جروب 3 ثانوى ( علمى علوم )

[amothman123]

المشاركة الأصلية كتبت بواسطة Trust in Allah

يا ريت الحل بسرعة يا جماعة
سقط فوتون طاقته 2ev ..علي مهبط خلية كهروضوئية فانطلق الكترون بطاقة 6ev ..واذا سقط فوتون اخر علي نفس الخلية وطاقته 4ev .. (ينطلق الكترون بدون طاقة حركة * ينطلق وطاقة حركته 8ev * لا ينطلق الكترون )
اختر

تقريباً ينطلق و طاقة حركته 8ev
الخيار الوحيد المنطقى إذا كان دة سقط و اطلق إليكترون
يبقى الى هايسقط بطاقة أعلى منه اكيد يعنى هايطلع هو كمان و معاه طاقة حركة
من غير حسابات ولا حاجة

[Toqa Taha]

المشاركة الأصلية كتبت بواسطة amothman123

الماسى بيخرف جامد أوى فى إجابات كتيرة على فكرة
ماتخدش أى كتاب مصدر ثقة من ناحية الإجابات .. دة رأيى
و بخصوص المراجعة لما تخلص بدرى و تدى لنفسك وقت اكبر دة يتيح لك التعرف على عدد أكبر من الأسئلة بمختلف أنواعها و بالتالى يكون اغلب الامتحان لك معروف و غير غريب
ثم إن المنهج مش بالطول البشع الى يخليه يخلص أول شهر 4 .. لا الأحياء ولا الفيزياء بأمانة يعنى ! كتيرهم أوى نص 3 دة لو كانت البداية متأخر

عندك حق انا فعلا لاحظت التخريف ده...
بس انا هاخد الامتحانات بس لان مفيش مصدر تانى انا اعرفه شامل الامتحانات كلها

[عبدالخالق حمدى سلامة]

المشاركة الأصلية كتبت بواسطة toqa taha

طيب انا مش المشكلة عندى ف المذاكرة ولا الحفظ او الفهم الحمد لله لانى ماشية بمبدا التكرار واللى مش مفهوم دلوقتى يتفهم بعدين بس اهم حاجة الخطوة الاولى المشكلة عندى ف الزهق المفاجئ اللى بيجى بدون اى مبررات والنفور م المذاكرة والمشكلة كمان انى مش حاسة بنفسى مش عارفة اذا كنت هجيب حاجة السنة دى ولا لا هفرح اهلى ولا لا هفرح نفسى ولا لا ومش قادرة اثبت خالص

دى مش مشكلة ده طبيعى الطالب اللى مابيزهكش من المذاكرة طالب غير طبيعى بس هو الفرق انى المتفوق بيقنع نفسه انه لسة قدامه شوية وقت حاولى انك ترفهى عن نفسك بس مش لدرجة الترفيه المعتاد
الحل قراءة بعض سور القراءن والبدء بالدعاء لله وصدقينى اللى بيقول انا فاشل ده مش فاشل ده ناجح بس فى تحقيق الفشل بمعنى العقل يستجيب للأمر إذا اقنعتى نفسك بأن لاشىء مستحيل وان عقلك مازال يمكنه استقبال المزيد من المعلومات ستتقبلين المعلومات بسهولة لأن العقل يترجم كلامك الا افعال واحاسيس واقنعى نفسك انك هتجيبى مجموع بإذن الله ودى مشيئة ولو نجحتى انتى هتفرحى الكل وهتردى تعب والديكى

[(بالقرآن نحيا )]

يا جماعة انا محتاجة اجابة نماذج الوزاة في الاحياء ضروري بجد وخاصة dna

[(بالقرآن نحيا )]

المشاركة الأصلية كتبت بواسطة amothman123

تقريباً ينطلق و طاقة حركته 8ev
الخيار الوحيد المنطقى إذا كان دة سقط و اطلق إليكترون
يبقى الى هايسقط بطاقة أعلى منه اكيد يعنى هايطلع هو كمان و معاه طاقة حركة
من غير حسابات ولا حاجة

انا كمان فكرت نفس التفكير دا بالظبط

[amothman123]

المشاركة الأصلية كتبت بواسطة trust in allah

يا جماعة انا محتاجة اجابة نماذج الوزاة في الاحياء ضروري بجد وخاصة dna

دليل التقويم لازم تحليه مع مدرس لأنه مالوش إجابات للأسف
احنا المدرس كان بيعملنا نموذج إجابة لكل فصل

[(بالقرآن نحيا )]

المشاركة الأصلية كتبت بواسطة amothman123

دليل التقويم لازم تحليه مع مدرس لأنه مالوش إجابات للأسف
احنا المدرس كان بيعملنا نموذج إجابة لكل فصل

طب ما ينفعش تنزلي اجابات ال DNa حتي
لاني محتاجاه اوووووووووووووووي

[amothman123]

المشاركة الأصلية كتبت بواسطة Trust in Allah

طب ما ينفعش تنزلي اجابات ال DNa حتي
لاني محتاجاه اوووووووووووووووي

مع الأسف كل ورق السنين الى فاتت دى تخلصت منهم خلاص
بس على ما اتذكر الأسئلة الرخمة فيه ماكنتش كتيرة
الى فاكره من الأسئلة الرخمة أغلبها فى الاختيار من متعدد
الى بيقرأ لغة الأحماض النووية و النيكلوتيد هو الـ tRna على فكرة لو كان محيرك يعنى
فى سؤال تانى كانت اجابته ( أكثر من 900 ) و السؤال التانى بتاع بروتين فيه 50 حمض نووى من 15 نوع يبقى عدد tRna اللازم هو 15 لأن كل tRNA يقابله نوع معين من الأحماض النووية

[(بالقرآن نحيا )]

المشاركة الأصلية كتبت بواسطة amothman123

مع الأسف كل ورق السنين الى فاتت دى تخلصت منهم خلاص
بس على ما اتذكر الأسئلة الرخمة فيه ماكنتش كتيرة
الى فاكره من الأسئلة الرخمة أغلبها فى الاختيار من متعدد
الى بيقرأ لغة الأحماض النووية و النيكلوتيد هو الـ tRna على فكرة لو كان محيرك يعنى
فى سؤال تانى كانت اجابته ( أكثر من 900 ) و السؤال التانى بتاع بروتين فيه 50 حمض نووى من 15 نوع يبقى عدد tRna اللازم هو 15 لأن كل tRNA يقابله نوع معين من الأحماض النووية

اوك
الف شكر

[نجم الغربية]

انا عندى مشكلة فى الفيزياء مش عارف اذكرها وعاوز حد يشرحها لى اعمل ايه من فضلكم

[shymaa mouhamed shoman]

لو سمحتم انا سمعت انهم هيجيبوا اسئلة للمتفوقين فى امتحان الفيزيا حد سمع حاجة عن الموضوع ده وهل هى مجرد اسئلة للفهم زى المعتاد ولا فوق الممتاز ولا ايه لان فى واحدة زملتى بس مش فى نفس المدرسة بتقول انهم مضوا على تقرير فىه الكلام ده
وانا حاسة ان ممكن يجيبوا من اسئلة الاولمبياد زى سنة 2008 فهل ده ممكن
اصل انا مش عارفة اوصل للاسئلة الجديدة
ارجو ان حد يرد

[(بالقرآن نحيا )]

المشاركة الأصلية كتبت بواسطة shosho shoman

لو سمحتم انا سمعت انهم هيجيبوا اسئلة للمتفوقين فى امتحان الفيزيا حد سمع حاجة عن الموضوع ده وهل هى مجرد اسئلة للفهم زى المعتاد ولا فوق الممتاز ولا ايه لان فى واحدة زملتى بس مش فى نفس المدرسة بتقول انهم مضوا على تقرير فىه الكلام ده
وانا حاسة ان ممكن يجيبوا من اسئلة الاولمبياد زى سنة 2008 فهل ده ممكن
اصل انا مش عارفة اوصل للاسئلة الجديدة
ارجو ان حد يرد

بصراحة اول مرة ا سمع عن الكلام دا

[ahmed khalid yehya]

المشاركة الأصلية كتبت بواسطة trust in allah

يا جماعة انا محتاجة اجابة نماذج الوزاة في الاحياء ضروري بجد وخاصة dna

احنا حلينا مع الاستاذ الdna و تقريبا 70% من الاسئلة مباشرة و الباقي محتاج شوية تفكير ممكن تقوليلنا رقم الاسئلة او تكتبي الاسئلة و احاول انزل اجابتها بأذن الله

[(بالقرآن نحيا )]

المشاركة الأصلية كتبت بواسطة ahmed khalid yehya

احنا حلينا مع الاستاذ الdna و تقريبا 70% من الاسئلة مباشرة و الباقي محتاج شوية تفكير ممكن تقوليلنا رقم الاسئلة او تكتبي الاسئلة و احاول انزل اجابتها بأذن الله

lماشي ان شاء الله هشوف الاسئلة اللي مش عارفها وهقولكوا عليها
الف شكر اخي في الله
جزاكم الله خيرااااااااااااا

[ahmed ali12345]

السلام عليكم
انا قربت اتعفرت من سؤال dna بتاع الشريط الناسخ والمكمل
عارف ان فى الناسخ ال t بيبقى u وكله ينزل
والمكمل t بيبقى a وكل حاجة بنجيب عكسها
بس مش عرف بنعكس الشريط 3 يبقى 5 وخمسة يبقى 3 فى الناسخ ولا المكمل
لان فى كتاب الامتحان مراجعة نهائية عاملها عكس كتاب الامتحان اسئلة والاسئلة حتى مرة يعملها كده ومرة كده
يعنى المشكلة باختصار هى مشكلة عكس الشريط