الندوه الأولى للتعريف بكل ما يخص ماده الأحياء

[Awatef Esmat]

سلمـــــــــــــــــي فينك لاسؤال ولا كلام
علي العموم الاجابه زي ماقال اينشتين

[MoHammed Youssef]

تشرح الخاصية الاسموزية للشعيره الجذرية وعلاقتها بتركيز العصارة كملائمة وظيفية لها

[كفراوية]

لأ دى حاجة ودى حاجة

[omarhaleem]

لان تركيز المحلول داخل فجوتها العصاريه اعلى من تركيز محلول التربة

[lally adel]

- العلاقة بين الضغط الاسموزى و تركيز المواد الذائبة ازاى علاقة طردية او ايه العلاقة اصلا بين الاتنين ؟؟

- خاصية الانتشار " هى حركة الجزيئات او الايونات من وسط ذا ضغط مرتفع الى وسط ذا ضغ منخفض نتيجة لحركة الجزيئات الذاتية المستمرة " انا فاهمة التعريف كويس بس مش عارفة اطبقه على المثال المكتوب " نقطة حبر فى كاس ماء " ايه علاقة دة بدة ؟؟

- النقل النشط امتى بيحصل وازاى بتكون التربة هى الوسط اللى تركيزه منخفض والخليه هى الوسط اللى تركيزة مرتفع ؟؟

[Haytham Ali]

اه العلاقة طردية كلما كان تركيز كبير المواد المذابة فى المحلول كلما زاد الضغط الأسموزى.
وتفسيرى انا: ان المواد المذابة ( زى السكر كدا ) يزود تركيز العصير الخلوى للشعيرة الجذرية فيبقى تركيزها كبير ومحلول التربة تركيزه قليل ( يعنى مخفف بالماء )
فهينتقل الماء من المحلول المخفف ( محلول التربة ) إلى المركز اللى هو العصير الخلوى
-------------
بالنسبة لتعريف الانتشار
هو حركة الأيونات أو الجزيئات من منطقة ذات تركيز عالى إلى منطقة ذات تركيز منخفض
بالنسبة لمثال نقطة حبر
بصى هى النقطة مركزة صح ؟ دى نقطة واحدة بس ( تركيز عالى ) هتنزل فى الماية ( تركيز المحلول منخفض يعنى الماية كتيرة والحبر قليل )
فتنتقل من نقطة الحبر وهو التركيز العالى إلى الماية وهى التركيز القليل
--------------
يحدث النقل النشط عندما ضد التدرج فى التركيز ( لما بتكون تركيز الأيونات فى الخلية أكتر من تركيزها فى محلول التربة
يعنى مثال
النبات فيه Na كتيييير والتربة فيها قليل والنبات طماع عاوز Na تانى برضو
فعاوز يدخل Na لنفسه فطبعا ده ضد التدرج فى التركيز
فهيضطر يبذل طاقة علشان يدخل Na
------------
والله أعلم
اتمنى أكون أفادتك ويرجى تأكيد المعلومات من مدرس المادة وشكرا

[amothman123]

هاتشرحله كيفية امتصاص المياه خلال الجذر
لاحظ إن المياه تنتقل من خلية لخلية بالأسموزية و بالتالى يعتبر جهاز أسموزى

[Haytham Ali]

حيث أن الخاصية الأسموزية تعتمد على وجود محلولين مختلفين فى التركيز يفصل بينهما غشاء شبه منفذ للماء ، حيث ينتقل الماء من التركيز العالى إلى منطقة التركيز المنخفض وهو ما يتوافر فى تركيب الخلية حيث أنها:
1- تحتوى على غشاء بلازمى شبه منفذ.
2- داخل فجوتها العصارية محلول له تركيز معين.
3- خارج الخلية أو فى الخلايا المجاورة قد يكون المحلول ذو تركيز مختلف وهذا يعمل على مرور الماء من وإلى الخلية بالخاصية الأسموزية
ولذلك تعمل الشعيره الجذره كجهاز اسموزى

المثال مش واحد بالى قوى

[Haytham Ali]

بص الإجابة اللى كتبتها جاتلى فى امتحان عند المستر وعملهالى صح وهيا اصلا محلولة فى المذكرة بتاعته

[Haytham Ali]

كلام Hala Sayed 111 تمام شكرا يا هالة
المستر فهملنا الجزئية دى بالشكل اللى قالته هالة

[Haytham Ali]

مخالف ده رقم واحد علشان ممنوع الاعلانات
ثانيا الموقع اللى حضرتك جايبه واقف
مع انى احتاج الى الفيديوهات والفلاشات بشدةةةةةةة

[Haytham Ali]

السلام عليكم
ياريت يا جماعه لو حد عنده فيديوهات للأحياء كدا يبعتلنا اى حاجة تساعدنا على الفهم
مش عاوزين شرح احنا عاوزين فقط فيديوهات وفلاشات

[lally adel]

المشاركة الأصلية كتبت بواسطة haytham ali

اه العلاقة طردية كلما كان تركيز كبير المواد المذابة فى المحلول كلما زاد الضغط الأسموزى.
وتفسيرى انا: ان المواد المذابة ( زى السكر كدا ) يزود تركيز العصير الخلوى للشعيرة الجذرية فيبقى تركيزها كبير ومحلول التربة تركيزه قليل ( يعنى مخفف بالماء )
فهينتقل الماء من المحلول المخفف ( محلول التربة ) إلى المركز اللى هو العصير الخلوى
-------------
بالنسبة لتعريف الانتشار
هو حركة الأيونات أو الجزيئات من منطقة ذات تركيز عالى إلى منطقة ذات تركيز منخفض
بالنسبة لمثال نقطة حبر
بصى هى النقطة مركزة صح ؟ دى نقطة واحدة بس ( تركيز عالى ) هتنزل فى الماية ( تركيز المحلول منخفض يعنى الماية كتيرة والحبر قليل )
فتنتقل من نقطة الحبر وهو التركيز العالى إلى الماية وهى التركيز القليل
--------------
يحدث النقل النشط عندما ضد التدرج فى التركيز ( لما بتكون تركيز الأيونات فى الخلية أكتر من تركيزها فى محلول التربة
يعنى مثال
النبات فيه na كتيييير والتربة فيها قليل والنبات طماع عاوز na تانى برضو
فعاوز يدخل na لنفسه فطبعا ده ضد التدرج فى التركيز
فهيضطر يبذل طاقة علشان يدخل na
------------
والله أعلم
اتمنى أكون أفادتك ويرجى تأكيد المعلومات من مدرس المادة وشكرا

طبعا افدتنى جدااا .. جزاك الله كل خييير

[Haytham Ali]

جزانا وإياكم

[Haytham Ali]

السلام عليكم
انهاردة كان عندى امتحان احياء صغنن كدا فى الدرس
المهم المستر جابلنا سؤال كدا عجبنى قولت اشاركم بيه
مع انى حاسس انه مش كلام علمى هههههه

علل :
قد يستطيع الانسان العيش بدون معدة ولاكن لا يستطيع العيش بدون أمعاء


انا رغيت شوية كتار كدا قولولى رأيكم
يعنى قولت ان البروتين بيتهضم فى المعدة بس ، انما الامعاء يتم فيها هضم البروتين وهضم مواد أخرى
يعنى الامعاء يتم فيها عملية الهضم النهائى
يعنى على شوية رغى كدا
ايه رأيكم ؟