ايه اخبار تعيين أوائل الكليات ياجماعة؟

[د.عبدالرحمن المنياوي]

[QUOTE=heba_moukhtar;3552214]السلام عليكم ورحمة الله وبركاته

والله ياجماعة أنا من المتابعين للموضوع ده من فترة طويلة بس ماكنتش باشارك وعاوزة أقول حاجة مهمة

بصراحة الراجل اللي اسمه الدكتور عبدالرحمن المنياوي ده راجل في منتهى الاحترام وعامل إقبال كبير جدا على المنتدى وعلى الموضوع ده بالذات يعني عامل حس للصفحة والحمد لله وصلت التعليقات هنا لأرقام عالية وغير مسبوقة

وعلشان كده أنا باشكر الراجل المحترم ده واللي متأخرش علينا في الردود خالص وباطلب من إدارة المنتدى طلبين هامين :

الطلب الأول : أتمنى تثبيت هذا الموضوع وهو موضوع هام فعلا ويستحق التثبيت

الطلب الثاني : أتمنى من إدارة المنتدى نيابة عنا جميعا تقدير هذا العضو المتميز المسمى د.عبدالرحمن المنياوي لمجهوداته المبذولة والتي كان من شأنها تزايد الإقبال والإيجابية على منتدانا الرائع

وأعتقد إن محدش مختلف معايا في المطلبين دول فياريت اللي متفق معايا يكتب ويحاول يتواصل مع إدارة المنتدى وياريت الأعضاء القدامى وذوي الخبرة في المنتدى يساعدونا في ذلك

انا بس عاوزة كل واحد ياخد حقه من التكريم لأنه نوع من الأنانية إننا ناخد ولا نعطي واللي شايف عكس كده يقوللي

وشكرااااااااااااااااااااا

شكراااااااااااااااااااااااااااا جدااااااااااااااااااااااااااااا يا أخت هبه على ذوقك ووالله يمكن دي تكون من الرسائل الغالية والعزيزة اللي وصلتني لحد دلوقتي..

وانا تحت أمر الجميع في أي حاجة ..

ولو ان الشكر اللي محتاجه فعليا هو دعاؤكم لي .. وانكم تفتكروني بالخير دايما..

بس بصراحة انت صدقتي فعلا في حكاية تثبيت الموضوع ده لأنه يستحق بالفعل التثبيت ..

معلش إذا كان الناس ماندمجوش معاك بس ده لأنهم كانوا قلقانين شوية .. بس دلوقت أنا يا جماعة اللي باطلب بعد إذنكم تثبيت الموضوع وأرجو من الناس إبلاغي بالطريقة أو مخاطبة الإدارة .. أما بخصوص تكريمي فوالله لم أطمح لتكريم بل طمحت للخير ومازلت أطمح ..

شكرا لكل من راسلني ولكل من جاملني ولكل من عاتبني ولكل من ساءه غيابي وسره تواجدي ..

أخوكم الأقل فيكم .. د.عبدالرحمن المنياوي

[heba vet]

السلام عليكم
انا طبيبة بيطرية اعمل بمعمل تابع لمركز البحوث الزراعية (مؤقتة وبدون عقد) وطبعا مؤمن علية هل هثبت فى مكانى ولا هيجيلى تعيين فى مكان تانى
وجزاك الله كل خير

[د.عبدالرحمن المنياوي]

شكراااااااااااااااااااااااااااا جدااااااااااااااااااااااااااااا يا أخت هبه على ذوقك ووالله يمكن دي تكون من الرسائل الغالية والعزيزة اللي وصلتني لحد دلوقتي..

وانا تحت أمر الجميع في أي حاجة ..

ولو ان الشكر اللي محتاجه فعليا هو دعاؤكم لي .. وانكم تفتكروني بالخير دايما..

بس بصراحة انت صدقتي فعلا في حكاية تثبيت الموضوع ده لأنه يستحق بالفعل التثبيت ..

معلش إذا كان الناس ماندمجوش معاك بس ده لأنهم كانوا قلقانين شوية .. بس دلوقت أنا يا جماعة اللي باطلب بعد إذنكم تثبيت الموضوع وأرجو من الناس إبلاغي بالطريقة أو مخاطبة الإدارة .. أما بخصوص تكريمي فوالله لم أطمح لتكريم بل طمحت للخير ومازلت أطمح ..

شكرا لكل من راسلني ولكل من جاملني ولكل من عاتبني ولكل من ساءه غيابي وسره تواجدي ..

أخوكم الأقل فيكم .. د.عبدالرحمن المنياوي

[د.عبدالرحمن المنياوي]

المشاركة الأصلية كتبت بواسطة شريف الصعيدى 22

لابجد الصفحه والله ماليها حس ولا طعم من غير مشاركة الدكتور عبد الرحمن
انا واحد من الناس اللى لما مش بشوف الدكتور عبد الرحمن منور الصفحه ديه
وربنا مايبقى ليا نفس ادخلها اساسا
دكتور عبد الرحمن ده شخصيه مش عارف اقول ايه
بس كل اللى يتقال اننا مهما عملنا مش هانوفى للراجل ده حقه
وفعلا زى مااولتلى يااستاذه هبه احنا بس بنعمل الواجب وده اقل شئ نعمله
وهوه توجيه الشكر للدكتور عبد الرحمن
والله انا اولت كلمه وبعيده يااابخت الطلبه اللى دكتور عبد الرحمن بيدرسلهم
نرجع باه شويه نتقمس دور الدكتور عبد الرحمن ههههههههههه
انا اطول طبعا بس للاسف مقدرش
المهم اللى انا اعرفه حاجه واحده شهر 7 داخل وكل حاجه هتظهر
يعنى مثلا موضوع الحد الادنى لو شهر 7 عدى ومفيش جديد هيبقى هانستنى للسنه الجايه
موضوع تعين الاولئل ممكن يطول شويه بس طبعا لو السنه الدراسيه بدأت ومحدش اتعين
يبقى انسو باه هههههههههه
هاقولك حاجه وبالذات للاخر معتز طالما انت مسافر بره مصر متفكرش ترجع غير لما ينبعتلك جواب تعيين رسمى
علشان انت من الاوائل
بس عارفين برده دلوقتى الجهة الرسميه هى الجامعه
كل واحد يروح جامعته يسأل فيها عن الموضوع ده
واحشنا يادكتور والله
ان شاء الله تنورنا عن قريب
واحنا مقدرين مدى معاناة ضرتك والله

الكلام ده .. الكلام ده كبير .. وإوعى يكون الأخير

إه الحلاوة دي ياعم شريف ده أنا بقيت باحب ان النت يقطع عندي علشان لما أرجع أشوفك كاتبلي الكلام الحلو ده ...

بس انت مطمنتنيش على مقابلة المحافظ معاك يا شرشر ..

[د.عبدالرحمن المنياوي]

المشاركة الأصلية كتبت بواسطة heba vet

السلام عليكم
انا طبيبة بيطرية اعمل بمعمل تابع لمركز البحوث الزراعية (مؤقتة وبدون عقد) وطبعا مؤمن علية هل هثبت فى مكانى ولا هيجيلى تعيين فى مكان تانى
وجزاك الله كل خير

لأ هتتوزعي من جديد بإذن الله

[د.عبدالرحمن المنياوي]

المشاركة الأصلية كتبت بواسطة معتز عبدالكريم

مفيش مبروك ليا أنا مخصوص يا دكتور عبدالرحمن
ده أنا مشمتش نفسى غير امبارح منهم لله الى تعبونى وعملولى وش
وبجد ربنا ما يحرمنا منك ابد يا دكتور

مبروك مخصوص ليك يا مغلبنا

[معلم مساعد 2011]

دكتور عبدالرحمن
انا كنت سألت حضرتك مره اني خريجه تربيه نوعيه رياض اطفال جامعه الزقازيق وكان ترتيبي السابعه علي الكليه والسادسه علي دفعتي
هايكون تيعييني ايه مثلا مع العلم اني معلم مساعد في روضه
وشكرا لحضرتك وياريت تفيدني

[معتز عبدالكريم]

أنا مغلبك برده
ده أنا بحبك فى الله
وقسما بالله العظيم أن شاء الله هعمل عمره لبيت الله الحرام عن قريب أن شاء الله وهدعيلك دعوه تصيب فيك علطول
أوعى تفهمنى غلط
هههههههههههههه
أنا قصدى أنى هدعيلك دعوه حلوه وعلطول تتحققلك أن شاء الله يا غالى
تتمنى أدعيلك بحاجه معينه والا....
بس والله انا هدعيلك بكل حاجه افتكرها

[معاكم قلبى]

المشاركة الأصلية كتبت بواسطة د.عبدالرحمن المنياوي

وعليكم السلام يا أخت منى وأتمنى أن تكوني بكامل الصحة والخير ..

أولا حابب أعرف جيبتبها منين بقى حكاية مساعد باحث دي .. علشان ده موضوع كان عامل وش للناس من فترة .. ياريت تقوليلي حكايتها إيه ....

ثانيا أحب أقولك إن وظيفة مساعد باحث لا وجود لها في الجامعات بل هي موجودة في مراكز البحوث .. وهي الوظيفة الأولى عند التعيين في هذه المراكز وتعادل في الجامعات وظيفة (معيد) ..

فيه بقى ناس بيقولك انا مساعد باحث في الجامعة .. لأ .. ده مش فاهم حاجة هو قصدة إنه واخد منحة ماجستير يعني طالب منحة .. ودي ليست وظيفة تعيينية بل ده عقد أهبل الجامعة بتضحك بيه على الأوائل علشان تشغلهم وفي الآخر ترميهم في الشارع ويتراوح مرتبها حسب الجامعة من 25 جنيه حتى 200 جنيه شهرياً .. وليس على الجامعة أي إلزام بتعيينهم فور إنهائهم لرسالاتهم وحصولهم ع الدرجة ..

أما مساعد الباحث في مراكز البحوث فدي درجة تعيينية وحاجة محترمة ولما يخلص الماجستير يترقى ويبقى الدكتور راح الدكتور جه ..

أرجو توضيح قصدك علشان أساعدك في اختيارك حيث أنني أزعم أنه يمكن الاعتماد علي في موضوح المنح البحثية ده ..

استاذى الفاضل الدكتور عبد الرحمن ازاى حضرتك بارك الله لك وجعله فى ميزان حساناتك
ايه يا دكتور كله اوائل اوائل محدش بيعبر المنح ولا بيسال غيرى بما ان المنح دى تخصص حضرتك زى ما قولت فيدنى بالله عليك
جامعة كفر الشيخ مخدتش حد
وحضرتك عارف ان كلية الاداب فيها منح كتير مصير الناس دى هيبقى ايه؟
اللى اقصده ان التقسيمة اللى فى الجرايد دى او المقترحات مجبتش سيرة هتعمل ايه ببتوع المنح اللى متعينوش فى الجامعات
فيدنى بالله عليك طالب منحة الاداب ده هيتعين ايه لو مخدتوش الجامعه مع العلم انه حاصل على الدرجة
معلش تقلنت على حضرتك ولكم جزيل الشكر

[أبو عمر وإلياس]

جــــــــزاكِ الله كل خير يادكتور عبد الرحمن

ووالله لا يفي شكرك إلا دعوة في سجدة في ثلث الليل الأخير بإذن الله تعالى .. أسأل الله أن يتقبل منا جميعا


وأطالب فعلا بثبيت الموضوع.. فالموضوع هااااااااااااااام وعن نفسي لم أدخل المنتدى إلا لهذا الموضوع فقط ... فأتمنى تثبيته نظرا لأهميته

[شريف الصعيدى 22]

ربنا يخليك لينا يادكتور عبد الرحمن ومايحرمنا من حضرتك ابدااا
حضرتك بالنسبة لمقابله المحافظة فدى معادها بكره ان شاء الله
الساعه 9 صباحا وهابقى اطمنك اكيد بس انا مش متفائل
حضرتك خلاص زى مااولتلى انا مش هاسكت على حق
انا روحت لمحامى النهارده فى طنطا فاتح مكتب استشارات قانونيه وقضائية وكده
بس مكنش ف المكتب كلمته ع المحمول قالى موضوعى يابنى مضمون وبنسبة مليون الميه
بس انت عارف طبعا حبال المحاكم بيطول وكده
بس قالى المفروض يكون وراق اوراق اقد اساعدك بيها كده يعنى
قالى زى مثلا ورقه من الكليه تفيد بترتيبك وديه استحاله اطلعها
وقالى كمان مهم يكون معاك صوره من قرار تعيين الاوائل كده يعنى
ادعيلى يادكتور
اه حضرتك انا بعت اميل بمشكلتى على الميل اللى فى موقع البحث العلمى
ولم يرد احد عليا بعد
يلا باه فى رعاية الله يادكتورنا العزيز ويارب ماتغيب علينا ابداااااااااااااا

[ايمان العطار]

السلام عليكم ورحمة الله وبركاته
استنيت كتييييييييييييير علشان حضرتك ترد عليا
انا عايزة اقول لحضرتك حاجة حضرتك بتقابل الاستاذ ماجدالشربينى عايزيىن نعرف وجهة نظره فى اخذ العشرين على الكلية وليس الاول والثانى على الاقسام مع ان المفروض ان الاقسام بها تفاوت من الصعوبة بمختلف الكليات عايزين حد يكلمنا يا جماعة ولا مفيش فايدة حتى بعد الثورة قررات وبس وتنفيذ اوامر من غير اقتناع واحناننظلم ونخضع احنا حنعمل وقفة يوم الاحد القلدم ياريت تبلغ حضرتهيطلع بيان فى التلفزيو ناوفى جريدة يقنعتا بوجة نظره وهل مستريح بظلمنا مش حنقول غير حسبنا االله ونعم الوكيل
حضرتك دكتور محترم وبتتكلم بروح حلوة مع الشباب عايزة اعرف وجهة نظرك ولا دة فى شىءمن الاحراج
وجزاك الله خيرا

[احلام عادية]

السلاد عليكم ام رهف حضرتك ذكرتي للازهر لحد 2008 طيب انا تقديري جيد جدا مع مرتبة الشرف 2009/2010 يعني انا مليش نصيب ولا ايه

[احلام عادية]

السلام عليكم د/عبد الرحمن :كنت سألت عن الازهر ايه اخبار تعيين الاوائل فيه لاني تقديري جيد جدا مع مرتبة الشرف 2009/2010 والرابعة علي الدفعة طيب ايه الاخبار اللي سمعتها عن انهم هياخدوا لحد خريجي 2008 هو احنا مش من ضمن الخريجين وتعبنا ولا ايه ارجوا من سيادتكم الرد علي علشان محدش فايدني خالص

[احلام عادية]

الهي أني لي فيك احبة قصرت بحقهم

وانشغلت عن وصلهم فعطر ايامهم بالإيمان

وانر قلوبهم بالقرأن وبارك في رزقهم