ايه اخبار تعيين أوائل الكليات ياجماعة؟

[ام رهف]

ايوة يااستاذة منى اللي فهمتيه صح
اما حكاية مقيد في قسم في الدراسات العليا ومش عارفة ساعتها ممكن يحصل ايه
كل الناس اللي عاوزة تتعين بتقول ييجي التعيين بس ونبقا نذاكر في اي قسم
انما ساعتها ربنا يحلها انا كنت اعرف ناس بيعملو بدل في الحالات دي
يطلع بس جواب التعيين وربنا يعدلها

[احلام عادية]

السلام عليكم دكتورعبد الرحمن المنياوي جمعة مباركة عليك وعلى الجميع
ارجو من حضرتك الاجابة عن سؤالي بعد اذن حضرتك سمعت خبر عن اللي كانوا بيدرسوا بالحصة وتم الاستغناء عنهم هل هيعطوهم عقد طيب ودة هيكون نظامه ايه زي العقد اللي احنا عارفينه طيب وهيجبولهم حصص منين
واشكر لسيادتكم سعة صدركم وارجوا الرد ضروري

[احلام عادية]

السلام عليكم أم رهف ارجو من الله أن يتم عليك الصححة وتكوني بالف خير والله كلامك ريحني وربنا يقدم اللي فيه الخير للكل وانا أم حبيبة الرحمن أن شاء الله وجمعة مباركة للجميع

[احلام عادية]

لوسمحت أم رهف هل صحيح انه اللي كان شغال بالحصة وتم الاستغناء عنه هيرجع تاني بالعقد ودهنظامه ايه وهيجبولهم حصص منين وشكرا

[احلام عادية]

السلام عليكم أهل المنتدى جمعة مباركة

[احلام عادية]

مساء الخير عليكم

[احلام عادية]

السلام عليكم ورحمة الله وبركاته
مساءكم سعيد دمتم في خير

[روني1982]

السلام عليكم
انا حاصلة على ماجستير علوم زراعيه دفعة 2009 بتقدير امتياز
لا اعمل نهائى
ومش عارفه حد يدلنى ااقدم اوراقى فين او اروح لمين يدلنى المطلوب علشان اشتغل
واللى يرد عليا جزاه الله عنى كل خير وله دعوة فى الثلث الاخير من الليل بكل امانه باللى يتمناه
ممكن تردو عليا؟؟؟؟

[د.عبدالرحمن المنياوي]

[B][CENTER][CENTER][CENTER][CENTER]

المشاركة الأصلية كتبت بواسطة روني1982

السلام عليكم
انا حاصلة على ماجستير علوم زراعيه دفعة 2009 بتقدير امتياز
لا اعمل نهائى
ومش عارفه حد يدلنى ااقدم اوراقى فين او اروح لمين يدلنى المطلوب علشان اشتغل
واللى يرد عليا جزاه الله عنى كل خير وله دعوة فى الثلث الاخير من الليل بكل امانه باللى يتمناه
ممكن تردو عليا؟؟؟؟

والله موضوع دعوة الثلث الأخير من الليل ده حمسني جدا جدا جدا .....

بص بقى يا أختي .. يتم حاليا في وزارة التعليم العالي استلام أوراق الحاصلين على الماجستير والدكتوراة تمهيدالتعيينهم .. وتقدري تروحي في أي وقت ..

طيب أنا عاوزة أنسق مع أي حد .. شوفي بقى انت ترسلي بياناتك على الدكتورة يسرية الهامشري على حسابها في الفيس بوك وهو (dr-yousreya Elhamshary) قوليلها من طرف د.عبدالرحمن المنياوي وهي هتقوم بالواجب وهتوجهك صح ..

طيب ممكن أتابع مع أي جروب على الفيس آخر الأخبار .. طبعا فيه جروب اسمه ائتلاف الحاصلين على الماجستير والدكتوراة .. ولول فيه حد منحة ممكن يتابع على جروب طلاب المنح المصرية في الجامعات المصرية ولو انه جروب مقفول على أعضائه .. بس ليها حل

وخدو ا دي بقى :

قرر مجلس الوزراء عمل لقاء مفتوح بالحاصلين على الماجستير والدكتوراة وكمان بطلاب المنح الدراسية وأي من أوائل خريجي الجامعات ... وذلك تعقيبا على صدور قرار تعيينهم جميعا .. واللقاء يبحث آليات التعيين وانا بادعوا الكل يروح اللقاء ده لأنهم هيقعدوا يسمعوا مننا مقترحاتنا وفيه ائتلافات وأحزاب بدأت تجهز مسوده بطلباتها .. والتي تتمركز حول تعيين الكل بالجامعات والمراكز البحثية والوحدات ذات الطابع الخاص ..

الأحلى بقى .. يحضر في الاجتماع كل من :

الدكتور عصام شرف
الدكتور عمرو بيه سلامة
الدكتور ماجد باشا الشربيني

الاجتماع يوم الأحد القادم 26/6/2011 بوزارة التعليم العالي صباحاً

الكلام ده طبعا أكيد مش هزار ومش عاوز حد يفتي ويقعد يقول يمين وشمال

:0 22yb4::022 yb4:

[د.عبدالرحمن المنياوي]

المشاركة الأصلية كتبت بواسطة احلام عادية

السلام عليكم ورحمة الله وبركاته
مساءكم سعيد دمتم في خير

يا استاذه أحلام بقالك نص ساعة معلقتيش ..

ههههههههههههههههههههههههههههههه

انا باهزر معاك وطبعا نحب نشوفك بتعلقي على طووووووول

[د.عبدالرحمن المنياوي]

المشاركة الأصلية كتبت بواسطة احلام عادية

السلام عليكم دكتورعبد الرحمن المنياوي جمعة مباركة عليك وعلى الجميع
ارجو من حضرتك الاجابة عن سؤالي بعد اذن حضرتك سمعت خبر عن اللي كانوا بيدرسوا بالحصة وتم الاستغناء عنهم هل هيعطوهم عقد طيب ودة هيكون نظامه ايه زي العقد اللي احنا عارفينه طيب وهيجبولهم حصص منين
واشكر لسيادتكم سعة صدركم وارجوا الرد ضروري

صدر قرار بعودة الناس وده احنا عارفينه كلنا ..

وكمان صدر قرار بإن مفيش حاجة اسمها حصة تاني ..

طيب انا ليا تفسير خاص .. مفيش حد هيشتغل بعقد مؤقت تاني لأن كل العقود المؤقته الوزارة بتثبتها لأنها كانت عاملة مشاكل ومفيهاش عدالة اجتماعية .. وده مش معناه انهم هاخدوا غيرهم لأ .. ده بعد كده اللي هييجي هييجي بتعيين مش عقود مؤقته .. طيب وضعكم إيه أعتقد عمل لكم عقد بصفة استثنائية حتى استكمال شرط الثلاث سنوات يليه التعيين كمعلم مساعد .. أما من أكمل فعليا الـ3سنوات ففي المنيا عندنا دخلوا حيز التثبيت على معلم مساعد بالفعل

[د.عبدالرحمن المنياوي]

المشاركة الأصلية كتبت بواسطة ام رهف

ارجو انى اكون افادتك وربنا يسهل ويعمل الصالح لنا جميعا

أنا لو أعرف إني لو غبت شوية عن المنتدى هيخلي الأخت العزيزة أم رهف تنور الصفحة كتيييير كده ده أنا كنت قررت الاختفاء خالص من النت .. علشان مانتحرمش من الطلة المتميزة من أختنا التي تغيب وتأتي كالبدر ..

نتمنى أن لا تحرمينا من تواجدك المميز يا أخت أم رهف ..

[د.عبدالرحمن المنياوي]

يا جماعة انا ليا توضيحين في موضوعين مختلفين بس ممكن يهموكوا :

أولاً : أوائل الأزهر قرروا حضور الاجتماع مع الوزير والدكتور عصام شرف .. الاجتماع الذي نوهت عنه منذ قليل ..

ثانيا : المعلم المساعد غير مؤمن عليه .. أينعم بيتخصم منك فلوس كل شعر تأمينات ومعاشات لكن في الواقع الفلوس دي مش بتروح للـتأمينات .. والدليل روح حضرتك لمكتب التأمينات التابع له واسأل .. أو أدخل على موقع هيئة التأمينات الاجتماعية واكتب اسمك هتلاقي بيقولوا لك ليس لك اي بيانات تامينية ..

[د.عبدالرحمن المنياوي]

المشاركة الأصلية كتبت بواسطة ايمان العطار

السلام عليكم ورحمة الله وبركاته
استنيت كتييييييييييييير علشان حضرتك ترد عليا
انا عايزة اقول لحضرتك حاجة حضرتك بتقابل الاستاذ ماجدالشربينى عايزيىن نعرف وجهة نظره فى اخذ العشرين على الكلية وليس الاول والثانى على الاقسام مع ان المفروض ان الاقسام بها تفاوت من الصعوبة بمختلف الكليات عايزين حد يكلمنا يا جماعة ولا مفيش فايدة حتى بعد الثورة قررات وبس وتنفيذ اوامر من غير اقتناع واحناننظلم ونخضع احنا حنعمل وقفة يوم الاحد القلدم ياريت تبلغ حضرتهيطلع بيان فى التلفزيو ناوفى جريدة يقنعتا بوجة نظره وهل مستريح بظلمنا مش حنقول غير حسبنا االله ونعم الوكيل
حضرتك دكتور محترم وبتتكلم بروح حلوة مع الشباب عايزة اعرف وجهة نظرك ولا دة فى شىءمن الاحراج
وجزاك الله خيرا

أولا أنا أنصحك بشده لحضور الاجتماع المقرر له الأحد القادم ستجدين ردا على أسئلتك وهتقابلي الدكتور ماجد بنفسه ..

ثانيا : على فكرة أنا سعيد بمجاملتك جدا بس هو انا باين عليا إني كبير في السن ؟!!!!

يا جماعة أنا والله شاب زييكم بس ربنا حب يديني شرف خدمتكم وثواب دعائكم ..

[د.عبدالرحمن المنياوي]

المشاركة الأصلية كتبت بواسطة فاطمة الزهراء 86

بارك الله فيك يا دكتورنا الجليل وجعل كل حرف تكتبه حسنات تملأ ميزانك لأنك بصراحة أراحت ناس كتيرة على المنتدى ولكن أنا عندي إستفسار بسيط معلش يعني أنا عارفه إني أسئلتي كترت ولكن ده عشمي فيك كبير :

1- إمتى هيتم التعيين يعني هيكون في شهر كام يعنى هم مثلا ممكن يتأخروا يعني الموضوع ممكن يوصل لشهر 1 القادم على إعتبار السنة الجديدة ولا الموضوع هيتم في أول شهر يوليو ؟

2- الجوابات هتأتي لنا إلى البيت ولا إحنا اللي هنروح نقدم في مكان معين طيب وهم هيعرفوا منين العناوين وخصوصا الناس اللي بتنقل إلى عنوان آخر .

3- الناس اللي متخرجة من كلية التربية هيتعينوا في مدارس قريبة من مساكنهم ولا هيوزعوهم في أماكن بعيدة وهل هما هيطلبوا مننا نختار المكان اللي إحنا عايزنوا ولا هما اللي هيختاروا المكان .

4- أنا متخرجة من كلية التربية وأنا حاليا بشتغل في وظيفة إدارية بعقد مؤقت في إحدى الكليات فهل هما هيبعتوا لي الجواب يخيروني بين العمل في وزارة التربية والتعليم أو البقاء في الوظيفة الإدارية ولا هيقولوا هي بتشتغل عايزة إيه تاني من الحكمومة , طيب وهما هيبعتوا الجواب لي فين .

معلش أنا عارفة إني أسئلتي كتيرة بس أنا عارفة إن حضرتك أبو الكرم كله والله فعلا إحنا بنحبك في الله وجزاك الله خيرا على مجهودك معنا .

التعيين في شهر كام .. هو المفروض أن تتم إجراءاته وتنتهي قبل نهاية يوليو ..

الآليه بتاعت التقديم هتحدد في اجتماع يوم الأحد ..

لو فيه تعيين في المدارس يبقى المديرية والإدارة هتسلمك للتوجيه بتاعك والتوجيه هيوزعك حسب الاحتياج .. لكن انت هتتسلمي لمحافظتك .. يعني مشش هتبقي سوهاجية وتتعيني في دمياط مثلا ..

لأ هيتم تعيينك حسب توزيعك ولك أن تستلمي التعيين وتستقيلي من الجامعة أو ترفضي التعيين وتظلي في الجامعة

أيوه أنا عارف إن أسألتك كتيرة جدااااااااااااااااا ...
.
.
.
.
.
.
ههههههههههههههههههههههههه
يا ستي اسألي ومايهمكيش بس يارب تدعيلي يا أختي ..