ملتقى طلاب صيدلة الاسكندرية

[mido203]

انا معاك يا دكتور عمور وياريت مش احنا بس اللى يكتب اسامينا كل اللى نعرفة فى الكلية لان بجد الموضوع دة مش بيحصل فى المجمع وعيب لما يحصل عندنا وبجد لو زى ما مكتوب ان دكتور علاء السبب هيفقد حاجات كتير اوى اولها نظرة طلبتة لية لان بجد دكتور الجامعة مطالب انة يحاضر وبس ودة سبب احترام الطلبة لية والمفروض انة يكون بعيد كل البعد عن المشكلات الادارية

[amooor slim]

انهاردة دكتور جمال قالنا ان الامتحان العملى عليه 7 درجات والنظرى 3 درجات والعملى بيطلب منك تشرح جهاز معين وغالبا بيكون من التلاتة الاواخر ولو لقاك ماشى حلو ومش بتعوك يعنى مثبت الضفدعة كويس وماشى فى المطلوب منك صح ممكن يطنش وممكن يسألك على اسم وريد والوريد ده بيتفرع لأيه اما لو كنت بتعوك حيسألك على أى حاجة عضلات اورده انت ونصيبك وبالنسبة للنظرى دائما 2 صح وخطأ كل واحده بنص درجة و2 اختيارات كل واحدة بنص درجة والدرجة الباقية بتبقى اكتب نبذة أو اذكر الوظيفة أو قارن على حسب بس المأكد انه مفيش سؤال فى الرسومات خالص .............. ورفع الكفاءة حتكون 3 ساعات حيشرحوا فيها كل الأجهزة وبعدين حيدوا كل واحد ضفدعة ويطلبوا منه يشرح جهاز معين زى الامتحان وحيوضحوا الامتحان حيجى ازاى وايه اللى نركز عليه 000000000000000 ردا على mido203

[Dr.ahmed91]

المشاركة الأصلية كتبت بواسطة amooor slim

يا ريت يا دكتور أحمد تبقى تكتب شكوى لعميد الكلية وتدخل اسمنا معاك لأن بجد كده مش حينفع خالص ولا انتوا ايه رأيكم يا جماعة

اشمعنى أنا يعني؟؟ بس مش بعيدة عن ربنا

يوم الاحد نبقى نشوف ايه اخر الاخبار

والله العظيم والله العظيم....النهارده قاعد في المحاضرة مش قادر

عاوز اتكلم......عاوز ارد......عاوز اصرخ......

بس بقى.....ايه الكلام ده؟؟؟؟؟؟؟ انت بتقول ايه؟؟؟؟ كرهتني فيك

بس الناس اللي جنبي ربنا يكرمهم بيلحقوني وبيهدوني وقالولي قبل المحاضرة بلاش ترد عليه

ولا تقوله حاجة بدل ما يضايقك.... الراجل ده كلامه مستفز قووووووووي..يارب ارحمني

[Dr.ahmed91]

المشاركة الأصلية كتبت بواسطة amooor slim

انهاردة دكتور جمال قالنا ان الامتحان العملى عليه 7 درجات والنظرى 3 درجات والعملى بيطلب منك تشرح جهاز معين وغالبا بيكون من التلاتة الاواخر ولو لقاك ماشى حلو ومش بتعوك يعنى مثبت الضفدعة كويس وماشى فى المطلوب منك صح ممكن يطنش وممكن يسألك على اسم وريد والوريد ده بيتفرع لأيه اما لو كنت بتعوك حيسألك على أى حاجة عضلات اورده انت ونصيبك وبالنسبة للنظرى دائما 2 صح وخطأ كل واحده بنص درجة و2 اختيارات كل واحدة بنص درجة والدرجة الباقية بتبقى اكتب نبذة أو اذكر الوظيفة أو قارن على حسب بس المأكد انه مفيش سؤال فى الرسومات خالص .............. ورفع الكفاءة حتكون 3 ساعات حيشرحوا فيها كل الأجهزة وبعدين حيدوا كل واحد ضفدعة ويطلبوا منه يشرح جهاز معين زى الامتحان وحيوضحوا الامتحان حيجى ازاى وايه اللى نركز عليه 000000000000000 ردا على mido203

والله انتوا بمكالمة تلفون تخلصوا كل الحوار ده (محمد وعمرو عبر الهاتف)

وهو ده نفس الكلام اللي كنت حقوله

تمام


بس حلوة قوي حكاية العك دي؟؟؟؟؟؟؟؟؟

[amooor slim]

يا دكتور أحمد مش أنت مشرف المجموعة الطبية وبتاخد معانا رفع كفاءة فى الفيزياء ومش بتفهم حاجة فى المحاضرات وعاوز تبقى معيد خلاص يبقى مفيش غيرك وانت بتقول ده مش بعيد عن ربنا يللا يا دوك اتوكل على الله ومتترددش

[Dr.ahmed91]

يا دكتور أحمد مش أنت مشرف المجموعة الطبية

يا بني ... انت شايفني عضو مجلس الشعب عن محرم بك.. انا زي زيكم

وبتاخد معانا رفع كفاءة في الفيزياء

ليه الاحراج ده بس.....

مش عارف انا؟؟؟

احمد بياخد رفع كفاءة........ قلبي ......مش قادر .....ازاي؟؟

ليه كده يا احمد ده انت كنت حاجة كبيرة في نظري....ثكلتك امك؟؟
كل ما حد يعرف ما يصدقش(دي فيزياء بس وراحت خلاص)

(وانتوا عارفين كلام الناس بقى)

ومش بتفهم حاجة فى المحاضرات

مش كل المحاضرات... هيا الاورجانيك وخواص المادة بس

وعاوز تبقى معيد خلاص

مش باين يا عمور... كله بيضيع من قدامي

يبقى مفيش غيرك وانت بتقول ده مش بعيد عن ربنا يللا يا دوك اتوكل على الله ومتترددش

ان شاء الله اشوف الموضوع ده واخر التطورات وربنا يقدم اللي قيه الخير

[Ph.Sameh]

الحمد لله يا شباب أ النهاردة كان معظم الدفعة قاعدة متيسة في محاضر الأورجانيك
و الدوك سيد رمضان تاعب قلبه و بيشرح و بعدين يسأل عشان نكمل وراه يواجه الصمت الرهيب
و الوله اللي قاعد جنبي لقا حد بيسأل قاللي ده فاهم اللي فاهم ده عاوزين نموته نموته و ناخد مخه

[pop creed]

المشاركة الأصلية كتبت بواسطة dr.ahmed91

حلوة المقارنة يا محمد وفعلا لازم المقارنة تبقى في البحث لأن ده اساسا عنوان البحث

وماشي يابتاع المذكرات.... ما انت بتاع قصة مدينتين وتشارلز ديكنز وحاطط صورة هاري بوتر

ملاقيش معاك حاجة لجمال الغيطاني

...l من عينيه يابو حميد هدورلك ......وياريت لو تشوفلنا المحاضرة الاخيرة لعلاء وربنا يستر ع الفيزياء كلها ....

[pop creed]

المشاركة الأصلية كتبت بواسطة mido203

مشكور على هذة المقارنة بس على ما اعتقد انك الوحيد اللى لسة مقدمتش البحث وكمان انا سامع ان فى مقارنة واحد صاحبك عاملها مسمعة فى صيدلة كلها ياريت تجيبهالنا علشان نستفيد

يابنى صاحبى ده نقل المقارنة منى وقدم البحث معايا.....للاسف يا حمادة مسمعتش خالص عتها .....واضح ان سمعى تقيل ...لو تعرف اللى كتبها هاتهالنا عشان نستفيد.........

[فراق]

السلام عليكم
ممكن حد يقول اخدتو ايه ف ال heat و الاورجانيكلانى محضرتش الخميس
وكمان سؤال امتحان الزوؤلجى لحد فين في الورق انا تقريبا قريت لحد صفحة 20 ودا الى احنا اخدناه ولا فيه حاجة تانى؟
والكتاب لحد صفحة 40 لكن فيه صفحتين كده د اسماعيل مشرحهمش

ممكن طلب اخير لو حد جاب ورق حيوان مراجعات يا ريت ينزله لانى سافرت يوم التلات ومكنش فيه ورق نزل
فيه فلاشات فيزيا حلوة اوى ل properities هحاول ان شاء الله انزلهالكو

[فراق]

المشاركة الأصلية كتبت بواسطة Dr.ahmed91

بصي احنا كان عندنا نظريتين

الاولى unit membrane model)sandwiched maodel)

ودي ان غشاء البلازما متحاوط بالبروتين زي السندوتش

النظرية التانية بقى بتاعت fluid mosaic

بتقول ايه؟؟؟؟؟؟

ان تركيب الغشاء فيه طبقة دهون lipid على السطح

تروح جايه بروتينات عايزه تدخل من الغشاء البلازمي

فبيقولك بقى ان بعض البروتينات دي تروح مشدودة للجزء القطبي من الدهون الراس (راجعي رسمة الفوسفو ليبيدز)

وفيه الباقي حيخترق ويعدي زي الرسمة ص28 او تمتد (تطول ) بمسافة الغشاء كلهوتدخل لجوه

وبكده فسرنا مرور المواد دي عبر غشاء البلازما

نيجي بقى للبروتينات اللي اتشدت للسطح القطبي فدي بتفضل بره على سطح الغشاء

طب بتعمل ايه؟؟؟

قالك دي فيها سلاسل سكريات بتدخل في عمليات كتير زي مثلا انها تلزق الخلايا جنب بعضadhesion

وبعد كده انه جنب الphospho lipid دي فيها دهون تانية مع الكربوهيدرات بتكون جليكو ليبيدز

المهم بقى في الكام سطر دول انك تعرفي

1- ان دي النظرية المقبولة لتركيب الغشاء البلازمي
2- ان فيه بروتينات بتعدي زي الرسمة وفيه بروتينات بتفضل بره واعرفي بتعمل ايه؟
3- تعرفي ان فيه قنوات عشان تعدي الايونات وفيه carriers بتدخلهم جوه وكمان فيه مستقبلات من بره
4- تاخدي بالك من الرسمة وترسميها رسم مبسط لامتحان الترم عشان بتيجي فيه رسومات كتير
5- تعرفي ان neutral lipids دي هي cholestrol وغيره ودي بتبقى نفس نسبة الفوسفو وبتسمح للمواد تعدي او ما تعديش وان الغشاء ككل بيبقى ليه قوام زيت الزيتون

الكلام ده جبته منين ؟
دا انا مسافرة من يوم التلات عشان اعرف اذاكر وعمالة اذاكر الورق ابو 5 جنيه ده وكمان الكتاب ومقريتش حاجة من الكلام ده؟

[فراق]

هو امتحان الكيميا العملى ده عليه كام درجة؟
اصلى عكيت عك اصل يومها كان عندى قبلها سكشنين وكنت صايمه وكمان وقعت مرتين ع السلم يعنى كنت بموووووووووووووووووووووووووووووووووت ف الامتحان لدرجة انى طلعت الاسكيم ف العملى وقعدت ادور ع التجارب لكن تقريبا النضارة كانت عطلانة ومشفتش اى حاجة فالملح بتاعى كان بوريت وان عملته فوسفات وكمان عكيت ف النظرى وحاسة انى هسقط

[فراق]

http://www.estwana.com/mobiles.php?a...tmobiles&id=55
يا جماعة ده الرابط اللى عليه فلاشات الفيزيا هتلاقوها في فلاشات منتقاه هى مش علينا كلها لكن فيه قوانين نيوتن والfrictio وحاجات كتير ابقو شوفوها وقولولى رايكو
هى كانت عندى لكن معرفتش انزلها

[Dr.diamond]

الاول حمد الله عالسلامه

الموضوع منور باصحابه

المشاركة الأصلية كتبت بواسطة د نبض الامة

السلام عليكم


ممكن حد يقول اخدتو ايه ف ال heat و الاورجانيكلانى محضرتش الخميس

ممكن تبعا هو احنا نقدر منقولش

خدنا فى الاورجانيك فى التاب لحد صفحه 31

وفى ال heat لحد صفحه 32
وكمان سؤال امتحان الزوؤلجى لحد فين في الورق انا تقريبا قريت لحد صفحة 20 ودا الى احنا اخدناه ولا فيه حاجة تانى؟
والكتاب لحد صفحة 40 لكن فيه صفحتين كده د اسماعيل مشرحهمش

اه تقريبا هو ده بس الى علينا

ممكن طلب اخير لو حد جاب ورق حيوان مراجعات يا ريت ينزله لانى سافرت يوم التلات ومكنش فيه ورق نزل
فيه فلاشات فيزيا حلوة اوى ل properities هحاول ان شاء الله انزلهالكو

المشاركة الأصلية كتبت بواسطة د نبض الامة

الكلام ده جبته منين ؟
دا انا مسافرة من يوم التلات عشان اعرف اذاكر وعمالة اذاكر الورق ابو 5 جنيه ده وكمان الكتاب ومقريتش حاجة من الكلام ده؟

بصى الكلام ده تقريبا كده من المحاضره على شويه من الكتاب والله اعلم

المشاركة الأصلية كتبت بواسطة د نبض الامة

هو امتحان الكيميا العملى ده عليه كام درجة؟
اصلى عكيت عك اصل يومها كان عندى قبلها سكشنين وكنت صايمه وكمان وقعت مرتين ع السلم يعنى كنت بموووووووووووووووووووووووووووووووووت ف الامتحان لدرجة انى طلعت الاسكيم ف العملى وقعدت ادور ع التجارب لكن تقريبا النضارة كانت عطلانة ومشفتش اى حاجة فالملح بتاعى كان بوريت وان عملته فوسفات وكمان عكيت ف النظرى وحاسة انى هسقط

يبنتى ولا يهمك

هو تقريبا النظرى من 10 والعملى من 5 او العكس

بس انا سمعت الدكتور بيقول لواحده ان الامتحان ده ولا ليه اى لازمه وميجيش حاجه فى الامتحان الكبير

[فراق]

انا بقى عندى الضفادع متوفرة وبلاش....................
كان فيه بنوته صغيورة ف شارعنا بتحب تلعب بيهم قولتيلها تعرفي تمسكى ضفدعة قالتلى طبعا اختى الصغيره لسة كانت بتلعب بواحدة امبارح
قولتلها خلاص الاجازة الجاية هجيب معايا الادوات وتمسكيلى واحدة قالتلى ماشى
روحت الاجازة اللى بعدها قالتلى هروح اجيبلك وغابت تلات اربع ساعات وجت قالتلى مش لاقيه اى ضفادع في كل الاراضي الزراعية قولتلها شكرا دول يبقو عملو بيات شتوى
وبعدين رحت عند جدو امبارح لقيت ابن خالى هناك واد صغنتوت بس بيعشق الضفادع قولتله عاوزة ضفادع قالى من اللى بوزها رفيع ولا تخين قولتله اول مرة اعرف ان الضفدع المصري كمان انواع
عموما هات اى حاجة
راح جدو قاله هاتلها من التخين عشان تبقى اوضح راح يدور وجه قالى استنى لحد بليل عشان دلوقتى مفيش تخين هو بس بيطلع بليل قلتله تمام هاتلى رفيع وخلاص
لاقيته جايب تلاتة الواحدة قد حباية الفول كده قولتله لا هات كبير شوية راح جاب كمان تلاتة قد البلحاية كده قولتله حرام عليك اعمل فيهم ايه دول روح وديهم وخلاص بقى
يظهر ان الضفادع ساعة ما تسمع اسمى بتهرب لانى بدوخهم
المهم انا عمرى ما جبت ضفدعة وشرحتها وعندى امتحان يوم الاتنين لانى بكسل اطلع الدور الرابع اصلا يلا بقى هتوكل على الله وادخل الامتحان واللى يحصل يحصل