ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة محمود المصري 2010

لو سمحت يا دكتور عبد الرحمن أرجو الإفادة :
أنا دلوقتي دخلت علي موقع الأكاديمية ولقيتهم حطين أسامي جديدة وفعلاً الناس إلي من حقوق وحصل علي دبلومتين بالشروط إلي قولت لحضرتك عليها إسمه مكتوب ومكتوب قصاده حاصل علي ماجستير كويس ؟ لأ مش كويسل.
الأن لسؤال دلوقتي أنا حاصل علي ماجستير + ترتيبي 16 علي الدفعة
حضرتك قولت إن الحاصل علي ما جستير أو دكتوراه لن يتم تعيينه إذا كان شغال في الحكومة وللأسف أنا شغال معلم مساعد دلوقتي
فهل يا تري أنا دلوقتي خرجت بره التعيين كحاصل علي ماجستير وبالتالي بردوا بره التعيين علي اعتبار اني من الأوائل
لأن فيه ناس أعرفها واخده معايا ماجستير بس إسمها مش مكتوب واحد فيهم شغال في النيابة والثاني شغال معلم مساعد معايا .
وللأسف أنا لسه معرفشي هيحطوا إسمي فيهم ولا لأه لأنهم وصلوا لحد حرف ال ( س ) وأنا حرف الميم لسه موصولوش ليه .
يعني باختصار علشان مطولشي علي حضرتك كوني شغال في الحكومة يعوق تعييني كحاصل علي ماجستير ومن الأوائل ولا يعوق تعييني كحاصل علي ماجستير فقط
أرجو الرد وشكراً جزيلاً لحضرتك

لأ متقلقش خالص .. أنا قصدي استبعاد الحاصلين على الماجستير والدكتوراة من الدفعات الأقدم من 2003 ومتعينين فعلا .. لكن انت هتلاقي اسمك هنا وهنا ان شاء الله .. مع الأوائل .. ومع الحاصلين على الماجستير متقلقش ..

ثانيا يا حبيبي معلم مساعد يعني مش مؤمن عليك .. يعني انت مش تبع الحكومة واسأل في التأمينات ..

[د.عبدالرحمن المنياوي]

المشاركة الأصلية كتبت بواسطة boskovice

بارك الله فيك يا دكتور وربنا يوفقك بجد انت تعبان معانا فى الموضوع دة جداااااااااا

جزاك الله خير

عاوز رايك اروح اشتغل خاص ويتامن عليا لان الواحد اتخنق بجد ولا نستنى ؟ انا خريج 2010

أصبر واستريح شوية .. بكرة هتتعب من كتر الشغل ..

[ياسمين سلامة]

السلام عليكم ورحمة الله وبركاته
جزاك الله كل خير يا دكتور عبد الرحمن
ربنا يجعل كل حرف بتكتبه وبتريحنا بيه في ميزان حسناتك

شكرا جدااااااااااااااااا عالتعب اللي بتتعبه معانا

[احمد محمد عبد المجيد]

يعنى المعلم المساعد مش على درجة ؟؟؟؟؟؟؟؟؟

[د.عبدالرحمن المنياوي]

المشاركة الأصلية كتبت بواسطة ياسمين سلامة

السلام عليكم ورحمة الله وبركاته
جزاك الله كل خير يا دكتور عبد الرحمن
ربنا يجعل كل حرف بتكتبه وبتريحنا بيه في ميزان حسناتك

شكرا جدااااااااااااااااا عالتعب اللي بتتعبه معانا

أكتر حاجة بتسعدني إني أشوف حد في كل الزحمة ده يدعيلي واحس ان ده من قلبه ..

واللي يسعدني أكتر .. دعوة عن ظهر الغيب .. في قيام الليل ...

[ام رهف]

المشاركة الأصلية كتبت بواسطة ramy gama

السلام عليكم دكتور عبد الرحمن ؟؟؟

أنا معنتش فاهم حاجه وكل ما أسأل أتوه؟؟ لو سمحت بعد إذن سيادتك كان لي إستفسار؟؟

انا خريج كلية التربيه شعبة التربيه الرياضيه جامعة الأزهر 2007 وحاصل علي جيد جدا مع مرتبة الشرف تراكمي 84.35% والأول علي دفعتي طوال الأربع سنوات....ولم يشأ الله لي التعيين عندما قورنت ظلما بأول 2006 الذي تم إحتساب تقديره علي أساس السنه النهائيه فقط وتم تعيينه............ذهبت من فتره للكليه ووجدت إسمي الأول في الحصر لدفعتي؟؟

السؤال يادكتور؟؟؟؟؟ هل في فعلا آمل إن إحنا هنتعين معيدين ولا إيه عشان الصدمه كفايه اللي فاااااااااااااات حراااااااااااااااااام عليهم

متهيألي كده هتتعين معيد .. بس الرد في الأزهر للأخت أم رهف .. هي الأدرى مني ..

احسنت دكتور عبد الرحمن

ان شاء الله يادكتور رامى يكون ليك نصيب في التعيين معيد لانك الاول والحصر الاخير يشترط عدم المقارنة بين الدفعات ولا بين الاصول والفروع
بس ياريت توصل كليتك وتتأكد ان اسمك مع الاسماء اللي سافرت لان الموظفين بقا انت عارفهم
بالتوفيق ان شاء الله وماتنساش الشربااااااات

[معتز عبدالكريم]

المشاركة الأصلية كتبت بواسطة د.عبدالرحمن المنياوي

يا أستاذ معتز صدر قرار وزاري بالتعيين .. والقرار الوزاري لا يلغيه إلا قرار وزاري .. ولازم ياخد موافقة مجلس الشعب على الإلغاء ..

والله يا جماعة فيه تعيين انتم مش بتكلموا مدير مدرسة قال كلمة .. ده مجلس الوزراء قرر والمجلس العسكري اعتمد القرار .. نصبر على التنفيذ ده احنا في يونيو .. وعلى فكرة مش لازم القرار يبقى قبل اول يوليو يا إما مفيش .. التعيين مالوش دعوة بالميزانية الجديدة .. احنا كده كده اتعمل حسابكم فيها والدرجات المالية متوفرة بس يوم الحكومة طويل شوية علششان الإجراءات ..

وجهة نظري ان التعيينات والناس تمضي في أماكنها قبل نهاية أغسطس ..

والله يبقى ان شاء الله خير لو التعيين هيكون فى الوقت ده وحابب أسألك يادكتور عن واحد اسمه د/ابراهيم يوسف :باحث بأكاديمية البحث العلمى والتكنولوجى
وكانوا مستضيفينوا فى قناة المناره وانا هبعتلك الرابط واسمع الحوار
وعايز اعرف رايك انت ايه فى الموضوع ده
واسم المقطعيين
1*برنامج مقترح لتعيين طلاب المنح والعشريين الاوائل
2*الخلاصه فى تعيين العشريين الاوائل

[خليل المسيرى]

أحمد عامر : ahmedamer111 ***********
بخصوص جامعة الأزهر
ستيم تعيين الأول والثانى على كل قسم وشعبه هذا بخلاف قرار تعيين العشرين الأوائل
أما بالنسبة شرط الحصول على مرتبة شرف أو من عدمه ووجود أول بمرتبة ثم الثانى بغير مرتبه فا النسبه المئوية هى التى سوف تحدد المراكز مع الوضع فى الاعتبار سنة التخرج من 2002 : 2006 تراكمى ومن سنة 2007 : 2010 غير تراكمى
وهذا القرار موجود فى ادارة الجامعة والمرسل من مجلس الوزارء وعموما انا سألت فى كلية التربية بالقاهرة وهذا ما حصل أما بخصوص التعيين فهم ليى لهم دخل فقط عملهم يقتضى ارسال وحصر الأوائل والحاصلين على مرتبة شرف فى حدود ( الأول والثانى و العشرين الأوائل على مستوى الكلية ) وللعمل أن جامعة الأزهر فى عام 2005 قامت وفى بعض الأعوام بعدها تم تكليف بها فى بعض الأقسام وبتالى سيتم استثناء ذلك لذا موضوع الأوائل عباره عن دائره فالنسبة للتعين ومكانه ليس قرار الجامعه بنفسها ويجب الذهاب الى ادارة الشئون للخرجين بنفسك حيث أن هناك اسماء بالفعل تنسى وكنت واحد منهم وتم عمل خطابات رسميه أمامى للبعض حيث انهم اعلى وسقطوا فى الارسا ل

[خليل المسيرى]

اسف من 2002 : 2006 السنه النهائية غير تراكمى ومن 2007 : 2010 تراكمى

[بحراوية من دمنهور]

المشاركة الأصلية كتبت بواسطة خليل المسيرى

اسف من 2002 : 2006 السنه النهائية غير تراكمى ومن 2007 : 2010 تراكمى

شكرا يا استاذ خليل على التوضيح وعندى سؤال اذا امكن


لي قريب خريج شريعة وقانون جامعة الازهر لسنة 2006 وترتيبه ال12 على الدفعة فهل فعلا هيكون من الاوائل اللى حيتم تعيينهم ولا لا ؟؟ ارجو الافادة

[boskovice]

المشاركة الأصلية كتبت بواسطة د.عبدالرحمن المنياوي

أصبر واستريح شوية .. بكرة هتتعب من كتر الشغل ..

عندك حق يا دكتور لازم الواحد يستريح شوية انا قولت كدة بردك هههههههه


اسئل مجرب ومتسألش حلاق ههههههه


بارك الله فيك يا دكتور وعقبال ما تعلى مكانتك لعميد كلية ان شاء الله


وتصلح الحال البايظ فى الجامعات دة


بس اوعى تنسانا بقا ههههههه

بكيلو برتقال ولا حاجة

[خليل المسيرى]

ي قريب خريج شريعة وقانون جامعة الازهر لسنة 2006 وترتيبه ال12 على الدفعة فهل فعلا هيكون من الاوائل اللى حيتم تعيينهم ولا لا ؟؟ ارجو الافادة

اخى الكريم هناك مجموعة قرارات تم صدورهم بالنسبة لجامعة الأزهر وهم وبجد لأيهما سيتم تنفيذه الله اعلم لأن كل ذلك متوقف على الجدية فى التنفيذ وبصراحه خلى أملك فى الله كبير ولو انت شايف لك الحق ابحث عنه وأسئل فى الكليه وفى ادارة الجامعة وتابع الأخبار .........................
لأن التضارب بين الأخر كبير أولا عمل حصر لجميع الحاصلين على مرتبة شرف ثم العشرين الأوائل على الكلية ثم آخر قرار الأول والثانى على كل قسم وشعبه
أما بالنسبة أمكان التعيين فلا أحد يعرف وذلك متوقف على الأمكان المتاحه والتوزيع وخلافه وعلى العموم اذهب للكلية وشوف اسمك ضمن الأسماء النمرسله او لا

[Mrs/Marwa]

ياريت يا جماعه حد يفدني دخلت على الموقع واوائل 2007 مش نزلين ؟اروح فين علشان استفسر

[Mrs/Marwa]

د//عبد البرحمن
انا خريجه تربيه عام قسم لغه انجليزيه والعاشره على القسم .ونسبتي 84.5% .ودخلت على موقع الاكاديميه البحث العلمي ولم اجد كشف بأوائل دفعه 2007.
اتمنى ان تعطيني الخطوات اللي امشي عليها؟
انار الله لك ولنا خطانا

[boskovice]

المشاركة الأصلية كتبت بواسطة mrs/marwa

ياريت يا جماعه حد يفدني دخلت على الموقع واوائل 2007 مش نزلين ؟اروح فين علشان استفسر

انزلى الكلية بتاعتك وشوفى اذا كان اسمك من العشرين الاوائل او لا

لو موجود مش تقلقى يبقا انتى من ضمن التعينات

وسيبك من موقع الاكاديمية دة لان الكشوفات مش كاملة ناقصة حاليا

ان شاء الله خير