يا خبر بفلوس - الصفحة 5

mahmoud ahmed2 · #1 15-09-2009, 05:06 AM

وبالنسبه للجزء الخامس المتعلق بالنصائح المهمه حول الصحه العامه

الخبر بعنوان

مضغ اللبان بدون سكر أثناء الدراسة يساعد الطلبة فى التركيز

وعن تفاصيل الخبر
نيويورك - اكتشف فريق من الباحثين الامريكيين أن الطلاب الذين يمضغون اللبان أثناء تأدية وجباتهم المدرسية يحصلون على درجات أفضل من غيرهم خاصة فى مادة الحساب.
وأجرى باحثون دراساتهم على مجموعة مختلفة من طلاب المدارس الذين تعودوا على مضغ اللبان بدون سكر أثناء عملية الاستذكار فتبين أن مضغ اللبان يحسن من نتائج الخصائص الفكرية لدى الطلاب.
المصدر: وكالة أنباء الشرق الأوسط

mahmoud ahmed2 · #2 15-09-2009, 05:10 AM

وبالنسبه للجزء السادس الخاص بموضوع قضايا وحوادث

فأول خبر عندنا بعنوان

15 سنة سجنا لطالب الحقوق المتهم بالاستيلاء على 26.5 مليون جنيه عن طريق النصب

وعن تفاصيل الخير
- أصدرت محكمة جنايات الإسكندرية الاقتصادية حكمها في قضية طالب كلية الحقوق السيد احمد محمد حسن المتهم بالاستيلاء علي 26 مليون و422 ألف جنيها من عدد من المواطنين وقضت بمعاقبته بالسجن لمدة 15 سنه وإلزامه برد قيمة المبالغ التي قام بالاستيلاء عليها لضحاياه وتغريمه نفس قيمتها.
اصدر الحكم المستشار عادل عثمان وعضوية المستشارين خالد محمد وعصام محمد وسكرتارية محمود عمارة.
كان النائب العام المستشار عبد المجيد محمود قد وافق علي مذكرة الاتهام بإحالة السيد احمد محمد حسن طالب بكلية الحقوق جامعة الإسكندرية الي محكمة جنايات الإسكندرية لقيامه بالنصب والاحتيال علي 25 شخصا والاستيلاء علي مبلغ 26 مليون و422 ألف جنيها منهم بزعم توظيفها في مجالات تجارة وبيع كروت شحن التليفونات المحمولة وتجارة الأدوية والمعدات الثقيلة وخام الفضة.
وأكدت التحقيقات التي اشرف عليها المستشار ياسر رفاعي المحامي العام الأول لنيابات استئناف الإسكندرية بان الطالب المتهم وعد ضحاياه بصرف نسبة من الارباح لهم ما بين 10 و20% إلا انه قام بالاستيلاء علي المبالغ المالية.
كشفت التحقيقات التي باشرها محمد مشرف مدير نيابة الشئون المالية والتجارية بالإسكندرية بإشراف المستشار اشرف حسن المحامي العام الأول لنيابات غرب الإسكندرية أن الطالب بكلية الحقوق قام بالنصب علي ضحاياه والاستيلاء على المبالغ المالية منهم ولم يصرف لهم نسبه الربح المتفق عليها أو رد أصل المبالغ لهم وتمكن من الهروب الي ليبيا وغادر البلاد كما أفادت مصلحة الجوازات والهجرة الجنسية حيث القي القبض عليه بعد تنسيق بين السلطات الأمنية المصرية والليبية وأحيل للمحاكمة وبعد سماع مرافعة الدفاع والنيابة خلال عدة جلسات صدر الحكم المتقدم.
المصدر: وكالة انباء الشرق الاوسط

mahmoud ahmed2 · #3 15-09-2009, 05:16 AM

وبالنسبه للخبر التانى الخاص بالحوادث والقضايا
فهو بعنوان

شقيقان يقتلان أخاهما بسبب الخلافات على منزل

وعن تفاصيل الخبر
لقى شخص مصرعه يوم الأحد على يد شقيقيه بعد أن قاما بطعنه بواسطة سكين حتى لفظ أنفاسه الأخيرة ، بسبب محاولة المجنى عليه طردهما من منزل مقام حديثا ليتمكن من الزواج فيه ورغبته فى إقامتهما بالمنزل القديم بمركز كفر الدوار بمحافظة البحيرة.
وكان اللواء مجدى أبو قمر مدير أمن البحيرة قد تلقى إخطارا بمصرع محمد سطوحى (34 عاما) على يد شقيقيه محمود (32 عاما) وأحمد (26 عاما) عقب حدوث مشادة كلامية بين الأشقاء الثلاثة لمحاولة المجنى عليه طرد شقيقيه من المنزل ليتمكن من الزواج.
وتبين من التحقيقات أن المشاجرة تطورت ، وقاما الشقيقان على إثرها بطعن شقيقهما الأكبر بعدة طعنات نافذة بالصدر والفخذ والذراع الأيسر ، والتى أودت بحياته فى الحال.
تم ضبط المتهمين والسلاح المستخدم فى الحادث ، وحرر محضر بالواقعة وأخطرت النيابة العامة التى تولت التحقيق.
المصدر: وكالة أنباء الشرق الأوسط،

mahmoud ahmed2 · #4 15-09-2009, 05:21 AM

وعن الجزء السابع اللى هو بعنوان فكاهه واللى هيتجدد منه فقط فى هذه الجوله النكته
نكته الجوله الثانيه خاصه بالازواج

واحد نايم جنب مراته فسمعت صوت، بتقوله يا راجل قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

هذه النكته
1/بايخه
2/حلوه
3/حلوه اوى

lobna24 · #5 16-09-2009, 04:04 AM

اقتباس:

المشاركة الأصلية كتبت بواسطة mahmoud ahmed2

وعن الجزء السابع اللى هو بعنوان فكاهه واللى هيتجدد منه فقط فى هذه الجوله النكته
نكته الجوله الثانيه خاصه بالازواج

واحد نايم جنب مراته فسمعت صوت، بتقوله يا راجل قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

هذه النكته
1/بايخه
2/حلوه
3/حلوه اوى

هههههههههههههههههههههههههههههه
حلوه اوووى والله

mahmoud ahmed2 · #6 15-09-2009, 05:29 AM

ميرسى اوى يا موكى على تعليقاتك الظريفه
وانت كده علقت عن كل حاجه مطلوبه فى الجوله الاولى ماعدا رايك فى الاستفتاء اللى هو فى الجزء الثالث من موضوعنا والخاص بطرح السؤال اتمنى اشوف اجابتك بنعم او لا وقدامك اسبوع ليوم الاحد ليتم نشر النسبه على التصويت
وبكده يا جماعه بعد ماتم كتابه الجوله التانيه من الاخبار
نتيجه التعليق على نكته الجوله الاولى من الاخبار (حلوه) وده من قبل لبنى وموكى وينتهى التعليق على هذه النكته فقط
واتمنى الزوار يعلقوا بقى على نكته الجوله التانيه قبل نشر اخبار الجوله التالته
ويارب اخبار الجوله التانيه تعجبكم ومتنسوش يا جماعه التعلييق مستمر فقط فى الجوله الاولى على الكاريكاتير والصوره حتى يوم الاحد يتم اختيار افضل التعليقات

mahmoud ahmed2 · #7 15-09-2009, 05:36 AM

انتظروا الجوله الثالثه من الاخبار ان شاء الله فى تمام الساعه الرابعه عصرا مع تمنياتى بالتوفيق للجميع
اخوكم طموح الفارما د/محمود احمد

mahmoud ahmed2 · #8 15-09-2009, 05:43 AM

ميرسى يا موكى على اهتمامك بالموضوع وتعليقاتك والتصويت كمان
وميرسى اوى لكل الناس اللى شجعونى وعجبتهم فكره الموضوع

mahmoud ahmed2 · #9 15-09-2009, 12:50 PM

ايه يا جماعه انتم كسلانين كده ليه الناس بتدخل تقرا وخلاص بدون ما تضيف التعليق والتعليق ده هو اللى هيخلينى اذا كنت اكمل ولا لا لانكم بتشجعونى بيه وبتحسسونى ان الموضوع عجبك اتمنى من كل الناس اضافه التعليقات المطلوبه
وجزاكم الله كل خير

mahmoud ahmed2 · #10 15-09-2009, 01:04 PM

مستنى الردود يا جماعه ومينفعش اضيف اخبار جديد الا لما احسن ان السابقه لها اتقرت وانا متهيالى اللى عجبته الفكره بيزور الموضوع اكتر من مره ويارب دايما يفضل الموضوع عند حسن ظنكم

mahmoud ahmed2 · #11 15-09-2009, 05:29 PM

لسه يا جماعه لم يتم اضافه اى تعليقات جديده
ولم اشعر بان فى ناس مهتمه بالتعليق على الموضوع
مع انه هيبقى احد النشاطات الطلابيه الهامه فى الجامعه
وادينا بندرب نفسنا عليه
وبالتالى انا هضطر مضفش اى اخبار جديده الا بعد التعليقات
يعنى ممكن نضيف اخبار كل 12 ساعه مثلا يعنى مرتين يوميا على ما الزوار الكرام يزورو الموضوع

mahmoud ahmed2 · #12 16-09-2009, 01:32 AM

يعنى ينفع كده يا جماعه هو ده تشجيعكم للموضوع
من الساعه 6 صباحا لم يتم اضافه اى تعليق مطلوب او حتى غير مطلوب
بجد انا زعلان
زى مايكون الموضوع مش عاجبكم

ahmed_nadder2003 · #13 16-09-2009, 03:49 AM

انت بجد عملت مجهود كبير اوى اوى يا محمد ربنا يجزيك ان شاء الله خير على قد نيتك والسلام عليكم

ahmed_nadder2003 · #14 16-09-2009, 03:54 AM

معلش انت اسمك محمود مش محمد احوليت انا شوية معلش متخدش فى بالك

lobna24 · #15 16-09-2009, 05:07 AM

الف شكر ع الموضوع وع المجهود