ايه اخبار تعيين أوائل الكليات ياجماعة؟

[ramy gama]

السلام عليكم دكتور عبد الرحمن ؟؟؟

أنا معنتش فاهم حاجه وكل ما أسأل أتوه؟؟ لو سمحت بعد إذن سيادتك كان لي إستفسار؟؟

انا خريج كلية التربيه شعبة التربيه الرياضيه جامعة الأزهر 2007 وحاصل علي جيد جدا مع مرتبة الشرف تراكمي 84.35% والأول علي دفعتي طوال الأربع سنوات....ولم يشأ الله لي التعيين عندما قورنت ظلما بأول 2006 الذي تم إحتساب تقديره علي أساس السنه النهائيه فقط وتم تعيينه............ذهبت من فتره للكليه ووجدت إسمي الأول في الحصر لدفعتي؟؟

السؤال يادكتور؟؟؟؟؟ هل في فعلا آمل إن إحنا هنتعين معيدين ولا إيه عشان الصدمه كفايه اللي فاااااااااااااات حراااااااااااااااااام عليهم

[boskovice]

المشاركة الأصلية كتبت بواسطة hazem ali

ما مصدر هذا الخبر لو سمحتم افادكم الله

دة موضوع انا قرأتة فى احدى الصحف من المغرب تقريبا

ودة نصة


قال الدكتور ماجد الشربينى الذى طلب حضور الباحثين للقاعة للقائهم إنه لا رجعة عن تعيين الحاصلين على الماجستير والدكتوراه والأوائل، مضيفا أن كل ملفات الأوائل والحاصلين على الماجستير والدكتوراه والمنح تم إرسالها إلى الجهاز المركزى للتنظيم والإدارة، حيث ستتكفل بإعلان شامل حسب قواعد واضحة ومحددة فى غضون شهر أو شهر ونصف.

وأكد الشربينى أن دور الوزارة انتهى عند إرسال الملفات والأماكن المتوفرة بالجامعات والمراكز البحثية والهيئات، وحصر الأماكن الخالية فى الوزارات والمؤسسات، وأن "التنظيم والإدارة" طبقا لقرار مجلس الوزراء هو المسئول فى إعلانات الوظائف بحيث لن يكون هناك تدخل من الوزارة إلا فنيا فقط، ولن يكون هناك تدخل فى الاختيار أو التعيين.

وأشار الشربينى فى لقائه مع المتظاهرين الذى تخللته بعض الاعتراضات أنه لا مجال للتراجع نهائيا عن التعيين، وأن الجميع عليه الانتظار لحين صدور إعلان الوظائف المتوفرة، لافتا إلى أن هناك بعض الأوائل الذين لم يتم حصرهم، يحق لهم التقديم فى الإعلانات.

وكشف الشربينى عن أن البدء بتعيين الأوائل فى دفع 2009 و2010 طبقا للقانون، ويبلغ عددهم نحو 250 خريجا، وأن نحو 2500 خريج من الأوائل فى الأعوام الماضية سيتم أيضا تعيينهم عن طريق الإعلان.

وأضاف الشربينى أن 2500 من الحاصلين على المنح والماجستير والدكتوراه سيتم أيضا تعيينهم فى الجامعات والمراكز البحثية عن طريق الإعلان، بينما سيتم تعيين 7500 فى المصانع، وباقى الأوائل والحاصلين على المنح والماجستير والدكتوراه سيتم تعيينهم فى بعض الوزارات التى تحتاج تخصصاتهم، ومن سيتبقى سيتم تعيينه فى الكادر العام فى الوزرات المختلفة

[amralaraby]

المشاركة الأصلية كتبت بواسطة د.عبدالرحمن المنياوي

لأ بالعدد .. يعني أول 20 واحد بعد اللي اتعين معيد .. مش مهم بقى ممكن يكونوا كلهم ترتيبهم لغاية الخامس بس .. لأنهم مكررين .. الأصل إن فيه 0 درجة مالية متوفرة فقط هياخدها عشرين واحد ..

يادكتور عبدالرحمن ازاى الكلام ده مش المفروض الاكاديمية تلتزم ببيان الكلية ............ ولو مثلا فيه خمس افراد حاصلين على المركز ال20 بنفس الدرجات على اى اساس هايتم التفضيل بينهم ؟ بالاضافة الى ان معظم العشرين اتعينوا فى هيئات قضائية لن يتبقى سوى عدد قليل وانا منهم .

ارجو الرد

[د.عبدالرحمن المنياوي]

المشاركة الأصلية كتبت بواسطة شريف الصعيدى 22

دكتور عبد الرحمن ازى حضرتك ياغالى
انا حضرتك قابلت المحافظة يوم الخميس اللى فات
بس بصراحه كلمة حق تقال الناس هناك على اعلى مستوى
ترتيب ونظام وتناسق كل حاجه حلوه
المهم لما قابلت سعادته قعدت دقتين كده يقرى الطلب بتاعى
وبعد كده قالى خير يابنى اتفضل
حكيتله باه مشكلتى واول مااولتله طبقا لقرار وزير التعليم العالى
بتعيين اوائل الخريجين قالى يباه يابنى المفروض نخاطب باه وزير التعليم العالى
المهم وأشر ع الطلب وقال يرفع الامر للسيد معالى الوزير لابداء الرأى
المهم باه اخدت الطلب وطلعت ع الموظف بتاع خدمة المواطنين
لان اى طلب الوزير بيأشر عليه بيروح صاحب الطلبه ده تحت خدمة المواطنين
علشان يعمله جواب حسب الطلب وتاشيره الوزير
طبعا انا كنت الطلب الوحيد بتاعى اللى هيقدم او المحافظ بيخاطب فيه وزير
علشان كده طلعونى فوق تانى للموظف اللى ماسك الاعمال الاداريه فى مكتب
معالى المحافظ شخصيا وليس لوظف خدمة المواطنين مثل البقية
المهم قالى عدى عليا باه الاسبوع الجاى علشان تاخد منى
صورة من الطلب اللى هبعته للوزير
بصراحه الموظف ده محترم جدااااااااا وقالى يابنى ده حقك ومتسكتش عليه
زى حضرتك مااولتلى بالظبط
قالى المفروض تتساوى بزمايلك خريجى 2007 ومابعدها
المهم انا كنت فى طنطا يوم السبت اللى فات
وعديت على مكتنب استشارات قانونيه وقضائية
المهم قابلت محامى هناك قالى يابنى المحاكم حبالها طويله ومعرفش ايه
قالى انا ابن عمى هوه اللى ماسك مدير ادارة شئون الطلاب فى جامعة طنطا
واخدت منى بياناتى وقالى انا هاحاول اححلك مشكلتك من غير محاكم ولا حاجه
قالى اروحله كمان اسبوع يامسهل
ادعيلى يادكتورنا العزيز
انا كده ماشى صح يادكتور ولا حضرتك تفضل اى اعمل حاجه تانيه

انت كده تمام وربنا يوفقك تابع ورا حقك وربنا هيفتحلك السكك يا شريف ..

[د.عبدالرحمن المنياوي]

المشاركة الأصلية كتبت بواسطة معتز عبدالكريم

هسألك سؤال يا دكتور عبدالرحمن ومن خلال خبرتك عايز اعرف اجابته منك انت وبس
انت تتوقع انهم يعينوا الاوائل دول خلال قد ايه بالظبط ؟؟؟؟
علما بان هناك انتخابات مجلسى الشعب والشورى وانتخابات رئاسه يعنى لو محصلش تعيين قبل كده يبقى احنا هننتظر لغاية ما بعد الدربكه دى كلها تخلص
كلام مظبوط والا ايه رايك

يا أستاذ معتز صدر قرار وزاري بالتعيين .. والقرار الوزاري لا يلغيه إلا قرار وزاري .. ولازم ياخد موافقة مجلس الشعب على الإلغاء ..

والله يا جماعة فيه تعيين انتم مش بتكلموا مدير مدرسة قال كلمة .. ده مجلس الوزراء قرر والمجلس العسكري اعتمد القرار .. نصبر على التنفيذ ده احنا في يونيو .. وعلى فكرة مش لازم القرار يبقى قبل اول يوليو يا إما مفيش .. التعيين مالوش دعوة بالميزانية الجديدة .. احنا كده كده اتعمل حسابكم فيها والدرجات المالية متوفرة بس يوم الحكومة طويل شوية علششان الإجراءات ..

وجهة نظري ان التعيينات والناس تمضي في أماكنها قبل نهاية أغسطس ..

[د.عبدالرحمن المنياوي]

المشاركة الأصلية كتبت بواسطة معاكم قلبى

السلام عليكم يا دكتور ممكن حضرتك توضحلى حضرتك تقصد بالحاصلين على الماجستير والدكتوراه المعتصمين دول فيهم يتوع المنح يعنى ال2500دول لبتوع المنح والماجستير والدكتوراه
و معلش يعن ايه الاجتماع خاص بالحاصلين على الماجستير والدكتوراه بس يعنى مش بتوع المنح
يعنى هم خلاص هيعينوا المنح والمشكله فى الماجستير والدكتوراه ولا ايه
نفسى حضرتك تفهمنى
كده فعلا يبقى الناس دول بيضحكوا علينا زى الاخ معتز ما بيقول
يا خسارة الثورة وبكرة اللى قولنا هيبقى احلى بعدها
حسبى الله ونعم الوكيل

هو كان فعلا الأفضلية في الأماكن لبتوع المنح لكن مجلس الوزراء رفض وقال الكل يتساوى في الفرص والأعلى يتاخد .. يعني احنا عندنا 2500 درجة في مراكز البحوث والجامعات .. هيتم الإعلان عنهم كلهم عن طريق التنظيم والإدارة .. الكل بقى يتقدم من المنح أو الحاصلين على الماجستير والدكتوراة من بره .. والأعلى يتاخد ..

الأوائل بقى دول يا جماعة بره القصة تماما .. يعني تعيينهم مش هيكون عن طريق إعلان .. لأ دول هيتوزعوا وتجيلهم جوابات التعيين عندهم يا جماعة .. بس الخبر خلى الناس تفهم إن الأوائل جوه حسبة التعيينات بالإعلان ..

[د.عبدالرحمن المنياوي]

المشاركة الأصلية كتبت بواسطة معلم مساعد 2011

]وكشف الشربينى عن أن البدء بتعيين الأوائل فى دفع 2009 و2010 طبقا للقانون، ويبلغ عددهم نحو 250 خريجا، وأن نحو 2500 خريج من الأوائل فى الأعوام الماضية سيتم أيضا تعيينهم عن طريق الإعلانيعني اللي خريج 2008 وقبل كده لسه هايستنو اعلان يانهاري ابيض

البدء في تعيين الاوائل 2009و2010 يقصد بها إن فيه كليات لم تعين أول دفعتها كمعيد وتوقفت لأسباب كتيرة .. دول أولا لازم يعينوا أوائلها كمعيدين مثل ما القانون بيقول .. ودول عددهم 250 واحد .. احسيها كده .. يعني معقول الـ20 الأوائل من الدفعتين دول على مستوى الجمهورية 250 بس .. نفهم ونعقل الكلام ..

وبعدين 2500 درجة دول يقصد بهم الدرجات الفاضية في الجامعات والمراكز البحثية .. دول هيبقوا برضه بالإعلان بس الأولوية لأصحاب الدرجات العلمية الأعلى .. بس مفيش مانع لو جامعة طلبت معيدين يبقى لأوائل الدفعات نصيب منها ..

كل ده مالوش علاقة أساساً بتعيينات أوائل الخريجين والتي لن تتم على أساس إعلان ..

والصحف بتقول أوائل الخريجين هم المعتصمين .. لأ لأ لأ .. اللي هناك دول أعضاء ائتلاف الحاصلين على الماجستير وادكتوراة ومعاهم طلاب المنح ..

[د.عبدالرحمن المنياوي]

المشاركة الأصلية كتبت بواسطة omdaahmed

لو سمحت يا دكتور عبد الرحمن انا خريجة حاسبات ومعلومات الزقازيق وعايزة اعرف مصيري انا السادسة علي الكلية ومش محددين كليتي ضمن التوزيع افهم بكده ان مفيش تعيين ولا ايه ارجو الرد ضروري والاسامي اللي موجودة علي الاكاديمية لحد 2008 معرفش ليه حاسة اني محتارة ارجوك رد عليا ضروري

الكليات اللي ظهرت والدفعات الموجوده على موقع الأكاديمية غير مكتملة ولا يعتد بها ككشف نهائي ..

[د.عبدالرحمن المنياوي]

المشاركة الأصلية كتبت بواسطة خليل المسيرى

بسم الله الرحمن الرحيم
بكل صدق واخلاص بخصوص تعيين الأوائل ذهبت اليوم 26/6/2011 - الى جامعة الأزهر بالقاهرة بخصوص تعيين الأوائل بكلية التربية فتوجهته الى مكتب عميد الكلية وتقابلت مع سكرتير العميد بداية للاستفسار بشأن هذا الموضوع فكان الرد أنه سيتم تعيين من 2002 الى 2010 ( الأول والثانى ) ولكن بصراحه سئلته بخصوص هل لابد من وجود مرتبة شرف فقال يعنى هو الأول والثانى معقول معهمش مرتبة شرف قلته أه أنا أعلى نسبه مئوية وخريج 2003 ولى زميل و احد فقط معه المرتبة رغم انه حاصل على نسبة 81.5 وأنا 83.5 واعلى منه فى التقديرات كمان على مدار الأربع سنوات وغير هذا أن خريجى عام 2003 كان تحسب النتيجه على السنه النهائيه فقط فقال لى على العموم وخلاصة الكلام أذهب الى قسم شئون الخرجين بالكليه وسوف تجد ما تريد وبالفعل ذهبت الى القسم وطلبت الحصول على افادة بترتيبى بالدفعه لكن كان الرد يمكنك فقط الحصول على النسبة المئوية فقلت له من الآخر ما هى آخر اخبار تعيين أوائل الأقسام قال لى فى بداية المر احنا بعتنا الأسماء فقلت له طيب ممكن اشوف أسمى فقال ممكن فلما نظرت فى الأسماء لم أجد اسمى ووجدت اسم واحد فقط حاصل على مرتبة الشرف دون اسمى فقال هذا ما تم ارساله الينا ارسال الأوائل اصاحب مراتب الشرف فقمت بالتالى التحدث مع رئيس القسم وبعد معانه ولف من هنا وهنا فاعطيته صورة من الكلية ببيان دراجتى وصوره من المؤهل عليه النسبه المئوية والسؤال لماذا لم يتم ادراجى اسم ضمن الكشوف رغم اننى اعلى واحد نسبة مئويه وحتى لو مكنشى معاية مرتبة شرف على كلام القرار يكون ترتيبى الثانى بعد المرتبه وحسبى الله ونعم الوكيل ولكن دون جدوى فتوجهت الى سكرتير الكليه لمقابلة العميد فقال لى ايه مشكلتك بالضبط فقمت بتلاوة الحكاية من جديد ثم قال لى ربع ساعه و اذهب الى شئون الخرجين وبالفعل رحت صليت الظهر ثم توجهت الى شئون الخرجين فوجت مفاجأة غريبه وهى :-
- تم ظهور دوسيه ضخم اسمه من الخارج ( ملف خاص بأوائل الدفعات والحاصلين على مرتبة الشرف من عام 2002 : 2010 ) وقال لى نفس الموظف ياعم والله لقينا اسمك وانتى ترتيبك الثانى فقلت والله وطلبت مشاهدة هذا الكشف بطريقة لطيفه فقام باعطائى الملف ورأيت اسمى ضمن أوائل الدفعات ولكن وجدت اسمى بعد زميلى الحاصل على مرتبة شرف رغم اننى اعلى منه نسبه مئوية على مدار الأربع سنوات وقلت له هل هذا هو الكشف الذى تم ارساله للتعيين قال والله هو واسمك فيه بس فيه حاجه احنا فقط علينا ارسال الأسماء حسب القرارات أما التعيينات فهذا شئ ثانى والعلم عند الله
وخلاصة القول بصراحه
- لابد أن يذهب الشخص بنفسه ويطلع على حقه لكى لايضيع والله أنا شاهدت أحد الزملاء اسمه لم يرسل و اتى بأحد اساتذة الجامعة وتدخل له المفاجأة ان اسمه سقط سهو وتم كتابة طلب ورفع لعميد الجامعة للارسال اسمه ضمن الأسماء التى ارسلت
- حقيقة الأوائل لها طرق وثغراة لا يفها سوى العالم بقانون الجامعه والكن لا يضيع حق ورأه مطالب .
- ان الأسماء التى ارسلت هى الأول والثانى على كل قسم وشعبه بخلاف أوائل الكليه
- ان النسبه المئويه سواء على آخر سنه أو على من ينطبق عليهم التراكمى هى الفيصل فى تحديد المراكز
هذا ووفقنا الله لما فيه الخير
برجاء الذهاب الى قسم شئون الخرجين بكلية التربية لمعرفة هل اسمك ضمن الكشوف ام لا اللهم بلغت اللهم فشهد وأرجو كتابة مايحصل حيث ان شهر 7 فيه المفاجأة والعجب والسلام عليكم ورحمة الله وبركاته

يا سيدي الفاضل الأزهر يختلف شكلا وموضوعا عن أوائل الجامعات العامة .. دول ليهم نظام واحنا لينا نظام .. ويمكن الرجوع للأخت أم رهف في موضوع أوائل الأزهر فهي خبيرتنا في هذا الصدد ونحسبها على خير ..

[د.عبدالرحمن المنياوي]

المشاركة الأصلية كتبت بواسطة ramy gama

السلام عليكم دكتور عبد الرحمن ؟؟؟

أنا معنتش فاهم حاجه وكل ما أسأل أتوه؟؟ لو سمحت بعد إذن سيادتك كان لي إستفسار؟؟

انا خريج كلية التربيه شعبة التربيه الرياضيه جامعة الأزهر 2007 وحاصل علي جيد جدا مع مرتبة الشرف تراكمي 84.35% والأول علي دفعتي طوال الأربع سنوات....ولم يشأ الله لي التعيين عندما قورنت ظلما بأول 2006 الذي تم إحتساب تقديره علي أساس السنه النهائيه فقط وتم تعيينه............ذهبت من فتره للكليه ووجدت إسمي الأول في الحصر لدفعتي؟؟

السؤال يادكتور؟؟؟؟؟ هل في فعلا آمل إن إحنا هنتعين معيدين ولا إيه عشان الصدمه كفايه اللي فاااااااااااااات حراااااااااااااااااام عليهم

متهيألي كده هتتعين معيد .. بس الرد في الأزهر للأخت أم رهف .. هي الأدرى مني ..

[boskovice]

بارك الله فيك يا دكتور وربنا يوفقك بجد انت تعبان معانا فى الموضوع دة جداااااااااا

جزاك الله خير

عاوز رايك اروح اشتغل خاص ويتامن عليا لان الواحد اتخنق بجد ولا نستنى ؟ انا خريج 2010

[د.عبدالرحمن المنياوي]

المشاركة الأصلية كتبت بواسطة معاكم قلبى

معلش يا دكتور انا بضايق حضرتك بس نفسى تفهمنى الوضع ايه اشرحلى الصورة ايه وفيه امل ولا لا؟؟
حضرتك مش متخيل الموضوع ده مسببلى احباط اد ايه
يا ريتهم ما كانوا قالوا لا تعيين ولا غيره ولا عشمونا
طول الوقت ماجد باشا يقول المنح بس المنح بس انا بتكلم عن بتوع المنح هنعينكوا وخدنالكوا درجات
وطلع كله مسسسسسسسسسسسسسسسسسسسسسسسسسسسسكن
منهم لله

انتم فهمتوا الكلام غلط ماهو لازم تلاقي الصحفي يحط أبو قرش على أبو قرشين ..

[محمود المصري 2010]

لو سمحت يا دكتور عبد الرحمن أرجو الإفادة :
أنا دلوقتي دخلت علي موقع الأكاديمية ولقيتهم حطين أسامي جديدة وفعلاً الناس إلي من حقوق وحصل علي دبلومتين بالشروط إلي قولت لحضرتك عليها إسمه مكتوب ومكتوب قصاده حاصل علي ماجستير كويس ؟ لأ مش كويسل.
الأن لسؤال دلوقتي أنا حاصل علي ماجستير + ترتيبي 16 علي الدفعة
حضرتك قولت إن الحاصل علي ما جستير أو دكتوراه لن يتم تعيينه إذا كان شغال في الحكومة وللأسف أنا شغال معلم مساعد دلوقتي
فهل يا تري أنا دلوقتي خرجت بره التعيين كحاصل علي ماجستير وبالتالي بردوا بره التعيين علي اعتبار اني من الأوائل
لأن فيه ناس أعرفها واخده معايا ماجستير بس إسمها مش مكتوب واحد فيهم شغال في النيابة والثاني شغال معلم مساعد معايا .
وللأسف أنا لسه معرفشي هيحطوا إسمي فيهم ولا لأه لأنهم وصلوا لحد حرف ال ( س ) وأنا حرف الميم لسه موصولوش ليه .
يعني باختصار علشان مطولشي علي حضرتك كوني شغال في الحكومة يعوق تعييني كحاصل علي ماجستير ومن الأوائل ولا يعوق تعييني كحاصل علي ماجستير فقط
أرجو الرد وشكراً جزيلاً لحضرتك

[د.عبدالرحمن المنياوي]

المشاركة الأصلية كتبت بواسطة amralaraby

يادكتور عبدالرحمن ازاى الكلام ده مش المفروض الاكاديمية تلتزم ببيان الكلية ............ ولو مثلا فيه خمس افراد حاصلين على المركز ال20 بنفس الدرجات على اى اساس هايتم التفضيل بينهم ؟ بالاضافة الى ان معظم العشرين اتعينوا فى هيئات قضائية لن يتبقى سوى عدد قليل وانا منهم .

ارجو الرد

لأ الأكاديمية مش لازم تلتزم بكشف الكلية .. بل العكس الكلية بتبعت والأكاديمية بتفنط وتصفي حسب القرار .. وده مش ابن النهارده الكلام ده .. لأ ده كان النظام منذ بدء التعيينات وحتى توقفها في 2002 .. الموجود 20 درجة مالية لكل كلية .. يأخذها أعلى 20 فرد بعد المأخوذين للتعيين كمعيدين .. طيب فيه اتنين جايبين نفس التقدير يتم الرجوع للنسبة الأعلى ومرتبة الشرف .. ثم الرجوع لمجموع مادة التخصص في الأربع سنين .. ثم الرجوع لعامل السن في الأخير ..

وكان لي مشاركة منذ فترة وضحت فيها معايير الاختيار والمفاضلة بالأمثلة ..

اللي اتعين في هيئة قضائية بقى يرفض التعيين الجديد وحضرتك تدخل مكانه ..

[د.عبدالرحمن المنياوي]

المشاركة الأصلية كتبت بواسطة ramy gama

بسم الله الرحمن الرحيم
بكل صدق واخلاص بخصوص تعيين الأوائل ذهبت اليوم 26/6/2011 - الى جامعة الأزهر بالقاهرة بخصوص تعيين الأوائل بكلية التربية فتوجهته الى مكتب عميد الكلية وتقابلت مع سكرتير العميد بداية للاستفسار بشأن هذا الموضوع فكان الرد أنه سيتم تعيين من 2002 الى 2010 ( الأول والثانى ) ولكن بصراحه سئلته بخصوص هل لابد من وجود مرتبة شرف فقال يعنى هو الأول والثانى معقول معهمش مرتبة شرف قلته أه أنا أعلى نسبه مئوية وخريج 2003 ولى زميل و احد فقط معه المرتبة رغم انه حاصل على نسبة 81.5 وأنا 83.5 واعلى منه فى التقديرات كمان على مدار الأربع سنوات وغير هذا أن خريجى عام 2003 كان تحسب النتيجه على السنه النهائيه فقط فقال لى على العموم وخلاصة الكلام أذهب الى قسم شئون الخرجين بالكليه وسوف تجد ما تريد وبالفعل ذهبت الى القسم وطلبت الحصول على افادة بترتيبى بالدفعه لكن كان الرد يمكنك فقط الحصول على النسبة المئوية فقلت له من الآخر ما هى آخر اخبار تعيين أوائل الأقسام قال لى فى بداية المر احنا بعتنا الأسماء فقلت له طيب ممكن اشوف أسمى فقال ممكن فلما نظرت فى الأسماء لم أجد اسمى ووجدت اسم واحد فقط حاصل على مرتبة الشرف دون اسمى فقال هذا ما تم ارساله الينا ارسال الأوائل اصاحب مراتب الشرف فقمت بالتالى التحدث مع رئيس القسم وبعد معانه ولف من هنا وهنا فاعطيته صورة من الكلية ببيان دراجتى وصوره من المؤهل عليه النسبه المئوية والسؤال لماذا لم يتم ادراجى اسم ضمن الكشوف رغم اننى اعلى واحد نسبة مئويه وحتى لو مكنشى معاية مرتبة شرف على كلام القرار يكون ترتيبى الثانى بعد المرتبه وحسبى الله ونعم الوكيل ولكن دون جدوى فتوجهت الى سكرتير الكليه لمقابلة العميد فقال لى ايه مشكلتك بالضبط فقمت بتلاوة الحكاية من جديد ثم قال لى ربع ساعه و اذهب الى شئون الخرجين وبالفعل رحت صليت الظهر ثم توجهت الى شئون الخرجين فوجت مفاجأة غريبه وهى :-
- تم ظهور دوسيه ضخم اسمه من الخارج ( ملف خاص بأوائل الدفعات والحاصلين على مرتبة الشرف من عام 2002 : 2010 ) وقال لى نفس الموظف ياعم والله لقينا اسمك وانتى ترتيبك الثانى فقلت والله وطلبت مشاهدة هذا الكشف بطريقة لطيفه فقام باعطائى الملف ورأيت اسمى ضمن أوائل الدفعات ولكن وجدت اسمى بعد زميلى الحاصل على مرتبة شرف رغم اننى اعلى منه نسبه مئوية على مدار الأربع سنوات وقلت له هل هذا هو الكشف الذى تم ارساله للتعيين قال والله هو واسمك فيه بس فيه حاجه احنا فقط علينا ارسال الأسماء حسب القرارات أما التعيينات فهذا شئ ثانى والعلم عند الله
وخلاصة القول بصراحه
- لابد أن يذهب الشخص بنفسه ويطلع على حقه لكى لايضيع والله أنا شاهدت أحد الزملاء اسمه لم يرسل و اتى بأحد اساتذة الجامعة وتدخل له المفاجأة ان اسمه سقط سهو وتم كتابة طلب ورفع لعميد الجامعة للارسال اسمه ضمن الأسماء التى ارسلت
- حقيقة الأوائل لها طرق وثغراة لا يفها سوى العالم بقانون الجامعه والكن لا يضيع حق ورأه مطالب .
- ان الأسماء التى ارسلت هى الأول والثانى على كل قسم وشعبه بخلاف أوائل الكليه
- ان النسبه المئويه سواء على آخر سنه أو على من ينطبق عليهم التراكمى هى الفيصل فى تحديد المراكز
0000000000000000000000000

السلام عليكم أخي ؟؟؟؟ أنا خريج كلية التربيه القاهره جيد جدا مرتبة شرف 2007 والأول علي شعبتي طوال الأربع سنوات ..وفعلا ذهبت للكليه وو جدت إسمي مكتوب الأول علي قسمي الحمد لله ؟؟؟

هل في أمل فعلا وهل سيتم التعيين ولا كلام في الهوي

يا جماعة لو سمحتم انا كلامي يتبع أوائل الجامعات الحكومية واللي يتابعني يبقى بيتابع أخبار الجامعات الحكومية العامة ..

أما موضوع جامعة الأزهر الاخت أم رهف تجيب عليه .. وهي مشكورة .. بتقول في مطلع كل مشاركة ليها عبارة (بخصوص أوائل الأزهر) .. يبقى احنا لازم نركز واحنا بنتابع الأخبار ..