جروب 3 ثانوى ( علمى علوم )

[(بالقرآن نحيا )]

المشاركة الأصلية كتبت بواسطة amothman123

فى نص الصغيران معنى بإزائنا ( أمامنا - بمحاذاتنا - اتجاهنا )
مدرسى بيقول اتجاهنا
الرسالة بيقول بمحاذاتنا
الوسام بيقول أمامنا
الأضواء بيقول أمامنا
اتفضلوا بقى حد يقولى اعمل اية فى السؤال اللولبى دة

سؤال تانى برضة فى نفس النص
مضاد يفيض : ( يغيض - ينقص )
مدرسى بيقول يغيض و فى كتب تانية بتقول ينقص
اية رأيكم يا أهل الخبرة

فى الإنجليزى
you could repair this car if you really tried your best . I am sure you ( can't have - may have - must have - might have ) usrd the right tools.
شايف إنها can't have أية رأيكم ؟!

ياريت الناس تفتكر إن في 4 مواد تانية غير الفيزياء على فكرة

*معني ايزائنا موجود عندي في المذكرة امامنا وبمحاذاتنا - بس اظن الادق بمحاذاتنا ادق
*مضاد يفيض -يغيض ..لان ينقص عكسها يزيد مباشرة
*اظن الاجابة هتبقي can't have
والله اعلم

[To Be Is To Do]

المشاركة الأصلية كتبت بواسطة trust in allah

*معني ايزائنا موجود عندي في المذكرة امامنا وبمحاذاتنا - بس اظن الادق بمحاذاتنا ادق
*مضاد يفيض -يغيض ..لان ينقص عكسها يزيد مباشرة
*اظن الاجابة هتبقي can't have
والله اعلم

مضاد يفيض فعلا : يغيض ( من المعجم )

معنى ايذائنا : محاذاتنا فعلا أدق ودى جالتنا السنه اللى فاتت

[lally adel]

انا شايفة ازائنا معناها امامنا .. ومستبعده تماما انها تكون بمحاذاتنا لا محاذاتنا دى معناها بجانبنا .. انا شايفة ان امامنا انسب اكتر من تجاهنا .. تفيض مضادها تغيض .. لان ينقص مضادها يزيد و يفيض بتحمل معنى اكتر من الزياده فبالتالى مضادها هيكون اكتر من النقص .. اما بالنسبة لسؤال الانجلش فانا موافقاك و شايفة انها can't have .. بالتوفيق .. يارب اكون قدرت اساعدك

[amothman123]

متشكر جداً على الإجابة على الأسئلة
إزائنا مكتوبة فى الأضواء بمحاذتنا لكن المراد بها أمامنا ! يعنى مريح نفسه و كاتب الأثنين
بس أنا فعلاً باميل اكثر لأمامنا
و مدرسى شايفها لا دة ولا دة .. اتجاهنا

[Best In World]

أنا سمعت ان جريدة التحرير نزلت الجدول
هل الكلام ده صحيح ؟

[Mohamed Nada*]

اكتب الكمية الفيزيائية المعبرة عن العلاقات الرياضية التالية:

1/2KT

3PVol/mv2

[Muhammad Karim]

المشاركة الأصلية كتبت بواسطة Mohamed Nada*

اكتب الكمية الفيزيائية المعبرة عن العلاقات الرياضية التالية:

1/2KT

3PVol/mv2

1 - 1/6mv^2 (سدس حاصل ضرب الكتلة في مربع السرعة )

2- N/NA
(عدد جزيئات الغاز مقسوما على عدد افوجادرو )

القوانين دي عدت عليا من زمان وبحاول افتكرها معاكو
يارب يطلع الحل صح

[(بالقرآن نحيا )]

يا جماعة عاوزه اخد رايكوا في حاجة
المستر اللي باخد عنده احياء مش هيعمل مراجعة غير علي dna وبس وبعدها هيحل امتحانات شاملة علي طول
وانا بصراحة عاوزة حد يديني وقت اراجع الابواب لاني نسياها
من رايكوا اروح عند مدرس تاني في المراجعة ؟ ولا استمر مع دا علشان ما اتشتتش ؟؟؟

[عبدالخالق حمدى سلامة]

المشاركة الأصلية كتبت بواسطة Trust in Allah

يا جماعة عاوزه اخد رايكوا في حاجة
المستر اللي باخد عنده احياء مش هيعمل مراجعة غير علي dna وبس وبعدها هيحل امتحانات شاملة علي طول
وانا بصراحة عاوزة حد يديني وقت اراجع الابواب لاني نسياها
من رايكوا اروح عند مدرس تاني في المراجعة ؟ ولا استمر مع دا علشان ما اتشتتش ؟؟؟

انا فعلا مش عارفة فى المنهج بتاعكم كويس لكن من راءى ان الوراثة وباقى المنهج اهم من الـDna حيث ان مستشار الاحياء قال لا مشكلة فى توقعات الـــDna حيث ان الاسئلة فى هذا الباب ثابتة
فالبتالى الحل هو الذهاب الى مدرس اخر

[(بالقرآن نحيا )]

المشاركة الأصلية كتبت بواسطة عبدالخالق حمدى سلامة

انا فعلا مش عارفة فى المنهج بتاعكم كويس لكن من راءى ان الوراثة وباقى المنهج اهم من الـDna حيث ان مستشار الاحياء قال لا مشكلة فى توقعات الـــDna حيث ان الاسئلة فى هذا الباب ثابتة
فالبتالى الحل هو الذهاب الى مدرس اخر

شكرااااا لحضرتك

[amothman123]

المشاركة الأصلية كتبت بواسطة trust in allah

يا جماعة عاوزه اخد رايكوا في حاجة
المستر اللي باخد عنده احياء مش هيعمل مراجعة غير علي dna وبس وبعدها هيحل امتحانات شاملة علي طول
وانا بصراحة عاوزة حد يديني وقت اراجع الابواب لاني نسياها
من رايكوا اروح عند مدرس تاني في المراجعة ؟ ولا استمر مع دا علشان ما اتشتتش ؟؟؟

مايبقاش مدرس .. شوفيلك مدرس تانى
و عادى ناس كتير بتاخد عند مدرس و تراجع عند مدرس تانى
احنا خلصنا المنهج على أول شهر 3 و راجعناه مرتين
المرة الاول كانت على 5 أسابيع
بالترتيب
التكاثر
الوراثة و الـ dna
التغذية و الإخراج
الإحساس و الهرمونات
النقل و التنفس و الدعامة ( الحركة )
و بعدين المراجعة التانية كانت على أسبوعين
الفصول من 1 إلى 7 فى الأسبوع الأول
ثم من 8 إلى آخر المنهج فى الأسبوع الثانى
و 4 امتحانات شاملة فى شهر 5 كل أسبوع و خلصنا بالظبط 1 - 6

[(بالقرآن نحيا )]

المشاركة الأصلية كتبت بواسطة amothman123

مايبقاش مدرس .. شوفيلك مدرس تانى
و عادى ناس كتير بتاخد عند مدرس و تراجع عند مدرس تانى
احنا خلصنا المنهج على أول شهر 3 و راجعناه مرتين
المرة الاول كانت على 5 أسابيع
بالترتيب
التكاثر
الوراثة و الـ dna
التغذية و الإخراج
الإحساس و الهرمونات
النقل و التنفس و الدعامة ( الحركة )
و بعدين المراجعة التانية كانت على أسبوعين
الفصول من 1 إلى 7 فى الأسبوع الأول
ثم من 8 إلى آخر المنهج فى الأسبوع الثانى
و 4 امتحانات شاملة فى شهر 5 كل أسبوع و خلصنا بالظبط 1 - 6

ربنا يستر
بس هو وجهة نظره ان كتر الحل هيدي للطالب ثقة بالنفس اكتر

[amothman123]

المشاركة الأصلية كتبت بواسطة trust in allah

ربنا يستر
بس هو وجهة نظره ان كتر الحل هيدي للطالب ثقة بالنفس اكتر

هو ينفع حد يحل بدون ما يراجع !! هايبقى كأنه بيضيع وقت
زى ما قرأت لواحد هنا قبل كدة : ذاكر تنجح .. راجع تتفوق
لازم الاهتمام بمراجعة كل تفاصيل المنهج لأن واضع الامتحان بيحب أوى يركز على المعلومات ما بين السطور
فى 2010 كان سائلهم عن القيمة الرقمية لضغط الدم فى الشعيرات الدموية ؟!

[rana rory]

السلام عليكم
انتوا خلصتوا مواد ايه ؟
انا خلصت عربى و انجليزى و اقتصاد و احصاء
بس حاسه انى متاخر فى الفيزيا احنا فى الفصل14 و الاحياء فاضل حصه و نخلص

[عبدالخالق حمدى سلامة]

احب اعرفكم بنفسى انا دكتورة هبه (تنمية بشرية) هكون موجودة معاكم لمدة يومين لحد عبد الخالق مايرجع من السفر وهنزل التوقعات اول بأول ونحن فعلا فى انتظار التوقعات النهائية من المستشارين المتخصصين لكل مادة ......
ارجو من سيادتكم الدعاء لــ عبد الخالق حمدى لأنه فعلاً يحتاج للدعاء ....