اسامة بقاله 7-8 محاضرات في ch.1 السهل جداااااااا ولسه قدمنا 2 شابتر تقال جدا)
د/علاء (الحمد للله انك محضرتيش اخر محاضرة..ببساطة كنتي حتحتقريه..ده لو مكنتيش محتقراه..ده نوع من الناس اللي متستحقش دكتوراه)

د/الخطيب (بيقعد يشرح يشرح ومفيش اساسا يشرح عليه..ايه التورك وايه تحليل القوة وايه المتجهات كل ده انا معرفوش)

انا حضرت حصة لكل فرع يعني مرة بس .. وقد ايه الناس دول محترمين ومخلصين....وكويسين جدا
وعايزين يعملوا تكثيف ويالا عشان نحل ونعمل قبل الميد ترم وكده

وزي ما قولت وبقول..مش كل اللي معاه دكتوراة ينفع يدرس او يحاضر.. ولا كل اللي اتعين معيد معناه انه قادر على توصيل معلومة ولا يفهم طالب صغير لسه في اول طريقه

المشاركة الأصلية كتبت بواسطة د نبض الامة

بالنسبة للتشريح انا مش عارفه ايه مستوايا فيه اناحافظة النظرى بس مش كله لكن مشكلته محلولة كلها ساعتين يبقى ف التمام اللى منرفذنى انى العملى كنت بشوف الاجهزة كويس الحمد لله وكمان كنت بخلص تشريح اول واحدة ف المعمل لكن انا مش عارفة كله بيقول مكناش بنشوف الاجهزة هو انا يعنى الوحيدة اللى بشوف والناس دى كلها عمى ولا انا اللى كان بيتهيالى انى بشوف وانا مشفتش؟؟؟

العملي كان بيبقى كل واحد ونصيبه. مرة نشوف مرة منشوفش

بس فيه ناس شغلها تمام وبتشوف على طول

فانتي اكيد مادام بتشوفيي الاجهزة يبقى خلاص شوفتيها

مش يمكن بيعملوا مش شايفينها عشان يزوغوا للكيمياء بدري؟؟؟؟؟؟؟؟

[Dr.ahmed91]

مفيش ورق زوولوجي نظري نزل على فكرة.....ده اللي انا عارفه لحد امبارح

ابقي

[فراق]

هوه ايه اللى حصل في محاضرة الدكتور علاء اللى فاتت؟
اصلى لما سألت مجموعة ب وج عن اللى اخدوه قالو قعد يشتم شوية وشرح كده شفوى ولقيت الاربع اجازة والخميس مفهيوش غير الاورجانيك رحت مسافرة عشان اريح نفسي من الدكتور ده خالص بس ع فكرة شرحه كويس جدا بس يلا بقى ربنا يهديه
بس الاورجانيك دخل ف التقيل ولا لسة بيشرح ف الكلام السهل ده اصل الكتاب مش معايا هنا
انا حضرت يوم التلات لدكتور كمال بتاع الاورجانيك لقيته بيشرح ف كلام غريب وحسيت اننا متاخرين اوى