الغاء مكافأة الامتحانات خبر أكيد

[مصطفى على_1977]

المشاركة الأصلية كتبت بواسطة هيما2010

وبذلك يتضح أن الحد الأدنى 700 جنيه للدرجة الرابعة وليست السادسة كما قيل من قبل
حوافز الإثابة للإداريين فقط ولا تفرحو كثيرا فزيادتها تدخل تضمن الشامل ليصل المرتب كله للحد المنصوص عليه في الأعلى

وحد كل درجة هو بداية مربوطها و من مضى سنة أو أكثر في الدرجة سيزيد زيادة طفيفية تتراوح من 30 و 56 جنيه

ويبقى الأمل في اعتبار الكادرخانة خاصة وبدل خاص لطبيعة العمل للمعلم فيكون الذي يحصل عليه المعلم
يساوي الحد الأدنى للدرجة + الكادر وهذا فيه شك كبير كبير كبير فالحكومة لا تدر أموالا

و بالتالي ستكون الزيادة وفقا للخانات الثلاثة : الأجر + حافز الإثابة + المتغير = الحد المنصوص عليه في الأعلى

وبالنسبة للمعلمين و الأخصائيين أصحاب الكادر فسيكون كالتالي :

الأجر + حافز الـ 25% + المتغير + الكادر = الحد المنصوص عليه في الأعلى

ليتساوى الجميع في المخصصات المالية

أما كادر المعلم فلا محل له من الإعراب فهو ليس ككادر الشرطة ولا الجيش ولا القضاء ولا هيئات التدرس بالجامعة حيث لكل منها بداية مربوط ونهاية مربوط لكل مسمى وظيفي و علاوات سنوية محترمة و بدلات و مكافأت امتحانات بواقع 500 يوم

و إنما كادر المعلم مربوط بالدرجة المالية وفقا لكل مسمى وظيفي وودنك منين يا جحا

من الاخر عشان تستطيع الحكومة تطبيق الحد الادنى للاجور بدون متتكلف اعباء اضافية على الموازنة دوروا على حد يدفع فاتورة الزيادات ملقوش غير المدرسين واحنا الى هندفع الفاتورة من مرتباتنا

[مصطفى على_1977]

وزير المالية بيقول احنا معملناش زى دول تانية زى اليونان واسبانيا والبرتغال الى لجأوا الى موازنة تقشف بمعنى تقليل الدعم والمرتبات حتى تنتهى الازمة الاقتصادية

التقشف ده الى يقصده بقى على المدرس فقط
اتكتب علينا نعيش فى تقشف طول عمرنا

[sobhy333]

المشاركة الأصلية كتبت بواسطة mostafa xyz

علمت ان رفع حافز المدرس سوف يتناسب عكسيا مع الكادر بعنى ان مدرس الدرجة الثالثة الذى يتقاضى كادر 100% سوف تكون حوافزه 100% ومدرس الدرجة الثانية الذى يتقاضى كادر 125 % بمرحلتيه يكون فاضله 75% بحيث يكون مجموع الكادر والحوافذ يساوى 200 % وبكده يتساوى المدرس مع الاداريين
معنى الكلام ده انهم الغوا الكادر كادر بس بلاسم وده يعتبر تحايل لحرمان المدرسين م الكادر

هل ستسكتون بعد هذا الظلم

انت متأكد انك بتشتغل معانا فى وزارة التربية والتعليم ، أشك لانك لو معلم هتعرف ان 100% دى للمعلم أول أ أما الدرجة الثالثة دى معلم فقط وياخد 50% بس يا جماعه بعد الثوره فيه ناس كتير دخلت بوابة الثانويه وعماله تحط مره جاز ومره بنزين ارجو اللى معاه نشره يحطها فى اى شىء مالى

[الدميرى]

المشاركة الأصلية كتبت بواسطة sobhy333

انت متأكد انك بتشتغل معانا فى وزارة التربية والتعليم ، أشك لانك لو معلم هتعرف ان 100% دى للمعلم أول أ أما الدرجة الثالثة دى معلم فقط وياخد 50% بس يا جماعه بعد الثوره فيه ناس كتير دخلت بوابة الثانويه وعماله تحط مره جاز ومره بنزين ارجو اللى معاه نشره يحطها فى اى شىء مالى

الأخ الفاضل بعد التحية
بالنسبة للمعلم أول أ بيحصل على 100% كادر +50كادر مرحلة اولى +25%حافز اثابة اذا مجموع مايحصل عليه 175% حوافز الباقى له 25% باقى 200% بتوع الوزير يعنى هيزيد ربع الاساسى
الدرجة الثالثة 50% كادر مرحلة اولى يتبقى له 150% يعنى هيزيد مقدار مرتبه الاساسى مرة ونصف
المشكلة لو الوزير يقصد هذا اذا بيلغى الكادر وبيحسبه ضمن حافز الاثابة

[مصطفى على_1977]

المشاركة الأصلية كتبت بواسطة sobhy333

انت متأكد انك بتشتغل معانا فى وزارة التربية والتعليم ، أشك لانك لو معلم هتعرف ان 100% دى للمعلم أول أ أما الدرجة الثالثة دى معلم فقط وياخد 50% بس يا جماعه بعد الثوره فيه ناس كتير دخلت بوابة الثانويه وعماله تحط مره جاز ومره بنزين ارجو اللى معاه نشره يحطها فى اى شىء مالى

يا سيدى الفاضل انا اقصد 100% بمرحلتيه المرحلة الاولى 50% بدون اختبار والمرحلة الثانية 50 % بعد اختبار الكادر المجموع 100 % بين بقى الى مش فاهم انا والا انته

[ابوسمرة88]

الاخ الفاضل لم يعرف هو بيقول اية وارجو بلاش اشاعات وفتاوى فى اشياء لم تعرف فيها شيء

[ابو عيد]

انا ارى ان هذا التفسير هو أقرب للواقع للاسف

[ali metwaly5]

ازاى الثالثه 708المفروض تبقى798 مش ده الصح زياده 278 جنيه ولا ايه

[الأستاذ أحمد راشد]

لاخ الفاضل لم يعرف هو بيقول اية وارجو بلاش اشاعات وفتاوى فى اشياء لم تعرف فيها شيء

[صفاء عزمى]

يا سادة كادر بيحسب علي اساسي العام المنصرم وحافز علي اساسي العام الحالي
يعني بتوع الشمس عوطلية الادرايين مرتبهم اعلي مننا

[منار على]

كفايه بقى وبلاش كل واحد يبص لنفسه وبس احنا كنا فين وبقينا فين يعنى لما انا مثلا كنت باخد 420 وهيبقوا 700 يبقى كويس جدا الحمد لله بالمقارنه بالمرتب السابق كمان بصوا لاحوال البلد عامله ازاى ولا يعنى لازم ناخد كل حاجه ودلوقت حالا كمان واضح جدا ان مفيش حد عارف اى حاجه كل واحد بيدخل بيقول كلمتين سمعهم وخلاص وبناءا على الكلمتين اللى سمعهم دول يدخل يضايق ويستفز ويحرض الناس انا مش فاهمه فيها ايه لما الناس تستنى متصبروا شهر سبعه مش بعيد يعنى دا كلها كام يوم وكل حاجه هتبان بدل مااى حد يقابل اى حد تانى شغال فى الاداره بتاعته مثلا وعمال يفتى وهو اساسا مش عارف ولا متاكد من حاجه عشان دى سمه للاسف فى كتير من المصريين يبقى مش عارف ومش فاهم حاجه لكن ازاى يقول مااعرف ميصحش عيب ازاى لازم يقول اى حاجه عشان منظره بغض النظر بقى عن تاثير دا ولا نتايجه كمان مش فاهمه هيحصل ايه للناس يعنى لما تستنى كام يوم اصبروا ان الله مع الصابرين كمان اساسا الغلط كله على اداره المنتدى والمشرفين مش المفروض انهم يسمحوا لاى حد انه يحط اى معلومات من غير تاكيد وتاكيد قوى كمان وبتهيالى واضح اوى تاثير الكلام الغير مؤكد من تحريضات وغيره

[اسلاممحمد الخولي]

في تصريح خاص لجريدة "الجمهورية" صرح د.عبدالفتاح الجبالي مستشار وزير المالية.. بأن الموازنة العامة الجديدة تتضمن رفع حافز الإثابة للعاملين في الدولة من 75% إلي 200% بما يرفع إجمالي دخل كل عامل إلي 700 جنيه. ويستفيد من رفع الحافز مليون و900 ألف موظف بالدولة هم مجموع العاملين الذين يتقاضون حافز إثابة 75% فقط في حين أن بقية العاملين يتقاضون حوافز بمسميات مختلفة تعلو نسبة ال 75% وتحقق لها دخلاً شهرياً أعلي من ال 700 جنيه.. الحد الأدني.
علمت "الجمهورية" أن لدي وزارة المالية أسماء الجهات التي تمنح حافز إثابة أعلي من 75% ليصل إلي 200% وبالتالي لن يطبق عليها قرار رفع حافز الإثابة.. كما علمت أن قرار رفع الحافز سيطبق علي جميع العاملين في الدولة مادام الحافز نسبته 75% بغض النظر عن الدرجة الوظيفية.
ويُحسَب حافز الإثابة علي الأجر الأساسي للدرجة والمضاف إليه نسبة 240% من العلاوات المضمومة حتي علاوة 2005 التي نسبتها 20% بحد أدني 30 جنيهاً. وهذا الأجر حتي 1/7/.2011
فالأجر الأساسي للدرجة الممتازة 734.4 جنيه وحافز الإثابة بنسبة 200% يبلغ 1475.8 جنيه.
وللدرجة العالية 478 جنيهاً وحافز الإثابة بنسبة 200% يبلغ 860 جنيهاً.
وللدرجة الأولي 334 جنيهاً وحافز الإثابة بنسبة 200% 660 جنيهاً.
وللدرجة الثانية 254 جنيهاً وحافز الإثابة بنسبة 200% يبلغ 508 جنيهات.
وللدرجة الثالثة 183.6 جنيه وحافز الإثابة بنسبة 200% يبلغ 357.2 جنيه.
وللدرجة الرابعة 151.6 جنيه وحافز الإثابة بنسبة 200% يبلغ 303.2 جنيه.
وللدرجة الخامسة 145.2 جنيه وحافز الإثابة بنسبة 200% يبلغ 290.4 جنيه.
وللدرجة السادسة 142 جنيهاً وحافز الإثابة بنسبة 200% يبلغ 284 جنيهاً.
وعلي سبيل المثال كل موظف يتقاضي حافز إثابة 75% فقط أو حافز إثابة أقل من 200% سوف يزداد الحافز إلي 200% ويضاف إلي إجمالي ما يتقاضاه حالياً في 1/7/.2011
ولنأخذ موظف الدرجة السادسة علي سبيل المثال. فنجد متوسط ما يتقاضاه حتي 1/7/2011 هو 420.5 يضاف إلي الحافز بعد رفعه أي يضاف 284 جنيهاً فنجد إجمالي ما يتقاضاه هو 704 جنيهات أي أنه أعلي من الحد الأدني للأجور "700" بأربعة جنيهات.
وهناك جهات تمنح حافز إثابة بنسبة 125% من الأجر الأساسي وبالتالي سوف يزيد إلي 200% هذا الحافز يضاف إلي إجمالي ما يتقاضاه الموظف في 1/7/.2011

والأن

بعد هذا التصريح هل للمدرسين نصيب فى الزيادة المقررة لحافز الإثابة

[محمدابوشهد]

نعم كل العاملين فى القطاع الحكومى بما فيهم المعلمين

[هيما2010]

انا معاك في الكلام ده ولكن لاسف في ناس مش فاهمه وعماله تقول اي كلام
يا جماعه في فرق بين الكادر والحافز
وبعدين لو الحافز200% للكل معنى كده ان النجاح في الكادر متساوي مع الرسوب وده غير ممكن

[هيما2010]

الأخ الفاضل بعد التحية
بالنسبة للمعلم أول أ بيحصل على 100% كادر +50كادر مرحلة اولى +25%حافز اثابة اذا مجموع مايحصل عليه 175% حوافز الباقى له 25% باقى 200% بتوع الوزير يعنى هيزيد ربع الاساسى
الدرجة الثالثة 50% كادر مرحلة اولى يتبقى له 150% يعنى هيزيد مقدار مرتبه الاساسى مرة ونصف
المشكلة لو الوزير يقصد هذا اذا بيلغى الكادر وبيحسبه ضمن حافز الاثابة