اختى,,اية رايك تكونى منتقبة؟؟

[Unique Muslimah]

المشاركة الأصلية كتبت بواسطة زبادو

انتم بتتكلموا على النقاب بس لا هو فرض ممكن يكون سنة بس محدش ذاكر والاخت اللى بتقول ربنا يهدى امى وابي هما معملوش حاجة غلط بدليل ان المراة المنقبة لما تيجى تحج لازم تخلع النقاب ويبان وجهها والكفين فقط ويا جماعة الاسلام شامل لكل عصر وربنا لو عاوز النقاب فرض ربنا عارف العصر ده مينفعش فيه النقاب لان الست المنقبة بتقلع النقاب فى العمل كده كده والست العجوز اوى مينفعش معاها النقاب وفى دول اوروبا ممنوع النقاب لانه بيخفى هوية الشخص ولو حصلت جريمة او حادثة ومراءة منقبة لازم تقلع النقاب يا جماعة لو حد قال النقاب فرض قولوله طلع ايه من القران تقول كده يا جماعة ارجوكم لا تخلطوا العادات بالدين قال الله تعالى بسورة الاحزاب ايه 59(يأيها النبى قل لازواجك وبناتك ونسأ المؤمنين يدنين عليهن من جلابيهن ذالك ادنى أن يعرفن فلا يؤديهن وكان الله غفورا رحيما) وتعنى الايه هو منع نساء النبي صلى الله عليه وسلم من لقاء الرجال الأجانب والابتعاد بشخوصهن تماما عن أبصار الرجال، وهو بديل عن النقاب الذي كان معروفا عند بعض العرب قبل الإسلام، فكان طرازاً من طرز لباس المرأة وزينتها ولما جاء الإسلام لم يأمر به ولم ينه عنه، وتركه لأعراف الناس.
للخمار : أوجب القرآن لبسه مع رسم أدب جديد في طريقة اللبس، قال الله تعالى «وقل للمؤمنات يغضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن«معنى «يضرب بالخمار»، كما جاء في فتح الباري أن تضع المرأة الخمار على رأسها وترميه من الجانب الأيمن على العاتق الأيسر».هكذا نرى كيف فرضت شريعة الإسلام لبس كل من الخمار والجلباب، بينما ذكر النقاب لم يرد على لسان الرسول صلى الله عليه وسلم غير مرة واحدة، في مناسبة حظره على المرأة المحرمة، حين قال صلى الله عليه وسلم «لا تنتقب المحرمة»، فالأدلة على إباحة كشف وجه المرأة، وأنه ليس بعورة قوية حيث اتفق الفقهاء على أنه يحرم نظر الرجل إلى المرأة مطلقاً إذا كان بشهوة أي سواء أكانت أجنبية أم لا، كما اتفقوا على أنه يحرم النظر إذا خشي الرجل الفتنة بالنظر إلى الأجنبية، واتفقوا أيضاً على أنه لا يجوز للرجل أن ينظر إلى ما عدا الوجه والكفين والقدمين من المرأة الأجنبية، كما يقول ابن بطال وهو من كبار علماء الحديث: ستر المرأة وجهها ليس فرضا لإجماعهم على أن للمرأة أن تبدي وجهها في الصلاة ولو رآه الغرباء وكذلك ورد في تفسير قول الله تعالى «قل للمؤمنين يغضوا من أبصارهم ويحفظوا فروجهم ذلك أزكى لهم»، وهو ما يعنى أن النساء كان لهن الإذن بالمشي في الطرقات كاشفات الوجوه، ولذا كان أمر الرجال بالغض من أبصارهم، وإلا لكان الأمر بالغض خالياً من الفائدة، ولو أن الشارع الحكيم أوجب ستر وجه المرأة ما كانت هناك حاجة لأمر الرجال بغض البصر، ولاكتفى الشارع بأمر النساء بغض أبصارهن لأن الرجال وحدهم هم الذين يكشفون وجوهم وأكثر من وجوههم أحياناً، ولكن الأمر بغض البصر أنزل الله تعالى للرجال والنساء على السواء، وهذه المساواة في الغ كرائم الصحابيات كن يكشفن وجوههن بعد فرض الحجاب على أمهات المؤمنين أمثال أسماء بنت أبي بكر، وأسماء بنت عميس، وزينب زوجة ابن مسعود، وأم الدرداء وغيرهن، كما أورده البخاري ومسلم في صحيحيهما عن جابر بن عبد الله قال: شهدت مع رسول الله صلى الله عليه وسلم يوم العيد.. ثم مضى حتى أتى النساء فوعظهن وذكرهن فقال: تصدقن فإن أكثركن حطب جهنم.. فقامت امرأة من وسط النساء سعفاء الخدين، فقالت لما يا رسول الله؟ قال لأنكن تكثرن الشكاة وتكفرن العشير. هنا امرأة تصلي العيد خلف النبي صلى الله عليه وسلم وتسمع العظة وتحرص على مزيد من طلب العلم فتسأله صلى الله عليه وسلم، عما خفي عليها والصحابي راوي الحديث يرى وجهها ويصفها بأنها سفعاء الخدين.

* أزهريون يدلون بدلوهم
ض من البصر تعني أن هناك لدى كل من الرجال والمرأة شيئا يراه الجنس الآخر، ويمكن أن يفتنه وأقل قدر مشترك بينهما هو الوجه والكفان.


ويعلق الشيخ محمود عاشور وكيل الأزهر السابق، عضو مجمع البحوث الإسلامية قائلا: النقاب ليس بفرض ولا سنة، وإنما هو فضيلة لمن أرادت أن تلبسه لدواعي هي أعلم بها، كأن تكون المرأة جميلة وتخشى على نفسها من فتنة الرجال، وأما من يقول بأن النقاب فرض فإنه تزيد (أي تشدد)، وهذا ليس من الإسلام، لأن الإسلام دين اليسر والسماحة.وأضاف أن شريعة الإسلام وضعت شروطا لمواصفات زي المرأة المسلمة، الذي يتمثل في الحجاب الشرعي، وأن يكون لباسها فضفاضا لا يصف ولا يشف.

ويضيف أن هناك شروطا وضحها لنا الحديث النبوي للزي الشرعي الواجب على المرأة، في قول النبي صلى الله عليه وسلم «يا أسماء إذا بلغت المرأة المحيض، لا يظهر منها سوى هذا وهذا، وأشار الى الوجه والكفين».

ويقول الدكتور أحمد عبد الرحيم السايح الأستاذ بجامعة الأزهر، إن المواصفات الشرعية لزي المرأة المسلمة أن يكون ساترا لجميع الجسم، ما عدا الوجه والكفين، وألا يكون شفافا بأن يكون كثيفا، وألا يكون ضيقا يظهر المفاتن، فالإسلام لم يجعل للمرأة زيا معينا، بل ترك ذلك للأعراف والتقاليد وتطورات الملابس، والمهم أن تظهر ملابس المرأة المسلمة شخصيتها بأن تكون معروفة لدى الناظرين.

ويتابع الدكتور السايح قائلا: الإسلام لم يفرض النقاب على المرأة، وبالتالي فإن النقاب ليس من الإسلام في شيء، بل هو عادة جاهلية قديمة والله تعالى يقول «قل للمؤمنين يغضوا من إبصارهم»، ومعنى هذا أن لو كانت المرأة منتقبة، لا يطلب عمل آية من آيات القرآن، فمن أي شيء يغض الرجل بصره. سلامو عليكم ارجكم لتتهمونى بالكفر وانا جبت الادلة من القران هاتوا دليلكم

yeah! i agree with a lot of what u said

[زبادو]

شكرا يا سارة الله يخليكى

[عزة كمال محمد]

السلام عليكم ورحمة الله وبركاته
شكرا ع الموضوع الجميل ده
انا بتمنى انى البس النقاب ادعولى

[شموخ مسلمة]

بصوا يا جماعة انا بجد هموووووووووووت و البس النقاب بس ماما و بابا مش موافقين ادعولى يوافقوا بالله عليكو
بس على فكرة يا جماعة اللى بتقول هاتوا اية تدل على فرضية النقاب
اولا لو انتى فعلا عايزة تشوفى اية انصحك بان تشترى شريط الشيخ محمد حسان للنقاب ده لو انتى عايزة تشوفى الادلة بجد مش بس ده سبب اللى انتى ماتلبسهوش يعنى حجة تقوليها لنفسك -معلش انا بقول الكلام ده مش ليكى بس بس اصل الكل بيقول انه مش فرض من غير ما يسمع ادلة فرضيته-

[زبادو]

سورى يا ارق قلب انتىممكن تكونى سمعتى للشيخ اللى انتى بتقولى عنه بس انا سمعت لمية شيخ واقل حاجة الواحد يعرفها ان السيدة اللى بتتنقب فرض تقلع الحجاب وهى بتحج يبقى ازاى النقاب فرض اصلا ومتشكرة برضه على رايك ومش كل شيخ تسمعيله تقولى كده انا عايزة منك ايه من القران زى مانا قلتلك ايه بس تكونى فاهمة معناها وتناقشينى فيها وساعتها انا هصدقك مش تقولى اسمعى لشيخ مانا سمعت لشيوخ كتير وكل واحد قال راي مختلف وشكرا وانا كان ممكن اقولك الشيخ فلان قال النقاب مش فرض بس بدل ده جبتلك ايه من دينا

[زبادو]

ولو هو فرض يبقى مفروض تتنقبى واللى انتى واخدة حجة ماما وبابا مش موافقين وشكرا لتانى مرة

[زبادو]

بس عاوزة اقولك حاجة انتى عاملة زى ناس بيقولوا عاوزة اتحجب عشان الحجاب فرض بس ماما وبابا مش موافقين عشان كده مش هتحجب وخلينى زى مانا علما انه فرض تلكيكة وشكرا لتالت مرة انا بقيت اشكرك كتير اوى

[شموخ مسلمة]

اولا شكرا على الرد
ثانيا انا قولتلك اسمعى الشريط لان فيه الايات لانى انا مش شيحة و ما قولتلكيش اقتنعى انا بقولك زى ما سمعتى ادلة استحبابه اسمعى ادلة فرضيته
ثالثا انا عملت كل ما تتخيليه مع ماما و بابا علشان البس النقاب لدرجة انى قولتلهم انى مش هروح المدرسة غير بيه مع العلم انى الاولى على مدرستى و علمى علوم و اظن مش المفروض انى البس النقاب بغير و لا انتى ايه رايك

[sweety girl]

يا جماعه هدو نفسكو براحه بس

السيدة اللى بتتنقب فرض تقلع الحجاب وهى بتحج

لأ مين قالك يا حبيبتى منا عملت عمره مرتين (مع العلم انى مش محجبه) المره الأولى كنت صغيره فا كنت بلبس لبس عادل والمره التانيه لبست حاجات واسعه وطرحه يبقى ازاى المفروض اقلعه وانا بحج بقى

وانا هحاول اوصل الكلام ده لمها صيدلانيه صحبت الموضوع واشوف وجهة نظرها

[زبادو]

سورى يا
الملاك المظلم متهيالى انتى مقراتيش اللى كتبته كويس انا بقول لازم فى الحج تبينى وجهك والكفين يعنى تقلعى النقاب محدش جاب سيرة الحجاب اذا كان انا محجبة يعنى ازاى الحجاب مش فرض وانتى يا ارق ملاك ربنا بيقول الفرض لازم متسمعيش كلام حد بينهيكى عن فرض ربنا وانتى بتقولى النقاب فرض وثانيا انتى قلتيلى انا سمعت شيخ وانا قلتلك انا سمعت 100 شيخ وبقولك هاتى الادلة بس تكونى فهماها مش تجيبيلى الشيخ لانى مش هسيب كل الشيوخ اللى سمعتلهم واسمع للشيخ ده واحنا دينا يسر وليس عسر واللى ياريت تقرى اللى انا كاتبه لانى حاسة انك مقراتهوش كويس وشكرا عاوزة اقولك انهم طلعوا فتوة جديدة النقاب اللى بيبين العين حرام لانهم فسروا ايه وغضوا ابصراكم معناها متبينوش عينكم هى عبارة عن تفسير ايات غلط وشكرا لخمس مرة

[زبادو]

ملحوظة انا ممكن اكون قلت السيدة المنقبة تقلع الحجاب بس كان قصدى النقاب لانى جبت سيرة السيدة المنقبة لو كان قصدى الحجاب عادى كنت قلت السيدات كلهم تقلع الحجاب وسورى مفيش سيدة تقلع الحجاب وهى بتحج عمرنا مسمعناها ولا هتحصل

[شموخ مسلمة]

يا زبادوووووووووو اكبر دليل على النقاب ان الرسول -ص- قال تخلع النقاب و هى مش بتخلعه هى بتلبس بيشة يعنى برده وشها مدارى و لو ما روحتيش السعودية شوفى الصلاة من الحرم
وهو اكبر دليل ليه لان انا ما ينفعش اقولك ابقى ما تلبسيش النقاب و انتى بتحجى و انتى اساسا مش لابساه صح و لا ايههههههههههه يعنى علشان الرسول يقول كده يبقى لازم النساء كانت لابسة النقاب
بعدين انا اما قلتلك اسمعى الشريط كان قصدى تسمعى الرايين
انتى عارفة انتى عاملة زى مين زى اللى سمعت عن بنت ما انها مش كويسة -وانا عارفة ان انتى ما قولتيش ان النقاب وحش بس ده مثال افهميه و انتى هتفهمى قصدى-من 5 بنات مثلا و انتى اساسا ما تعرفيهاش فجت و احدة تقولك انها حلوة و تقولك ادلة على كده فقالتلك روحى للابلة هى تعرفها اكتر منى و منك وبعدين تقررى هتكلميها و لا لا بس ما قالتلكيش امشى معاها فانتى قولتى مش هعرف الصح من الابلة لانى سمعت بنات قالو عنها انها مش كويسة
مش المفروض تعرفى الصح عن البنت دى و بعدين اعملى اللى انتى عايزاه انا عايزاكى بس تسمعى الاراء كلها و بعدين تقولى كلمتك النهائية مش اكتر و ده حاجة بينك و بين ربنا انا ماليش دعوة بيها
و مش عايزاكة تنسى ان احنا اخوات فى الدين و ان الدين النصيحة و ربنا يوفقك

[زبادو]

اوكى بصي يا ارق ملاك اي نعم انا مفهمتش حاجة من اللى كتباها دلوقتى غير ان الدين نصيحة وانا اسفة انى اتجادلت معاكى شوية لان لو فضلنا نتجادل مش هنخلص ممكن انتى تكونى شايفة ان النقاب فرض بس انا مش شيفاه فرض وكل واحد ليه رايه من غير منزعل بعض انا كنت بس عاوزة اقول للناس وجهة نظرى وانتى كنتى شكلك كنتى عاوزة تورى للناس وجهة نظرك بس في الاخر مش هقولك اننا نتجادل لان لو اتجادلنا مش هنخلص وده مش من سماحة الاسلام انا جبتلك ايات من القران وممكن يكون انتى عارفة برده ايات من القران بس ده ميديش الحق اننا نتجادل لحد الصبح لان دينا مش بيدعوا لكدة

[شموخ مسلمة]

ربنا يبرك فيكى يا سكر مش زبادوووووووووو ههههههههههههههه

[The Happy Angel]

فائقه الجمال مين ياسيدي دول مصريين يعني ولا بلاش بس بجد حقيقي الجمال لايخص المصريين يعني سمر وشعرهم مش ناعم اوي وكمان عنيهم سودا يعني معتقدش ان فيه وحده حلوه وتلاقيها من اصول مش مصريه

انما فائقه الجمال دي عزيزي حتي مش موجوده في لبنان

هي اوروبا وبس

وصعب نقول كدا يعني ممكن نقول النقاب بس بدون حكايه الجمال دي