للرد على اى سؤال او استفسار هنا فقط

[عبيد الرحمن]

المشاركة الأصلية كتبت بواسطة محمد عبد السلام

الرئيسي صحيح
الثانوي خطأ الإجابة (1) وألغي حساب عدد الكم الثانوي من زمااااان

أنا غلطت في الكتابة كنت هكتب 3 علي أساس مجموع الثلاث مستويات

بعد إذنك يا مستر ازاي واحد عشان بس أكون فاهم

[احمد هشام المراكبى]

والله انا عارفه بس عنوانى بحطها علشان استفيد منكم فى الى انا متشكك فيه
بس اوعدك العنواين حتكون فى موضعها بعد كده

[د / الشيماء]

المشاركة الأصلية كتبت بواسطة twilight2011

بصراحة يا شيماء حل عبقري انا منتظر منك الدرجة النهائية فى الكيمياء

ميرسى يا محمود

اتمنى كدا احسن انا مش متفائلة خاااااااااااالص
باجى فى الهايفة واتصدر ...
ربنا يستر دعواتك ..

[chemosaudi]

شكرا مقدما
ونحن فى الانتظار

[MoHaMeD EgY]

المشاركة الأصلية كتبت بواسطة rody94

اذا كان فى العناصر الانتقالية -------> لوجود الكترونات مفردة فى المستوى الفرعى (3d) تستخدم فى تكوين روابط بين الجزيئات المتفاعلة و ذرات سطح الفلز مما يؤدى الى تركيز المتفاعلات على سطح الفلز فتزداد سرعة التفاعل

الاجابه دى غلط
عناصر الاقلاء مش بتمر على المستوى الفرعى d اصلا

[Twilight2011]

ان شاء الله يا شيماء وربنا يوفقنا كلنا .... ونجيب المجاميع اللى احنا عاوزينها هههه
المهم تحلي على مهلك وبلاش الثقة الزائدة والاستعجال ....

[احمد هشام المراكبى]

المشاركة الأصلية كتبت بواسطة keen_wwe55

علي فكرة ممكن يكون مش صعب لينا احنا ولكن بالنسبة ليك صعب و لازم مش تتكسف و انت بتسأل

يا باشا
الى انت مش واخد باله الى خايف على درجة 50 فى الكيمياء
بيحط اى حاجه هو مش واخد باله منها او متشكك فيها
وانا الحمد لله اى سؤال حس انى ممكن اغلط فيه بتجنب هذا الشك وبأضعه ومنه استفيد ومنه انكم تأكده المعلومه
كانها مراجعه ليكم

بس انا عمرى مبتكسف من سؤال ولا صعب ولا سهل وياريت تكون وصلت

[Twilight2011]

المشاركة الأصلية كتبت بواسطة عبيد الرحمن

ممكن نقول إن إضافة هيدروكسيد الصوديوم هيتفاعل مع الحمض و هيقلل تركيزه و التفاعل يسير في الاتجاه العكسي

الإجابة غلط ؟؟

انا اول ما شفت السؤال حليته زي ما انت قلت كده يا عبيد الرحمن

بس المستر قاللى انه مش قاصد هنا بيها كده ..... بس انا شايف انها صح لأننا واخدين فى الكيمياء العضوية تفاعل التعادل بين حمض الأسيتيك والصودا الكاوية

صحيح يا مستر محمد ممكن نعرف نموذج الإجابة كان بيقول ايه فى السؤال ده ؟؟؟؟!!!!!

[احمد هشام المراكبى]

ومتنشاس لو استهيفت بأى سؤال فى الكيمياء محيكوش ليك 50 فى الكيمياء
وياريت يا اخواتى متنسوش انت الطلبه المتميزه مش بتغلط الا فى السهل

[MoHaMeD EgY]

يا keen_wwe55 انا عارف ان الاجابه ناقصه بس هو اكيد عارف الاكسده والاختزال انا حبيت اوضحلو المعلومه بس
ومتحسسنيش ان بجاوب فى الامتحان :D

[د / الشيماء]

انا مش بثق فى نفسى خااااااااااالص

وبغلط كتيــــــــــــر

[elkaiser]

علل : تحول الغلاف الجوى للارض من غلاف مختزل الى غلاف مؤكسد

[احمد هشام المراكبى]

بسم الله الرحمن الرحيم
معلشى حعطلك 5 دقايق

مفيش حاجة اسمها سؤال صعب كل ما فى الامر ان الطالب لما بيقرا السؤال بيفكر فى ان السؤال مر عليه ام لا ودا مش صح لكن الصح ان تفكر فى معنى السؤال وماذا يريد وتفكر فى الاجابة وليس فى ان السؤال صعب ام سهل او مر عليك او لم يمر عليك
تجربة مع طلا ب كثيريين فى اسئلة مميزة انهم يجيبو عليها عندما يقال لهم فكرو واعطو اجابة فغالبا الاجابات تكون صحيحة
__________________
اخفى الله عنا الغيب لنجتهد ونسعى ووعدنا بانه لا يضيع اجر المحسنين عملا

وخذ هذه التوجهات هديه ليكم عثرت عليه وعجبتنى جدا : - قبل فوات الاوان

أولا عند مذاكرة الكيمياء يجب معرفة التالى :
1- مذاكرة الباب أولا بأول بتركيز جيد من الكتاب المدرسى
2- مراجعة الباب فى مذكرة أستاذ المادة
3- حل أسئلة كتاب المدرسة ثم حل أسئلة دليل تقويم الطالب على هذا الباب
4- عند مذاكرة المعادلات الرمزية يجب حفظها موزونة
5- اذا وجد سؤال تعليل به معادلة رمزية يجب كتابة هذه المعادلة
5- تحويلات الكيمياء العضوية يجب كتابة شروط التفاعل على السهم
6- يجب التأكيد على رسم أجهزة تحضير ( غاز النشادر - حمض النيتريك - غاز الميثان - غاز الايثيلين - غاز الايثاين
7- يجب المراجعة المستمرة لأبواب المنهج التى تم مذاكرتها
8- عند الانتهاء من مذاكرة المنهج يتم حل امتحانات الجمهورية تحريريا وليس شفويا
9- تطلب من مدرس المادة تصحيحها ومتابعة الأخطاء الواردة ومعرفة نصائحه
10- تأكد أن الخوف من المادة يتيح لك مذاكرتها دائما ومن ثم يتحقق التفوق
نفعنا الله واياكم بما هو خير مع خالص تمنياتى لكم بدوام النجاح والتوفيق
منقول

[عبيد الرحمن]

أنا أصلاً مش فاهم إجابتك أوي

يعني أيون الهيدروكسيل هيتفاعل مع الهيدرنيوم فتركيزه يقل ؟؟؟؟

و لا أيون الهيدروكسيل هيتفاعل مع الهيدروجين و يكون ماء فيقلل تركيز الماء ؟؟؟

أنا بجد كنت مقتنع بالإجابة دي من يوم ما أخدناها في الباب السابع فمتلخبط شوية لأني ذاكرتها كذا مرة بنفس الإجابة

[د / الشيماء]

المشاركة الأصلية كتبت بواسطة twilight2011

انا اول ما شفت السؤال حليته زي ما انت قلت كده يا عبيد الرحمن

بس المستر قاللى انه مش قاصد هنا بيها كده ..... بس انا شايف انها صح لأننا واخدين فى الكيمياء العضوية تفاعل التعادل بين حمض الأسيتيك والصودا الكاوية

صحيح يا مستر محمد ممكن نعرف نموذج الإجابة كان بيقول ايه فى السؤال ده ؟؟؟؟!!!!!

مش هينفع نقول ان هيدروكسيد الصوديوم يتفاعل مع حمض الاستيك
لان هيوكسيدالصوديوم قلوى قوى بينما ح الاستيك ضعيف فتفعاله معاه هيكون بطئ
اما يدروكسيد الصوديوم اول ما نضيفه هيتفكك وتتحد ايونات الهيدروكسيل مع ايونات الهيدروجين ويتكون الماء ....

ومستر محمد يبقى يوضح اكتر