مطبخك في رمضان مع الشيف محمد و هبة

[*هبة الرحمن*]

المكونات:

1. 1/2 1 كوب سميد خشن
2. 1/2 كوب سكر نوع نظيف وليكن الاسرة مثلا
3. 1/2 كوب سمنة درجة حرارة الغرفة

نجيب وعاء ونحط فية السميد والسمن والسكر ونفضل نخلط فيهم لازم كل حبة سميد تشرب وتتغطى بالسمن لازم تتأكدى من الموضوع دة ضرورى تتشرب السمن علشان لما نضيف المكونات الى جاية دى متبقاش زى العجينة وتبوظ منك

تأكدى انك خلطى المكونات كويس

عندك وعاء تانى فية :

1. 2/3 كوب لبن (ولو عايزاها اقتصادية زى ما بيعملو فى المحلات بيحط 1/3 كوب لبن و1/3 كوب ماء ويخلطهم على بعض)
2. 2 ملعقة كبار شربات تقيل

اضربى المكونات دى الماية واللبن والشربات التقيل بمضرب سلك ضرب كويس
واعملى حفرة فى وعاء السميد المخلوط بالسمن والسكر وحطى المواد السائلة عليهم
دلوقتى الخطوة دى مهمة جدا لفى البسبوسة بايدك بسرعة ووزعى فيها اللبن والماية والشربات كويس اوى لفيها بايدك من 3 اللى 4 مرات ومعلومة خليط البسبوسة لا هى سميكة اوى ولا سايبة اوى وان شاء الله مش تعجن منك لانها متغطية كويس قبل كدة بالسمن زى ما وضحنا فوق.
ادهنى صينية سمنة
صبى خليط البسبوسة ساويها فى الصينية اضربى الصينية على الرخامة علشان تتساوى ويبقى شكلها احسن
هاتى اى مكسرات مجروشة كاجو لوز فستق ا ى حاجة ورشيها بايدك على الصينية وبعد ما تضيفى المكسرات هاتى طبق واضغطى بقعر الطبق على المكسرت برفق علشان كلها تتساوى ويبقى شكلها حلو
اهم ما فى الموضوع ريحى خليط البسبوسة او صينية البسبوسة مش اقل من ساعتين هعيده تانى مش اقل من ساعتين لازم ترتاح الوقت دة لازم تخمر مع الماية والسمن والسكر لان البسبوسة لما تتشرب السوائل كويس طول المدة المكررة بتعمل عمل البيكنج بودر فى الفرن بترفع معايا وبتبقى طرية والا هتشتكى انها ناشفة شوي بعد خروجها من الفرن.
ارتاحت ساعتين
نكون مسخنين الفرن من 180 درجة الى 190 درجة مؤية
ندخلها الفرن 30 دقيقة بالظبط
اول ما تطلع وهى سخنة صبى عليها الشربات والف هنا

نقول الشربات بتاع المحلات

1. 2 كوب سكر نظيف بيفرق يا جماعة والله نقول سكر الاسرة
2. 1 كوب ماء
3. ملعقة كبيرة عسل جلوكوز. (مش لقيتى عسل جلوكوز استخدمى عسل نحل) ( مش بتحبى عسل النحل حطى ملعقة صغيرة عصير ليمون مع ماية ورد وماء زهر ).

هتلاحظى ان احنا مش استعملنا بيكنج بودر لان فى المحلات بيسبوها تخمرساعتين مش بيستخدموا بيكنج بودر خالص.
تانى حاجة هتلاحظى ان احنا مش ضيفنا جوز الهند لانهم فى المحلات مش بيضيفوه لكن لو انتى حابة تحطى جوز الهند حطى ومعاها رشة فانيليا .

يالا بالتوفيق والف هنا وشفا

[*هبة الرحمن*]

السلام عليكم ورحمة الله وبركاته

أليكن حبيباتى طريقة عمل شيش البطاطس

وهى مترجمة من موقع أجنبى

وانا كنت باعملها ولكن مع اختلاف انى بضعها

فى الفويل كل واحدة لوحدها وعليها زيت وملح

وفلفل فى الفرن وكانت النتيجة ايضا رائعة

المقادير

بطاطس

ملح وفلفل

جبن بارمجان او زبدة حسب ماتريدى

الطريقة

تغسل البطاطس جيدا وتقطع حلقات دون تقشير وتوضع فى

أسياخ الشيش طاووق بالتبادل مع الجبن أو الزبد

ويرش عليها الملح والفلفل

نلفها بورق الفويل

ثم توضع على الشواية وتشوى بالفحم

وهذا شكلها النهائى

وألف هنا

تحياتى