ايه اخبار تعيين أوائل الكليات ياجماعة؟

[احلام عادية]

أهلاً بيك صمت اليالي عضو جديد وحشاني ولو اني بشوفك كل يوم
وده صحيح هو من كلية تربية وهو من الثلاثة الاوائل والاوراق زي بطاقة شخصية وشهادة الخدمة العامة واوراق اخرى
لانه صورة الشهادة كانت مدتها انتهت وشكرا

[د.عبدالرحمن المنياوي]

المشاركة الأصلية كتبت بواسطة احلام عادية

مساء الخيرات على الجميع
ومساء خاص لأم رهف ود/عبد الرحمن

شكرا للأستاذه أحلام ..

ودايما يارب عاملة دوشة كده في المنتدى ..

[معتز عبدالكريم]

ديما بتنسانى يا دكتور
بص انا كاتب ايه وراء
الى مغلبك ديما زى مانت قلت
معتز

[احلام عادية]

ياجماعة حد سمع اخبار تاني

[احلام عادية]

اهلاً دكتور عبد الرحمن
اللي عايزة اقوله أنه طلتك علينا بتبسطنا والله
حضرتك منور ونورك عامم ع الكل بس انا فيه خبر عندي يا ترى عندك تأكيد علشان تريح الجميع أنه جامعة اسيوط ابتدت ترسل خطابات بالفعل للأوائل يا ريت تأكيد أو نفي وشكراً

[احلام عادية]

لا إله إلا أنت سبحــــــــــــانك إني كنت من الظالميــــــــــــــــن

[د.عبدالرحمن المنياوي]

المشاركة الأصلية كتبت بواسطة معاكم قلبى

السلام عليكم
ارجوك توضحلى اذا كان اللى فمته صح ولا غلط
معنى الكلام ده ان ال2500 مكان خالى دول هيبقى للمنح وللحاصلين على الماجستير والدكتوراه والاعلى هيتاخد
بس ده مكنش الكلام فى الاول الكلام كان ان الاولوية للمنح وده بحسب كلام حضرتك فى مشاركات سابقة وحسب كلام الدكتور عمرلو ان احنا هناخد المنح لانهم ولاد الجامعة اللى صرفت عليهم
يعنى المساله هتبقى كراسى موسيقية واللى يلحق؟؟؟؟؟
بس كده ظلم
دلوقت بعد حضرتك ما تفهمنى ليا سؤالين
الاول التقسيمة اللى حضرتك قولت عليها دى بتاعت التعيين مكان المنح فين
ولو هما ما اتاخدوش جامعات وده الطبيعى فى بعض الاماكن هيروحوا فين ده مع اعتبار انهم هيعينوا الكل زى حضرتك ما قلت وده انا اشك فيه مع احترامى لانى حاسه ان الموضوع كله تبنيججججججج
يعنى ال2500 مكان دول اكيد مش هياخدوا كل الناس الباقى هيروح فين؟؟؟؟؟؟؟؟؟؟؟
ثانيا كليه زى الاداب دى مثلا طالب المنحه بتاعها لو مالوش مكان فى الجامعة وده اكيد هيودوه فين

فعلا ده مش كان الكلام في الأول .. الدكتور ماجد باشا الشربيني كان معطي أولوية لطلاب المنح على أساس إنهم ابناء الجامعات ولهم أولوية .. لكن ائتلاف الحاصلين على الماجستير والدكتوراة من خارج المنح .. اعترضوا ووصلوا لغاية ما قابلوا الدكتور عصام شرف شخصياً .. والراجل ادى تعليمات لوزير التعليم العالي إن الكل يتساوى ومن العدل أن يتم تعيين الأعلى تقديرا في إعلان نزيه .. بصي بقى اجتماع بكرة كل جبهة هتعرض وجهة نظرها على الوزير ورئيس الوزراء واللي يعملوا ربنا هيكون ..

المنح تنافس على الــ2500 مكان واللي يتبقى منهم يعامل معاملة أوائل الخريجين ..

لأ مش طبيعي إنهم مايدتاخدوش .. طلاب المنح منهم اللي جايب تقديرات عالية جدا وتنافسية ..

[د.عبدالرحمن المنياوي]

المشاركة الأصلية كتبت بواسطة احلام عادية

احب اقلكم يا جماعة أنه فيه أمل وخصوصاً أبو رميساء لانه بعتوا لواحد جيرانه لاستكمال اوراقه في جامعة اسيوط
وإن شاء الله فيه خير للجميع فلابد أن نحمل دعوة للتفاؤل نرجو من دكتور عبد الرحمن يدخل معانا دلوقت ويوضح
والله الموفق

جامعة أسيوط لها وضع مختلف ..

أصلها بعتت وقالت أنا عندي عجز يغطي كل المنح .. وعلشان كده أنا عاوزة المنح بتاعتي علشان أعينهم ...

جامعة مخلصة وخلصت ولادها ..

[د.عبدالرحمن المنياوي]

المشاركة الأصلية كتبت بواسطة ام رهف

نقطة نظام ياجماعة
انا والله غلبانة وعلى قد حالى وانتم كده وضعتونى مع الدكتور عبد الرحمن في صف واحد من غير داعي خالص انا ايه جابنى ليه
كل اللي انا ممكن اقدر اساعدكم فيه هو موضوع اوائل الازهر لانى على صلة وثيقة بالناس اللي نظمت المطالبة بتعيين اوائل الازهر وبعرف منهم اللي تم اول بأول
وطبعا يشرفنى ويسعدنى ان انا اخدم
باشكرك يا استاذة ام حنين ويااستاذ معتز على الثقة الغالية اللي انا مااستحقهاش
وربنا يساعدنا كلنا ويحل لنا مشاكلنا ويفرحنا في الدنيا والاخرة

إزاي بقى يا أستاذه أم رهف ..

ده انا في المنتدى ده يدوب ربع حضرتك .. وده مش كلام مرسل لأ .. دي المشاركات اللي بتقول كده ..

وبعدين أنا شرف ليا إني أكون في صف واجد مع حضرتك ..

وربنا يجعلك دايما في خدمة عباده ..

[د.عبدالرحمن المنياوي]

المشاركة الأصلية كتبت بواسطة معتز عبدالكريم

اه الاجتماع ده جاء فى ميعادهعشان كل الى معاه سؤال يسأله
الاوائل يسئلوا وطلاب المنح يسألوا وغير المنح يسألوا والماجستير يسألوا والدكتوراه يسألوا
0
0
والأهم من دول كلهم
الجماعة ألى متأمن عليهم وليا أسبوع بقولهم مفيش أستبعاد ليهم على جميع صفحات الاوائل من صفحة خريجى الجامعات وجامعات اسكندريه واوائل الجامعات طالبيين تعيين وبكل احترام وغيرهم وكل ما الناس تهدئ شويه وتقول يارب تلاقى واحد متعرفش جالك من فين ويكتبلك بالبنط العريض
تـــــــــم استـــــــــــبعاد المؤمن عليهم
أروح اسئله ميرضاش يرد عليه تقوم الناس ماسكه فيه ومطلعه روحى
والله يا دكتور عبدالرحمن ويا استاذه أم رهف حال الاوائل على صفحات الفيس بوك يعلم بيه ربنا من كتر التفكيير
0
والمشكله الى انا خايف منها وانها تحصل أن الاوائل لما يروحوا مش هيوحدوا الصفوف لا كل واحد هيبقى نفسه يعرف الى ليه وملهوش دعوه بحد نتفق على صفحات الفيس بوك ونختلف قدام الناس هتلاقى الاول والتانى عايزيين معيديين يابلاش ومعظم الباقيين عايزيين شغل مفصل ليهم والى مش من العشريين عايزيين يسمعوا كلام من المسؤليين باستبعاد المعيديين والمؤمن عليهم عشان يدخل وسط الزحمه وتلاقى واحد مش لاقى حاجه يقولها فيعمل ضجه وخلاص
ربنا يصلح الحال للجميع ويوفقك الجميع ان شاء الله
ورجاء من سوف يحضر الاجتماع غدا يبلغنا بما دار به
انا طبعا مش هحضر عشان موجود بره مصر وبارك الله فيكم
اسف على الاطاله
ونفسى أسمع تعليق الكتور عبدالرحمن والاستاذه ام رهف وباقى الناس على كلامى
والسلام عليكم ورحمة الله وبركاته

إن شاء الله سنوافيكم بنتائج الاجتماع بإذن الله ..

وربنا يقدم مافيه الخير ..

وهاتلي اسم الجروب اللي عامل لك دوشة في الفيس بوك ده ..

[معلم مساعد 2011]

ربنا يكرمك يادكتور عبدالرحمن كرم الصالحين
ويصلح حالك وينور دربك يارب

[معتز عبدالكريم]

المشاركة الأصلية كتبت بواسطة د.عبدالرحمن المنياوي

إن شاء الله سنوافيكم بنتائج الاجتماع بإذن الله ..

وربنا يقدم مافيه الخير ..

وهاتلي اسم الجروب اللي عامل لك دوشة في الفيس بوك ده ..

اوائل الجامعات طالبيين تعيين
وانا عايز اسألك سؤال يادكتور هو انت بتكتب على صفحه من صفحات الفيس بوك لان بعد ما انت رديت عليه بيومين لقيت واحد على جروب"بكل احترام اوائل الخرجين طالبين تعيين"كاتب نفس كلامك
ممكن توضحلى يادكتور
انت الى كاتبه على الصفحه دى
والا واحد من الاخوه اخد كلامك ونشره وانا لما سألته مردش عليه
بجد وحشنى موت

[sgamea2010]

الدكتور الجليل عبدالرحمن
أولا أحب اشكر حضرتك على المجهودد الرائع اللى عامله فى المنتدى
ثانيا بسبب حضرتك اشتركت فى المنتدى ده
وبعدين أنا عايز استضيفك فى الجروب بتاعى على الفيس بوك والخاص بتعيين الأوائل وده لاقل وقت ممكن
وده عشان الكتير مستنى من حضرتك إجابات لأسئلة موجودة عندهم وجزاك الله كل خير

[د.عبدالرحمن المنياوي]

المشاركة الأصلية كتبت بواسطة معتز عبدالكريم

اوائل الجامعات طالبيين تعيين
وانا عايز اسألك سؤال يادكتور هو انت بتكتب على صفحه من صفحات الفيس بوك لان بعد ما انت رديت عليه بيومين لقيت واحد على جروب"بكل احترام اوائل الخرجين طالبين تعيين"كاتب نفس كلامك
ممكن توضحلى يادكتور
انت الى كاتبه على الصفحه دى
والا واحد من الاخوه اخد كلامك ونشره وانا لما سألته مردش عليه
بجد وحشنى موت

لا ده انا على فكرة مشهوووووووووووووووووووووور جدااااااااااااااااا بس انتم مش عارفين قيمتي ..

هههههههههههههههههههههههههههههههههههههههههههههههههه ههههههههه

يا سيدي ده علم واللي عاوز ينقله ينقله وماله .. كله ثواب ..

بس هو انا فعلا ليه مشاركاتي الهامة على الفيس والأكاونت بتاعي mano ahmed وعليه نفس الصورة بتاعتي هنا

[د.عبدالرحمن المنياوي]

المشاركة الأصلية كتبت بواسطة sgamea2010

الدكتور الجليل عبدالرحمن
أولا أحب اشكر حضرتك على المجهودد الرائع اللى عامله فى المنتدى
ثانيا بسبب حضرتك اشتركت فى المنتدى ده
وبعدين أنا عايز استضيفك فى الجروب بتاعى على الفيس بوك والخاص بتعيين الأوائل وده لاقل وقت ممكن
وده عشان الكتير مستنى من حضرتك إجابات لأسئلة موجودة عندهم وجزاك الله كل خير

انا تحت أمركم اكتبلي اسم الجروب وانا هاروح له ..

أو ممكن تضيفني .. الأكاونت بتاعي باسم mano ahmed وعليه نفس الصورة اللي هنا ..