اعتصام جميع المعلمين الغير مثبتين علي مستوي الجمهورية . نبدأ بالدقهلية..ارجو التثبيت

[amd110]

احنا جايين بازن الله يوم الاثنين القادم بس ممكن اسفسار هوا الرد هيبقي يوم الاثنين ولا هنروح وبظروفها

[m_adel_143]

احنا منتظرين رد يوم الاثنين ولو مفيش رد يبقي احنا بنقول اننا موجودين ومش ساكتين كنوع من الضغط علي المحافظ

[صلاح محمد على سلامة]

يا جماعة انا من الدقهلية وكنت معاكم فى المحافظة يومى الاربعاء والخميس احب اعرفكم انه كما قال الاستاذ بتاعالتنظيم والادارة انه من الصعب عمل عقد مميزلانه حسب القانون يحتاج عمل مسابقه 0000 لذلك من حقنا المطالبة من المحافظ عمل العقد العادى المعروف باسم المكافاة الشاملة الذى يعتبر من سلطة المحافظ دون الحاجة الىموافقة وزارات المالية والتعليم والتنظيم والادارة على الاقل احسن من العمل بالحصة وكمان يضمن استمراريتنا على طولالاعوام الدراسية وبعدذلك نطالب بالتثبيت

[m-farouk]

يا استاذ صلاح إحنا اشتغلنا بمسابقة رسمية وبعدين احنا نتساوي بباقي المحافظات ما هما زينا بالضبط بيعملوا بالحصة واللي عدي عليه ثلاث سنوات واللي أقل تيجي تقولي عقد عادي هتاخد كام في العقد العادي ده وبعدين لسه يتعمل عقد مميز لازم كلنا نطالب بالمساواه بباقي زملائنا في المحافظات الأخري

[mahmoudelgamily]

المفروض اننا برة اى مسابقة يعنى قبل ميعملو مسابقة نكون احنا الاول متثبتين او على الاقل عقد مميز ...

[mahmoudelgamily]

المفروض يشوفوا لينا حل وبعدين يفكروا يعملو مسابقة ..

[m_adel_143]

اولا ..

هناك من عمل بتأشيرة من المحافظ السابق وهناك من عمل بمسابقة رسمية اعلنت عنها الادارات المختلفة


ثانيا


من يقبل باقل من العقد المميز فقد فقد عقله
المنيا تعمل بعقد مميز منذ بداية العام ويتقاضون 600 جنيها شهريا .. والقبض في معاده مش بيتاخر يوم واحد


ثالثا


لسنا اقل من القليوبية .. واللا عشان هي بلد الوزير يعملها اللي هو عايزه !!

احنا زيينا زيهم .. محدش احسن من حد




عقد مميز او تثبيت



هما يختاروا بقي

[صلاح محمد على سلامة]

كلامك عين العقل يا استاذ عادل 143

[صلاح محمد على سلامة]

بس انا كنت بقصد ضمان الاستمراريه باى شكل

[m_adel_143]

المشاركة الأصلية كتبت بواسطة صلاح محمد على سلامة

بس انا كنت بقصد ضمان الاستمراريه باى شكل

نحن من يضمن الاستمرارية ..


البلد حالها صعب .. لا يجرؤ المحافظ انه يتخذ قرار بالاستغناء عنك او حتي الوزير


كله خايف علي كرسيه وخايف من القلق اللي في محافظته هيلاقيها منين واللا منين


يوم مايقول انا مستغني عنكم هيلاقي 1900 مدرس بأهاليهم كمان بايتين قدام مكتب سيادته ..

[اوكيد]

لو سمحتوا حد يعرق حاجة عن قرار محافظ الشرقية بالتثبيت ويا ترى الى مر علية 3 سنوات فقط

[m_adel_143]

http://www.thanwya.com/vb/showthread.php?t=403039




صورة قرار محافظ القليوبية بتثبيت العمالة المؤقتة




http://www.thanwya.com/vb/showthread.php?t=401788




تعيين كل المتعاقدين في محافظة الشرقية


http://www.thanwya.com/vb/showthread.php?t=401456

[m_adel_143]

احتجاز وكيل أول وزارة التربية والتعليم بالشرقية داخل ديوان المحافظة







الشرقية - أحمد الديب :




أعلن قرابة 2000 معلم من المعلمين المؤقتين بالشرقية اعتصامهم أمام ديوان عام المحافظة بالزقازيق للمطالبة بتثبيتهم وصرف رواتبهم المتوقفة منذ 4 أشهر، وقاموا باحتجاز وكيل أول وزارة التربية والتعليم بالشرقية قرابة لساعات بعدما رفضوا كافة المفاوضات مع اللواء أسامه ضيف سكرتير عام المحافظة الذي حاول التفاوض معهم الذي توصل الى تصعيد طلباتهم الي المسئولين بالقاهره بشرط ان يقوم المعتصمون بفتح الأبواب الرئيسية وأبواب قاعة الاجتماعات الخاصة بالمحافظة التي سيطروا عليها والسماح لوكيل الوزاره بالخروج من مبني المحافظة.




كما ردد المعتصمون هتافات منددة بتباطؤ المسئولين فى اتخاذ القرارات حيث قالوا "يادى الخيبة ويادى العار ... مش عارفين ياخدوا القرار" ، وطالب المتعصمون المحافظ بالنزول إليهم لسماع شكواهم، وحل مشكلاتهم فقالو "يا عزازى قول قول .. إنت معانا ولا فلول" كما حاول المعتصمون تحفيز زملائهم فقالوا "علوا و علوا و علوا الصوت ... اللى هيهتف مش هيموت" كما نددوا بضآلة المرتبات حيث قالوا "110 هيعملوا إيه ... غيرنا بيقبض 1000 جنيه" .

[m_adel_143]

المعلمون المؤقتون بالشرقية يقطعون الطريق ويطالبون برحيل عزازى


جدد اليوم نحو 2000 معلم من المعلمين المؤقتين بالشرقية اعتصامهم أمام ديوان عام المحافظة بالزقازيق للمطالبة بتثبيتهم وصرف رواتبهم المتوقفة منذ 3 أشهر حيث تجمع المحتجون أمام الديوان العام للمحافظة منذ الصباح وقاموا بقطع الطريق الأمر الذي تسبب في إعاقة الحركة المرورية بالشوارع الرئيسية .

وقاموا بتنظيم وقفة احتجاجية امام المحافظة رافعين لافتات مطالبة بإسقاط عزازي علي عزازي محافظ الشرقية " ارحل ....ارحل يا عزازي " يا مشير يا مشير..... قول لعناني كرامة المعلمين فين" مرددين: التثبيت التثبيت هو المطلب الوحيد".
.
وكان المعلمون قد تظلموا مرات عديدة من عدم التثبيت وعدم صرف الرواتب إلا أن كافة الشكاوي التي تقدموا بها لم تلق اهتماما من جانب المسئولين فضلا عن التصريحات التي أدلي بها جمال العربي وزير التربية والتعليم منذ عدة أيام والتي قال فيها إن تعاقدهم السنوي ينتهي بنهاية شهر مايو القادم وليس لهم حق في التثبيت الأمر الذي دفعهم إلي تنظيم هذه الوقفة الاحتجاجية للمطالبة بحقوقهم وحقوق زملائهم البالغ عددهم 13 ألف معلم مؤقت .

المصدر هناااااااااااااااااااااااااااااااااااااااااااااااا ااااا

[m_adel_143]

المعلمون المؤقتون بالشرقية يقطعون الطريق ويطالبون برحيل عزازى


جدد اليوم نحو 2000 معلم من المعلمين المؤقتين بالشرقية اعتصامهم أمام ديوان عام المحافظة بالزقازيق للمطالبة بتثبيتهم وصرف رواتبهم المتوقفة منذ 3 أشهر حيث تجمع المحتجون أمام الديوان العام للمحافظة منذ الصباح وقاموا بقطع الطريق الأمر الذي تسبب في إعاقة الحركة المرورية بالشوارع الرئيسية .

وقاموا بتنظيم وقفة احتجاجية امام المحافظة رافعين لافتات مطالبة بإسقاط عزازي علي عزازي محافظ الشرقية " ارحل ....ارحل يا عزازي " يا مشير يا مشير..... قول لعناني كرامة المعلمين فين" مرددين: التثبيت التثبيت هو المطلب الوحيد".
.
وكان المعلمون قد تظلموا مرات عديدة من عدم التثبيت وعدم صرف الرواتب إلا أن كافة الشكاوي التي تقدموا بها لم تلق اهتماما من جانب المسئولين فضلا عن التصريحات التي أدلي بها جمال العربي وزير التربية والتعليم منذ عدة أيام والتي قال فيها إن تعاقدهم السنوي ينتهي بنهاية شهر مايو القادم وليس لهم حق في التثبيت الأمر الذي دفعهم إلي تنظيم هذه الوقفة الاحتجاجية للمطالبة بحقوقهم وحقوق زملائهم البالغ عددهم 13 ألف معلم مؤقت .

المصدر هناااااااااااااااااااااااااااااااااااااااااااااااا ااااا