|
كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
|
أدوات الموضوع | انواع عرض الموضوع |
|
#1
|
||||
|
||||
متشكرة جدا على الرد يا دكتور ة وممكن اطلب منك طلب ياريت اعرف اسمك الحقيقى ولو اسمك الحقيقى ماجدولين يبقى حلو قوى وانتى اكيد قريتى قصة ماجدولين ميرسى كمان مرة على المتابعة ونفسى قوى ادخل طب عين شمس عشان اتعرف عليكى ربنا يوفقك ويوفقنى |
#2
|
||||
|
||||
اقتباس:
بصى يا ستى انا فعلا قريت رواية ماجدولين طبعا أنا قصدى ع الرواية الفرنسية أنما بيقولوا أن فى رواية تانية بنفس الإسم بس أدعيلى أنى نهايتى أو حياتى مش تكون زى نهاية بطلة الرواية ماجدولين وشدى حيلك وان شاء الله ربنا يوفقك وتحصلينا يارب
__________________
أحببتكم فى الله فائق احترامى للجميع،،،،،،،، بالتوفيق
|
#3
|
||||
|
||||
اقتباس:
بس على فكرة انا بردو معرفتش اسمك الحقيقى اييييييييييييييييه |
#4
|
||||
|
||||
السلام عليكــم ورحمـة الله وبركاته،،
تم تقليل : 33% من الحجم الأصلي للصورة[ 1200 x 1600 ] - إضغط هنا لعرض الصورة بحجمها الأصلي حَضرت البارحة فيمن حضر بداية كورس ال Induction الذى نظمته وحدة ضمان الجودة بالكلية .. طبعاً وكما توقعت .. بدأ بكلمة الدكتور طاهر فريد وفى عينه نظرة من طراز "أنا شايف فى وشكوا أمل يا قطاقيط ... انسوا " بالطبع أخد يسهب فى شرح منظومة "عراقة الكلية" و إنك داخل طب " عين شمس" .. وكلام من هذا القبيل ... وفى وسط حديثه أشار إلى نقطة "الدروس" التى كانت بمثابة مربط الفرس ووجهة طالب سنة أولى .. بإننا مش هنتحتاج .. واسأل الدكاترة ... ومتبقاش نص كم وكدة يعنى ... وفجر مفاجأة موعد بدأ الكلية .. يوم 11 أكتوير.. بعد العيد إن شاء الله وللأسف طلع قصده معاد السكاشن ..وإن المحاضرات هتبدأ يوم 20 عادى وتحدث عن تقسيم الدفعة ثلاثة أقسام .. بعدها كانت كلمة الأستاذ الدكتور أسامة رسلان ... كان كلامه متميزاً بالفعل .. ويبدو أنه صاحب رسالة قوية .. وأشار _هو الآخر_ لمسمى الدروس تحت إسم "الدكاكين" .. وجُل كلامه عن التعلم .. كلامه فى مجمله يقع ضمن نطاق "الترحيب" وبعدها تكلم عميد الكلية .. الذى وصل متأخرا مع نقيب الأطباء الدكتور حمدى السيد ... المزيد من الحديث عن سمو المهنة .. عن الكلية .. ترحيب .. إلخ تكلم فيها عن أهمية هذا البرنامج .. وبعدها كان مسك الختام ... ..أعتبره أجمل ما جاء اليوم والبداية الفعلية للكورس .. وهو عن General ethics .. الله أكبر أخيرا حد إهتم .. مهندس يعمل ضمن جمعية رسالة ... له باعُ طويل فى مجال التنمية البشرية .. أخد يتحدث عن الأعمال الأخلاقية وغير الأخلاقية .. الضمير الطبى .. ووعدنا إن فيه محاضرة كمان لل Medical ethics الكورس فى مدرج المحلاوى من 9.5 إلى 1.5 ----------------------- دة أول يوم ... و الدكتور تكلم عن حكاية التكليف وقال إنها تقريبا مش حقيقية .. عموما أنا شايف إن إلغاء التكليف فى حد ذاته رحمة .. من منظورى المتواضع ..
__________________
آخر تعديل بواسطة DR.Neuro ، 14-09-2008 الساعة 02:15 PM |
#5
|
||||
|
||||
اقتباس:
زادكم الله تواضعا فى رعاية الله
__________________
أحببتكم فى الله فائق احترامى للجميع،،،،،،،، بالتوفيق
|
#6
|
||||
|
||||
اقتباس:
أولى إنجازاته رفع مصاريف التأجيل من 40 جنيه إلى مائة جنيه <_< رافعاً شعار.. "اللى فى جيبك فى جيبنا يا إبن الحلال " اقتباس:
جزاكم الله خيرا على الجدول .. يالا أمرنا إلى الله .. بس مش عارف إذا كان الدكاترة هيختلفوا ولا دة مجرد تقسيم لعدد الدفعة بس اقتباس:
اقتباس:
وسلمت عليه بعد المحاضرة بس إن شاء الله بكرة هيكون يوم جبار..أحسبه كذلك ..
__________________
آخر تعديل بواسطة DR.Neuro ، 14-09-2008 الساعة 09:10 PM |
#7
|
||||
|
||||
بما انك بقى يا دكتورة ماجدولين لسة دخلى تانية
يعنى كنتى قريب جدا فى الثانوية واكيد لسة فكراها وفكرة المواد اللى فيها ايه رأيك اخد المادة الادبية ايه علم نفس ولا اقتصاد واحصا ممكن اعرف انتى كنتى مختاراها ايه؟؟؟؟؟؟؟؟؟؟؟؟؟ عشان الموضوع مزهقنى قوى |
#8
|
||||
|
||||
اقتباس:
فى رعاية الله
__________________
أحببتكم فى الله فائق احترامى للجميع،،،،،،،، بالتوفيق
|
#9
|
||||
|
||||
ياريت أقدر أساعد بجد
اقتباس:
سلامتك من الزهق
شوفى الردود اللى فى التوبيك وياريت تقدرى تحددى وافتكرى دايما أن مش كل اللى دخل أحصا فشل ومش كل اللى دخل علم نفس قفل المادة فى رعاية الله
__________________
أحببتكم فى الله فائق احترامى للجميع،،،،،،،، بالتوفيق
|
#10
|
||||
|
||||
ميرسى جداااااااااااااااااااااااااااا على التوبيك اللى انتى قلتيلى عليه
انا بجد كنت محتاجاه وكنت محتاجة اعرف أراء الناس دى كلها بس انا بردو معرفتش اوصل لحل نصهم شجع الاقتصاد والحصا والنص التانى شجع علم النفس وانتى كمان شجعتى علم النفس بس انا حسة انى ميالة اكتر لعلم النفس لان مفيش ولا واحد دخل وقال انه جاب 50 فىالاقتصاد والاحصا بس صحيح بقى انتى لسة مدخلتيش سنة اولى طب وبتتكلمى كل ده عن الطب والكلية ياشيخة انا افتكرت انكفى تانية او تالتة وقعدة اسألك عن الدراسة والكلية انتى طلعتى اكبر منى بسنة واحدة فى التعليم بس على فكرة انتى اكبر منى بعشرين يوم بس فى تاريخ الميلاد عموما كدة احسن عشان اعرف منك اخبار الكلية اول باول وانتى طبعا مش هتبخلى عليا بالنصيحة |
#11
|
||||
|
||||
ممكن اطلب منك طلب كمان انا عرفة انى طلباتى كتير
ممكن اعرف ايميلك عشان اكلمك عليه؟؟؟؟؟؟؟؟؟؟؟؟ ده طبعا لو مش هيضيقك سلام ياقمر واتمنالك التوفيق فى دراستك |
#12
|
||||
|
||||
للأسف معرفتش أروح النهاردة...
ياريت تحكى اللى حصل يا دكتورة لو مفيهاش إزعاج لحضرتك ؟؟
__________________
|
#13
|
||||
|
||||
سوما
استخيرى ربنا وربنا معاكى وأنا يا ستى كل الكلام اللى بكتبة دة قولت أنة مش كلامى وأنا الحمد لله مش ببخل بالنصيحة لما أحس أنى فعلا قدها بس مش بحب أفتى الصراحة ع العموم يا ستى ربنا معاكى ويكرمك ياااااااارب ولو عوزتى أى حاجة أنا موجودة بأذن الله
__________________
أحببتكم فى الله فائق احترامى للجميع،،،،،،،، بالتوفيق
|
#14
|
||||
|
||||
دكتور أنس .....حصل خير ان شاء الله بس ياريت حضرتك تحاول تنتظم بجد لأن النهاردة بدأ الكلام العدل واللى يفيد بجد عكس الهبل اللى حصل الأيام اللى فاتت المهم بقى نيجى للى حصل النهاردة سبحان الله كدة وخير اللهم ما اجعلة خير بدأنا فى الميعاد المحدد وطبعا كان المدرج شبة فارغ تقريبا المهم بدأنا اليوم مع الدكتور// محمد عمر مين دة بقى؟؟؟؟؟ دة خريج طب عين شمس دفعة 97 امتهن الطب لمدة معينة ثم اتجة بعد ذلك الى علم التنمية البشرية وهو حاليا يعمل فى مؤسسة زدنى الشهيرة المهم كان حديثة عن تنظيم الوقت واهميتة وكيف اننا كشعب مصرى نعتبر أن الوقت لاقيمة لة والصراحة المحاضرة كانت ممتازة رغم أنها تقريبا كانت مكررة بالنسبة لى إلا أننى أحسست أنها أضافت لى الكثيييييييير بعد حديث دام حوالى ساعة ونصف تخللها عشر دقائق من الراحة انتهت أرووووووع محاضرات اليوم وجلس بيننا الدكتور ليجيب على استفساراتنا وقالنا (أنا معاكوا.........مش همشى غير لما تقولولى بالسلامة) وبعد ذلك دخل علينا أستاذ فى الفارما وقعد يكلمنا عن التعليم الإلكترونى وأن الكلية عندها تلات سايتات ع النت سايت لأولى وتانية وسايت لتالتة ورابعة وسايت لباقى السنوات ومش عارفة الراجل كان بيغيظنا مقلناش ع اسم السايتات ولما سألناة قالهم كدة فى نص ثانية والحقيقة انا خدت اسم السايت وجيت عندى فى البيت لقيت مفيش نتيجة المهم الراجل قال أن الكارنية ان شاء الله هيطلع قريب ومع الكارنية هيكون مكتوب اسم السايت وكل واحد هياخد ورقة عليها اسم دخول وباسورد ع السايت دة ودة لأن الكلية هتحاول انها تبقى كلية الكترونية وان الدكاترة ان شاء الله هينزلوا المحاضرات والعملى على السايتات دى وطبعا شجعنا كطلبة خبرة فى النت والكمبيوتر وكدة ان احنا ننصح الدكاترة ونساعدهم ويبقى دورنا إيجابى وقالنا ان اللى عمل المواقع دى طالب معانا فى سنة رابعة فكان بيحفزنا ع مشاركة إيجابية لأفضل كلية وبعدين فجر المفاجأة التى كانت سعيدة للبعض ومحزنة للبعض الآخر دلوقتى مفيش حد هياخد شهادة البكالوريوس غير بشهادة الICDL وكل شخص لة الحرية فى أنة ياخدها فى أى سنة بس طبعا بيؤكد أهمية الدراية بالكمبيوتر من السنوات الأولى وقال أن الكلية ليس معترف بيها من قبل اليونسكو لمنح هذة الشهادة وبالتالى لن تستطيع تقديم هذة الخدمة وفرحنا وقالنا أن الكلية كلها فيها شبكة نت ما عدا بعض الأماكن القليلة التى منها مدرج المحلاوى!!!!!!!!!! وقال ان السنة الجاية ان شاء الله هيتم تجهيز معملين كمبيوتر عملاقين وبتاع وقال أنهم بيحاولو يخلوا الأمتحانات ع الكمبيوتر واوبن بوك عاااااااادى بس دى كلها لسة اقتراحات ************ لى عودة ان شاء الله للتكملة حتى لا أطيل عليك وعشان كمان أحاول أرتب الأفكار والحاجات اللى حصلت النهاردة فى رعاية الله
__________________
أحببتكم فى الله فائق احترامى للجميع،،،،،،،، بالتوفيق
|
#15
|
||||
|
||||
بكرة ان شاء الله
يوم كويس ان شاء الله.......على حسب ما قالوا ان شاء الله هيجى الدكتور محمد عمر ويكمل معانا ويكلمنا عن العمل الجماعى وكدة طبعا أنا قولت أن الراجل دة ما شاء الله علية بجد ممتاااااااااااااااااز وبعد كدة قالوا أنة هتيجى دكتورة مش فاكرة اسمها الصراحة أوى وهتكلمنا عن الإحتياطات التى يجب أن يتبعها الطبيب للحفاظ على سلامتة بين المرضى والدكتورة وفاء هتكلمنا ان شاء الله عن الlearning scources دة كدة ملخص للى هيحصل بكرة ان شاء الله
__________________
أحببتكم فى الله فائق احترامى للجميع،،،،،،،، بالتوفيق
|
العلامات المرجعية |
الكلمات الدلالية (Tags) |
كليتنا العزيزة |
|
|