مش مقتن بحاجه أسمه الحب

[كلمه حب]

اولا بقى يامحمد من غير حب يبقى مفيش حياه اصلا ومش معنى الحب انه لازم يبقى شئ حرام ومش شريف يعنى فيه حب برئ هو صحيح نادر وجوده بس ده ميمنعش انه موجود ومش اى حاجه يبقى اسمها حب بمعنى ان الحب هو اللى انت مش هتقدر تتحكم فيه ولا تمنعه من قلبك وساعتها هتحس اذا كان فى حب ولا لا وحكايه ان اى موضوع بين اتنين ينتهى فده بيكون لاى سبب بقى فى الدنيا ذى مابتحصلنا اى مشكله فى حياتنا يبقى نقول بقى مفيش حياه اصلا ولا ايه .صدقنى لو حبيت بجد مش هتحس بنفسك غير وانت بتقول ان الحب ده اساس الوجود وساعتها هتكون وقعت وبكرة نشوف الكلام ده .نا عارفه ان فى حاجات كتير بتحصل تخلينا نكره حتى الحب بس اقول كلمه واحده ( بلاش نظلم الحب وناخده بذنب اصحابه )

[الدكتورة ساسو]

عندك حقك مفيش حاجة اسمها حب

[mohamad_gabr]

المشاركة الأصلية كتبت بواسطة الدكتورة ساسو

عندك حقك مفيش حاجة اسمها حب

هاهالثالث

[بندق__2007]

المشاركة الأصلية كتبت بواسطة mohamad_gabr

برحتك بس نا عيز أوصل لي البنات أن أي واحد يقول بحبك
ده ضحك علي الدهون

تقدر تقولى انت استندت على إيه فى رأيك ده

الخلاف فى الرأى طبعا لا يفسد للود قضية و لكن

اسمحلى اختلف معاك و بشدة لأننى أرى أن من يقول لبنت أنا أحبك صادقا و يعمل لأجلها و يحافظ عليها
إنما هو انسان محترم و رجل بمعنى الكلمة لا يستحق منك أن تفترى عليه بالكذب لمجرد اعتقاد اعتقد انه خاظئ لديك بانه لا يوجد حب

اسف على الاطالة و اسف على الاختلاف و لكن تلك وجهة نظرى

[storyoflove]

الحب دة شي جميل بس يكون بنفس الدرجة من الطرفين وطبعا اكيد في حب ناجح والدليل علي كدة ان في ناس كتير اتجوزم بعد ما عاشم قصة حب وحياتهم سعيدة اي نعم في معظم قصص الحب بتكون فاشلة ويكون الغرض منها فقط تضييع الوقت بس في كمان قصص ناجحة..........

[Last Fantasy]

الحب يا جماعه بمفهوم الأيام دي مش حب دي سفاله كان حتي في أيام العصر الجاهلي مكنش بسفالة الأيام دي وخير دليل عنتر وعابله وقيس وليلي ده اسمه حب طاهر لكن في الوقت ده أكيد اه فيه ناس محترمه وحب في اطار الادب لكن علي المستوي العام سفاله وقلة أدب

[mohamad_gabr]

المشاركة الأصلية كتبت بواسطة بندق_2007

تقدر تقولى انت استندت على إيه فى رأيك ده

الخلاف فى الرأى طبعا لا يفسد للود قضية و لكن

اسمحلى اختلف معاك و بشدة لأننى أرى أن من يقول لبنت أنا أحبك صادقا و يعمل لأجلها و يحافظ عليها
إنما هو انسان محترم و رجل بمعنى الكلمة لا يستحق منك أن تفترى عليه بالكذب لمجرد اعتقاد اعتقد انه خاظئ لديك بانه لا يوجد حب

اسف على الاطالة و اسف على الاختلاف و لكن تلك وجهة نظرى

استنت علي الي بشوفه في الشارع
نا مقلتش صادقا واصلن خلص الكلمه بحبك بصدق
ونا معلك في انه انسان راجل بمعنى الكلمه نس هو فين ده
نا مقلتش لايوجد بس خلص
معاده في الحلت دي

--------------------------------------------------------------------------------

بص نا أصلن مش مقتنع بلحب لأ في الحلاات الاتيه
1-الام لبنه
2-والاب للابنه
3-الرب لعبده
مالعكس في الحلات

[mohamad_gabr]

المشاركة الأصلية كتبت بواسطة Last Fantasy

الحب يا جماعه بمفهوم الأيام دي مش حب دي سفاله كان حتي في أيام العصر الجاهلي مكنش بسفالة الأيام دي وخير دليل عنتر وعابله وقيس وليلي ده اسمه حب طاهر لكن في الوقت ده أكيد اه فيه ناس محترمه وحب في اطار الادب لكن علي المستوي العام سفاله وقلة أدب

هو ده اصدي :D:D

[Last Fantasy]

طيب الحمد لله وصلنا لرأي مشترك

[mohamad_gabr]

يعم محنه متفقتن من الاول

[medomshakel]

من الأخر الحب بقى مستحيل فى زمن المديات دى والى يقول غير كده يبقى عايش فى الوهم طلعو الأفلام د ى من دماغكم
يا جماعه انو بتسمو ده حب
يعنى لما الجامعه مفهاش مكان مفهوش بنت وولد وقفين مع بعض قال ايه بيحبو بعض
يعنى لما واحد يقعد يشتغل واحده فى التلفون ويقولها يا بيبى والكلام الفارغ ده يبقع ده حب يا جماعه فوقو بقه
ولو بيحبو بعض هنفترض انهم بيحبو بعض بجد الواد يروح يتقدم يا عينى اهم حاجه معاك كام وعندك شقه فين وابوك مين وامك مين و يا خرابى بقه لو ابن عم اخت ست امه طلع بيشرب مخدرات مثلا يقوله اطلع بره ياعم هو ماله ما يشرب ولا يتحرق دا عمره ما شافه يا جماعه بطلو الوهم الى انتو عايشين فيه ده بقه

هو كل من قال لوحده بحبك يبقه بيحبها
دا دلوقتى الام بتفرح اوى لما بنتها تبقى بتحب واحد معاها فى الجامعه ولا فى المدرسة تقولها اه يا بت امنى مستقبلك اصل محدش عاد عارف يتجوز اليومين دول هو كل ده همك يا ست الكل طيب اشربى بقه لما بنتك ترجعلك فى يوم منهاره و تقولك اصل شوفت ابو السباع واقف مع واحده تانية ولا تلقيها اتجوزتو عرفى لما ابوها موفقش ولا لما يسبها وتبقى البنت بقت سمعتها فى التراب لما فلان وعلان شفوها واقفه معاه مش كنتى عاوزها تتجوز اهى هتعنس .........
بالله عليكم انا عاوز اسئل كل واحده سؤال لو بتحبى واحد وجه اتقدم لابوكى وقاله انتا معاك ايه ليسانس ياعمه كويس لحد هنا تمام طيب شغال ايه كذا طيب بتاخد كام لو قاله 1000 جنيه مثلا هيقوله طيب ايجار الشقه دا لو معندوش شقه والف جنيه هيعملو ايه فى الأسعار بتاعت اليومين دول طيب هتجيب شبكه بكام 20000مثلا هيقوله ازاى دا بنت عمها عريسها جايبلها شبكه بــ 30000الف يعنى لازم المنظره دى يا عم الحاج مفيش اب فى الدنيا دى هيعمل غير كده علشان يامن مستقبل بنته دا غصب عنه علشان الدنيا دلوقتى مولعه صح ولا كلامى غلاط !!!!!!!!!
كفايه كده يا مان بس هتقولو عليه معقد بس والله لو كل واحد فكر صح هيلقينى حسبها صح
يا ابنى امن مستقبلك علشان تعرف تتجوز ولا تعيش بعدين وبلاش الكلام الفاضى ده علشان كله كلام فاضى الكلام ده كان زمان ايام ما كان الواحد يا خد البريزه ينزل يتسوق بيها ويجيب الباقى زمن اسى السيد ده انتاها يا جماعه فوقو بقه
ودى وجهة نظرى ويا ريت محدش يزعل هو انا جايز انفعلت شويه بس ده هو الواقع واوعه حد يقول دا الواد شكله صعيف ماديا والحياة صعبه معاه وجاى يطلع الى فيه فينا لا والله دانا مستريح مديا جدا بس بص لو مره لتحت يا اخى حرام الى بيحصل فى الناس الى تحت دول

[mohamad_gabr]

عندك حق هو ده الي نا عيز اوصله وشكرا علي مرورك

[medomshakel]

المشاركة الأصلية كتبت بواسطة mohamad_gabr

عندك حق هو ده الي نا عيز اوصله وشكرا علي مرورك

مرسى يا مان

[DARK...BOOK]

انت بتقول ان مفيش حب امال القصص اللى احنا بنسمعها دى تبقى ايه
واللى الناس بتحس بيه دى يبقى ايه
وبعدين الحب دى الدنيا كلها بتحسه وبتعيشه
وناس كتير بتتمنى تحب وتتحب

ويمكن يكون من الناس دى انت
واكيد كلامك ده على اساس انك مجربتش الحب


ومن الاخر الحب من اكتر المشاعر اللى بيجرى الناس راها علشان
الحب ده اجمل حاجه فى الوجود

[medomshakel]

المشاركة الأصلية كتبت بواسطة DARK...BOOK

انت بتقول ان مفيش حب امال القصص اللى احنا بنسمعها دى تبقى ايه
واللى الناس بتحس بيه دى يبقى ايه
وبعدين الحب دى الدنيا كلها بتحسه وبتعيشه
وناس كتير بتتمنى تحب وتتحب

ويمكن يكون من الناس دى انت
واكيد كلامك ده على اساس انك مجربتش الحب


ومن الاخر الحب من اكتر المشاعر اللى بيجرى الناس راها علشان
الحب ده اجمل حاجه فى الوجود

بص يا مان محدش قالك ان الحب مش موجود انا احد جربت الحب بس لقيتنى مش هعرف اتجوز دلوقتى يبقى اعزب واحده معايا ولا ايه احنا مبنقولش ان الحب مش موججود اخنا بنقول انه مينفعش حاجه اسمها حب فى الزمن الى احنا عايشينه ده وبعدين حب ايه الاى انتم عايزين تحبوه وانتم عندكم 17 و 18 سنه ياعم روح ذاكر افيدلك