لطلاب الثانوية اسالنا اى سؤال عن اى جامعه - الصفحة 59

vampire1188 · #**871** 18-07-2009, 01:51 AM

اقتباس:

انا عندى استفسار ضرورى وياريت لو حد يرد عليا ضرورى جدا(انا بنت واسمى نور وكنت فى اولى علوم السنادى بس عايزة احول كلية اللغات والترجمة والمشكلة ان اناكنت سنوى عام وشعبة علمى وانا اعرف ان الكلية لطلاب الازهربس وانا كنت جايبة فى السنوية العامة

384.5بالمستوى الرفيع وكنت جايبة فى الانجليزى49 فى السنتين مع بعض والفرنساوى جبت فيه 48وجايبة 10 مستوى رفيع(جغرافيا) ومجموعى مجابش الالسن {تنسيق 2008}ياترى هينفع احول ولا لا ولو ينفع المفروض اعمل ايه عشان احول ولو سمحت ممكن اعرف الرد ضرورى ومجموعى يجيب الكلية ولا لاوينفع ادخل الكلية وانا سنوى عام مش ازهر ؟؟؟؟ )

من المتعارف عليه ان الثانوي العام يخش جامعات حكومية .. لكن الثانوى الأزهرى مالوش الا جامعة الأزهر فقط

بدليل ان مافيش حد في ثانوي ازهري يقدر يخش كلية سياسة واقتصاد .. او حتى اعلام ..

عشان دول مختصين بالثانوي العام .. وفي ذات الوقت فيه تنسيق للثانوية العامة وتنسيق تاني للأزهر

اذن تسنتجي من دا ان الازهر لوحده والثانوي العام لوحده .. وماحدش يقدر يتعدى على التانى

اقتباس:

هى كلية اللغات والترجمة دى خاصة ولا عادية اصلا؟؟ وانا عايزة العادية مش الخاصة

لا دي عادية .. تابعة لجامعة الأزهر .. ومقرها في مدينة نصر (القاهرة) ..

بس بيتهيألي والله اعلم ان فيه فروع للأزهر في المحافظات

بس سواءا كدا او كدا .. هوا ماينفعش اصلا الموضوع دا للأسف

vampire1188 · #**872** 18-07-2009, 01:54 AM

اقتباس:

اية الأحسن الهندسة قسم حاسب ولا حاسبات ومعلومات ؟؟؟

مافيش حاجة اسمها الأحسن .. فيه ان هندسة حاسبات بتطلعك مهندس كمبيوتر ..

وحاسبات ومعلومات بتطلعك مبرمج او داتا بيز ادمن ..

وانا قولت الفروق مابين حاسبات ومعلومات وهندسة حاسبات في المشاركة رقم 870

اقتباس:

و هل فى كلية هندسة قسم حاسب محتاجة انك تجيب تقدير فى قسم كهربة قبل ما تدخلها؟؟؟؟؟

اكيد .. تقريبا بياخدوا من جيد

vampire1188 · #**873** 18-07-2009, 01:57 AM

اقتباس:

هو انا لو قبلت في تجارة انتظام وبعد كده قدمت في تجارة انجلش وماقبلتش
هل هكون خلاص اتدبست في تجارة العاديه ؟؟ لاني مش عاوزاها ولا ممكن ساعتها احول اي كليه تانية ؟

ههههههه .. اه فعلا هاتكون اتدبست في تجارة عربي ..

لكن انتا تقدر تحول من تجارة لأى كلية تانية بس دا بيبقي في خلال فترة التحويلات اللي بيعملها مكتب التنسيق

والنسبة بتاعة التحويلات بتبقي محدودة طبعاً ..

vampire1188 · #**874** 18-07-2009, 02:03 AM

اقتباس:

انا جبت 96.5% و انا ادبى و عايزة اخش جامعة القاهره اعلام لغات فانا عايزة اعرف مصاريف الكلية ؟؟؟

شعبة عربي حوالي 200 جنيه .. لكن انجليش حوالي 6000 جنيه

young coder · #**875** 18-07-2009, 02:56 AM

انا سمعت ان ميكانيكا طيران هو هو المنهج بتاع ميكانيكا عادية بس بياخدوا حاجات زيادة

بس المهم

انت متأكد ان هندسة الطيران لسه في مطار امبابه ولا اتنقلت لمطار 6 اكتوبر ؟؟ لانها تفرق كتير

vampire1188 · #**876** 18-07-2009, 03:28 AM

اقتباس:

انت متأكد ان هندسة الطيران لسه في مطار امبابه ولا اتنقلت لمطار 6 اكتوبر ؟؟ لانها تفرق كتير

ايون .. والدليل موجود اهو

http://www.tansik.egypt.gov.eg/appli...9/Dalil145.gif

اتفرج ع العنوان في اول سطر هاتتلاقيه كاتب مكتوب امبابة / الجيزة

young coder · #**877** 18-07-2009, 03:45 AM

اقتباس:

المشاركة الأصلية كتبت بواسطة vampire1188

ايون .. والدليل موجود اهو

http://www.tansik.egypt.gov.eg/appli...9/dalil145.gif

اتفرج ع العنوان في اول سطر هاتتلاقيه كاتب مكتوب امبابة / الجيزة

طيب الحمدلله

لحسن لو كان في 6 اكتوب كان هيبقى الطريق 3 ساعات ( يعني 6 ساعات في اليوم مواصلات )

بس الحمدلله انه في امبابه اقرب

و الف شكر ليك على المجهود

و جزاك الله كل خير

ramezsayed · #**878** 18-07-2009, 05:01 AM

25الف

دا أنا بحبسها 15 بس

معلش هاتقل عليك عندى كمان سؤالين
1- هل هناك مصاريف أضافية ولا السعر دا شامل كله (يعنى مصاريف المراجع الخ....)؟؟؟؟؟؟

2- هل المصاريف دى بتزيد كل سنة ولا ثابتة؟؟؟؟

mohamed201019 · #**879** 18-07-2009, 05:04 PM

لو سمحتم ياجماعة أنا عايز أعرف مصاريف كلية التجارة شعبة اللغة الانجليزية

vampire1188 · #**880** 18-07-2009, 10:44 PM

اقتباس:

- هل هناك مصاريف أضافية ولا السعر دا شامل كله (يعنى مصاريف المراجع الخ....)؟؟؟؟؟؟

لا طبعا .. دي حاجة ودي حاجة تانية ..

معظم الجامعات في مصر سواءا خاصة او حكومية بتبقي مصاريف الجامعة حاجة ومصاريف الكتب حاجة تانية

اقتباس:

2- هل المصاريف دى بتزيد كل سنة ولا ثابتة؟؟؟؟

ماعرفش صراحة .. بس الطبيعي انها المفروض يا بتبقي ثابته يا بتنقص (مش تزيد)

vampire1188 · #**881** 18-07-2009, 10:47 PM

اقتباس:

لو سمحتم ياجماعة أنا عايز أعرف مصاريف كلية التجارة شعبة اللغة الانجليزية

على حسب الجامعة ..

بس معظم الجامعات الحكومية مصاريفها بتبقي ماكسيمم 5000 جنيه

ymymym · #**882** 19-07-2009, 03:01 PM

طب ياريت سؤال يا فامبير هي مصاريف حقوق انجليزي جامعه بني سويف كااااااااااااااااام؟
ارجو الرد السريع

new vision · #**883** 19-07-2009, 03:58 PM

لو سمحت انا عايزه اعرف شروط قسم الالمانى والاعلام كليه اداب حلوان وهى بتفرق من مرحله اولى لمرحله تانيه ولا

new vision · #**884** 19-07-2009, 04:00 PM

لو سمحت انا عايزه اعرف شروط قسم الالمانى والاعلام كليه اداب حلوان وهى بتفرق من مرحله اولى لمرحله تانيه ولا زى بعض

carpon · #**885** 19-07-2009, 07:55 PM

لو سمحت انا عايز اعرف ايه معاهد الحاسبات و المعلومات الي متوفرة دلوقتي
و يا ريت تقولي احسنهم و مصاريفهم