المنتدى اليوم

[ام رهف]

اول حاجة بشارك فيها طبعا واحتمال كبير ماشاركش في موضوع اخر هو موضوعك انت حقيقي انسانة جميلة وواقعية وفعالة

[اميمة طه]

ربنا يخليكى ام رهف بس والله الموضوع ده يعنى مش بمثابة موضوع لانه هيبقى متغير وكل يوم منفصل انما موضوعى الاساسيين واحد بتاع الامتحانات خلاص كتبت كل اللى عندى فيه والتانى هو اللى لسه هيفضل معانا ان شاء المولى القدير.....انما تالتهم ده يعنى عبارة عن تلخيص للى بيجرى فى المنتدى كله

[اميمة طه]

خبر منقول:

التعليم" تخاطب مجلس الدولة بعد تأخر فتوى الكادر
الخميس، 6 يناير 2011 - 14:56
مجلس الدولة
كتب حاتم سالم

علم "اليوم السابع" أن وزارة التربية والتعليم ستخاطب مجلس الدولة، الأحد المقبل، للتعرف على أسباب تأخر وصول فتوى من المجلس بشأن قانونية ترقية المعلمين الحاصلين على الكادر على درجات العاملين بالدولة من عدمه، ويُذكَر أن شهرين وأسبوعًا مضيا على إرسال "التعليم" طلب الفتوى دون أن يصل رد حتى الآن من قسم فتوى التعليم بمجلس الدولة.

وأكدت المصادر أن د. أحمد زكى بدر، وزير التربية والتعليم، لم يبدِ رأيه فى الأمر إلى الآن فى انتظار وصول فتوى مجلس الدولة، فيما تذهب إدارة الفتوى والتشريع بديوان "التعليم" إلى عدم وجود مادة فى القانون 155 لسنة 2007، المعروف بقانون الكادر، تحول دون السماح لمعلمين بالترقى على درجات العاملين بالدولة، وهو الرأى الذى لم تأخذ به إدارة الشئون الإدارية، وهو ما أدى لتوقف الترقيات.

وكانت أزمة "ترقيات الكادر" قد بدأت إثر إرسال إدارة الشئون الإدارية بديوان "التعليم" نشرة للمديريات التعليمية تفيد بوقف ترقية معلمى الكادر على درجات العاملين بالدولة بدعوى تحولهم لفئة وظيفية جديدة بمجرد صدور القانون 155/2007، وهى النشرة التى عادت الوزارة لتطلب من المديريات عدم العمل بها لحين حسم الأمر قانونياً بعدما أثارت استياء المعلمين.

[ام رهف]

احب اسألك ياميس اميمة هتروحي الاعتصام

[جارةالوادى]

فكرة جميلة ودايما سباقة ومتميزة ومعلش شكلى اتاخرت فى المشاركة بس مليت من المنتدى كله شبه بعض ونفس النغمة وف الاخر مفيش حاجة بتحصل وبقى مليش نفس اشارك بس موضوعاتك انتى طبعا مقدرش
على فكرة عجبنى السى فى بتاعك اوى وواضح ماشاء الله لاقوة الابالله طموحك وربنا يوفقك فى حياتك الشخصية والعملية ويصلح حالك انتى وجميع بنات المسلمين اللهم امين

[اميمة طه]

بصراحة لا

اللى هنا مش فاهمين كلامى كله انا باحسبها مش كده .....ازاى اروح اقف فى اعتصام وانا بنت؟ ازاى مش عارفه والله ....ده انا لو رايحة محل واقف فيه ولاد مباعرفش اشترى حاجة واما اروح وخلاص او ادور على غيره وبعدين ده ربنا قال ان الستات تصلى فى بيوتها رغم ان الجامع موجود (الاحسن يعنى) يبقى هاطلع من بيتنا عشان اقف فى اعتصام .....اظن موضوع زى ده يبقى شغل رجاله واظن كمان ان خروج البنات والستات فى الاعتصامات خطا كبير وممكن يؤدى لحاجات يعنى بلاش الواحد يتكلم فيها

[اميمة طه]

فى شكوى لسه نازله حالا هاعرضها عليكم ويبقى النهارده خلص احط موضوع بكره واشوفكم بكره على خير ان شاء الله:" وطبعا منقول"

شكاوي التعليم

صرف البدل النقدى و كادر المتعاقدين


السلام عليكم ورحمة الله وبركاته... الى فضيلة الامام الاكبرشيخ الازهر الشريف الدكتور/احمد محمد احمد الطيب...طبتم وطاب ممشاكم وتبؤاتم يا فضيلة الامام من الجنة منزلا انه ولى ذلك والقادر عليه اما بعد...نتشرف يا فضيلة الامام الاكبر بأننا مدرسون بالازهر الشريف ونحن متعاقدون من عام 2006 واستلمنا العمل اول 2007 تم بحمد الله وتوفيقه ومدده ثم برعايتكم لنا يا امامنا الجليل الموافقة على صرف بدل نقدى لمدة عام من شهر7/2009 حتى 6/2010 وتم صرف نصف المده فقط والنصف الباقى لم يصرف بعد منذ خمسة اشهر حتى الان فهل بالفعل لم يصرف لنا هذه المده ام ماذا؟والشق الثانى من الموضوع اننا دخلنا الكادر بتاريخ20/11 وظهرت النتيجة فى شهر1/2010 ولم نصرف اى شئ من الكادر للمرحلة الثانية ابدا حتى الان ومضى اكثر من عام على ذلك فهل ايضا سوف نضيع هدر للمسئولين فى منطقة قنا الازهريه ام ماذا؟ ونعلم ان التثبيت ليس بشأنكم فقط بل لابد من تدخل وزارة التنمية الادارية ووزارة المالية وكل هذا بالتنسيق فيما بينكم مع العلم اننا حاصلون على icdl ونسأل الله العظيم رب العرش العظيم ان يجعلكم زخرا لنا جميعا وللامة الاسلامية كلها...الرجاء من فضيلتكم النظر بعين الرحمة لنا جميعا وللمتعاقدين بصفة خاصة وبارك الله لكم وعليكم وفيكم وانتم والله يا فضيلة الامام من رجال اهل الجنة بمشيئة الله تعالى انه ولى ذلك ومولاه...والسلام عليكم ورحمة الله وبركاته

===============

مدرسة الكاشف الابتدائية الازهرية

[ammhhe]

المشاركة الأصلية كتبت بواسطة علي عضاضلي

ميس أميمة :

نفسي اعرف :انتي شخصيه قيادية، أم ذات مستوى عالى من التفكير ،أو قد يكون شخصية حزبيه
أو يمكن أنانيه ..والله ما عارف احكم ؟!!!!!
هتقولي ليه كل دة ؟!!
هقولك لانك دايما بتحاولي تبعدي عن المشكلة الرئيسيه (التثبيت) وتتاولي موضوعات جانبيه ؟

والله كل الكلام بتاعي دة مش تهكم لاسمح الله ..بس نفسي اعرف لان تفكيرك واتجاهك غير باقى الزملاء

بارك الله فيك وعليك وحواليك
اخذت الكلام من على لسانى
بصراحه انا مش عارف هو فيه ايه!!!!!!!

[ammhhe]

لماذا تنقلى المواضيع دون موافقه من اصحابها

[اميمة طه]

المشاركة الأصلية كتبت بواسطة ammhhe

لماذا تنقلى المواضيع دون موافقه من اصحابها

اولا حضرتك : انا مبانقلش الموضوع لهدف شخصى انما لهدف عام
ثانيا : لو حضرتك فاكر انى استاذنت منك قبل ما اكتب موضوعك
ثالثا:دايما لما بانقل موضوع باقول منقول وباقول منقول من مين

يا ريت حضرتك تكون اقتنعت