تعديلااااات خطيرة فنظام الثانوية العامة 2013\2014 :(

[yoyo caty]

المشاركة الأصلية كتبت بواسطة دراكو مالفوى

ممكن يضيفوا حاجة فى الرياضة مش موجوده فى المنهج القديم
وكمان تانى مرة انتوا مالكوا ان شالله انتوا تدرسوا 60 مادة وهما يدرسوا 3
انتوا كلياتكوا بتاخد من مجموع وهما كلياتهم بتاخد من مجموع تانى خالص

اولا حضرتك بتتكلم بمبدأ الاحتمالات بالرغم ان فيه قرار منصوص عليه ايه اللى هيتم .. يعنى ايه ممكن !! احنا بنتكلم فحاجة واقعية ملموسة دلوقتى مش لسة هنقول يمكن ولا ميمكنش.. و حضرتك لتانى مرة بتدخلنا فحوار ان احنا عاوزين علمى رياضة ياخد جيولوجيا ولتانى مرة بقول لحضرتك ان ده مش صحيح احنا عاوزيين المادة السابعة تتلغى عارف حتى مش علينا احنا بس لا تتلغى حتى من على ادبى من الاخر احنا مش عاوزيين اى تعديلات عالنظام اللى تم اقراره من مارس الماضى من ناحية اضافة مواد جديدة .عارفة لو من ناحية توزيع المجموع عالمواد و تحديد كل ماده عليها كام فاحنا موافقين لان ده شئ مش هياثر علينا لان المواد اللى عليها مجموع كبير ولا مجموع صغير هتتذاكر و احنا اللى هنوزع مجهودنا عالمواد .. احنا مش مسموح ان اى شخص يلعب بينا و يقررلنا حاجة فاى وقت ك\ه فيه حاجة اسمها نظام و استراتيجية اتخاذ القرارات فالوقت المناسب و اصلا الطلبة بدأت دروووس من قيل العييد

[Ahmed Thanwya]

إحنا كدا خدنا فيها

[nada.dolly]

يا جماعة القرار دة اتأكد و لا لسة نرتب درس جيولوجيا و لا هنعمل ايه ؟!!1

[راجى طاعة الرحمن]

حد يأكد أو ينفى الخبر غير كدة يبقى كلام فى الهوا....راعوا ظروفنا بقى

[Bianka]

هو رياضه بحته ورياضه تطبيقه يعنى كده مش هيبقوا 3 امتحانات امتحانين بس ده طبعا غير المستوى اللى هينزل انا عايزه اعرف ارقاامهم كبيره كده لييييييه الرياضه الاول عليها 50 بعدين 75 دلوقتى 120 اييه ده كلوووو
وبصراحه الله يكون ف عوون علمى علوووم ربنا معاكم ومعانااا

[So..What]

هذا النظام قد "زاد الطين بله" بغض النظر عن الفساد و التخلف والجهل التعليمي في مصر .. فإن اضافة مادة اخرى على الـ 6 مواد المقررة سوف يؤدي الى ارتفاع الدروس الخصوصية وزي ما انتوا عارفين ان بلدنا الثانوية العامة فيها مبنية على الدروس الخصوصية وبس ( اولى وتانيه وتالته ثانوي بيخدوا دروس مش ثالته بس ).. ونظام الثانوية الجديد اللي فرحانين بيه اوي وبيقولوا عليه انه هيرحك ويخلي مجهودك على سنة واحدة وخلاص بدل من سنتين .. يؤسفني اقول انه هينفخ الطالب وولي الامر مش هيريحهم .. وبعدين مادة زي الجولوجيا دي !! ايه اللي دخلها في العلمي هي مش ادبي وليه ادرسها هعمل بيها ايه دي ؟؟ عشان ميقلش مستوى الشهادة الثانوية ومتقلش قيمة المادة ... ههههههههههه .... طب سؤال .. تعالى اسأل اي مصري وقوله الكيميا ولا الفيزيا غيرت ايه في حياتك ؟ شوف رده هيبقى عامل ازاي ... "التعليم في مصر محتاج ثورة ومحتاج تغيير جذري ومحتاج ان الطالب هو اللي يفرض القرار مش الوزير هو اللي يفرض القرار "

[asmaa232]

للأسف الخبر اتأكد ونزل ف الصحف بس لسا مجاش المدارس أى منشور او قرار

http://www.almasryalyoum.com/node/2020981

http://www.cairodar.com/news/details..._I2b8.facebook

[Âñå Prïñcëŝŝ zoza]

يعنى خلاص كده ؟؟؟؟؟؟ لبسنا الجولوجيا ؟؟؟؟؟
حسبى الله ونعم الوكيل
وبعدين هما مالهم اهم حاجة هما قاعدين فى مكاتبهم والتكيق شغال وكام ورقة وقلم وبيسلى وقت فراغه فيعدل فى النظام وكل ده فوق دماغنا احنا
ولو فى اى استفادة من اى مادة علمية بناخدها كنت فرحت وقلت طيب كويس هتنفعنا فى المستقبل لكن بلا فايدة اصلا
انا عن تجربة شخصية بنت عمى واخدة كلية علوم وبتشتغل دلوقتى او بالاصح بتتدرب فلما سألتها مشتغلتيش ليه علطول ما انتى واخدة كل حاجة فى الثانوى والكلية قالتلى ولا ليهم علاقة بالشغل خالص
دول كام كتاب دش بس علشان تنجحى مش اكتر
اصلا التعليم فى مصر فاااااااااااشل بكل معنى الكملة

[asmaa232]

خلاص يا جماعة ملوش فايدة الكلام دلوقتى للأسف

[mrmr 2012]

بس اللينكين اللى انتى جايباهم مش متفقين ف المجموع
واحد بيقول انه من 400 والتانى بيقول انه من 410 نصدق مين احنا
ولو فعلا الخير صحيح ازاى مختلفين فى نقطه زي دي

[So..What]

التعليم محتاج ثورة

والثورة دي مش هيعملها غيرنا احنا الطلبة
المفروض ان الطلبة تضرب عن التعليم من اول يوم دراسة وتقولهم مفيش تعليم غير لما يتصلح التعليم

[Islam_sokar]

انا شايف ان القرار ده حلو عشان الجيولوجيا مادة مهمة اساسا .. ولازم ندرسها بتمعن .. وكمان مش فرقت مادة زيادة على المواد الستة ... ومتنساش اللى هيطبق عليك .. هيطبق على غيرك .. وكدا كلامهم صح .. عشان قللوا برضو المجموع بتاع كل مادة .. زى اللغة الاجنبية التانية .. مينفعش تكون درجاتها عالية.. وهيا اساسا مادة صغيرة .. فخلوها 40 كويس اوى ... والدرجات كلها انا شايفها مناسبة اوى .. وده رأى الخاص ..

[asmaa232]

المشاركة الأصلية كتبت بواسطة mrmr 2012

بس اللينكين اللى انتى جايباهم مش متفقين ف المجموع
واحد بيقول انه من 400 والتانى بيقول انه من 410 نصدق مين احنا
ولو فعلا الخير صحيح ازاى مختلفين فى نقطه زي دي

مهو بردو النقطة دى مش فاهمة هيبقى 10 درجات على إيه بس أعتقد انه هيبقى فيه اعمال سنة وزى ما انتى شايفة دى صحف موثوقة وأكيد مش هينشروا أخبار مغلوطة
بس اكيد بعد كدا هينزل حاجة بخصوص العشر درجات دول

[asmaa232]

المشاركة الأصلية كتبت بواسطة So..What

التعليم محتاج ثورة

والثورة دي مش هيعملها غيرنا احنا الطلبة
المفروض ان الطلبة تضرب عن التعليم من اول يوم دراسة وتقولهم مفيش تعليم غير لما يتصلح التعليم

الكلام دا بيتقال من سنييين وعشان يتصلح التعليم محتاج سنييين بردو
فيها إيه طيب لما يبقى كل مدارس مصر زى المدرستين اللى معمولين من سنتين اللى هما stem school !!

المشاركة الأصلية كتبت بواسطة Islam_sokar

انا شايف ان القرار ده حلو عشان الجيولوجيا مادة مهمة اساسا .. ولازم ندرسها بتمعن .. وكمان مش فرقت مادة زيادة على المواد الستة ... ومتنساش اللى هيطبق عليك .. هيطبق على غيرك .. وكدا كلامهم صح .. عشان قللوا برضو المجموع بتاع كل مادة .. زى اللغة الاجنبية التانية .. مينفعش تكون درجاتها عالية.. وهيا اساسا مادة صغيرة .. فخلوها 40 كويس اوى ... والدرجات كلها انا شايفها مناسبة اوى .. وده رأى الخاص ..

انا بردو والله شايفة الجيولوجيا كدا خصوصا إنى بحب النوع دا من المواد جغرافيا وتاريخ واحياء بردو يعنى معنديش مشكلة إنى أدرسها كل المشكلة إنهم جايين يعدلوا فى قرارات قبل الدراسة بشهر
كمان فيه ناس داخلين علوم علشان مش بيحبوا الحفظ والجيولوجيا معظمها حفظ فالموضوع بالنسبالهم صعب شوية

[Islam_sokar]

ماهو كويس اوى ان التغيير كان قبلها بشهر .. مكنش حد لسه بدأ دروس اساسا .. وكمان هما من حقهم ادام فى فترة بعيدة على الدراسة ... ثانيا علمى علوم اغلبها اساسا بيعتمد على الحفظ مش الفهم .. يعنى الاحياء اقدر اقولك 70 % حفظ ,, و 30 % فهم .. بس الحفظ برضو بيتفهم ... فمش فرقت بالنسبة للجيولوجيا ... زائد ان اللى داخل المجال ده لازم يكون حبه .. عشان يقدر يكمل فيه