|
#76
14-11-2008, 12:06 AM
|
||||
|
||||
اقتباس:
شكرا على الرد الجميل بتاع حضرتك و يا ريت حضرتك تكون من المتابعين اقتباس:
جزاك الله كل خير يا رب
و شكرا كتيييييير على المتابعه  فى رعايه الله
__________________
 In God's care HaPpiLy eVeR aFtEr 
|
|
#77
14-11-2008, 08:03 AM
|
||||
|
||||
|
بارك الله فيك
__________________
 تهانينا لقد تم تحميل السرطان بنجاح
|
|
#79
20-11-2008, 11:00 PM
|
||||
|
||||
|
على سلامة كتب حبة حاجة نقدر نقول عليها سلسلة ..
أسمها آلو ألو .. من مواقع واماكن كتير بيجسد فيها مواقف اكتر .. أحوال الشعب .. جارحة ومؤلمة بطريقة صعبة أسيبكم معاهـا
__________________
In God's care HaPpiLy eVeR aFtEr
|
|
#80
20-11-2008, 11:02 PM
|
||||
|
||||
|
آلو آلو من عربية الإسعاف
الو آلو.. معايا سعادتك.. أنا بتكلم من عربية الإسعاف.. بسيطة يا فندم بسيطة.. والعيش والملح اوعي تخاف.. أنا.. زي الفل بجد.. دوخت شوية.. ووقعت من طولي ع الأرض.. بس ورحمة أمي ما تتخض.. ده أنا عال العال.. زي الورد.. بيقولولي دي جلطة.. بس أنا بقول.. نزلة برد.. إيه يا فندم.. صوتي.. بعيط.. لا أبدا.. دول دمعتين كده من زمان.. جامد يا فندم جامد.. مايغركش شكلي.. ده أنا بس لسان.. أشوف وشك بخير يا فندم.. وربنا يجعلني آخر الأحزان.. آلو.. آلو.. هل تسمعني.. أيوه سعادتك.. لأ يا فندم ده أنا التمرجي.. إيه يا فندم.. مستشفي إيه.. لأ سعادتك.. ده إحنا لسه ف الوراق.. مفيش معانا يا فندم دكتور.. ده أنا وهو والسواق.. لا يا فندم.. ده كان مرمي ع الرصيف.. وجنب منه كام رغيف.. بس باين عليه طيب أوي.. وابن حلال وأخلاق.. عموما متشغلش بالك.. هو زي الفل ورحمة أمي.. يمكن بس من التعب نام.. أو زهق م الكلام.. أو ناوي ع الفراق.. سعادتك قريبه يا فندم.. آلو.. آلو.. تقريباً الشبكة وقعت.. الدوام لله
__________________
In God's care HaPpiLy eVeR aFtEr
|
|
#81
20-11-2008, 11:05 PM
|
||||
|
||||
|
آلو آلو هل تسمعنى من هيئة الارصاد
ألو ألو.. بكلم جنابك من هيئة الأرصاد حالة من الطراوة سعادتك بتسود البلاد حر ؟ بعد الشر يا فندم ورحمة أمي دي موجة بس جت بدري شوية قبل المعاد يا فندم الجو لطيف ومن بكرة هانلبس خفيف صافي يا فندم صافي بس الرؤية معدومة إحنا كده يا فندم أي حاجة نقول الحكومة المواطن اسكت اسكت اتعلم الشقاوة وبيعمل إضراب وبيتكلم عن الفساد وبيقول كفاية ألو ألو.. أيوه يا فندم إنت معايا ألو يا نهار أسود ده الموبايل فاصل هو أنا كل ده بكلم نفسي يللا بقي كل شيء نصيب
__________________
In God's care HaPpiLy eVeR aFtEr
|
|
#83
21-11-2008, 11:36 PM
|
||||
|
||||
|
آلو آلو من عالحدود
آلو آلو هل تسمعني أيوه يا فندم أنا تقريبًا ف الهو بكلم سعادتك من ع الحدود مفيش هنا أي حاجة يا فندم بس الجودة برضة ف الموجود لا يا فندم المواطن هنا قماشة تانية خالص لا مدرسين ولا مدارس ولا أمل ولا وعود بس ابتسامة الرضا السعادة كلها بقي عارف سعادتك الإحساس بأن الطريق مسدود أنا لا يا فندم أنا أعيش ف أي مكان أنا ابن ناس ومدلع سعادتك ما تعرفش إني آخر العنقود ماتشغلش بالك معايا ورحمة أمي يا فندم كفاية الجو الروحاني والقمر والصحرا يمكن أحتاج بس أجرة السكة لو فيه نصيب وهانعود طب يا فندم السلام أمانة بقي
__________________
In God's care HaPpiLy eVeR aFtEr
|
|
#84
21-11-2008, 11:38 PM
|
||||
|
||||
|
آلو آلو هل تسمعني من البيت
آلو آلو هل تسمعني لأ يا فندم أنا مريح شوية بكلم سعادتك م البيت حماتك بتحبك يا فندم بسم الله سعادتك معانا طب سندوتش صغير يعني ورحمة أمك إتغديت يا فندم نبض الشارع واضح باين ف شكل الغدا حضرتك سعادتك الطبيخ نفس مش لحمة وفرخة وسمك وسمن وزيت إيه يا فندم ملوخية بالأرانب يا ريت سعادتك يا ريت حمام محشي سمك مشوي جمبري والحلو أم علي حرام علي سعادتك إرحمني ريقي جري أنا خلاص قفلت الصفحة دي من زمان وانتهيت طب يا فندم عشان مراتي خايفة ع الكارت يخلص ورحمة أمي ما قالت حاجة ده أنا لوحدي اللي حسيت
__________________
In God's care HaPpiLy eVeR aFtEr
|
|
#85
21-11-2008, 11:42 PM
|
||||
|
||||
|
آلو آلو هل تسمعن ى من فرح
عقبال أولادك يا فندم.. بكلم سعادتك من فرح هاي هاي.. ف فندق خمس نجوم.. لأ ورحمة أمي.. أنا مش معزوم.. ولا قريب العروسة.. ولا من طرف المرحوم.. أنا جاي مع ابن خالتي.. شاب زي الورد.. بيشتغل ف الأمن.. وخريج علوم.. رقاصة..؟ فيه سعادتك.. بس مؤدبة يا فندم.. وبترقص وهي لبسة الهدوم.. فيه سعادتك حلويات.. وعيش طري.. وبتاع كده بشنبات.. بيقولوا عليه جمبري.. ينقطع لسان الكداب المفتري.. اللي يقول علينا شعب جعان.. أو مش لاقي ياكل.. أو محروم.. طب يا فندم سعادتك سهران شوية.. عشان بس البوفيه خلاص.. والناس إبتدت تقوم
__________________
In God's care HaPpiLy eVeR aFtEr
|
|
#86
21-11-2008, 11:48 PM
|
||||
|
||||
|
آلو آلو من الميكروباص
آلو آلو.. أيوه سعادتك معاك يا فندم أنا أصلي بتكلم م الميكروباص زي الفل ورايقة وحلوة الناس يا فندم انت اللي سعادتك بقيت حساس هي إيه العبارة دي معاليك مش زحمة ده ونس دي تقريباً مصر كلها واقفة ف الإشارة يا فندم قلنا كتير كل مواطن قبل ما ينزل م البيت يصلي صلاة استخارة المواطن أهو بيضحك قدامي أهوه وزي الفل ومبسوط ما هو لما يموت في ميكروباص ع الكورنيش أشيك بكتير برضه من الغرق في عبارة لأ يا فندم مش أنا اللي بصوت دي المدام اللي قعدة قدام تقريباً بتولد الله أكبر يا فندم هلت البشارة طول عمرك يا مصر ولادة وتاريخ ومجد وحضارة بعد إذن سعادتك الآنسة اللي جنبي يا فندم تقريباً بتحبني آه ورحمة أمي كل شوية تقوللي دمك خفيف شربات يا اسمك إيه يا واد انت يا سمارة مع إني أبيض يا فندم بس ها نعديها سعادتك
__________________
In God's care HaPpiLy eVeR aFtEr
|
|
#87
21-11-2008, 11:51 PM
|
||||
|
||||
|
اقتباس:
اها لسه فيه شويه تانين كمان
و شكرا لحضرتك بجد على المتابعه فى رعايه الله
__________________
In God's care HaPpiLy eVeR aFtEr
|
|
#89
22-11-2008, 12:47 PM
|
||||
|
||||
|
شكراً جزيلاً على هذا الموضوع الأكثر من رائع ..
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:24 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
