عندك أي سؤال عن كليه العلوم أو المواد الدراسيه ....أتفضل أدخل - الصفحة 54

كيميائي طبي2011 · #**796** 09-08-2011, 08:29 PM

اقتباس:

المشاركة الأصلية كتبت بواسطة dodo fmk

انا جاتلى علوم /رياضة عين شمس هل ممكن اتخصص كيمياء
وهل قسم علوم الحاسب قسم لوحدة ولا مع الرياضيات

ممكن تتخصص كيميا
وبلنسبة لعلوم حاسب ممكن يكون لوحده ممكن يكون مزدوج مع الرياضه

ahmed abo haggag · #**797** 10-08-2011, 12:37 AM

كل سنة وانتم طيبين جميعا واشكر الدوك (كيميائي طبي 2011) خاصة علي هذا المجهود الكبير الذي يبذله للرد علي استفساراتنا التي تحيرنا جعله الله كله في ميزان حسناتك وانا كنت عاوز استفسر عن حاجة هو اللي اتخصص كيميا سبيشيل زي اللي اتخصص كيميا حيوي او كيميا حيوي مع الميكروبولوجي بمعني اخر (ان مجالات العمل لهم واحد ) ؟؟؟ ياريت اعرف الفرق بينهم . لان في ناس كتير بتقولي ادخل قسم كيميا سبيشيل لان مجالات العمل فيه واسعة .
ومسمعتش بصراحة عن الميكروبولوجي او الكيميا الحيوي قبل كده علما باني علمي علوم وجايب92% ودخلت علوم الزقازيق الحمد لله

وشكرا

radium4 · #**798** 10-08-2011, 12:53 AM

يا دوكتور ..
حضرتك متعرفش نظام الساعات متطبق في عين شمس ولا لا .. ؟؟

MODI200 · #**799** 10-08-2011, 02:56 AM

هو خريجى كليه علوم قسم قسم الحاسبات والرياضه ممكن يتسجل فى الجمعية المصرية لمهندسي البرمجيات او يتسجل فى نقابه مهندسى البرمجيات لو عملوها

كيميائي طبي2011 · #**800** 10-08-2011, 03:39 AM

اقتباس:

المشاركة الأصلية كتبت بواسطة ahmed abo haggag

كل سنة وانتم طيبين جميعا واشكر الدوك (كيميائي طبي 2011) خاصة علي هذا المجهود الكبير الذي يبذله للرد علي استفساراتنا التي تحيرنا جعله الله كله في ميزان حسناتك وانا كنت عاوز استفسر عن حاجة هو اللي اتخصص كيميا سبيشيل زي اللي اتخصص كيميا حيوي او كيميا حيوي مع الميكروبولوجي بمعني اخر (ان مجالات العمل لهم واحد ) ؟؟؟ ياريت اعرف الفرق بينهم . لان في ناس كتير بتقولي ادخل قسم كيميا سبيشيل لان مجالات العمل فيه واسعة .
ومسمعتش بصراحة عن الميكروبولوجي او الكيميا الحيوي قبل كده علما باني علمي علوم وجايب92% ودخلت علوم الزقازيق الحمد لله

وشكرا

العق يا باشا
هو في الشعل الفرق بينهم مش كبير اوي
لكن فيه فرق في المحتوي الدراسي
كيميا سبيشيل بيدرس كيمياء عامه يعني كيمياء عضوية وغير عضوية وفزيائيه وتحليلة وتطبيقيه ونادرا ما بيجي ناحية الكيمياء الحيوي
اما الكيمياء الحيوي فبيدرس اغلب مواده كيمياءحيوي
كيمياءحيوي تعني كيمياء الكائنات الحية اي كيمياء الانزيمات والهرمونات والبروتينات الخ
ويركز الكيمياء الحيوي علي الكيمياء الحيوية بتاعه الانسان ( الكيمياء الحيوية الطبية ) اي كيمياء الدم اي انزيمات الكبد والكلي والقلب والهرمونات وكيمياء الاورام وكيميا المناعهوكيماء البول وكيماء الاعصاب الخ

كيميائي طبي2011 · #**801** 10-08-2011, 03:41 AM

اقتباس:

المشاركة الأصلية كتبت بواسطة radium4

يا دوكتور ..
حضرتك متعرفش نظام الساعات متطبق في عين شمس ولا لا .. ؟؟

للاسف معنديش فكره

كيميائي طبي2011 · #**802** 10-08-2011, 03:47 AM

اقتباس:

المشاركة الأصلية كتبت بواسطة modi200

هو خريجى كليه علوم قسم قسم الحاسبات والرياضه ممكن يتسجل فى الجمعية المصرية لمهندسي البرمجيات او يتسجل فى نقابه مهندسى البرمجيات لو عملوها

المجلس الاعلي للجامعات معادل شهاده بكالوريوس علوم حاسب من حاسبات ببكالوريوس علوم حاسب من علوم

والمجلس الاعلي للجامعات مخرا محول خريجي حاسبات علي نقابه العلوم ( المهن لعلمية ) لان كلية حاسبات لا تتبع القطاع الهندسي ولكنها تتبع قطاع العلوم التطبيقيه

فمسمي خريجي حاسبات ليس مهندس برمجيات لكن المسمي هو مبرمج او اخصائي علوم حاسب

ويتقيدو تبع شعبه علوم حاسب في نقابة المهن العلمية ( نقابة العلوم) لانهم يحصلو ع بكالوريوس علوم حاسب وهو نفس البكالوريوس للي موجود في علوم
اما بخصوص الجمعيه فهي غير معترفه من الدوله لان المسمي الحقيقي لخريجي علوم حاسب سواء من حاسبات او علوم هو مبرمج او اخصائي علوم حاسب طبقا للدوله وطبقا للمجلس الاعلي للجامعات

MODI200 · #**803** 10-08-2011, 03:58 AM

يعنى خضرتك المسمى الوظيفى مبرمج اذا كنت خريج علوم قسم حاسبات او كليه حاسبات طب هو ايه الفرق بينهم

كيميائي طبي2011 · #**804** 10-08-2011, 04:06 AM

اقتباس:

المشاركة الأصلية كتبت بواسطة MODI200

يعنى خضرتك المسمى الوظيفى مبرمج اذا كنت خريج علوم قسم حاسبات او كليه حاسبات طب هو ايه الفرق بينهم

لا يوجد فرق
الاتنين مسماهم واحد
زي بالظبط كده
قسم البيوتكنولجي في كلية علوم وكلية البيوتكنولوجي

وزي اقسام الكيميا بيولوجي في التحاليل وكلية علوم طبيه قسم مختبرات طبية

وكلهم يتبعو لنقابة العلوم

لان كل دول ينتمو لفئه ال
scientists

فمسمي خريجي علوم حاسب من علوم او حاسبات

computer scientist or computer programmer
اي مبرمج او اخصائي علوم حاسب

MODI200 · #**805** 10-08-2011, 04:11 AM

معليش يادكتور لو سالت اسئله كتير اصل انا جتلى علةم عين شمس وكان نفسى فى حاسبات طب هو فى فرق فى نظام المواد الدراسيه لو ممكن ايميل خضرتك علشان فى حجات تانيه عايز اسال فيها

كيميائي طبي2011 · #**806** 10-08-2011, 04:16 AM

اقتباس:

المشاركة الأصلية كتبت بواسطة modi200

معليش يادكتور لو سالت اسئله كتير اصل انا جتلى علةم عين شمس وكان نفسى فى حاسبات طب هو فى فرق فى نظام المواد الدراسيه لو ممكن ايميل خضرتك علشان فى حجات تانيه عايز اسال فيها

ولاا يهمك ياباشا
ولا يوجد فرق بينهم باستثناء انك هتدرس مواد زيده زي الكيمياء والفزياء
و بالنسبة ل الايميل انا بعتهولك ع الخاص

MODI200 · #**807** 10-08-2011, 04:23 AM

مشكوررررررررررر

accmedo · #**808** 10-08-2011, 06:33 AM

يا جماعه انا جبت 372.5 مجموع كلى (درجه الانجليزى بتاعتى 39.5 وانا اخت مستوى رفيع انجلزى وجبت فيه 8) هل ممكن اخش تجاره انجليش اى مكان؟
انا التنسيق ودانى علوم عين شمس وانا بصراحه مش عارف اعمل ايه لان فى ناس بتقولى علوم صعبه احول تجاره لان مجموعى 90.8 ومش لاحق تربيه و لا اداب ومش عارف اعمل ايه ولا اعمل ايه. (انا علمى رياضه) ممكن اعرف نظام الدراسه فى علوم عين شمس وايه االاقسام الى متاحه ليا كعلمى رياضه وياريت الى يقولى الاقسام يقولى مستقبلها ايه بعد التخرج ان شاء الله .هل فى فرق بين علوم و علوم/رياضه

ManaR_2050 · #**809** 10-08-2011, 06:54 AM

اقتباس:

المشاركة الأصلية كتبت بواسطة كيميائي طبي2011

كده يبقي قسم كيمياء وميكروبيولوجي

بس انا عاوزة اعرف هل ده بيتوقف على درجة المواد العلمية ف الثانوية االعامة يعنى مثلا الكيمياء ؟؟؟
و لو بيتوقف عليها هتبقى من نسبة كام؟؟
بليز الرد ضرورى .......
و شكرا

الطائر المضئ · #**810** 10-08-2011, 11:18 AM

ممكن اسالك عن نظام الكليه
يعنى مثلا فى اول سنة المواد الدراسية بتكون ايه ؟
وهل فيها فيزياء ؟
وبحق ان فى اولى الدراسة بيقى فيها مواد كتير وبعدين فى السنوات اللى بعدها بيبقى فيه تخصص؟
ارجو الرد للاهميه
جزاك الله خيرا