ضد الخونه ..

[ragb782]

المشاركة الأصلية كتبت بواسطة المصري أشرف

إنك تربي ولادك من فلوس حرام نتيجه عدم أدائك لعملك بما يرضي الله
أولا وضميرك ثانيا .. دي أكبر خيانه بيحاول البعض إنه يوقع بها البلد
أهم حاجه .. إنت نسبه أدائك من الموضوع ده .. أد إيه ؟

[المصري أشرف]

ياريت ترد علي المنشور كله .. ماتقطعش حته منه وتجاوب بفكرك
مش بفكر غيرك .. وتويتات غيرك ............... يارجب

----------------------------------------------------------------------

المشاركة الأصلية كتبت بواسطة المصري أشرف

إنك تربي ولادك من فلوس حرام نتيجه عدم أدائك لعملك بما يرضي الله
أولا وضميرك ثانيا .. دي أكبر خيانه بيحاول البعض إنه يوقع بها البلد
أهم حاجه .. إنت نسبه أدائك من الموضوع ده .. أد إيه ؟

موضوع العصافير دي تلاقيها عند ناس جديده بتخاف.. مش عند الخبراء

إنك تغرس الوطنيه في عقول ونفوس الصغار بوعي وتعرفهم تاريخ مصر
وعظمه جيش مصر .. تبقي بتنتج جيل متزن الشخصيه .. ميعرفش
يعني إيه عباره طظ في مصر .. ولا الوطن حفنه من تراب عفن
هايعرف بطولات .. إنه يفدي أرضه بروحه ودمه .. هانطلع رجاله

مش هاطلع جيل غبي .. جبان .. ياخد علي دماغه بالجزمه .. يمشي
ويدي صلاحيات للجيش .. وفاكر إنه بيدي الجيش حقه .. لأ ده مش
مزاجهم .. ده غصب عنهم .. بس هما أساتذه في الكذب

[ragb782]

للخيانة وجوه اخرى!!!!!
أخيرا العفو الرئاسي للسيسي.. عن اللواء "محسن شتا" احد المدانين الرئيسيين في م***ة ستاد بورسعيد التي تم فيها إغتيال 73 من شباب الألتراس !
--------
عفو رئاسي عن اللواء محسن شتا المدير التنفيذى للنادي المصري المدان في قضية "م***ة بورسعيد

سعيد

[المصري أشرف]

وشهداء مين دول .. الشهيد إللي بنحتسبه عند الله .. مدافعا عن أرضه
وعمله .. مش ناس رايحه تعسكر وتقبض وتاكل وتشرب .. وت
وفي الآخر تقول عليهم شهداء .. أين العقول التي تميز

[المصري أشرف]

المشاركة الأصلية كتبت بواسطة ragb782

للخيانة وجوه اخرى!!!!!
أخيرا العفو الرئاسي للسيسي.. عن اللواء "محسن شتا" احد المدانين الرئيسيين في م***ة ستاد بورسعيد التي تم فيها إغتيال 73 من شباب الألتراس !

-----------------------------------------------------

دي نفس الإجابه لصديقك فخر ..... ماشي يارجب

طيب يارجب.. بذمتك إنت ناشر الكلام ده عشان مش راضي من جواك عن
العفو عن شتا .. ولا عشان دي نقطه جديده بتاخدها علي النظام ..
علي فكره أنا برضه مش راضي .. بصفتي أهلاوي جدا .. بس ده عفو
صحي .. إيه الفايده من حبس واحد مريض .. ياتري ذمتك مجالها أد إيه

[ragb782]

للخيانة وجوه اخرى!!!!!
ولما تخلط الدين بالسياسة وتخلط الاوراق وتلعب بكارت الطائفية خيانة






الكنيسة تدعو اقباط المهجر للإحتشاد أمام الأمم المتحدة .. لدعم السيسي خلال كلمته هناك
-----
صدرت الكنيسة إعلانًا مشتركًا بين المقر البابوي في أمريكا وإبراشية نيويورك ونيو إنجلاند دعت فيه رجال الكنيسة إلى حشد من يستطيعون من الأقباط ليكونوا في استقبال الرئيس عبد الفتاح السيسي خلال زيارته للولايات المتحدة الأمريكية لإلقاء كلمة مصر أمام الجمعية العامة للأمم المتحدة.
http://gate.ahram.org.eg/News/1236760.aspx
http://gate.ahram.org.eg/News/1236760.aspx

[ragb782]

للخيانة وجوه اخرى!!!!!
ولما مطالبش بمعرفة حقيقة دول خيانة

http://albedaiah.com/news/2016/09/11/120783

[المصري أشرف]

مفيش طائفيه هنا .. ولا تحرك علي أساس ديني .. فيه هنا مصريتك
ووطنيتك .. ولا إنت بتدي نفسك الحق في معارضه التظام وبتحرم نفس
الحق علي مصريين تانين دون تصنيفهم علي أساس ديني .. مصريين
يؤيدون السيسي .. مع كل نفس .. يتنفسونه .. حاجه غريبه
----------------------------------
وإن شاء الله .. الأمور هاتتضح قريبا جدا .. في موضوع ريجيني
وعلاقتنا بإيطاليا .. هاترجع زي زمان وأحسن .. سيبك إنت

[المصري أشرف]

الخيانه تلهث .. وتتحرك يمينا وبسارا .. ضد شعب يحب بلده
بمسلمينه وأقباطه .. ولن تطول فيهم .. لأنهم مصريين
كلمه فقدها .. الكثيرين .. هنا .. وخارج هنا

[ragb782]

المشاركة الأصلية كتبت بواسطة المصري أشرف

مفيش طائفيه هنا .. ولا تحرك علي أساس ديني .. فيه هنا مصريتك
ووطنيتك ..

دى الوطنية الا بالمقاس
وهى خلت اية للخارجية؟
وكدة مش استقواء بالخارج !!!
بكرة تبقى السلفية و بعده الصوفية وبعد بعده نفصل وطنية جديدة

[المصري أشرف]

المشاركة الأصلية كتبت بواسطة ragb782

دى الوطنية الا بالمقاس
وهى خلت اية للخارجية؟
وكدة مش استقواء بالخارج !!!
بكرة تبقى السلفية و بعده الصوفية وبعد بعده نفصل وطنية جديدة

===========================

بلاش التعبيرات الرنانه .. وبلاش تطلق لخيالك العنان .. وإجمع شتات
نفسك .. ودور علي ظلك .. في الأرض إللي إنت واقف عليها
هاتلاقيك تقريبا .. فقدت ظلك .. بس إنت مش واخد بالك
وماشي مع موجه .. بتتحطم علي صخور .. سيساويه
فرحان بزبد البحر .. مع إنه ملوش فايده في الآخر
وهاتلاقي نفسك .. بتخبط الهرم براسك عشان
تكسره .. ومش واخد بالك .. إن دماغك هي إللي بتنكسر

[ragb782]

للخيانة وجوه اخرى!!!!!
كلهم واحد
ايامهم كان كدة بردك قمة الوطنية



ده كان الحال لما كانوا فى السلطه وعملوا انهم من بنها ومش شايفين حاجة
من يملك القوة يملك الحكم ويملك الموالين الافاقين المتلونين له
سيناريو يكرر نفسه
هم امبارح
ودول النهاردة
والا زعلان يفتكر ويسال نفسه هل كان دة حاله مع المؤسسة العسكرية لما الاخوان كانوا فى الحكم
ولا عزاء لدماء الشهداء

[المصري أشرف]

إفلاس .. وإعاده نشر .. لم يمر عليه 10 دقائق
في المشاركه رقم 75

[ragb782]

المشاركة الأصلية كتبت بواسطة المصري أشرف

وإن شاء الله .. الأمور هاتتضح قريبا جدا .. في موضوع ريجيني
وعلاقتنا بإيطاليا .. هاترجع زي زمان وأحسن .. سيبك إنت

خد عندك يا خبير !!!

إيه اللي حصل جديد في قضية الطالب الإيطالي جوليو ريجيني؟
اللي حصل هوا إن النائب العام المستشار نبيل صادق سافر بنفسه إلى روما مع وفد قضائي، ومكانش بالوفد ممثلين عن الداخلية بعكس الزيارة الفاشلة في أبريل.
بعد يومين من المباحثات صدر بيان رسمي فيه معلومات جديدة كان مفروض متعديش بالساهل كده!
١- "رئيس النقابة المستقلة للباعة الجائلين تقدم ببلاغ للشرطة في ٧ يناير الماضي .. أجرت الداخلية تحريات حول أنشطة ريجيني استمرت لمدة ثلاثة أيام، أسفرت نتائجها عن أن تلك الأنشطة ليست محل اهتمام للأمن القومي وبناء عليه أوقفت التحريات".

- يعني نهائياً ورسمياً كل الإعلاميين والخبراء الأمنيين اللي قالوا ده جاسوس، ده كان شغال مع مخابرات، ده كان خطر على الأمن القومي، كلهم كذابين. "عبط احنا يا خبير"
كلهم لازم يتفضحوا، ويعتذروا، ومن حق أسرة ريجيني تقاضيهم كمان، ونفس الكلام ينطبق على الصحف والمواقع اللي نشرت الكلام ده نقلاً عن "مصادر أمنية" مجهولة!
بالاسم على سبيل المثال لا الحصر، مصطفى بكري، ومحمد الغيطي، وعزمي مجاهد، و خالد أبوبكر.
- ويعني كمان حقنا نسأل لما الداخلية راقبته فعلاً، ليه مفيش أي مسئول من الداخلية قال ده من ٦ شهور؟
*****

٢- " تبين من التحقيقات، أن هناك شكوك ضعيفة بشان ارتباط أفراد العصابة الذين ***وا في مواجهة مع الشرطة بواقعة *** وخطف ريجييي"

- كده الخمسة اللي ات***وا دول دمهم في رقبة مين؟! ات***وا ليه؟!
- في بيان سابق للنائب العام الإيطالي قال إنه يرفض قصة "العصابة" دي تماما بعد ما تأكد من سجل مكالمات رئيس العصابة المفترض إنه كان يوم اختفاء ريجيني في كفر صقر في الشرقية .. طيب ازاي الداخلية بتقول انها لقت متعلقات ريجيني عند "العصابة"؟! المتعلقات دي جت منين؟!" اعمل نفسك ميت "
*****

٣- "النائب العام المصري سلم تقريرًا كاملًا ومفصلًا حول نتائج تحليل المكالمات التليفونية التي رصدتها محطات شركات المحمول في منطقتي الاختفاء والعثور على الجثمان."
- هوا مش دي سجلات المكالمات اللي قعدوا يقولونا تسليمها خطر على الأمن القومي ويخالف الدستور؟ وقالولنا زيارة الوفد الأول فشلت عشان مش هنفرط في سيادتنا؟ " اشرب عشان تنسى"
الحقيقة إن هنا أصلاً كان فيه مغالطة وكذب متعمد، لما خلطوا بين كلمة "تسجيلات" وبين "سِجلات" .. التسجيلات هيا المحظورة بالدستور، واللي الإيطاليين عمرهم ما طلبوها طبعاً لأنهم ميتخيلوش أصلاً إن فيه تسجيلات بدون إذن قضائي لقضية مفتوحة (!)، أما السجلات يعني الأرقام اللي اتصلت ومواعيد الاتصالات.
*****
- وهنا يا كبير وخبير لا بد نشيد بالشغل الصحفي المحترم اللي اتنشر بعد العثور على جثة ريجيني بأسبوعين، وكان فيه كذا نقطة من اللي عرفناهم لأول مرة من النيابة بعد أشهر، من الصحفيان أحمد رجب ومصطفى المرصفاوي في المصري اليوم.

- وكمان عاوزين نشيد بالتحقيق الصحفي المحترم اللي اتعمل بحثا عن حقيقة *** المصريين الخمسة، وقابل أسرهم وكشف معلومات ضد رواية الداخلية، وبرضه سبق جهات التحقيق، من الصحفية بسمة مصطفى في موقع دوت مصر.

الإعلام الحر والصحافة المهنية دايماً مع الحق، وشغلها الكفؤ والأمين هوا اللي فعلاً لصالح البلد، مش الإعلام اللي بيطبل وبيكذب، أو الإعلام اللي بيشتم ويحرض، ويخون أو الإعلام اللي بتستخدمه "المصادر الأمنية" المجهولة.
شكراً لكل صحفي قادر بمجهود فردي كبير في الظروف الحالية يقدم شغل محترم انحيازه للحقيقة وللناس، وسط الكم الكبير من التزييف أو الاستسهال. " صبح صبح يا عم الحج"

[المصري أشرف]

ماشي بقي .. يابوحه الصحصاح .. النواح .. مقلتش لنا علي مصدرك إللي
كتبت فيه عصيده شعر .. ولا الحكايه هاتبقي بلوبيف .. بلوبيف .. مين مصدرك