هام لفنيين وادارى التربية والتعليم

[شعبان علي مصطفى ريا]

تحياتي للشرفاء الأبطال الإداريين والفنيين والعمال المظلومين من حكومتنا بتاع الفته وأشكر المدرسين المعتدلين أل عارفين ربنا بس وعارفين قيمة الإداري والفني والعامل أنا أناشد جميع الإداريين أن يصحوا من نومهم العميق ومستهزأ بقيمته قوم وإعتصم إعتصام مفتوح حتى تلبي الحكومه أل نايمه في العسل وبتكيل بمكيالين الحكومه الظالمه أكلة الفته تلبي مطالبنا كامله وللعلم المدرسين عايزين يفشلوا الإعتصام بتاعنا هم أخذوا ما طلبوا به وأكتر ولكن عايزين يحتجوا ويعتصموا ويضيعوا علينا إعتصامنا وووقفتنا لأنهم عارفين بإن دولتنا مش شايفه غيلر المدرس بيه والإعلام كله بيركز على المدرس فقط منهم لله بتوع الإعلام كلهم وجميع المسئولين ما بيتكلموا غير عن المدرس فقط وكأن ربنا ماخلق أحد غير المدرس لما عرفوا بإن الإداريين والفنيين والعمال سيقومون بوقه إحتجاجيه أو عمل إعتصام مفتوح لحين ما تلبي حكومة الفته الظالمه مطالبنا فقرروا أن يقفوا هم أيضا علشان ما تلبي لنا الحكومه شيئ ويعطلوا أي قرار بالنسبه لينا العيب علينا إحنا تركناهم في الساحه لوحديهم لما نفذت الحكومه مطالبهم فقط فلما أفقنا وصحينا من نومنا العميق قررنا أن نقف ونحتج ونعتصم فحبوا يخيبوا علينا هذا العمل ياليت أن تنتبهوا من هذا والكل ينزل ومعه لافتات ومكتوب عليها ومتححد مين أل بيطالب بحقه علشان الإعلام الحقير الذي لم يقف معنا ولا نصفنا مره واحده هو الإداري حقير لهذه الدرجه يا أهل الإعلام ولا ما يشرفكم إستضافة الإداريين والفنيين والعمال هم أحسن منكم جميعا يل ما عندكم شرف في هذه المهنه الساميه لأنكم بتعملوا أل على كيفكم وإلى الأمام يارجال لأن المدرسين بيراهنوا على إننا هنعمل شيئ عايزين نوريهم ونثبت لهم إحنا مين وقيمتنا إيه وأنا قلت من قبل هذه المره غير كل المرات علشان هي مربط الفرس لو نجحنا سننجح كل مره إنشاء الله وإذا فشلنا لا قدر الله فلن تقوم لنا قائمه بعد ذلك وقولوا علينا يارحمن يارحيم وحسبي الله ونعمه الوكيل في الظالمين الذين ظلمونا وربنا معانا مهما توعدوا لينا من عقوبات أو أي شيئ أخر نحن مستعدون هذه المره لكل شيئ حتى لو أعدمونا مش فصلونا بس وربنا معانا إنشاء الله بكره يارجاله متنسوش جميع محافظات مصر العربيه من بكره نقوم ونشعلل العمل ونجبر الإعلام هذه المره أن يقف ويساندنا حتى نأخذ حقنا المشروع بإذن الله طبعا الوعود لا تكفي هذه المره خلاص راح زمن الضحك على الذقون قرارات ومنشورات تأمر بتنفيذ مطالبنا يلا رجاله هموا وسيروا على بركة الله وحفظه من المدرسين ومن الحكومه الظلمه والله ولي التوفيق ................ فين الجديد والأحدث غداً إنشاء الله السبت لازم نقف وقفة رجاله إعتصام مفتوح من جميع الإدارات والمديريات والمدارس

[Abdel-rhman]

على كل ان ينشر فكرة الاضراب بلى وسيله عن طريق الرسائل على المحمول والاعلانات لاننا للاسف فئه قليله

[فنى مخضرم]

ياجماعة لا تستهينوا بعددكم فعددكم لايقل عن ستمائة الف ولكن المهم التجمع والتواصل لزيادة عدد المستعدين للاضراب وخاصة الادارات والمديريات لان اداريين وفنيين المدارس يتواصلوا مع الادارات باستمرار
بالاضافة للعدد الكبير فى كل ادارة

[nagih]

اخوانى واخواتى الاعزاء الكلام مش حيجيب نتيجة والاضراب احنا ومكاننا برضه مش حيجيب نتيجة لان دى حكومه ليها الى يوقف فى وشها لابد من اننا نعتصم اما مبنى وزارة التربية والتعليم حتى يسمع صوتنا واذا لم يسمع يجب ان نتجه صوب مجلس الوزراء ولا حل اخر ( بمعنى اننا لازم نبقى فى المواجهه حتى ناخذ حقنا واحسن وقت مناسب ان نبدا فورا ويجب تحديد ميعاد وغير كده مفيش والى عنده حل اخر يقوله )

[مريم 79]

بصراحة انا تعبت من السلبية اللى فى الاداريين حقنا بيضيع ومحدش بيعمل اى حاجة
احنا بقالنا اسبوع بنتكلم فى نفس الموضوع ومفيش جديد فين الادارات اللى عملت اضراب او حتى احتجاج
ادارة برج العرب من يوم 3\10 عاملة اضراب فى الادارة فين باقى الادارات

[نيرمين عباس]

إداريو وعاملو تعليم أوسيم ومنشأة القناطر يضربون عن العمل

الأحد، 9 أكتوبر 2011 - 11:47

صورة أرشيفية
كتب علام عبد الغفار

أضرب العشرات من العاملين فى الإدارات التعليمية لمدينتى أوسيم ومنشأة القناطر بمنطقة 6 أكتوبر التعليمية، التابعة لمحافظة الجيزة، عن العمل احتجاجًا على سوء أوضاعهم المالية والصحية.

وطالب المضربون عن العمل من إداريى وعمال وسكرتارية فى الإدارات والمدارس الدكتور عصام شرف، رئيس الوزراء، والدكتور أحمد جمال الدين موسى، وزير التربية والتعليم بمساواتهم بالمعلمين.

وقال سيد معوض، أحد المضربين، إن الإداريين والعمال يعانون من ضعف المرتبات التى تتراوح بين 180 جنيها لـ200 جنيه، وهو الأمر الذى يدفع العمال للمطالبة بصرف حافز 200% للمساواة بالمعلمين، وكذلك فصل الحافز عن مكافأة الامتحانات، وأوضح سيد أنهم مستمرون فى الإضراب لحين تحقيق مطالبهم مقارنة بالمعلمين.

[نيرمين عباس]

كتب حاتم سالم

بعد تصاعد احتجاجات إداريى التربية والتعليم فى عدة محافظات، حددت نقابة إداريى التعليم المستقلة قائمة بـ3 مطالب هى صرف حافز الـ200% للإداريين دون احتساب مكافأة الامتحانات ضمنها، وزيادة قيمة مكافأة الامتحانات من 200 يوم فى السنة لـ400 يوم وفتح باب تعيين الإداريين فى المدارس.

وأوضح محمد شلبى، رئيس النقابة المستقلة لإداريى التعليم، أن العاملين فى المدارس يشعرون بالظلم بعد صدور قرار مجلس الوزراء بعدم احتساب مكافأة الامتحانات السنوية ضمن إجمالى حوافز المعلمين دون النظر للإداريين، وأكد "شلبى أن النقابة رصدت اليوم وجود إضرابات للإداريين بـ8 مديريات تعليمية هى: كفر الشيخ، المنوفية، الغربية، البحيرة، الإسكندرية، السويس، الشرقية والقليوبية.

وأضاف أن تعيينات الإداريين موقوفة منذ عام 2003، وتابع: "الإداريون والعمال ومشرفو النشاط وأمناء المعامل لديهم مطلب واضح وهو مساواتهم بالمعلمين فى الزيادات المالية.. وعددنا على مستوى الجمهورية يتجاوز الـ500 ألف"، وتساءل "هل كان من المفترض أن نشارك فى إضراب المعلمين بداية العام الدراسى حتى تنظر الحكومة إلينا؟".

وكانت الحركة الاحتجاجية للإداريين قد بدأت مطلع 2009 بعد تشكيل عدد منهم رابطة دعت حينها لمساواتهم بالمعلمين ونظمت عدة احتجاجات أمام مقر مجلس الوزراء كانت تنتهى بمحاصرتهم ومطاردتهم أمنياً.

[فنى مخضرم]

للاسف توقيت الاضراب جاء فى وقت غير مناسب بسبب احداث ماسبيرو التى خطفت انظار الرأى العام ولم يلتفت احد لبداية اضراب الاداريين والفنيين يجب عدم التراجع والاستمرار لحين لفت نظر الرأى العام والمسؤلين

[شعبان علي مصطفى ريا]

إنتم سكتوا ليه يا أبطال دي الطريقه أل هتجيب حقنا والله لو جلسنا مائة سنه لم نحصل على أي شيئ بهذه الطريقه السلبيه أل فيها نوم في العسل مش حرام عليكم وإنتم بتعملوا إستمارات المدرسين ياعالم إصحوا وأفيقوا من النوم العميق خلينا إيجابيين مره دي فرصه وفي إيدينا لو راحت عليه العوض فينا عارفين في شهر يناير 2012 هيكون فيه إيه المدرس أل لسه متعين هياخد 1200 جنيه وإنت يا مطحون مضيت 15 و20 سنه ولسه محصلتش هذا الرقم بكتير وهياخد كمان مكافأه أخر العام وإحنا نتفرج عليهم ونتحسر وبس ده أل نقدر نعمله يا أساتذه يامحترمين وخاصة الإدارات والمديريات ومعهم المدارس طبعا لازم نقف لازم نعمل شيئ نقابل بيه ربنا هنتحاسب والله علشان دي فلوس أولادك مش فلوسك أنا عارف إن موضوع ماسبيرو هو السبب خلاص خلص إحنا نتحرك ونتظاهر ونعتصم حتى يستيجيبوا لمطالبنا زي المدرس بالضبط لأنه مش زايد رجل أو أيد عننا هو يقوم بعمله ونحن نقوم بعملنا وكلنا تابعين لوزاره واحده وهي وزارة الظلم أقصد التربيه والتعليم وكل مافيها عايز تربيه وعايز تعليم يلا يارجاله لاتهدأوا وربنا معانا إنشاء الله

[شعبان علي مصطفى ريا]

إنتم سكتوا ليه يا أبطال دي الطريقه أل هتجيب حقنا والله لو جلسنا مائة سنه لم نحصل على أي شيئ بهذه الطريقه السلبيه أل فيها نوم في العسل مش حرام عليكم وإنتم بتعملوا إستمارات المدرسين ياعالم إصحوا وأفيقوا من النوم العميق خلينا إيجابيين مره دي فرصه وفي إيدينا لو راحت عليه العوض فينا عارفين في شهر يناير 2012 هيكون فيه إيه المدرس أل لسه متعين هياخد 1200 جنيه وإنت يا مطحون مضيت 15 و20 سنه ولسه محصلتش هذا الرقم بكتير وهياخد كمان مكافأه أخر العام وإحنا نتفرج عليهم ونتحسر وبس ده أل نقدر نعمله يا أساتذه يامحترمين وخاصة الإدارات والمديريات ومعهم المدارس طبعا لازم نقف لازم نعمل شيئ نقابل بيه ربنا هنتحاسب والله علشان دي فلوس أولادك مش فلوسك أنا عارف إن موضوع ماسبيرو هو السبب خلاص خلص إحنا نتحرك ونتظاهر ونعتصم حتى يستيجيبوا لمطالبنا زي المدرس بالضبط لأنه مش زايد رجل أو أيد عننا هو يقوم بعمله ونحن نقوم بعملنا وكلنا تابعين لوزاره واحده وهي وزارة الظلم أقصد التربيه والتعليم وكل مافيها عايز تربيه وعايز تعليم يلا يارجاله لاتهدأوا وربنا معانا إنشاء الله

[زهرة الامس]

على فكرة الاداريين فى الازهر معاكم ايد واحدة لرفع هذا الظلم عنا جميعا

[nagih]

يلا بينا نحدد ميعاد للاعتصام اما م وزارة التربية والتعليم واذا لم ياتى بثمار و نتيجه نروح لمجلس الوزراء لان السكوت مش حيجيب نتيجة وانا شايف انه تحمس وان كانت خفت حدته بعد احداث ماسبيروا بس فى الادارات الامر كماهو اعتصام

[فنى مخضرم]

وانا اتفق مع رأى الزميل العزيز على تحديد موعد للاعتصام ويجب ان يتكتل الكل حتى يكون للاعتصام صدى لتستجيب الحكومة لمطالب الفئة المقهورة من العاملين بوزارة لاتعرف معنى الانصاف

[Abdel-rhman]

ضرورى تحديد ميعادللاعتصام ونشره على مستوى الادارات

[فنى مخضرم]

موعد بداية الاعتصام

اقترح موعد بداية الاعتصام امام الوزارةعلى مستوى الجمهورية للاداريين والفنيين والعمال اعتبارا" من يوم الثلاثاء الموافق 25/10/2011

وذلك حتى يتسنى لكل شخص ابلاغ العاملين بالادارة التابع لها والمدارس القريبة منة ونرجوا الاعلان عن هذا الموعد لكل من يهمة الامر.ومن لايستطيع الذهاب امام الوزارة يعتصم فى محل عملة ويضرب عن العمل هذا لاعادة الامور الى نصابها الصحيح وعدم تجاهلكم واعطاء الحقوق لاصحابها وانتم اصحابها فلا تخذلوا اولادكم او انفسكم
والله ولى التوفيق