الحملة الكبرى لإسترداد حقوق المدرسين المتعاقدين ( للإيجابيين فقط )

[Observer]

يلا نقوم نصلى الجمعة وندعى ربنا يوفقنا فى خطواتنا

نتابع بعد الصلاة .....

[khaledelsaed]

انا معكم ان شاء الله قلبا وقالبا

[AHMED TEACH]

ربنا يعنا علي رد الظلم
والرابط بتاع الفيس بوكhttp://www.facebook.com/group.php?gid=135588309904

[AHMED TEACH]

المتعاقدين بالازهر لهم من الكفائة ما يمكنهم بالقيام بأعمال لايستطيع المعينون القيام بها مثل استخدام الحاسب الالي والانترنت
واشياء أخري كثيرة

[gana_masr]

ربنا معانا وهيوفقنا ان شاء الله

بس برضه فى نفس الوقت نحاول ننمى شهادتنا
عشان محدش يبقي ليه حجة
يعنى مثلا اللى لسه مخدش شهادة icdl يحاول ياخدها
ربنا اكيد معانا

[leprince]

اخى الغالى

نحن معكم قلبا و قالبا و ارجو من حضرتك تحديد ما هو مطلوب منى بالظبط حتى لو كنت تريد مقابلة اى مسؤل فى الوزارة ساقوم بفضل الله بتنسيق المقابلة و عرض مشكلتكم

فى امان الله

[teacher120]

صيغه فاكس مقترحه توضح مطالبنا بوضوح على غرار اخواننا فى التربيه والتعليم


موجوده فى المرفقات

ودا عنوان جريده صوت الازهر وطبعا بيشرف عليها مسؤولوا الازهر
القاهره.جامعه الازهر بالدراسه.قاعه الامام محمد عبده.جريده صوت الازهر
إلى كل من يريد ارسال أى شكوى ويريد نشرها أو عرضها على
الجهات اﻟﻤﺨتصة أن يوقع عليها بخط يده ويرفق بالشكوى صورة
البطاقة الشخصية أو العائلية أو الرقم القومى وأما ما عدا ذلك فلن
يلتفت إليه إطلاقا.
اويكتب على الصحه صفحه البريد او الصفحه الموجه اليها.
ت /02/٢٥١١٨٦٦٦
02/25118555فاكس

ياريت كلنا نبعت للجريده ويكون كلامنا واقعى وهو دخول الاختبارات حتى يتسنى لنا التعيين لان بصراحه القانون بينص على الاختبارات ولا اعتقد انهم هيثبتونا بدونها

[sasa555m]

كل الشكر للاخ houda ونحاول

[أ/ هشام العيسوى]

اقترح اعداد ستيكر نحدد فيه اهدافنا ووسائلنا
وكل ماحد يطبعه ويوزعه على زملائه لان هناك الكثير لايدخلون ع النت
ويكون مكتوب فيه الفاكسات وصيغة الفاكس الذى سيرسل
وليكن من صفحتين

[احمد منقوره]

ممكن بس طلب من المنتدى احنا عايزين نقول لينا قسم خاص بالمنتدى مثل كل الاقسام علشان نعرف نقدم اقتراحتنا ومشاكلنا بطريقة اكثر فاعلية
وبالنسبة لمشكلتنا الاساسية اللى انا مش شايف ليها اى حل كل المتعاقدين المساعدين نفسى مسئول يجى يشوفنا احنا عاملين ايه فى الادارات مثل اللى بيتسولوا وبيشحتوا بالظبط من الموظفين علشان يقولنا على معلومة والله ده حرام بجد

[life liquid]

عاوزين نعمل اعتصام فى المناطق الازهرية يوم الثلاثاء 1/9/2009 للمطالبة بما تم خصمه من رواتبنا والتثبيت وأرحو تعميم الدعوة وإبلاغ الأصدقاء فى كل المناطق الازهرية

[life liquid]

عاوزين نعمل اعتصام امام المناطق الازهرية يوم 1/9/2009 ونطالب برفع الخصم الى طال رواتبنا ونطالب بالتثبيت

[Observer]

المشاركة الأصلية كتبت بواسطة مستر محمد سلامه

بالتوفيق ان شاء الله

شكراً لحضرتك ألف شكر

[Observer]

المشاركة الأصلية كتبت بواسطة أبوطالب82

ربنا يكرمنا وصوتنا يوصل

إن شاء الله هيوصل وناخد حقوقنا

بس المهم كل واحد يعمل اللى عليه وأكتر شوية

الحمد لله ربنا وفقنى وقدرت أجمع أكتر من 50 صوت متعاقد أزهر وتربية وتعليم مبدئياً

ياريت كل واحد فينا يدخل ويقول كام واحد معاه هيبدأ الحملة

يلا يا جماعة مفيش وقت

[Observer]

المشاركة الأصلية كتبت بواسطة هند عزت

السلام عليكم
وفقنا الله وياريت كل متعاقد له زملاء فى مدرسته يبلغهم بالموضوع ده ولو ليه اى حد يعرفه فى اى مدرسه ولو يتبرع يكتب هو ليهم الفاكسات وياخد بياناتهم وجزاكم الله كل خير على الفكرة العظيمه

تمام أخت هند

كل واحد فينا يحاول ينشر الموضوع بأقصى ما يستطيع بين زملاءه المتعاقدين

تخيلوا ممكن تليفون صغير ممكن يكون ليه تأثير قد إيه

فى ناس كتير جداً جداً جداً متعرفش حاجة عن حملتنا دى

وأكيد لو ربع الناس دى وقفت معانا الحملة دى هيكون ليها شأن كبير

لو سمحتو يا جماعة كل واحد يقول جمع كام متعاقد معاه

عشان نبدأ حملتنا بقلب جامد