هام وعاجل لمتعاقدى الأزهر الشريف !!

[داليا مصطفى ابراهيم]

المشاركة الأصلية كتبت بواسطة (هند)

السلام عليكم
كل الشهادات ممكن تتاكد منها ولا المصرية بس؟
المدير بيقول المصرية بس اما الى واخدها فى مركز خاص لايمكن التاكد منها

انا واخدها من مركز خاص ودخلت الرقم القومى ظهرت لى نتيجه الامتحان

[طارق حامد2]

المشاركة الأصلية كتبت بواسطة داليا مصطفى ابراهيم

انا واخدها من مركز خاص ودخلت الرقم القومى ظهرت لى نتيجه الامتحان

ايوه بس الاسكل كارد بتاعك أكيد منحه
مش سكل خاص

[نور الحياة2020]

يا جماعة ياريت مدرسى الازهر يردوا عليا هل فى مشكلة لو اخدت ال icdl من معهد خاص تبع وزارة الاتصالات مع العلم انهم انى كنت مقدمة من شهر 12 اللى فات تبع الاكاديمية فى المنطقة الشمالية العسكرية وما اتصلوش بيا الا النهاردة بعد ما قدمت فى المعهد الخاص ده . المشكلة ان مكان الدراسة اللى تبع الاكاديمية فى بعيد جدا عن سكنى اما المعهد ده قريب جدا بالنسبالى
انا عاوزة اعرف هل فى فرق فى الشهادة او فى الاجراءات فى المنطقة الازهرية فى قبول الافادة من المعهد ده ؟ لأن استخراج الشهادة الاصلية ها ياخد 6 شهور
ارجو الافادة
مدرسة فى الازهر

[أحمد غازى أحمد لاشين]

يا اخوانا ا نا عاوز أعرف ايه الموضوع شهادة icdl لو يتم استخراجها و امنطقة لا تقبل لا أصل الشهادة طيب واللى قدموا الشهادة ما حصلش معاهم أى تغيير أرجوك يا مسيو ايهاب لو عند حضرتك اى جديد قلنا عليه وشكرا

[نور الحياة2020]

ممكن رقم فاكس شيخ الازهر الحالى دكتور احمد الطيب

[Elhefni]

انا متعاقد فى منطقة قنا امنحنا الكادر ونجحنا والفضل لله وحده
وجنا منشور بتاريخ 19/6/2010 بيطلبو فية اصل شهادة الicdl
وذلك للتعيين على درجة معلم من اول 7 علما بانى حصل حل الرخصة الدولية
من اربع شهور ولم يتم استخراج الاصل حتى الان انا اخدتها فى منحة وزارة التنميه الادارية
يعنى جهه حكومية ودونا افادة مختومة بخاتم الشعار وصور من السكيل كارد وقالونا دى تمشى فى اى مصلحة حكومية لحين استخراج الاصل يعنى التاخير من الحكومة مش منى ولا من زملائى وهما دلوقتى بيحسبونا على تاخير الحكومة فى استخراج الاصل وعلى فكرة دى مشكله جمعيع المتعاقدين فى منطقة قنا الازهرية
مفيش غير 8 فقط هما الى سلمو الاصل ودولا وخدينها من قبل التعيين
اصلا هما متعمدين كدة عشان ميثبتوش حد فى الازهر
ياجماعه لازم كلنا نبعد فكسات لشيخ الازهر لانة الكلام دة ميرضيش ربنا
وياريت نركز فى الفكساتا على موضوع قبول الافادة لحين استخراج الاصل
الموضوع سهل وانشاء الله هيتحل بس كل متعاقد امتحن الكادر عليه فاكس يبعتو لشيخ الازهر
دى امانة ومحدش يتخلف عنها عشان حقنا ميضيعش
هذا وبالله النصر والتوفيق
محمد الخولى منطقة قنا الزهرية

رابط للتاكد من الشهادة
http://www.icdlegypt.gov.eg/Check_Ap...ficate_ar.aspx
يارييت نسرع فى الفكسات لان الوقت ضيق جدااااااا

[Elhefni]

http://www.icdlegypt.gov.eg/Check_Ap...ficate_ar.aspx
رابط للتاكد من الشهادة

[Elhefni]

http://www.icdlegypt.gov.eg/Check_Ap...ficate_ar.aspx

[Elhefni]

بسم الله الرحمن الرحيم نحن المعلمين المساعدين بالازهر الشريف نرفع شكوانا الى حضراتكم لعرضها على الساده المسؤولين حيث تعاقدنا مع الازهر من خلال المسابقات الرسميه النزيهه شعارها الاعلى تقديرا فالاقدم تخرجا فالاكبر سناوذلك منذ العام 2005 وحتى تاريخه وعاما بعد عام نحلم بالامن الوظيفى التثبيت الفعلى الحقيقى فنحن ما زلنا الى الان متعاقين نعمل بعقود سنويه تجدد عام بعد عام الى ان صدر قانون الكار عام 2007 ونص على ان من يقضى عام واحد كمعلم مساعد وحصل على شهاده الصلاحيه اى اجتاز اختبار الكادر يتم تثبيته بنص القانون ويتم تعيين معلمى الازهر بقرار من فضيله الامام الاكبر شيخ الازهر ومعلمى الوزاره بقرار من المحافظ المختص هذا نص القانون والى الان لم يحدث شىء حيث ان الاكاديميه المهنيه للمعلمين والمسئوله عن اختبارات الكادر ماطلتنا منذ العام 2007 الى ان حددت لنا الامتحان فى 20-11-2009 وبفضل الله تعالى خضنا الاختبار واجتزناه وطلبوا منا الحصول على شهاده الرخصه الدوليه للحاسب الالى رغم انها لم ترد فى نص قانون 155 للتربيه والتعليم ولا قانون 156 للازهر ورغم ذلك حصلنا على الشهاده معتمده من اليونسكوا والى الان لا نعرف مصيرنا والكل يتجاهلنا ولم نصرف الزياده الضئيله المقرره لمن يجتاز اختبار الكادر ال 50% من الراتب الاساسى حيث ان الراتب الاساسى 153 جنيه فقط والراتب الفعلى 310 اننا نشعر بالخزى والذل فى بلدنا لذا نطالب حضراتكم بعرض شكوانا على فضيله الامام الاكبر شيخ الازهر حيث ارسلنا مناشدات كثيره عبر الصحف ومئات الرسائل عبر الفاكس ولا نجد رد وهذا نص ما ورد فى قانون الكادر مادة 93 مكررا (4) ( مضافة بالقانون 156 لسنة 2007 ) يكون شغل وظيفة " معلم مساعد " بالتعاقد لمدة سنتين قابلة للتجديد سنة أخرى بقرار من شيخ الأزهر، ويجب على شاغلها خلال هذه المدة الحصول على شهادة الصلاحية لمزاولة مهنة التعليم بالمرحلة التعليمية الأزهرية التى يتقدم لها فإذا لم يحصل على الشهادة خلالها انتهى عقده تلقائيا دون حاجة لأى إجراء . ويتم التعاقد مع المعلمين المؤقتين الذين يباشرون فعلا أعمال التعليم لشغل وظيفة " معلم مساعد" ، وذلك متى توافرت فيهم شروط شغل الوظيفة. ويعين بقرار من شيخ الأزهر فى وظيفة معلم ، من أمضى سنة على الأقل فى وظيفة معلم مساعد ، وحصل خلالها على الشهادة المشار إليها ، وثبتت صلاحيته للعمل وفقا للمعايير التى تحددها اللائحة التنفيذية. ويسرى حكم الفقرة الأولى على الإخصائيين الاجتماعيين والنفسيين وإخصائى التكنولوجيا وإخصائى الصحافة والإعلام وأمناء المكتبات بالمعاهد الأزهرية الذين يعينون بعقود مؤقتة.

[the keng]

يبقي الوضع كما هو عليه وعلي المتضرر ضرب راسه بالحيط

[Elhefni]

مبرووووووووووووووووووووووووووك نثبيت المتعاقدين 15/7/2010
دة كلام مسئوليين من اكادمية المعلم


والف مبروك زيادة الاساسى للمتعاقديين 30جنية فى شهر 7

[طارق حامد2]

ازاى يستلمو كارت المهارات ده تابع لليونسكو وبدونه لا تستخرج الشهادة
انا شايف ان ده عدم فهم من جانب المظفين
وبعدين فيه حاجه اسمها الريبورت وده يستخرج من الهيئة الخاصة باليونسكو بعد اتمام السبع موديولات وده معتمد بالاضافة لصورة كارت المهارات كل ده يكفى لحين صدور الشهادة