أخبار المعلمين المنقطعين بمحافظة كفر الشيخ و المحافظات الأخرى

[مدرس انجليزي 2000]

السلام عليكم
احنا معلم مساعد اول السلم الوظيفي فى الكادر و ليس عقد مؤقت ان شاء الله لينا فى الحد الادني

[ايناس محمد.]

المشاركة الأصلية كتبت بواسطة مدرس انجليزي 2000

السلام عليكم
احنا معلم مساعد اول السلم الوظيفي فى الكادر و ليس عقد مؤقت ان شاء الله لينا فى الحد الادني

ياااااااريت فعلا يكون لنا فى موضوع الحد الادنى
عموما كل شئ هيبان فى شهر يناير ان شاء الله

[عبير الرووووح]

استاذه حبيبه حضرتك لخصتى الموضوع كله

كلامك معقول وهو ده ال هيمشى اكيد وبلاش نعلق نفسنا بامل و باشياء مستبعد تحصل

موضوع السنه ده مستبعد لان كل شىء فى ايد الاكاديميه ال بيتم من خلالها التعيين

وموضوع استيفاء الشروط ده معناه انك تكون خلاص استوفيت

كل الشروط والاكاديميه فتحتلك الباب للتسجيل فيها



هو ده معنى اسيفاء الشروط و من بعدها يتم الترقى

من وجهه نظرى ان الناس ال هتتعين فى شهر 11 هم دفعه ما قبل 2011\9\30

يارب يكون ظنى خاطىء ويارب يكتبلنا ال فيه الخير

[عبير الرووووح]

احنا لو محتاجين نعمل وقفه حقيقيه المفروض نعملها على الاكاديميه لان هى ال بايديها مصير المعلم المساعد

المفروض نطالب بالغاء موضوع السنتين ويكون التقدم للترقى على اساس المستوفى يتقدم ومش لازم العامين

زى ما كان بيحصل فى امتحان الكادر كان المستوفى الشروط من تربوى وال icdl كان بيدخل يمتحن

دون التقيد بتاريخ تعاقد او دفعه معينه

[habiba_malak]

المشاركة الأصلية كتبت بواسطة عبير الرووووح

احنا لو محتاجين نعمل وقفه حقيقيه المفروض نعملها على الاكاديميه لان هى ال بايديها مصير المعلم المساعد

المفروض نطالب بالغاء موضوع السنتين ويكون التقدم للترقى على اساس المستوفى يتقدم ومش لازم العامين

زى ما كان بيحصل فى امتحان الكادر كان المستوفى الشروط من تربوى وال icdl كان بيدخل يمتحن

دون التقيد بتاريخ تعاقد او دفعه معينه

كلام حضرتك مضبوط اويوة المفروض المطالبة بالغاء مدة السنين واظن دا صعب بس انا عاوزة اقول لحضرتك ان امتحان الكادر مكنتش حد بيدخلة الا لو كان قرب من مدة السنين ذى دورة الطرق التربوية بالضبط يعنى على سبيل المثال دفعة 2010 العقود المميزة كانت 1/1/2010 ومدخلوش امتحان الكادر الا فى 4/2012 وبعدين ظهرت النتيجة تقريبا فى 6/2012 ومتعينوش الا فى 8/2012 اى بعد مرور سنتين و 8 شهور بالضبط وقبلهم دفعة العقد المميز 2008 دخلوا الكادر لكن مطلعلهمش قرار تعيين الا فى 3/2011 يعنى بعد ثلاثة سنوات
يعنى مش كل اللى استوفى الشرط كان بيدخل الكادر

احنا بنقول ان بصراحة مفيش ولا وزارة بتعمل زى وزارة التربية والتعليم 27 شهر وبعدين 2 سنين معلم مساعد وبعدين معلم ليه حرررررررررررررام

[ايناس محمد.]

يا جماعة احنا بنحاول نعمل اى حاجة و نطرق اى باب لعل اى طريق يوصلنا للهدف و هدفنا هو تعيننا

لاننا احنا المنقطعين مظلومين جداااا لما تلاقى ناس اصغر سنا و اتعينوا و احنا مازلنا معلم مساعد

و كمان بيقولوا غير مثبت

على فكرة فى واحد فى الماهيات فى الادارة بيقول ان هيكون لنا فى موضوع الحد الادنى ان شاء الله طالما انك بتقبض من موازنة الدولة

[ايناس محمد.]

"التعليم" تنتظر حصر المعلمين المتعاقدين لتثبيتهم

أكد الدكتور محمود أبو النصر وزير التربية والتعليم أن الوزارة لم تنته بعد من حصر أسماء المعلمين المتعاقدين، والمستوفين لشروط التعيين.

وأوضح أن المديريات التعليمية بالمحافظات بدأت قبل إجازة العيد عمل حصر شامل للمعلمين المتعاقدين، لبيان من استوفى الشروط للتثبيت، مؤكدا أن حصر الأسماء لم ينته حتى الآن.

وأشار إلى أن شروط التعيين هي أن يكون المعلم حاصلا على مؤهل تربوي مناسب، أو أن يكون حاصلا على دبلومة التأهيل التربوي إن كان من غير خريجى كليات التربية.

وأضاف أن الوزارة عقدت بروتوكول تعاون مع كليات التربية لتأهيل المعلمين غير التربويين من خلال إعطائهم دورات تربية مكثفة بمبلغ مالى لا يتجاوز 500 جنيه فقط.
http://daftara7walalmo3lmeen.blogspo...post_7307.html

[عبير الرووووح]

طيب منين هم لسه مش انتهو من حصر الاسماء

ومنين قرار وزارى هيكون الاسبوع القادم لتعيين 25 الف معلم ممن استوفو الشروط وال تقدموا بملفاتهم

هل من الممكن ان يكون 25 الف معلم ال هيتعينوا الاسبوع القادم دول شىء تانى

وال هيعينوهم بعد كده هم ال بيحصروا اسمائهم ؟؟؟

[مدرس انجليزي 2000]

وأشار إلى أن شروط التعيين هي أن يكون المعلم حاصلا على مؤهل تربوي مناسب، أو أن يكون حاصلا على دبلومة التأهيل التربوي إن كان من غير خريجى كليات التربية.
كل الشروط دي موجودة اين التنفيذ

[عبير الرووووح]

هم فعلا بيقولوا الشروط دى بس بعدين بيرجعوا يقولوا ممن اتموا العامين

يعنى هتفضل حكايه العامين دى العقبه ال دايما فى طريقنا

[shoshohassn]

صبرا أل ياسر

[محمود لطفى1]

يا جماعة والله حرام هما عمالين يلعبو بينا واحنا واقفين نتفرج يا جماعة احنا لو مدورناش على حقنا لا أ/ عبدالقادر ولا غيره هيعملنا حاجة محدش بيحس بالنار الا اللى ماسكها هو احنا هنستنا سنتين لحد مانتعين ليه امال السنين اللى فاتت دى نبلها ونشرب ميتها ولا مش محسوبة من عمرنا على اساس ايه يعنى الكلام ده داحنا سنة كاملة بـ150 جنية وصابرين وسنة بـ400 جنية وبرده صابرين يعنى لا فلوس ولا حتى السنين محسوبة امال احنا كنا بنشتغل علشان الحكومة صعبانة علينا واحنا بنقف جنبها انا مش فاهم والله طيب حتى لو كان المرتب مجزى فى السنتين دول كنا قلنا ماشى نعتبر نفسنا كنا شغالين فى أى عمل خاص انما احنا كنا بنصرف على المواصلات اكتر من اللى بناخدة وكمان يقولك انتو ملكوش فى الحد الادنى اقول للموظف ليه احنا مش على الباب الاول يرد عليا لما نبيع لب بقا يبقا لكم فى الادنى والاقصى كمان لا والاهم انه بيقول الحد الادنى هيتحسب بالمكافاءة يعنى 95% من العاملين بالتربية والتعليم مالهمش فيه ولسه

[راجية رضي بي]

انا زهقت ومش هقول حسبي الله ونعم الوكيل انا زميلي كان نفسه يثبت هو منقطع زي وكان بيشتغل بعد المدرسة علشان نفسه يتجوزوبعد ماحققالي نفسه واتجوزمن اسبوعين اتوفي في حادث وهورايح الشغل ياتري حد هيعبره بمعاش ولا يرد له حقه في السنين الي اشتغلها واتمرمت وييوم مازدانا بقينا 200 جنية مش زي المحافظات التانية حسبي الله ونعم الوكيل الواحد فقد الامل وزهق

[مدرس انجليزي 2000]

المشاركة الأصلية كتبت بواسطة راجية رضي بي

انا زهقت ومش هقول حسبي الله ونعم الوكيل انا زميلي كان نفسه يثبت هو منقطع زي وكان بيشتغل بعد المدرسة علشان نفسه يتجوزوبعد ماحققالي نفسه واتجوزمن اسبوعين اتوفي في حادث وهورايح الشغل ياتري حد هيعبره بمعاش ولا يرد له حقه في السنين الي اشتغلها واتمرمت وييوم مازدانا بقينا 200 جنية مش زي المحافظات التانية حسبي الله ونعم الوكيل الواحد فقد الامل وزهق

حسبنا الله و نعم الوكيل رحم الله اخونا و اسكنه الجنة
الجنزورى مظلمش حد غير خريجى التربية يوم ما المفسدين لغو التكليف و اصحبت التربية و التعليم مصدر الواسطة و الفساد و اسند العمل لغير اهله

لنا الله

[ايناس محمد.]

المشاركة الأصلية كتبت بواسطة راجية رضي بي

انا زهقت ومش هقول حسبي الله ونعم الوكيل انا زميلي كان نفسه يثبت هو منقطع زي وكان بيشتغل بعد المدرسة علشان نفسه يتجوزوبعد ماحققالي نفسه واتجوزمن اسبوعين اتوفي في حادث وهورايح الشغل ياتري حد هيعبره بمعاش ولا يرد له حقه في السنين الي اشتغلها واتمرمت وييوم مازدانا بقينا 200 جنية مش زي المحافظات التانية حسبي الله ونعم الوكيل الواحد فقد الامل وزهق

لا حول و لا قوة الا بالله
الله يرحمه و يصبر اهله