هام لفنيين وادارى التربية والتعليم

[شعبان علي مصطفى ريا]

إنتم سكتوا ليه يا أبطال دي الطريقه أل هتجيب حقنا والله لو جلسنا مائة سنه لم نحصل على أي شيئ بهذه الطريقه السلبيه أل فيها نوم في العسل مش حرام عليكم وإنتم بتعملوا إستمارات المدرسين ياعالم إصحوا وأفيقوا من النوم العميق خلينا إيجابيين مره دي فرصه وفي إيدينا لو راحت عليه العوض فينا عارفين في شهر يناير 2012 هيكون فيه إيه المدرس أل لسه متعين هياخد 1200 جنيه وإنت يا مطحون مضيت 15 و20 سنه ولسه محصلتش هذا الرقم بكتير وهياخد كمان مكافأه أخر العام وإحنا نتفرج عليهم ونتحسر وبس ده أل نقدر نعمله يا أساتذه يامحترمين وخاصة الإدارات والمديريات ومعهم المدارس طبعا لازم نقف لازم نعمل شيئ نقابل بيه ربنا هنتحاسب والله علشان دي فلوس أولادك مش فلوسك أنا عارف إن موضوع ماسبيرو هو السبب خلاص خلص إحنا نتحرك ونتظاهر ونعتصم حتى يستيجيبوا لمطالبنا زي المدرس بالضبط لأنه مش زايد رجل أو أيد عننا هو يقوم بعمله ونحن نقوم بعملنا وكلنا تابعين لوزاره واحده وهي وزارة الظلم أقصد التربيه والتعليم وكل مافيها عايز تربيه وعايز تعليم يلا يارجاله لاتهدأوا وربنا معانا إنشاء الله

[شعبان علي مصطفى ريا]

إنتم سكتوا ليه يا أبطال دي الطريقه أل هتجيب حقنا والله لو جلسنا مائة سنه لم نحصل على أي شيئ بهذه الطريقه السلبيه أل فيها نوم في العسل مش حرام عليكم وإنتم بتعملوا إستمارات المدرسين ياعالم إصحوا وأفيقوا من النوم العميق خلينا إيجابيين مره دي فرصه وفي إيدينا لو راحت عليه العوض فينا عارفين في شهر يناير 2012 هيكون فيه إيه المدرس أل لسه متعين هياخد 1200 جنيه وإنت يا مطحون مضيت 15 و20 سنه ولسه محصلتش هذا الرقم بكتير وهياخد كمان مكافأه أخر العام وإحنا نتفرج عليهم ونتحسر وبس ده أل نقدر نعمله يا أساتذه يامحترمين وخاصة الإدارات والمديريات ومعهم المدارس طبعا لازم نقف لازم نعمل شيئ نقابل بيه ربنا هنتحاسب والله علشان دي فلوس أولادك مش فلوسك أنا عارف إن موضوع ماسبيرو هو السبب خلاص خلص إحنا نتحرك ونتظاهر ونعتصم حتى يستيجيبوا لمطالبنا زي المدرس بالضبط لأنه مش زايد رجل أو أيد عننا هو يقوم بعمله ونحن نقوم بعملنا وكلنا تابعين لوزاره واحده وهي وزارة الظلم أقصد التربيه والتعليم وكل مافيها عايز تربيه وعايز تعليم يلا يارجاله لاتهدأوا وربنا معانا إنشاء الله

[زهرة الامس]

على فكرة الاداريين فى الازهر معاكم ايد واحدة لرفع هذا الظلم عنا جميعا

[nagih]

يلا بينا نحدد ميعاد للاعتصام اما م وزارة التربية والتعليم واذا لم ياتى بثمار و نتيجه نروح لمجلس الوزراء لان السكوت مش حيجيب نتيجة وانا شايف انه تحمس وان كانت خفت حدته بعد احداث ماسبيروا بس فى الادارات الامر كماهو اعتصام

[فنى مخضرم]

وانا اتفق مع رأى الزميل العزيز على تحديد موعد للاعتصام ويجب ان يتكتل الكل حتى يكون للاعتصام صدى لتستجيب الحكومة لمطالب الفئة المقهورة من العاملين بوزارة لاتعرف معنى الانصاف

[Abdel-rhman]

ضرورى تحديد ميعادللاعتصام ونشره على مستوى الادارات

[فنى مخضرم]

موعد بداية الاعتصام

اقترح موعد بداية الاعتصام امام الوزارةعلى مستوى الجمهورية للاداريين والفنيين والعمال اعتبارا" من يوم الثلاثاء الموافق 25/10/2011

وذلك حتى يتسنى لكل شخص ابلاغ العاملين بالادارة التابع لها والمدارس القريبة منة ونرجوا الاعلان عن هذا الموعد لكل من يهمة الامر.ومن لايستطيع الذهاب امام الوزارة يعتصم فى محل عملة ويضرب عن العمل هذا لاعادة الامور الى نصابها الصحيح وعدم تجاهلكم واعطاء الحقوق لاصحابها وانتم اصحابها فلا تخذلوا اولادكم او انفسكم
والله ولى التوفيق

[مشرف نشاط]

منه لله يسرى الجمل الله لايرجعه ***عندما وضع القانون 155الخاص بالكادربيه فسروه على هواهم وكأنهم بنى إسرائيل فى سورة البقرة وكل واحد يفتى فيها لوأخذنا القانون وطبقناه كماهو مثل كادر الجامعات والذى ينطبق على العامل قبل العميد وعلى الإدارى قبل الدكتور لكنا أرحنا أنفسنا من متاهات كثيرة ولكن منهم لله الوزراء والله الذى لاإله إلا هو الآن لو أعطو المدرس الحد الأدنى كما يريد المعلمين ثلاثة آلاف جنيه وقالوله إن الإدارى هياخذ مثلك ستقوم المظاهرات فى نفس الساعة لماذا كل هذا التحامل من الإخوة المعلمين على الفنى والإدارى ؟؟على القناة الأولى المحترمة بتاعة الشعب يقف أحد مديرى المدارس وهو قرفان من نفسه ويقول إزاى آخد زى العامل اللى عندى فى المدرسة بأم عينى شاهدت ذلك وكأن هذا العامل لايعول أسرة **وربما تكون أزيد من أسرة هذا المدير أليس هذا العامل يعمل بالتربية والتعليم؟ولا تبع الأوقاف
الخلاصة

أتمنى من الإخوة المعلمين أن يهدأو حبتين **طالب بكامل حقوقك وإذا طالبت للجميع فشكرا وإلا لاتطعن أخيك الفنى أوالإدارى الذى يجلس معك على طاولة واحدة ويقوم بجميع أعماله مثلك ولايعرف التزويغ ولا بيعطى دروس وإن كان هناك تزويغ فهذا من قلة ضمير إدارة المدرسة قبل أن تكون من الفنى أوالإدارى مش كده ولا إيييييه

[كمال درويش]

هو مشرفين النشاط أو الاداريين لهم فايدة في المدارس
ده وجودهم في أي مدرسة عار على التربية والتعليم
ودخولهم التعليم غلطة مش عارفة الوزارة تصلحها ، النهار كله قاعدين تحت الشحر
على الكراسى ولا شغل ولا مشغلة وعاوزين تتساووا بالمعلمين اللى عما يقودوا بلدنا نحو التقدم
ومن غير المعلمين البلد تتأخر ، شوفوا مرتباتكم اللى عما تأخذوها دى حرام ولا حلال
دا أنتم عاوزين فتوة شرعية لحصولكم على المرتبات اللى عما تقبضوها
عاوزين تشتغلوا أهلا وسهلا ومش عاوزين تشتغلوا روحوا شوفوا وزارة تاني بعيد عن التربية والتعليم

[فنى مخضرم]

واضح من كلام الاستاذ الفاضل انة معلم ومربى اجيال من اسلوبة وبيقولكم اللى عايز يشتغل اهلا" وسهلا" واللى مش عايز يشوف وزارة تانية ودى طبعا"غلطة الوزارة لانها باعت له الوزارة بعقد بيع رسمى من غير ما حد يعرف وكمان المدرسين طلعوا هم سبب التقدم فى البلد واحنا كنا مش عارفين وكنا فاكرينهم سبب التخلف وعدم القدرة العلمية لانهم غير مؤهلين للمهنة التى اتخذوها تجارة علما" بان بضاعتهم غير صالحة للاستخدام
وانهم اكثر المزوغين ولا يستحقوا ربع الراتب الذى يحصلوا علية لانهم غير مؤهلين علميا" ولا تربويا" ولا اخلاقيا" الا من رحم ربى علما" بوجود فنيين اعرفهم بالاسم اقسم بالله يقوموا بعمل مدير مدرسة ويقوموا بالتدريس أفضل من اى مدرس وهم مسؤلون عن الكنترولات وعن الاشراف وعن الملاحظة وحتى الطلاب يطلبوهم بالاسم للشرح لهم لانهم لايستوعبوا من مدرسيهم ومن اعتقد نفسة اعلم الناس فاعلم انة اجهلهم وعموما" كل اناء ينضح بما فية
فما هى الا امراض نفسية منها الحقد والحسد وعدم معرفة قيمة الاخرين وقدرتهم وكلامك هذا توهم بة اولياء الامور اما من يعمل فى نفس الحقل فهو ادرى بك منك اقسم بالذى لا اله الا هو ان نصفكم عالة على المهنة والوزارة ولكن هذا حال البلد تعطى لمن لايستحق على حساب من يستحق ولا اعمم فهناك ناس افاضل ولكن لايتحدث بهذا الاسلوب الا الحاقدين والغير مدركين لادوار الاخرين الذين بدونهم لن يكونوا هم موجودين
كذلك لايعلم انة اذا كان فى المكان الذى يعمل بة مقصرين فان التقصير يكون من كل المهن ويوجد اماكن كثيرة الكل فيها ملتزم بعملة ويؤدى دورة على اكمل وجه ان لكل انسان عملة ولكن يختلف الضمير وتختلف القدرارت ويعود الامر لادارة هذا المكان فلن تجد مدرسه فيها التزام للمدرس وتهاون للادارى فالتهاون سيكون للجميع فى اى مكان كذلك الالتزام سيكون على الجميع وان دواوين الادارات والمديريات التى يذهب اليها هذا المريض ويقبل الايادىويتوسل لعمل مصلحة ما .هم من اكثر الناس عملا" ودورة عمل المرتب الذى تصرفة انت ولا تستحقة ويقوم بعملة الاداريين مثلا" لايعلمها الا الخبراء فى الماليات ومدى تعب من يقوموا بها والامراض التى تصيبهم فاذا تركوا الوزارة كيف ستصرف مرتبك المشكوك فى انة حلال ناهيك عن باقى التخصصات ولا يعلم هذا الا اصحاب الخبرة والمتنقلين بين المدارس وليس من يجلس بجوار .........وفى النهاية كلا" حسابة عند خالقة

[عبير الريحان]

بارك الله فيك ياأستاذي الفاضل / فنى مخضرم
وجعلك الله عوناً للمشرفين والاداريين كلام فعلاً اكثر من رائــــــــــــــع

*****************
كنت عايزة ارد علي الاخ المربي الفاضل / كمال درويش
لكن استخسرت الرد عليه وستخسرت الكلام فيه لقيته ما يستهلشي الرد

[فنى مخضرم]

الاستاذه الفاضلة / عبير الريحان

لاتعيرى بالا" لمثل هؤلاء المرضى فما هم الا قلة محسبوة على المهنة السامية ولكنهم عالة عليها فماذا سيتعلم الطلاب من مثل هؤلاء وهم طبول جوفاء لان الاخلاق تسبق العلم ومن عدم الخلق ماذا تنتظرى منة والعلم بدون اخلاق مفسدة وهم لا علم ولا اخلاق ولا ضمير واسئلى اولياء الامور بماذا يدعون عليهم
لانهم يسرقوا ارزاقهم بحجة الدروس وعماهم الجشع والطمع
وقلة الضمير عن عدم اداء عملهم الذى هم ضعاف فية اصلا"وتخويف التلاميذ من اجل المال
والا كيف ينهى الطالب الدراسة الاعدادية او الفنية وهو لايجيد القراءة ولا الكتابة الا بسبب هؤلاء المدعين ولكن ثقى انة يوجد مدرسين كثر محترمين ويدركوا معنى الاحترام

[نيرمين عباس]

بسم الله الرحمن الرحيم
اولا اشكر الاستاذ فنى محترم على الرد ليتعلم كمال درويش منة الطريقة التربوية ولكن اوجة لة كلمة ياكمال باشا زملائنا فى الوزارات الاخرى مثل الكهرباء او الرى او الوحدات المحلية ماتقدرش تدخل مكتبة الاباذن وتجبلة واسطة علشان يخلصلك مصلحتك وا نت وامثالك الحاقد ين روح شوف تلاميذك ال مابيعرفوش يقروا ولا يكتبوا لانكم مش فاضين لعملكم ولكن طول اليوم تدور على تلميذ وتتحايل علية علشان ياخد درس عندك او تغتابوا الناس

[شعبان علي مصطفى ريا]

قبل أي شيئ تحيه إلى كل إداري ومشرف عامل سو يذهبون إلى مكان الإعتصام يوم الثلاثاء المقبل وأل ما يقدر يذهب لأسباب مرضيه أو ظروف شديده جدا تمنعه من الزهاب إلى القاهره وساعتها هيكون ليه دور فعال تاني وهو التوقف عن العمل نهائيا مهما حصل وربنا معانا وإنشاء الله ربنا معانا علشان بنطالب بحقنا بس . أما المدعو ومش هكتب إسمه علشان ما يستاهل فمثله كتير عندنا وأنا لسه عامل خناقه كبيره دلوقتي مع بعض المرضى مثله أل معتبرين أن الإداري والفني والعامل هم أقل فئه في المجتمع أقل منهم يعني مايعرفوا إن كل شخص في عمله وزير المهم ربنا هينتقم منه علشان إحنا عارفين بعض وعارفين بيعملوا إيه بيعطي حصتين أو تلاته بالكتير وبيروح علشان مواعيد الدروس الخصوصيه معقول ياوزارة الحزن أقصد وزاره التربيه والتعليم مش عارفه المواصيع دي إن أل بيعطوا دروس خصوصيه مواعيدهم أثناء الدراسه إزاي تيجي إزاي بالعقل كده أكيد المدرس بيترك المدرسه يا إما بإتفاق مع مدير المدرسه وده الأغلب مقابل بعض المال يعطيه ا للمدير والله ده أل بيحصل في أغلب مدارس الجمهوريه ,اشكر الأخ الجليل فني مخضرم المحترم وكفايه أل قاله وياليت يتعلم منك الإسلوب والذوق والتربيه وأشكر الأخت عبير الريحاني المحترمه جدا جداً على طريقة كلامها وتضامنها مع الفئه المظلومه وأشكر جميع من في المنتدى وشدوا الهمم يا أبطال دي تجربه يأما تنجح وتؤتي إكلها يا أما لا قدر الله مش هيكون لينا مكانه والخزي والعار لينا وهنشمت الفئه الضاله فينا يارجاله معقوله هنوريهم إننا رجال وقد المسئوليه ولينا دور ومهمين في الوزاره ولا يستغنوا عننا أحسن فسيروا على بركة الله
عايزين وقفه كبيره جداً المديريات والإدارات وياليت الوزاره ربنا يهديهم ويقفوا مع زملائهم والحاضر يعلم الغائب بإن موعد الإعتصام هيكون شامل من جميع المحافظات يوم الثلاثاء القادم 25/10/2011 الكل يروح ويذهب عند الوزاره والله ولي التوفيق

[شعبان علي مصطفى ريا]

قبل أي شيئ تحيه إلى كل إداري ومشرف عامل سو يذهبون إلى مكان الإعتصام يوم الثلاثاء المقبل وأل ما يقدر يذهب لأسباب مرضيه أو ظروف شديده جدا تمنعه من الزهاب إلى القاهره وساعتها هيكون ليه دور فعال تاني وهو التوقف عن العمل نهائيا مهما حصل وربنا معانا وإنشاء الله ربنا معانا علشان بنطالب بحقنا بس . أما المدعو ومش هكتب إسمه علشان ما يستاهل فمثله كتير عندنا وأنا لسه عامل خناقه كبيره دلوقتي مع بعض المرضى مثله أل معتبرين أن الإداري والفني والعامل هم أقل فئه في المجتمع أقل منهم يعني مايعرفوا إن كل شخص في عمله وزير المهم ربنا هينتقم منه علشان إحنا عارفين بعض وعارفين بيعملوا إيه بيعطي حصتين أو تلاته بالكتير وبيروح علشان مواعيد الدروس الخصوصيه معقول ياوزارة الحزن أقصد وزاره التربيه والتعليم مش عارفه المواصيع دي إن أل بيعطوا دروس خصوصيه مواعيدهم أثناء الدراسه إزاي تيجي إزاي بالعقل كده أكيد المدرس بيترك المدرسه يا إما بإتفاق مع مدير المدرسه وده الأغلب مقابل بعض المال يعطيه ا للمدير والله ده أل بيحصل في أغلب مدارس الجمهوريه ,اشكر الأخ الجليل فني مخضرم المحترم وكفايه أل قاله وياليت يتعلم منك الإسلوب والذوق والتربيه وأشكر الأخت عبير الريحاني المحترمه جدا جداً على طريقة كلامها وتضامنها مع الفئه المظلومه وأشكر جميع من في المنتدى وشدوا الهمم يا أبطال دي تجربه يأما تنجح وتؤتي إكلها يا أما لا قدر الله مش هيكون لينا مكانه والخزي والعار لينا وهنشمت الفئه الضاله فينا يارجاله معقوله هنوريهم إننا رجال وقد المسئوليه ولينا دور ومهمين في الوزاره ولا يستغنوا عننا أحسن فسيروا على بركة الله
عايزين وقفه كبيره جداً المديريات والإدارات وياليت الوزاره ربنا يهديهم ويقفوا مع زملائهم والحاضر يعلم الغائب بإن موعد الإعتصام هيكون شامل من جميع المحافظات يوم الثلاثاء القادم 25/10/2011 الكل يروح ويذهب عند الوزاره والله ولي التوفيق