المعلومات الكاملة للجامعة المصرية الروسية

[karem4]

طيب هو ممكن تعد فى الجامعه الروسيه سنه وبعد كده تحول لمعهد مثلا زى معهد العاشر ؟؟؟

[karem4]

واسف , عايز اعرف ايه رايك فى قسم ميكاترونكس هو قسم حلو وممتع فى دراسته ولا ايه وايه المواد اللى فيه علشان ان شاء الله ناوى ادخله ؟

[titi1]

المشاركة الأصلية كتبت بواسطة karem4

طيب هو ممكن تعد فى الجامعه الروسيه سنه وبعد كده تحول لمعهد مثلا زى معهد العاشر ؟؟؟

لا طبعا ما ينفع لسبب ان الجامعة الروسية جامعة خاصة مش تبع التنسيق او تبع الحكومة لاكن معهد العاشر تبع التنسيق ما تعرف تدخلة الا تنسيق لانة يتبع الحكومة الا حد ما

فما ينفع تدخل خاص وبعدها تحول الحكومى

العكس هو الى ينفع

[titi1]

المشاركة الأصلية كتبت بواسطة karem4

واسف , عايز اعرف ايه رايك فى قسم ميكاترونكس هو قسم حلو وممتع فى دراسته ولا ايه وايه المواد اللى فيه علشان ان شاء الله ناوى ادخله ؟

انا فى تانية ميكاترونيكس

هو قسم فى نظرى حلو بس مالوش مكان اوى فى مصر ودة حقيقة بس تقدر تشتغل ميكانيكا او كهربا لو تخصصت فيهم

بالنسبة لموادة صعب طبعا اديلك اسامى مواد 4 سنين بس هقولك الاساسيات

هتدر سوائل وغازات .. وديناميكا حرارية وفلود

[karem4]

عادى ممكن يبقى قدام يبقى لى شغل كويس او اشتغل ميكانيكا المهم ميبقاش فى حفظ كتيير ومعتمد على الفهم , ومفهمتش يعنى ايه فى نظرى حلو يعنى فى حفظ كتيير وكده ولا ايه ؟؟؟؟؟

[titi1]

المشاركة الأصلية كتبت بواسطة karem4

عادى ممكن يبقى قدام يبقى لى شغل كويس او اشتغل ميكانيكا المهم ميبقاش فى حفظ كتيير ومعتمد على الفهم , ومفهمتش يعنى ايه فى نظرى حلو يعنى فى حفظ كتيير وكده ولا ايه ؟؟؟؟؟

ميبقاش فية حفظ كتير... احب اقولك ان نظام الدراسة فى مصر عقيم يعنى اساسك الحفظ والنظرى والمعامل دة مش بالدرجة الى متخيلها

مش بحب اصدمك بس لازم تعرف الواقع

[karem4]

اها يعنى ده فى كل الكليات وده نظام مصر اصلا , على العموم شكرا جدا على كل المعلومات دى

[titi1]

المشاركة الأصلية كتبت بواسطة karem4

اها يعنى ده فى كل الكليات وده نظام مصر اصلا , على العموم شكرا جدا على كل المعلومات دى

اة كل الكليات حفظ ونظرى كتير

بعض الحاجات زى الرياضيات الى عملى ومواد تانية بس الاكتر النظرى

العفو

[kareim1]

انا جايب 77 ينفع اخشها و حتبقا بكام و هل الدفع لكل ترم ولا للسنة ؟

[titi1]

المشاركة الأصلية كتبت بواسطة kareim1

انا جايب 77 ينفع اخشها و حتبقا بكام و هل الدفع لكل ترم ولا للسنة ؟

الحد الادنى السنة دة 80% واتصل بالجامعة للتاكيد يمكن خفضوا الحد الادنى

والسنة ب17 الف والدفع على ترمين

[karem4]

طب حضرتك سؤال الجامعات الخاصه مش بتدخل فى التنسيق ونا المفروض اروح احجز فى الجامعه وبعد كده اعمل ايه واعمل ايه فى التنسيق ؟؟؟؟

[titi1]

المشاركة الأصلية كتبت بواسطة karem4

طب حضرتك سؤال الجامعات الخاصه مش بتدخل فى التنسيق ونا المفروض اروح احجز فى الجامعه وبعد كده اعمل ايه واعمل ايه فى التنسيق ؟؟؟؟

الجامعات الخاصة ليس ليها اى علاقة بالتنسيق دة انت بتروح مع نفسك خارج التنسيق تقدم فيها

يعنى تروح الجامعة وتحجز بنفسك

وبالنسبة للتنسيق قدم عادى فى التنسيق الحكومى فى نفس الوقت وشوف هيجيلك اية فى الحكومى يمكن يجيلك احسن من الخاص يعنى ما تضيع فرصة لانك مش خسران حاجة

[karem4]

هل شهاده التخرج بتكون شهاده مصريه ولا شهاده روسيه وشهاده مصريه ؟؟

[titi1]

المشاركة الأصلية كتبت بواسطة karem4

هل شهاده التخرج بتكون شهاده مصريه ولا شهاده روسيه وشهاده مصريه ؟؟

شهادة مصرية فقط

[karem4]

طيب انا خلاص قدمت فى الجامعه الروسيه , بس عايز اعرف ايه المعهد الكندى فى التجمع الخامس ده ايه رايك فى وهو كليه وجامعه خاصه ولا معهد خاص يعنى احته فى التنسيق ولو جالى اروح اقدم فيه ولو اروح احجز علشان يعنى لو الروسيه مجتش علشان انا مش فاهم هو ايه واريك فيه ؟