العدد الاول من f.f.e

[F.F.E]

بسم الله الرحمن الرحيم
***



البدايه
1999

طفلتين بيلعبوا ويتفرجوا ع صور مجله ميكي
اللى تقريبا كلنا اتربينا عليها واحنا صغيرين
ميكى وسمير وبلبل وعلاء الدين وجو الطفوله المشرده الجميل ده





وبعدها بكام سنه
(2001-2005)
بدأت الطفلتان بالنضوج تدريجيا وتغيير الوجهه خالص لكل منهما
- بالرغم انهم لسه بيحنوا للحجات القديمه بريحه الورق والصور اللذيذه بتاعتها -
بدأوا بمتابعه مجله فتيات
W.I.T.C.H
كانت الصور والحوارات والمعلومات دايما بتبهرهم




ومع التطور وفى الفتره ما بين
(2006-2009)
بدأ اهتمامتهم تزيد وينجهوا لمجلات متخصصه تبعا لحياه كل واحده فيهم

ومع كده
فضل حلمهم بالفرصه اللى يقدروا ينتجوا فيها مجله خاصه بيهم


زمان الموضوع كان صعب لانه محتاج رأس مال ضخم
اما دلوقتى فسهل جدا وبامكانيات بسيطه ان الواحد يعمل اى حاجه ع النت

-ربنا يخليهولنا ويعمر بيته وينجحله المقاصد وميحرمناش منه -
قول امين

**
وده اللى هما قرروه يحولوا اللى هما عاوزينه ببساطه الى حقيقه

وزى مبيقولوا دايما

ليس هناك خطوة واحدة عملاقة التي حققت الانجاز، انما مجموعة خطوات صغيرة .

اعتقد ان البدايه هتكون من هنا معاكم

وزى مبيقولوا بردو و متسألوش مين اللى بيقول



التحفيز هو ما يجعلك تبدأ، العادة هي ما تجعلك تستمر


بس الاجمل فى الموضوع كله ان مش ايمان وياسمين بس صحاب الموضوع

احنا ممكن لقينا الفكره الا ان فيه جروب معانا ان شاء الله

والمعروف ان العمل الجماعى جمله طويله للنجاح

و فى مقوله ظريفه كده


الناجحون يبحثون دائما عن الفرص لمساعدة الآخرين . بينما الفاشلون يسألون دائما ماذا سوف نستفيد نحن من ذلك .



عامه

مش هيظهر فى اول عدد
-واللى هينزل قريب ان شاء الله-

غير (ياسمين وايمان)



بس فى القريب العاجل المجموعه اللى هتشتغل معانا هتكون كملت

نعتبر العدد الاول عدد تجريبى هينزل خلال الاسبوع ده ان شاء الله
وهيكون فى حجات كتير علم سياسه مواضيع نقاشيه شعر حتى فقره ذهب ولم يعد ممكن تلاقوها
وهتكون كل اسبوعين ان شاء الله
ويارب يعجبكم


****


ملحوظه ضغنونه لكل الفضوليين : مجلتنا اسمها F.F.E

متحاولش تفسرها لانك مش هتلاقى تفسير
وبلاش التفكير التقليدى
مش اللى فى دماغكم استعيذوا من الشيطان الرجيم ابعدوا شوشو عن هنا

***


عامه فى فقره فى المجله عن الابداعات وهنبدأها من الاعداد الجايه اللى عاوز يقدم حاجه يبعتها رسايل للمجله وهيتم النشر

***
بالمناسبه كمان المجله قابله للنقاش فى الامكانيه لده
واى اقتراحات انتو عارفين الطريق ابعتولنا

***


شكرا