ايه اخبار تعيين أوائل الكليات ياجماعة؟

[ام رهف]

المشاركة الأصلية كتبت بواسطة منى أبو الجود

الاخت بحراوية من دمنهور السلام عليكم أنا جنبك في دسوق أحب أتعرف عليكي إنتي دفعة كام وكلية ايه ؟ طبعا أختنا أم رهف بتجيب على طول آخر أخبار الأزهر ربنا يكرمها ويباركلها , وأخر الأخبار هي حصر الأول والثاني على كل شعبة وقسم والتمانية الاوائل على الشعب التي ليس فيها أقسام غير في الدراسات العليا زي شعبة اللغة العربية وزي ما قالت أختنا رهف دا لسه مجرد حصر وربنا يسهل إن شاء الله ويعملوا بيه , أما حصر العشرين الأوائل فده فعلن اتبعت بيه فاكس بس مش عارفة اتلغى ولا لسه بعد القرارات الأخيرة دي ,وكمان زوجي سأل في الكلية عنده الموظف قاله هما الأول بعتوا طالبين حصر بكل من حصل على مرتبة شرف وبعدين العشرين على الدفعة وبعدين العشرة على الدفعة وآخر قرار هو ما ذكرته أولا وربنا يسهل الأحوال إن شاء الله

احسنتى وبارك الله فيكى

[احلام عادية]

السلام عليكم ورحمة الله وبركاته
اللهم ارزقنا خير ما في هذا اليوم وخير ما بعده
وجنبنا شر ما في هذا اليوم وشر ما بعده

[احلام عادية]

المشاركة الأصلية كتبت بواسطة ام رهف

كل سنة وانتى طيبة ياحبيبتى وربنا يعود علينا الايام بخير
الاخت منى ابو الجود اجابت حضرتك جزاها الله خيرا
وبالنسبة للفاكس بحصر العشرين الاوائل الفاكس اللي اتى للجامعة بعده بحصر الاول والثانى فقط واوائل الدراسات العليا لما سألت عنه في الجامعة قالت الموظفة ان الفاكس الثانى لغى فاكس العشرين الاوائل
ولسة زي ماقال الشاعر
ستبدى لك الايام ماكنت جاهلا ويأتيك بالاخبار مالم تزودى
ماعلينا الا الانتظار
وفقنا الله واياك

إلى العزيزة أم رهف :طيب أنا خريجة شريعة اسلامية قسم حديث بتقدير جيد جدا مع مرتبة الشرف والثالثة ع القسم ايه الوضع بالنسبة لي وحضرتك بتقولي الاول والثاني ع القسم طيب ايه الوضع بالنسبة لي ارجو الرد ضروري لاني كلامك قلقني اراحكم الله

[ام رهف]

المشاركة الأصلية كتبت بواسطة احلام عادية

إلى العزيزة أم رهف :طيب أنا خريجة شريعة اسلامية قسم حديث بتقدير جيد جدا مع مرتبة الشرف والثالثة ع القسم ايه الوضع بالنسبة لي وحضرتك بتقولي الاول والثاني ع القسم طيب ايه الوضع بالنسبة لي ارجو الرد ضروري لاني كلامك قلقني اراحكم الله

الى الغالية ام حنين انا كنت ناوية ابادر انا النهاردة واصبح عليكى بس انتى سبقتى بقا بالمشاركة
المهم
معذرة قصدك اصول دين قسم حديث ؟

ولا قصدك دراسات اسلامية قسم شريعة ؟

عموما قسم الشريعة تم حصر 6 اوائل فيه بواقع اتنين لكل قسم من اقسام الدراسات العليا

اما اصول دين فتم حصر ايضا 6 اوائل بواقع
2 للحديث
2 للتفسير
2 للعقيدة والفلسفة
وفي النهاية كل ده مجرد حصر بالاسماء ومش مكتوب حتى في الفاكس هيتعمل بيهم ايه ارجوكي لا تقلقي ماحدش عارف الايام مخبية ايه

[احلام عادية]

يا جماعة في كل موقع اسمع كلام شكل وفي كل برنامج اسمع كلام شكل محدش عنده اخبار اكيدة رجاء

[كيميائى اسلام الشاعر]

بسم الله الرحمن الرحيم


أولا تحياتى للجميع و على رأسهم د/ عبد الرحمن و أم رهف

انا يا دكتور خريج 2009 علوم كيمياء سبشيال منصورة تقدير امتياز مع المرتبة انا بصراحة بقيت حاسس ان موضوع تعيين الاوائل ده ميخصنيش رغم ان اسمى نازل فى الكلية و فى الاكاديمية و رغم انى الأول بعد استبعاد اللى تم تعيينهم معيدين و لكن حاسس بتوهان بجد انا متأمن عليا شركة خاصة و مش مطمن لانى مهما كان شغال عند حد فى اى وقت مليش مكان و فى نفس الوقت من خلال كلامكوا أدركت انى غالبا مش هتعين كمعيد ولا حتى فى مركز بحوث لإن الماجستيرات و المنح لهم أولوية عنى بمعنى انى لو اتعينت هتعين فى جهة ادارية بمرتب نص اللى انا باخده دلوقت و سيبك من المرتب جهة ادارية دى يعنى ( مع كل الاحترام والله ) هيبقى جنبى فى نفس المكتب دباليم و بكرر مع الاحترام وربنا بس الواحد بيتعب عشان يلاقى نفسه مش عشان يبقا واحد و السلام لدرجة انا الواحد بقا حاسس ببعض الندم على انه مش عاش ايامه و نزه نفسه طلاما فى الاخر أهى شغلانة و السلام وكمان جهة ادارية دى مفيش فيها ابداع ( موظف ) يعنى روتين كل كام سنة تطلع درجة و سلملى على التقدير

اسف على التطويل وعلى ماسورة الاحباط اللى فجرتها ...

[zoza246]

انا من اسيوط كلية طب بيطرى التاسعه على الدفعه ما هو وضعى

[zoza246]

ياريت حد يرد عليا

[احلام عادية]

عزيزتي أم رهف ادام الله عليك العافية ومتعك بالصحة
استمحيك عذرا في هذا الخطأ علشان أنا واخوي خريجين أزهر وانا مهتمه لامره وامري فلذلك حدث هذا اللبس
انا خريجة كلية أصول الدين قسم تفسير وزي ما انت عارفة الثالثة بتقدير جيد جدا مع مرتبة الشرف بس معنى كلامك انه مش هتاخد بما اني الثالثة ع القسم ولا ايه

[ramy gama]

السلام عليكم ورحمة الله وبركاته

بجد ماشاء الله علي هذا الجمع المبارك الطيب النافع للناس جميعا...... وبارك الله في كل من ساهم بمعلومه

[boskovice]

اوائل الخريجين يعتصمون حاليا داخل اكاديمية البحث العلمى ويرفضون اخلاء القاعة حيث تم احتلال قاعة المؤتمرات

اعتصام حاشد جداا من اوائل الخريجين ربنا يوفقهم

[د.عبدالرحمن المنياوي]

جارى حاليا اعتصام حوالى 500 من الحاصلين على الماجستير والدكتوراه داخل قاعة المؤتمرات بالدور الخامس بأكادمية البحث العلمى بعد اللقاء مع الدكتور ماجد الشربينى والذى افاد فيه بعدم تخصيص سوى 2500 درجة لكل التخصصات يتم الاعلان عنها فى مطلع الشهر القادم وترك الموضوع للتنظيم والادارة دون تحديد حتى الان للالية التى سيتم التعامل بها وبناءا عليه قررت مجموعة الحاصلين على الماجستير والدكتوراه بالتعاون مع مجموعة شباب اوائل الخريجين الاعتصام بداخل اكاديمية البحث العلمى وعدم فض الاعتصام الا بعد صدور قرار بتعيين الجميع

[د.عبدالرحمن المنياوي]

المشاركة الأصلية كتبت بواسطة oshaahmed

يا جماعه ازيكو
اولا انا اسفه ان اول مشاركه ليا معاكو تكون فيها حالتي كده
انا عندي احباط فوق الوصف
كان عندي امل كبير اوي وكنت متابعه الموضوع ده كتير وكنت بجمع الجرايد وبدور علي النت وبحاول اعرف مصيري ايه في التعيين
انا خريجه جامعه بنها دفعه 2007 تربيه عام شعبه بيولوجي وتقديري جيد جدا مع مرتبه الشرف 84.26%
ولما اتخرجت انا شوفت كشف الاوائل والله بعنيا سنه ما اتخرجت كنت رقم 20 وكان اسمي موجود وصاحبتي قالتلي كمان ان اسمنا اتنشر في جريده القليوبيه( لاني من سكان القاهره)
لما دخلت علي موقع اكاديميه البحث العلمي ملقتش اسمي لانهم واخدين 12 بس والباقي 8 من اساسي
مع العلم ان في 2 من اوائل اساسي معاهم جيد جدا بس مش بمرتبه الشرف
يبقي حقي يجيلي احباط ولا لا
يعني انا اتعب في ثانوي واجيب مجموع ادخل بيه عام عشان في الاخر اساسي بتقدير اقل ياخد مكاني
انا مش بقلل من اساسي والله بس الاحساس بالظلم وحش
وكمان غالبيه الاوائل في عام متعينين حكومي في المدارس وفيهم اتثبت وفيهم هيتثبت السنه الجايه
نفسي اعرف بس اعمل ايه
معلش انا طولت عليكو بس فعلا نفسيا الله اعلم بيا

مرتبة الشرف ليس لها أولوية إلا عند التساوي المهم التقدير مين فيكو أعلى ؟ فيه مسابقة حكومية شاملة عاملها التنظيم والإدارة هتاخد 112 ألف خريج ليسو من أوائل الخريجين .. في كل التخصصات انت قدمي فيها لما تنزل وهتتاخدي على طول بإذن الله ..

[د.عبدالرحمن المنياوي]

المشاركة الأصلية كتبت بواسطة محمود المصري 2010

تحية طيبة لجميع أعضاء المنتدي وأخص دكتور عبد الرحمن
والله شاهد علي إن تعبت كتير علي ما سجلت في المنتدي علشان معنديش إميل غير الياهو
وكان نفسي أسألك يا أستاذ عبد الرحمن سؤالين مهمين جدأ
1- هو فعلاً المعلم المساعد مش متأمن عليه لأني فعلاً ذي ما حضرتك قولت أن اتصلت علي الهيئة العامة للـتأمينات الاجتماعية ومل***يش ملف تأميني مع العلم إن فيه ناس معايا معلمين مساعدين ليهم رقم تأميني .
2- أيه الفرق بين التعيين علي الكادر العام والتعيين علي الكادر الخاص من حيث المرتب وغيره .
3- إيه المقصود بمديريات الخدمات بالمحافظة لأني أصلاً خريج حقوق وعلي كلامهم هشتغل بتخصصي يعني شئون قانونية بس فيه بقي في المحافظة .
4- هل فترة عملي وهي سنتين ونصف في التربية والتعليم يمكن ضمها لمدة تعييني في حالة التعيين بمشيئة الرحمن ولا لأه لأني مش مثبت .
5- أنا حاصل علي دبلومتين ومعايا شهادة أنهما يعاملوا معاملة الماجستير من الناحية العلمية والقانونية هل أبقي من أصحاب الماجستير والدكتوراه ولا لأه لأني ملقيتشي إسمي في الأسامي إلي موجودة علي الأكاديمية .
وياريت حضرتك متستغربشي إني خريج حقوق وشغال مدرس هو دا كان حال البلد انا مدرس مواد قانونية في مدرسة ثانوي تجاري .
وعذراً علي كثرة الأسئلة لكني فعلاً بقالي حوالي شهر بحاول أسجل ولكن دون جدوي وأنا موقن بإن حضرتك عندك الإجابة فياريت ترد عليا في حالة قراءة المشاركة . وجزاك الله خيراً

التحية لك يا أخي.. آه فعلا المعلم المساعد غير مؤمن عليه هم بيخصموا التأمينات من المرتب وبياكلوها عليك .. الرقم التأميني ليس معيار .. المفروض الناس كلها يبقى ليهم رقم تأميني علشان ده زي الرقم القومي يتم الاستفسار عن طريقه .. يعني لهم رقم تأميني بس ليس لهم بيانات تأمينية .. الكادر الخاص يعني في الجامعة أو في مراكز البحوث أو الوحدات البحثية ذات الطابع الخاص .. الكادر العام يعني موظف إداري .. مديريات الخدمات يعني المديريات التي تشمل أعهمال الخدمات وليست أعمال فنية أو حرفية .. ودي زي مديرية التعليم والآثار والسياحة والبيئة و...........إلخ . وانت حقوق يعني ليك مكان في كله .. يعني إيه دبلومتين يعادلوا ماجستير .. ممكن من الناحية العلمية والكفاءة لكن للماجستير وضع خاص .. لازم تكون مسجل الدرجة وحاصل عليها من جامعة حكومية وواخد موافقة المشرفين .. وهي دي بلدك ..

[د.عبدالرحمن المنياوي]

المشاركة الأصلية كتبت بواسطة amralaraby

ارجو الرد والافادة من اعضاء المنتدى الكرام ............. هل التعيين بالعدد ولا بالترتيب يعنى انا مثلا ترتيبى ال 18 على كلية حقوق بنى سويف ورقمى 29 هل انا من العشرين الاوائل ام لا مع العلم ان اسمى اتبعت فى الكشوفات .......... ارجو الايضاح للاهمية .

لأ بالعدد .. يعني أول 20 واحد بعد اللي اتعين معيد .. مش مهم بقى ممكن يكونوا كلهم ترتيبهم لغاية الخامس بس .. لأنهم مكررين .. الأصل إن فيه 0 درجة مالية متوفرة فقط هياخدها عشرين واحد ..