|
#61
26-10-2008, 12:24 AM
|
||||
|
||||
بتنسى يا فارس ..... بتنسى …
يا فارس .. فلوس المدارس و كأنك ... ولا فاكر خالص ولادك يا اخويا .... بتدرس لغات .. ده غير الباصات وإلا الدروس .. ها تبعت فلوس .. بتنسى يا فارس .. أتارى لأسامة .. وجزمة سلامة .... و شنطة منال ما هم العيال بتنسي .. يا فارس قماش الستاير .. و داير يا قلبى .. في نفس الدواير .. وبا ارجع الاقي .. الصغير ... صغير ونفس الشوارع .. بتحلم تغير ... بتنسي .. يا فارس .... في أول أجازة .. نشوف الأراضي ... في مصر الجديدة ... يا إما المعادي .... ها تنسي .. يا فارس ....
__________________
 In God's care HaPpiLy eVeR aFtEr 
|
|
#62
26-10-2008, 12:34 AM
|
||||
|
||||
|
خربوها الأوله آه ....
والتانية … آه والتالتة ... مفيش معنديش … نفس أقول آه ... معنديش … قالو .. إقلعوا … قلعنا ومفيش ... بتعكوا وبتعنا … وصار متاعهم .. متاعنا .. وألف مرة إتلسعنا ... و برضك ... مفيش الأوله …آه والتانية .. آه والتالتة ... مفيش .... قالو إبصموا ... بصمنا … ده بكره ... سكر .. وسمنا سيبنا غيرنا رسمنا إتقسمنا … على اد ما فينا من جراح ... ابتسمنا … الأولة .. والتانية .. والتالتة مفيش … الدنيا هاصت .. وهيصنا .. ريحنا لما .. تيسنا تاه الطريق من اتوبيسنا يئسنا … لا ... عرفنا ليه قلعنا ... ولا عرفنا ... إيه … ليبسنا ... الأوله والتانية والتالتة مفيش واهى .. ماشيه تجرى المسائل .. ولا حد ... سائل ...تصحى مرسى ... ينام وائل ده انا كنت واد م الأوائل ... وكنت شاطر ... شطارة ... وكنت فن .. وعمارة .. وكنت صاحب تجارة ... معرفش إيه اللى صابنى ... فى قلبى ... ضاعت سمارة …. خربوها ….. خربوها ولاد ….القطقوطة لا طرحت باميه ... ولا قوطه وسابوها فى سرير مربوطه .. و يا ريتهم طلعم رجاله ... و يا ريتها .. رايقه .. و مبسوطه .. خربوها … دول سرقوا الهوا ... والضى ... ويا عينى ... عليها بلد ... يا ريتها ... ما قالت أى .. ويا ريتها ما جابت ولد .. خربوها … دول سرقوا النخلتين .. والنهر والمدرسة .. والهندسة .. والجبر سرقوا الشوارع ... والمعانى والأغانى … وسيد درويش .. والريحانى .. سرقوا ... المشاعر .. والمزاهر والبخور ... سرقوا الحزن ... سرقوا …حتى القبور ... خربوها … دول سرقوا الطيب .. والزين وسرقوا …الكحل من العين وسابوها .. تاكل بالدين ... وان يوم أتعدلت ... عواجوها .. خربوها …ولاد ال .. خربوها ... خربوها ولاد ال .. ..... 
__________________
In God's care HaPpiLy eVeR aFtEr
|
|
#64
27-10-2008, 01:15 AM
|
||||
|
||||
|
اقتباس:
الحمد لله ان حضرتك متابع معايا
و ان شاء الله نكمل بس هو مش تعب قوى انا بس بشوف المواضيع و كده و ان شاء الله اكمل فى رعايه الله
__________________
In God's care HaPpiLy eVeR aFtEr
|
|
#65
27-10-2008, 04:25 PM
|
||||
|
||||
|
تيجي ؟؟
تيجي نهرب م الحقيقة .. م الصور .. من خبر عاجل يخض تيجي … لا نفهم ولا نعرف ولا نقدر نرد تيجي نتعلم سخافة بشويش كده بصنعة لطافة .. وتبقي بياع الكنافة وأبقي بياع الكلام تيجي نهرب م الألم م الحزن م الأحلام .... تيجي نتعلم ننام تيجي نتباع بكام .. تيجي نعمل عملية تجميل و نشيل ..... ولا حرام تيجي نبقي طوب .. خشب .. إزاز بلاطة جنب بلاطة تيجى ننسي بعض ببساطة وتبقي بياع البطاطا وأبقي بياع الهوا ... تيجي …. سوا … سوا نهرب م الأمل نطلع بطاقة ... بدون عمل ... نأجر عجل نركب جمل ... تيجي نبقي ف اللذاذة وأجيب مصاصة تجيب بزازة تيجي نبقي ... ملناش عازة زي كل شئ جميل تيجي مستحيل هي كده وملهاش بديل تيجي رجلك تيجي تهرب بجلدك تنجرح يوجعك قلبك بجد ... لا تقبل أي حاجة ولا تبقي أي حد .... تيجي ؟؟
__________________
In God's care HaPpiLy eVeR aFtEr
|
|
#68
31-10-2008, 01:38 AM
|
||||
|
||||
|
اقتباس:
شكرا بجد على المتابعه اقتباس:
شكرا على رايك و المتابعه
فى رعايه الله
__________________
In God's care HaPpiLy eVeR aFtEr
|
|
#69
31-10-2008, 01:41 AM
|
||||
|
||||
|
أسكت ياض
قولي يا عبد الجواد مش إحنا الشعب وده مثبوت في البطاقة ومكتوب ف شهادة الميلاد ولا مصر خلفت ولاد غير الولاد طيب ليه كل ما اتكلم واستخدم حقي يقولولي اسكت ياض سنين ساكنين في نفس الحتة الضيقة نفس الهوا ونفس الدوا ونفس الأمراض على فكرة مفيش جبنة في التلاجة ولا خيار ولا أعياد مفيش غير فيلم قديم كل شوية بيتعاد
__________________
In God's care HaPpiLy eVeR aFtEr
|
|
#71
04-11-2008, 12:23 AM
|
||||
|
||||
|
اقتباس:
بجد بجد حضرتك متعرفش ازاى بفرح ان حضرتك بتدخل الموضوع
و انا اساسا بكمل فيه عشان حضرتك بس ياريت فعلا حضرتك تكون مبسوط منه فى رعايه الله
__________________
In God's care HaPpiLy eVeR aFtEr
|
|
#72
04-11-2008, 12:27 AM
|
||||
|
||||
|
فكر يا عبدالجبار..
فكر يا عبدالجبار.. إزاي تبقي واد مشهور وعليك النور وف نشرة الأخبار.. أحسن م القعدة ع القهوة أشتغل ف الفتوي والطيبين ملايين والعطشانين كتار.. صحيح إنت جاهل وإحنا نستاهل ولسانك منشار.. العب ف الأساس واخطف ودان الناس ارمي ف عقولهم قطة وف قلوبهم فار.. وخدهم معاك فسحة علي بئس المصير في النار.. بص.. تتكلم عن الرضاعة يفرحوا الحلوين المراهقين الكبار.. وخش ع السرير وفوايد الجرجير والتوابل واكسب العطار.. وشوية ف الفن وبدل الرقص وإحنا تعبانين ومليانين نقص وبالليل غير بالنهار وإوعي تقلق خالص.. إحنا أحسن ناس بننسي.. وبنسامح الشياطين والمجرمين الكفار.. يعني جت عليك إنت يا عم عبدالجبار
__________________
In God's care HaPpiLy eVeR aFtEr
|
|
#73
04-11-2008, 12:29 AM
|
||||
|
||||
|
مش غريبة
مش غريبة.. ندفع الأوجاع ضريبة.. قسمي الأحزان شرايح.. عبي دمعي ف الصفايح.. واسألي عمري اللي رايح المصيبة.. لسه شايلك ف العيون.. أجمل حبيبة.. قولي كذبة.. حبي ليكي يبقي حسبة.. والأماني والهوا.. والشوق بنسبة.. وإنتي عزبة.. للي ماله فيكي حسبة.. المصيبة.. لسه شايلك ف العيون.. أجمل حبيبة.. مين اللي قرر ي*** الحلم.. في عيون كل الطيور.. ليه تسلميني.. من طابور تاني لطابور.. قيدي البخور.. بركات جراحنا المزمنة.. كل الأماني الممكنة.. تبقي يادوبك دمعتين.. فوق صورة باهتة ملونة.. سايبة الجراح ليه تهدني.. إيه فيكي تاني يشدني.. ده أنا اللي حبي عززك.. وإنتي اللي عشقك ذلني.. لسه يا حلوة بتسألي.. بتحبني؟!.. نفسي اشتري.. شبرين في حضنك وارتوي.. فكرك مسافر أغتني.. خدي اللي حيلتي... الهدمتين والقرشينات.. بس استري عرض البنات.. لو حسينا علي دمنا.. في قلوبنا مات.. لو بكره فات.. وإحنا بياكلنا السكات.. كل الأماني الممكنة.. تبقي يا دوبك.. دمعتين.. فوق صورة باهتة ملونة
__________________
In God's care HaPpiLy eVeR aFtEr
|
|
#74
05-11-2008, 05:54 PM
|
|||
|
|||
|
بجد حلو جدا جدا جدا انا عجز كلامى عن التعبير عن الشعر الجميل ده انا حقيقى مكنتش اعرف مين هو الشاعر ده بس عرفته دلوقتى ومستنية اللى جاى وربنا يخليك على الوقت الجميل اللى عيشتنا فيه واحنا بنقرأ هذا الشعر الجميل وربنا يوفقك يارب
|
|
#75
13-11-2008, 11:59 AM
|
||||
|
||||
|
اقتباس:
وبجد الموضوع جميل جدا وعلى سلامه شاعر يستحق المتابعة بجد واخر قصيدتين بجد ملهومش حل عارفه إيه أجمل حاجه فى الراجل ده إنه بيلمس واقع وبيعبر عن كل القضايا بشكل بسيط وجميل واصل لقلوب كل الناس وعقولها حقيقى شكرا ليكى وأنا دايما من المتابعين . .
__________________
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:52 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
