|
|
|
#1
09-02-2009, 02:52 PM
|
||||
|
||||
صنية فراخ بالبطاطس والبسلة
 بعد غيبة طويلة .. قلت أفتح البرنامج بعد ما عشش فيه العنكبوت  و أهو باب رزق بردك أصدقائى المشاهدين أهلاً وسهلاً بكم معنا فى حلقة جديدة من برنامجكم فتافيت  وجبتنا إنهارده صنية فراخ بالبطاطس والبسلة أول شىء هنجيب أوراك فراخ على حسب عدد أفرد الأسرة ( ممكن نقسم الفرخة نفسها أربع أجزاء )هنشيل الجلد بتاعها وهنتبلها هنجيب بصلتين متوسطين هنقشرهم ونخرطهم مربعات صغيرة  ، هنحط نص معلقة صغيرة ملح ، معلقة صغيرة كمون وبهارات وشوية جنزبيل لو بتحبوه، هنجيب لمونة ونعصرها عليهم و أى توابل تانية تحبوها ،ولخبطهم كلهم كويس وبعدين نحطهم على الفراخ .. يُفضل إننا نكون متبلينهم من فترة يوم على الأقل علشان الفراخ تبقى متبلة وجاهزة للفرن على طول هجيب 4 بطاطسيات متوسطين وهنقشرهم ونقطعهم شرايح سميكة ونغلسهم كويس وهنجيب البسلة نغسلها برده وهنحطهم فى صنية الفرن غالباً هتكون مقاس 30 .. هنساوى البطاطس والبسلة فى الصنية ولو عايزين تحطوا جزر أهلاً وسهلاً مفيش مشاكل  .. هنجيب الفراخ المتبلة ونحطها على وش الصنية ونضيف حوالى كوبايتين ميه ونجيب ورق الومنيوم نغطى الصنية بيه وندخلوا الفرن على 260 درجة و نروح بقى للرز ننقيه ونغسله كويس وبعدين نصفيه ونجيب الحلة ونحط فيها شوية زيت واللى يحب يحط شعرة يحط واللى مش عايز يحط الرز على طول ونضيف ميه على حسب عدد كبيات الرز يعنى لو حطينا 3 كبيات رز هنضيف 3 كوبيات ميه ونضيف الملح عليه ونقلبه كويس ونغطيه لغاية ما يغلى ونوطى عليه ونسيبه حوالى تلت تربع ساعة يكون إستوى  هنشوف الصنيه إذا كانت محتاجة ميه ولا لأ .. ولما نلاقيها قربت تستوى هنشيل ورق الومنيوم من عليها علشان تحمر ولو تحبوا تعملوا سلطة خضار مع الوجبة هنجيب الخضروات اللى بتحبها والطماطم ونغسلهم كويس أوى ونقطعهم ونضيف عليهم لمون وملح وخل تفاح لو بتفضلوه على السلطة ولما تستوى الصنية نغرف الأكل .. وبالهنا والشفتشى  كانت معكم من أهدى مكان فى المطبخ : الشيف أسيل  
__________________
إذا فقدت كل شىء و بقيت ثقتك بالله فإنك لم تفقد شيئاً
آخر تعديل بواسطة أسيل رزق ، 09-02-2009 الساعة 03:49 PM 
|
|
#3
20-08-2008, 09:19 PM
|
||||
|
||||
اقتباس:
يعنى ممكن أقفل الموضوع على كده  إيه رأيك ؟؟  نورتى الموضوع
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#4
22-08-2008, 04:49 PM
|
||||
|
||||
بصى باه يا مها وانا بعمل الرز ايدى اتلسعت كمان باه مش مطمنة للوصفات بتاعتك دى وربنا يستر ههههههههههه
ونشوف اخر الاختراعات بتاعتك دى ايه شكلى كدة بطنى هتوجعنى ههههههههههههههههه
__________________
اه يا غزة
|
|
#5
23-08-2008, 04:25 PM
|
||||
|
||||
|
اقتباس:
اللسع أول طريق النجاح فى عالم الطبخ إحمدى ربنا إنك مش نسيتى تحطى الملح زى ناس أعرفهم وإطمنى بطنك مش هتوجعك .. إنتى مش هتلحقى تحسى بوجع أساساً  اقتباس:
ولأنى كسولة مش بطبخ إلا لما تكون ماما مش فى البيت إنما لما ست الحبايب تكون موجودة بتقوم هى بالطبخ وتفضل تدينى دروس فى الأخلاق " هتفضلى كده لحد إمتى يا فالحة مش المفروض انتى اللى تطبخى .. أكل ومرعة وقلة صنعة .. " إلخ إلخ إلخ :D نورتى يا زهرة الموضوع 
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#6
24-08-2008, 01:44 AM
|
||||
|
||||
|
اقتباس:
 لا دانا هحكيلكوا بقى عشان تفرحوا بصحبتكوا:D بعد ما عملت بقى الرز وطلع زى الفل و100% واتغريت بقى وقعدت اذلهم شويه عشان هياكلوا رز من ايديا جت ماما تقولى هو حلو بس ناقص ملح مش اسكت بقى لا:D قلتلها ملح؟؟؟؟  انا محطتش ملح اساسا عشان تعرفوا انى مشرفاكوا
__________________
|
|
#7
22-08-2008, 04:54 PM
|
||||
|
||||
|
الا قوليلى يا شيف مها انتى بتعرفى تطبخى بجد والا دى مجرد وصفات هههههههههههه شكلك ما بتعرفيش
__________________
اه يا غزة
|
|
#8
24-08-2008, 10:51 AM
|
||||
|
||||
|
هههههههههههههه ونعم الطبخ معلش معلش المرة الجاية إبقى خلى بالك ( أصحاب يشرفوا بصحيح )
سعيدة بإنضمامك لبرنامج المكسحين فى الطبيخ :D
__________________
إذا فقدت كل شىء و بقيت ثقتك بالله فإنك لم تفقد شيئاً
آخر تعديل بواسطة أسيل رزق ، 24-08-2008 الساعة 10:53 AM
|
|
#9
25-08-2008, 10:45 PM
|
||||
|
||||
|
هههههههههههههههههههههههههههه مش فرقه كتير بس كنتي هاتي معاكي بلستر لازم تقولي يعني اهو احسن مكنتي تحطي سكر
|
|
#11
28-08-2008, 10:53 AM
|
||||
|
||||
|
مها
حلقاتك جميلة وان شاء الله فيه امل بس انا ماليش فى المطبخ اساسا والله حتى وماما مش موجودة اخواتى الولاد هما اللى بيعملوا الاكل ميرسى ليكى وللبرنامج
__________________
يارب إن عظمت ذنوبى كثرة
فلقد علمت بان عفوك أعظم
|
|
#12
28-08-2008, 09:49 PM
|
||||
|
||||
|
اقتباس:
وريناهم البلاوى شكرً لمررك يا قمر بالموضوع
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#13
19-01-2009, 02:15 PM
|
||||
|
||||
إحم إحم
خبر هام بمناسبة إن المطبخ ( قب على وش الدنيا  ) إن شاء الله هكمل حلقات البرنامج عن قريب و إستعدوا لأجمد و أروع الأكلات .. من إيديا أراكم لاحقاً 
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#14
27-01-2009, 01:18 AM
|
||||
|
||||
|
في انتظار حضرتك يا اجمد شيف
بقالكم كام يوم مجوعينا فضحتونا والله قدام الرجالة سايبنا من غير اكل كدا جرا ايه ما حد يدخل يعملنا اكل
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله 
|
|
#15
09-02-2009, 05:00 PM
|
||||
|
||||
|
أحسن حاجة المرتة.
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 07:51 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
