الوقفة الاحتجاجية يوم الاحد 15/8

[saber samy]

دا مسكنات لابد م لوقفة لنا امامهم حتى نخبرهم بمكانتنا
موعدنا 15/8/2010
قالوا معذرة الى ربكم ........." الاعراف"

[muhammad ellithy]

إحنا عايزين حد يتكلم عننا و يجيب لنا حقنا و إحنا قاعدين
نوقف؟؟؟!!!!!!!!!!
علي فكرة كلام الأخ اللي قال إن إحنا مش هانوقف إلا في طابور الصباح سليم
إن الله لا يغير ما بقوم حتي يغيروا ما بأنفسهم
محدش هيسأل فينا إلا إذا تحركنا

[muhammad ellithy]

ياريت اللي عايز يعقب علي الأحاديث يستشهد بناس ثقات مش أي حاجة قال ابن تيمية
ابن تيمية هذا له تسعون خطأ في حق النبي وأهل بيته
لمن أراد التأكد فعليه بالدرر المضية في الرد علي ابن تيمية لشيخ الاسلام تقي الدين السبكي
وكتاب "أخطاء ابن تيمية في حق رسول الله صلي الله عليه وسلم و أهل بيته" للسيد الشريف الدكتور محمود السيد صبيح
أو الدخول علي موقعه و منتدياته
www.msobieh.com

[احمد ناجى على سميع]

يا جماعه إحنا بنتكلم جد فى موضوع التثبيت اللى واجع قلب كل المتعاقدين
مش بنتكلم هنا فى صحيح الحديث ولا أمور دينيه
يا جماعه حرااااااااااام عليكم كده عاوزين فعلا ننظم وقفه إحتجاجيه نحاول نرد بيها جزء من كرامتنا المفقوده
إللى أهدرتها الحكومه بمنتهى التعسف
يا جماعه كفااااااااااااااااايه بقى هزااااار إرحمونا شويه
وللى عاوز يهزر يبقى يريحنا وميضعش مشاركته أحسن
عموما انا معاكم وكل المتعاقدين اللى أعرفهم فى أى وقفات ناويين تنظموها
والسلام ختام

[the keng]

لابد من الوقفه علشان يحسو بينا
ومفيش تراجع المره دي
الكلام لا يجدي
عيزين تنظيم وفعل

[امجد7007]

زملائى الافاضل فى بعض الزملاء مثل الاستاذ الزوايدى والاستاذ حسين متخوفين من ان الوقفة هتكون فى صيام شهر رمضان وانا لن اعلق على ذلك وانما سأترك لكم التعليق والاجابة على هذا السؤال بس اللى يجاوب يكون اد كلمته
هل الصيام ممكن يؤثر عليكم ويمنعكم من حضور الوقفة والمطالبة بحقوقكم؟؟؟

[medo_868]

لازم الوقفة لازمممممممممممممممممم

[جارةالوادى]

خاص ياجماعة معدتش هقول نصبر بلاها صبر هنصبر على ايه اكتر من كدة مشيها وقفة واحنا صايمين ا و فاطرين مش هتفرق بس المشكلة اننا لو وقفنا فى رمضان الاعلام بيبقى مش مركز مع الاحداث دى خالص مسلسلات وبرامج وفنانين بقى مانتو عارفين يعنى كانك ياابو زيد ماغزيت مكن نتفق على اول الدراسة تبقى المدارس محتاج لنا وميقدروش يعملو حاجة غير انهم يستجيبو لمطالبنا وكمان هتبقى الدنيا كلها مركزة معانا ده رايى

[Mr.AI]

يا مسهل يارب
بس ياريت منجيش قبلها
ونقول نستني شوية

[emadgoo2000]

ركزو في هدفهم ولا تحيدو عنه

المطالبــــــــــــــــــــــــــــــة بحقق في التثبيت

في ابن واحد مسئول بيشتغل بعقد

ابن نظيف
ابن عائشة عبد الهادي
ابن يوسف بطرس غالي
ابن العادلي
ابن زكي بدر
ابن هلال
ابن زكريا عزمي
ابن رشيد
ابن محمود محيي الدين
ابن علاء فهمي
ابن ...................ز
ابن................
ابن .............

[emadgoo2000]

وحدو الهدف

[امجد7007]

المشاركة الأصلية كتبت بواسطة جارةالوادى

خاص ياجماعة معدتش هقول نصبر بلاها صبر هنصبر على ايه اكتر من كدة مشيها وقفة واحنا صايمين ا و فاطرين مش هتفرق بس المشكلة اننا لو وقفنا فى رمضان الاعلام بيبقى مش مركز مع الاحداث دى خالص مسلسلات وبرامج وفنانين بقى مانتو عارفين يعنى كانك ياابو زيد ماغزيت مكن نتفق على اول الدراسة تبقى المدارس محتاج لنا وميقدروش يعملو حاجة غير انهم يستجيبو لمطالبنا وكمان هتبقى الدنيا كلها مركزة معانا ده رايى

الاستاذه جارة الوادى بالنسبة للاعلام متخافيش لأن الاعلام مش بينام خالص والبرامج شغالة على طول وبالعكس كمان دى اعلى نسبة مشاهدة بتبقى فى رمضان لأن الخبر اكيد هيجى فى البرامج المسائية بعد المفطر لكن ايه اللى خلينا نستنى لغاية ماتبداء الدراسة ؟
اه نسيت اقول لحضرتك انك عليك انك تبلغى كل اصحابك واللى تعرفيهم فى محافظة البحيرة.... ده دورك

[مصطفى1234]

كلنا سنذهب الى الوقفة حتى لو كانت فى المريخ
لن يسنينا الا التثبيت لا تصريحات بعد اليوم لا سذاجة بعد اليوم

[متلمس الطريق]

والله لو ميت وقفه ما فيش حاجه هتتغير

انا السنه الجايه

ان شاء الله هسيبها لهم مخضره

[جارةالوادى]

المشاركة الأصلية كتبت بواسطة امجد7007

الاستاذه جارة الوادى بالنسبة للاعلام متخافيش لأن الاعلام مش بينام خالص والبرامج شغالة على طول وبالعكس كمان دى اعلى نسبة مشاهدة بتبقى فى رمضان لأن الخبر اكيد هيجى فى البرامج المسائية بعد المفطر لكن ايه اللى خلينا نستنى لغاية ماتبداء الدراسة ؟
اه نسيت اقول لحضرتك انك عليك انك تبلغى كل اصحابك واللى تعرفيهم فى محافظة البحيرة.... ده دورك

باذن الله كلهم هيوصلهم خبر الوقفة وكمان بيايدوها جدا لان الجميع مستاء من الوضع الحالى والشحططة اللى احنا فيها بس المهم بقى اننا نقول اقتراحات عملية فعلا عشان يبقى لها صدى زى مثلا هنقف فين ؟ هنعمل ايه؟ ازاى المحافظات تقدر تشارك ؟ كل دى اسئلة مهمة جدا وعملية جدا ولازم تبقى وقفة منظمة اوى لاننا فئة متعلمة ومثقفة وكمان مؤثرة جدا جدا ولازم نوصل للجميع ان من غيرنا الدنيا هتقف فيه مدارس كتير بتعتمد على المتعاقدين ولا للكسالى والمتشائمين والمتخاذلين اسفة فى التعبير بس فيه ناس عاجبها وضعها الحالى ومعندهاش استعداد تعمل حاجة ومستنية غيرها يعمل لها كل واحد صوت نفسه وكلنا واحد وفى مركب واحد يبقى لازم كمان حملة مشاركات للتوعية باهمية الوقفة وحقوقنا اللى بنطالب بيها وتشجيع كل الناس انها تخرج تشارك وصوتنا يبقى واحد لانهم مش هيقدرو يفسخو عقد اكتر من 80 الف مرة واحدة ويفضو المدارس ويوقفو حالهم عذرا للاطالة بس ده رايى واتمنى يكون راينا كلنا قريب من بعض