حقيقة العمل في مدارس السعودية ( الأهلية)

[رمضان عوض]

المشاركة الأصلية كتبت بواسطة sokatoka

لقد ذكرتني يا اخ رمضان بذكريات حلوة
لقد كنت اعمل في الخبر - حي الجسر
وكنت ازور اصدقائي في الدمام
وكنت في مدرسة ثانوي الطلاب فيها حدث ولا حرج
وكان الوقت السيئ لي في السعودية فقط هو الوقت اثناء الحصة

ولقد كان الكفيل يحبني لدرجة انه رفض انهاء عقدي بسبب طلبي ومنحني اجازة لمدة 9 اشهر
وعدت مرة اخري لمدة عام ولكن لاوضاع والدي المرضية رجعت مرة اخري منذ سنتين
ومازالت الذكريات تراودني كل فترة
انصح كل من يريد ان يسافر ان يدقق في المكان لان السعودية كبيرة فمن وجهة اري ان المكان مهم جدا
لقد عملت في حفر الباطن وفي الخبر وشتان بين المكانين



والسلام عليكم ورحمة الله وبركاته

ربنا يكرمك يا استاذنا ...انا اتشرفت بحضرتك .. مدام كنت فى الخبر أكيد كنت ساكن فى الثقبة ..صح ؟ لو صح تبقى أبو زمل انا فعلا بنتهز الفرصة واشكر الاستاذ احمد على التوبيك ده ...بس اتمنى اننا نقلب دفة الحديث عشان يبقى السؤال .. لو كان نفسى اسافر اعمل ايه ...ده المهم ؟؟
زى حضرتك ما قلت ...انت كنت فى حى الجسر ... فى العزيزية هناك مدارس الاوائل ..حبايبنا كتير ...
اللى عايز أقوله يا جماعه المهم المكااااااااان ...يعنى انا اشتغلت فى الظهران ورغم انى طالع من هنا على 1800 شامله كل شئ فى الدنيا ...الا انى كنت بتحرك فى مثلث كامل الخبر والظهران والدمام بسيارة جبتها ب 4000 ريال بس وربنا بيوفق والواحد بيطحن من بعد الظهر لاخر الليل ....
وكمان يفضل نسأل عن المدارس ...يعنى لو رايح الشرقية بلاش تروح الاحساء او القطيف او سيهات أو لو حتى الراتب 4000 ريال لان دى مناطق ميته جدا ..
ربنا يوفق الجميع يارب ..أكرر تحياتى يا استاذنا

[رمضان عوض]

المشاركة الأصلية كتبت بواسطة احمد يدوي

اولا تحية للأستاذ رمضان
تجربتك مكررة ولا احد ينكر وجودها , وأنا اتمنى لك التوفيق , واقول لك وبصدق إن منهم من ترك أثر طيب في نفسي ولا انكر ذلك , وإن مهم من عاملني و تودد الى وهنا وجب على الشهادة كما شعرت انت بوجوبها عليك , ولكن .. لنكن موضوعيين وندع العاطفة جانباً , إن ما ذكرته في مقالي يمثل غالبية عظمى وستجد يا أخي الكريم أن الكثير جداً سيتفق مع ما ذكرته , وهذا يا استاذ رمضان لا ينفي ما شهدنا به - انت وأنا - الا أن كلامي عن الاغلبية , والحديث عن الاغلبية لا يعنى عدم وجود الاقلية

تقبل خالص ودي و تقديري

اخى العزيز استاذ أحمد ..أنا اللى تشرفت بالمشاركة فى موضوعك المحترم والهام ...واكرر انى اتفق معك فى كثير مما قلت ...لكن هقولك حاجة مهمة ..الم تهدر كرامتك وان ترى الشرطة والعدل والبترول فى بلدك تتقاضى مرتبات ادمية ونحن نتسول حافز اثابة بملاليم .. الم تهدر كرامتك وانت ترى اعداء الثورة هم اول من استفادوا منها ؟؟؟ والمدرس فى مصر يتعامل وكأنه ليس من سكان هذا الوطن ...؟أفسم لك بالله يا حاج أحمد انى تركت السعودية وانا عازم الا اعود واستكفيت بما انعم الله عليا من نعم كثيرة ووفيرة ...
ولكن كان لى مقولة دائما ارددها لزملائى وخصوصا اللى بييجى جديد من مصر ... كده كده احنا كمدرسين بدون كرامة فى بلدنا يبقى الانسان يستفيد ويعمل ليه ولعياله أحسن هنا ويستحمل ...
وبعد اللى حصل فى المدرسين بعد الثورة لقيت ان هناك احسن من هنا 100 مرة ... على الاقل لو الكرامة نقحت عليا هناك بلاقى
كام باكو حلوين اخر الشهر يصبرونى أحسن ما أقعد هنا وانا مستنى تصريح ولا بشرى هلاميه من فتحى فارس رئيس الوحدة الحسابية بالمنيا يبشرنى فيها بكام مليم من الوزير .
تقبل تحياتى

[عبدالوارث]

على اسم مصر التاريخ
يقدر يقول ما شاء
انا مصر عندى
احب واجمل الاشياء

[احمد يدوي]

استاذي الفاضل .. أخذتني الجلالة .. وكتبت المقال مبكراً
لكن
لكن

عندي احساس عميق أن الوضع في مصر سيتغير
سيتغير بعد سنه أو سنتين أو 5 سنين
المهم سيتغير