كل اللى أمتحن النهاردة يحكلينا عمل ايه ( هنا وبس ) بلاش موضوعات تانية

[إسماعيل الشيخ]

بسم الله
اولاً : التربوي و العربي و E معظمة من الورق بس مش كله
ثانياً : الحاسب في نموذجين
النموذج الاول :- سهل وتمام وميه ميه و معظمة اسئلتة من الاختبار الحقيقي للكادر اللي مع كل الناس مع بعض الاسئلة الجديدة و لكنها ايضا سهلة .
النموذج الثاني :- عكس الاول فية اسئلة بسيطة من الاختبار الحقيقي للكادر حوالي 12 سؤال و الباقي جديد و رخم جداً
الاسئلة اللي انا فاكرها منها بس مش بالنص ياجماعة اعزروني
1 - سؤال رتب تصاعديا ( السادس عشر - الثامن عشر - النظام العشري - النظام الثنائي )
2- ALU تعني
3- تقيس bps
4- سؤال عن LAN
5- تعريفات الانترنت
6- سؤال عن تصغير النوافذ المفتوحة الي شريط المهام والاجابة الصحيحة هي
alt + space + n
7- سؤال عن bps تقيس اية بس مش فاكر الاختيارات
8 - سؤال عن استخدامات الكمبيوتر الضارة
9 - سؤال عن افضل الطرق لنقل الخط من برنامج معالجة النصوص الي برنامج الناشر المكتبي
10- سؤال كان بيقول لو انت عايز تعرف الطالب ازاي يشيل الفيروسات اللي علي جهازة افضل طريقة تشرح بيها هي اية يعني مثلاً تجيب كمبيوتر علية فيروسات و تشرحلة علية و الا تشرحلة عن طريق جهاز العرض فوق الرأس و هكذا
11- لوضع صورة علي الانترنت يفضل ان يكون امتدادها اية

دا اللي انا فاكرة و لو افتكرت حاجة هارفعها
بس الكل يذاكر الختبار الحقيقي للكادر لان جاء منه النهاردة و هايجي منه ان شاء الله

[دودو محمد\]

أنا بشكرك أوي ولو حضرتك إفتكرت حاجة يا ريت تقولها لأني خايفة أوي

[الوردة الوحيدة]

مشكور علي مجهودك الرائع
بعد إذن حضرتك هو الإمتحان دا خاص بالإبتدائي ولا الإعدادي ولا الثانوي

[إسماعيل الشيخ]

لو حد عايز اي حاجة ان تحت امره

[la_mi_aa]

استاذ اسماعيل حضرتك تخصص ابتدائى ولا اعدادى ؟؟؟؟؟؟؟؟

[ام ملك 55]

حضرتك ابتدائى ام اعدادى
لانى دخلت امبارح فى اول مجموعة والنت فصل بس كنت شوفت حوالى 15 سؤال من الحاسب وكانو صعبين قوى ومش من الورق خالص انا تخصص ابتدائى

[la_mi_aa]

انا كمان تخصص ابتدائى وصحابى النهارده قالولى مافيش اسئله جات من اللى احنا زاكرناها خالص فى الحاسب الالى
كلها اسئله جديده وماكنوش عارفين يجاوبوا عليها
ربنا يستر بقى

[إسماعيل الشيخ]

انا اعدادي

[إسماعيل الشيخ]

وعلي فكرة يا جماعة احنا كان عندنا 5 اسئلة مش ظاهرين ( رأس السؤال مش موجود ) يعني دول محسوبين علينا غلط كمان و كلمنا الناس اللي كانت بتراقب قالو روحوا الاكاديمية

[إسماعيل الشيخ]

النظام العشري


النظام الثنائي


النظام الرباعي


النظام السداسي


النظام الثماني


النظام السادس عشر

[rasha eletr]

امتحنت اليوم وياريتنى ماامتحنت انا نفسيتى تعبانة ومحبطة من اللى بيحصل للمعلم المساعد انا حاسب الى ابتدائى فى كفر الشيخ والتخصص صعب جدا جدا حاجات أول مرة نشوفها وأسئلة جديدة خلاص غير كدا الوقت مش كافى وكل شوية النت يفصل وعشان تجيب السؤال التالى ياخد وقت من الاخر ياجماعة بيزلونا مش عارفة اتكلم أسئلة الحاسب عن خرائط التدفق والنظام الثنائى وماكفى الاصفار والواحد والاكسترانت وحاجات غريبة كدا والله من الصادمة مش فاكرة السؤال كان ازاى اعذرونا والله كنا فى ضغط شديد

[محمدتطوير]

ياريت اللى يدخل امتحان ابتدائى حاسب الى ويفتكر اى سؤال يقول عليه لان اصحابى اللى دخلوا والنت فصل عليهم بيقولوا الاسئلة جديدة خالص

[ferofero]

الامتحان عامل ايه وياريت اى حد امتحنه يقولنا اى اسئله فاكرها

[ramy500]

الامتحان كلع غير متوقع اسئله كلها جديدة فيها السهل جدا والمحتاج الي تمييز شديد
سؤال عن حطين 583هـ
سؤال عن طبيب وشاعر فرعوني امنحتب
سؤال عن الميزان التجاري
اسئله عن الخريطة ( الشمال الجغرافي ـ لومعايا خريطة عمرانية وسط مدينة وعايز اعرف الشمال الجغرافي ـ مفتاح الخريطة افضل مكان ليه فين في الخريطة شمال شرقي ولا شمال غربي ولا جنوب شرقي ولا جنوب غربي ـ عايز اذهب من الوادي الجديد الي العريش هتجه شمال شرق)
الطولونيون بنوا ايه القطائع
اسئلة كتير عن حجم الاسرة وتحديد النسل
ليه الناس بيحبوا يعيشوا غرب النيل عن شرق النيل وجود خدمات وجود جبال في الشرق ولا علشان الاراضر كتير في الغرب
لو في الصحراء في مشروع والكهرباء هناك ضعيفة تستخدم البترول ولا الغاز الطبيعي ولا الرياح ولا الشمس

[دينا و محمد]

انا اتاكدت انه شارع سعد زغلول