يلا هنا اللي جاب اقل من 90%

[Nora_T93]

مش القصد لأني بستغرب من موضوع القمة أصل كل الناس ناوية علقمة علشان الفلوس ده اللي اعرفه
لأن لو هو مش ف صيدلة و دخل علوم هل ده معناه اه أقل من اللي ف صيدلة
بالعكس هو بيدرس زي صيدلة و طب بس مش عارفة مين اخترع حكاية القمة

[Nora_T93]

و بعدين فعلا التعليم ف مصر ملوش اي كرامة لأننا بنطلع من هنا ننسى من هنا أسألنا فأي حاجة مش هنعرف نجاوب

[soley93]

في بردوا كليات ممكن مع بعض الشهادات والكورسات يوجد لها شغل زي تجارة وسياحة وفنادة والسن

[Karim Abd Elkader]

انا للأسف جبت 90% بس الحمد لله على كل شئ

انا خدت كيمياء و مش عارف ادخل علمى رياضة يمكن ربنا يكرمنى و ألحق هندسه أو حاسبات و معلومات ولا ادخل ادبى ؟

يعنى من غير ما أطول عليكم هل فى أمل أنى أدخل هندسة او حاسبات و معلومات؟ و الامل ده يكون موجود لو جبت كام السنة الجيه ان شاء الله؟ بس يا ريت متخدوش فى اعتباركم تنسيق سنة الفراغ

[سارةالنودى]

بصو ياجماعة الي فات مات والعزاء كمان خلص نبدأ من جديد وبعدين احنا احسن من غيرنا احنا لسه قدمنا فرصه يعني لا تدع للاحباط مكان في قلبك لان انا عارفة الاحباط دا ما بيروحش ولا حتي بمئة علب بندول لكن ممكن يروح لو رجعنا لربنا انا عن نفسي عرفت اخطائي اي نعم خسرت كتير لكن ممكن اعوض فعلا مش هلحق اعوض كله لكن علي الاقل لما يجي يوم التنسيق ما اقعدش اعيط والدنيا تبقي سودة واقول الكلمة المشهورة يا ريت .............
ممكن يكون اهلنا بنو علينا امل كبير وراح مع المجموع الجميل لكن حااااول حتي عشان ترضيهم ولا ايه رأيكم ؟؟؟؟؟؟؟؟؟؟

[عالم المذاكرة]

يا جماعة احنا بنقول اللى اقلمن90%
اعصابنا كدة حرام

[عالم المذاكرة]

انا جبت 74% ادبى
ودور تانى رياضة تخيلوا يا جماعة عطينى 15 فى الفرعين وعملت تظلم ومطلعليش حاجة
حسبى الله ونعم الوكيل

[mbc_max]

على كلامكم دة انا المفروض اروح انتحر انا جايبه 79% انا عمرى ما عيطت فى حياتى قد الييوم دة لان كل احلامى ولا واحد اتحقق وشكلها هترسى على حقوق او تجارة والله دعوتكم من انا ادبى على فكرة

[عالم المذاكرة]

والله انت كلامك صح فعلالا تصيحيح الرياضة بالنسبالى كوووووووووووووووووووسة
حد يتخيل ان واحدة صحبتى ليلة امتحان الرياضة كانت لسة متعرفش الsin من الcos
وتجيب 41 فى الرياضة وانا اجيب15
سبحان الله حظوظ
وكمان تلاقى اللى داخلين دلوقتى يقولوا مجوعى94و97
ومجاميع زبالة هههههههه انتوا عايزيين اية دة المفروض تحمدوا ربنا طول مانتوا قاعدين

[waleed ansary]

انا جبت 69.5 وهحول ادبى علشان احاول على قدر المستطاع انى اوصل لل 80 او ازيد وادخل تجاره ان شاء الله .

ادعوووووووولى بس
وربنا يوفق الجميع ان شاء الله

[mbc_max]

يا جماعه انتو بتكلوا على الرياضه بلا فخر ياحلويين انا جايبه 27 فا ريت كل واحد يحمد ربه لانى مش عارفه انا جايبه دى منين انا فاشله فى الرياضه اة بس مش لدرجه دى واشكركم

[زيزى55]

ياجماعه اذكروا ربكم وهو ان شاء سوف يعطى لكل واحد حقه واللى شايفه خير ليكم ومجمعكم كويس مش لازم تبصوا لاعلى منكم قولوا الحمد لله

[Dr/ Nancy]

هاى يا جماعة، أنا الحقيقة اتخرجت أصلا، بس عايزة أقولكمحاجة لعلها تساعدكم.. أنا كنت دايما باحلم انى أدخل طب أو صيدلة، و فى تانية ثانوى كانت الصاعقة جبت 94% طبعا حتقولولى ايه الدلع دا؟! بس والله كان بالنسبة لأحلامى كالصاعقة، و فكرت انتحر و حاجات هبلة كده.... المهم جيت فى تالتة ثانوى، اتقربت من ربنا جامد قوى، و قلت أنا حذاكر بس اخدا بالأسباب و انا حاسة اصلا انه خلاص راحت عليا!! رميت توكالى كله على الله، و شديت حيلى من حفظ و مراجعة و حل أسئلة بالعبيييييييططططط..... سبحان الله سبحان الله جبت فى تالتة بس 98% و المستوى الرفيع 10/10 و بقى مجموعى فى الثانوية العامة 97.3% دخلت صيدلة رجل على رجل بفضل الله و كان تحت ايدى طب بشرى برده.. ربنا ان شاء الله يعزكوا زى ما اعزنى.. اهم شىء التوكل على الله و أنك تاخد بالأسباب فى المذاكرة!!!

[احمد نيمو]

مش عارف انا حاسس انى فاقد الامل انا جايب 84% ومكمل رياضة 2 على امل الحق فنون عمارة او فنون جميلة ومظلوم فى 9 درجات كيمياء و5 رياضة بجد التصحيح كوووووووووووسة وفى واحد صاحبى اقسملى بالله ان كان سايب سؤال فى الكيمياء لقى مدرس مديلو 5 من10 والى كان حالو صح شطب عليه غلط ههههههههه ماشوفتوش كوسة اكتر من كده

[محمود محمد رافت ابراهيم]

انا جايب فى تانيه بالضبط 89.2 وداخل علمى رياضه واتمنى يكون فى امل وربنا يوفقنى ونفسى حد يالى فى امل اكمل علمى رياضه واحقق امل ولدى وولدتى