عندك أي سؤال عن كليه العلوم أو المواد الدراسيه ....أتفضل أدخل

[الفلكي المصري]

يا ريت حد يرد عليا يا جماعة عشان انا مرحلة تانية ومش عايز الوقت يخدعني كنت عايز اعرف هو كل علوم في التنسيق مش مكتوبة بالشكل ده علوم /رياضة تبقي علمي علوم ولا في كليات ليها نفس التنسيق علوم ورياضة يا ريت الرد بسرعة

[esraa ahmed1]

?????????????????????????????

[شحات جامع]

انا خريج كلية التربية قسم رياضيات نفسى اكمل دراسات عليا بكلية العلوم ياترى ينفع ولا لا
افيدونا لو تكرمتم

[كيميائي طبي2011]

المشاركة الأصلية كتبت بواسطة شحات جامع

انا خريج كلية التربية قسم رياضيات نفسى اكمل دراسات عليا بكلية العلوم ياترى ينفع ولا لا
افيدونا لو تكرمتم

ع حد علمي انك لازم تدخل كلية علوم الال تاخد فيها سنه تالته و رابعه
بعدها تاخد بكالوريوس علوم ومن بعدها تقدر تحضر دراسات عليا في كلية علوم

[badnamef4]

إيه الفرق بين خريج كلية حاسبات و معلومات و خريج علوم قسم حاسب و خريج هندسة قسم حاسب و خريج هندسة قسم اتصالات؟
أنا دايماً بلاقي الفرق بينهم ماعداً بتاع علوم قسم حاسب مابلاقيش حد بيتكلم عنه فياريت لو شوية معلومات عنه رجاء
و بجد أستاذ كيميائي طبي و كل اللي بيردوا ربنا يبارك لكم و يوفقكم و كل اللي مابيردش كمان و كل الناس و احنا
السلام عليكم و رحمة الله و بركاته

[كيميائي طبي2011]

المشاركة الأصلية كتبت بواسطة badnamef4

إيه الفرق بين خريج كلية حاسبات و معلومات و خريج علوم قسم حاسب و خريج هندسة قسم حاسب و خريج هندسة قسم اتصالات؟
أنا دايماً بلاقي الفرق بينهم ماعداً بتاع علوم قسم حاسب مابلاقيش حد بيتكلم عنه فياريت لو شوية معلومات عنه رجاء
و بجد أستاذ كيميائي طبي و كل اللي بيردوا ربنا يبارك لكم و يوفقكم و كل اللي مابيردش كمان و كل الناس و احنا
السلام عليكم و رحمة الله و بركاته

الفرق

ان
خريج قسم هندسه حاسب في كلية هندسه ده مهندس حاسب ........ يعني بيصنع كمبيوترات يعني بيشتغل في تصنيع الهارد وير


اما خريج علوم حاسب ( كلية علوم او حاسبات معلومات ) فهو اخصائي علوم حاسب او له مسمي اخر وهو مبرمج وده بيشتغل في عمل السوفت وير وكويب ديزينر الخ


ثانيا انا مش استاذ انا دوك

[ahmed mostafa1]

انا اسف جدا بس انا عايز استفسر عن شوية حجات انا علم رياضة وجبت 92 بس شكلى مش هحصل هندسة سمعت عن كلية العلوم وقريت كذه موضوع عنها فى قسم الرياضة البحتة وعلوم الحاسب والفيزيا بس ياريت اى حد يقدر يساعدنى بشوية معلومات عن
ايه نوع الدراسة فى رياضة بحتة -فيزيا وبتتكلم عن ايه ؟
ايه الكورسات الى ممكن اخدها تساعدنى ؟والكورسات الكلية بتقدمها اجبارى للطلبة ولا لأ ؟
فى المستقبل هيكون اسمى ايه وايه نوع العمل الى هيكون متاح ليا ؟
هو فى فعلا فى قسم الفيزيا حاجة اسمها الكترونيات او اتصالات ولو فى هيكون اسمى ايه بعد كده وايه الفرق بينها وبين هندسة نفس الاختصاص ؟
ايه هو نظام الساعات المعتمدة وممكن يكلفنى كام ؟
هو الدراسة بتكون انجلش ولا عربى ومن سنة كام ؟
انى احسن فى المجالات الى ذكرتها جامعة عين شمس ولا القاهرة ؟
ايه هو قسم الفيزيا سبيشيل ؟

اكون شاكر اوى بجد لو الشرح مفصل خصوصا فى اقسام الفيزيا والرياضة البحتة
شكرا

اتمنى حد يرد عليا

[ahmed mostafa1]

ياريت ياجماعة اى حد يقدر يساعدنى يبعتلى اميله عشان اتكلم معاه
بجد هكون شاكر جدا جدا

[جورج مينا هنرى]

انا حضرتك علمى رياضة هل اكتب فى التنسيق علوم/رياضة مثلا القاهرة و ايه الاقسام المتاحة ليا انا جايب 377

[كيميائي طبي2011]

المشاركة الأصلية كتبت بواسطة جورج مينا هنرى

انا حضرتك علمى رياضة هل اكتب فى التنسيق علوم/رياضة مثلا القاهرة و ايه الاقسام المتاحة ليا انا جايب 377

علوم / رياضه
والاقسام
ع حسب الكلية

يعني مش كل الكليات فيها نفس الاقسام

ومتاح للعلمي رياضه دخول اقسام الجيولوجيا الكيمياء والرياضه الفزياء والحاسب

[badnamef4]

يا ريت فعلاً لو أي فيزيائي سواء طالب أو خريج أو دكتور أو معيد يدخل و يشوف أسئلة الطلبة حتى لو اتكررت عشان دي فترة حرجة جداً لينا
السلام عليكم و رحمة الله و بركاته

[hosam_elhoot]

لو سمحت انا جبت 87% فى الميه فى تانيه ثانوي لو كملت علمى رياضه ممكن الحق كلية علوم رياضه ولا صعب ؟؟؟؟؟؟؟؟؟؟؟؟؟؟؟؟؟؟؟؟؟؟
وهيا بتاخد حد ادنى من كام وحد اقصى من كام ؟؟؟؟؟؟؟؟؟؟؟؟؟؟؟؟؟؟ ياريت حد يرد عليا ؟؟؟؟؟؟؟؟؟؟؟؟؟
ولااحول ادبى ؟؟؟؟؟؟؟؟؟؟ واخش اي حاجه ولا انا كده منفعش فى اي حاجه

[mohammed201055]

يا جماعة بالله عليكو انا جايب فى تانية السنة دى 85.6 ونفسى ادخل علوم ومش عارف اكمل ايه يا ريت اللى يقدر يفيدنى يكلمنى على الاميل ده ياهو mohammed_gamal_ali او يرن على الرقم ده وانا هتصل بيه 0163329079 بس بالله عليكوا اهتموا وردوا عليا

[badnamef4]

على حد علمي علوم بتاخد من علوم و رياضة بس تقريباً من علوم أعلى و الله أعلم

[smsma alriaa]

ممكن حد يقولى كليه علوم علشان افتح معمل تحاليل لازم ادخل قسم كيميا حيوى او بيولوجى داه صح ولا ايه

طيب هادخلهم من سنه كام

ولازم لهم تقدير فى السنه اللى قبلهم ولا ايه

وكمان انا سمعت ان كل اسبوع فى امتحان فى الكليه داه صح ولا لا؟