آخر أخبار التعيينات وتفسير القرارات في المنيا وباقي المحافظات

[نورالحبيب]

معلش واضح ان الجهاز الدغ فى حرف الفاء
مشكوووووووووووووور يادكتور عبدالرحمن جزاك الله كل خيرا وبشرك بما يسرك
لى استفسار عن مرتباتنا وموضوع الحدالادنى للدرجه التالته انا كنت تعاقد 1/10/2007 وامتحنت كادر 1/4 ونجحت الحمدلله
دلوقتى هنقبض 700 ولا 900 ولا 1200 لانه كثرت الاقاويل ومحدش فاهم حاجه عشان يفهمنى وبما ان حضرتك فاهم ياريت توضحلى وجزاك الله كل خير استاذى الفاضل

[miro86]

استاذ عبد الرحمن
بالنسبة لمدرسي الحصة او الاجر ( تعيينات جديدة ) 2010 يعني بقالي سنة تقريبا و طبعا مش معايا عقد و لا اختبرت كادر و لا حاجة !
عايزة اعرف ايه مصيري دلوقتي ؟؟ يا ترى هاتثبت بعقد سنوي و لما اتم ثلاث سنوات هاتعين معلم مساعد و لا هاطلع من المولد بلا حمص ؟؟؟؟؟ ارجو الافادة ارجوك لان كل اللى بيكلم اما شغال منذ اكثر من ثلاث سنوات او معاه عقد يعني ضمن التعيين
علما بانني خريجة تربية قسم انجليزي و معايا الــ icdl ......... و شكرا

[mido0200]

كلامك جميل ومقنع وربنا يقدم ما فيه الحير

[اواخر الشتاء]

الف مليون شكر يا استاذ عبد الرحمن جزاك الله عنا كل خير
ويا جماعة كل شخص بيسال عن حالته الخاصة كلنا زى بعض
والخبر مش فيه اى لبس ( طمن نفسك واقراه بهدوء )
يعنى باختصار لو انت بالحصة هتكون معلم مساعد اولا
وعشان تنتقل لمعلم لابد من حصولك على مؤهل تربوى وتدخل امتحان كادر
يعنى الموضوع في ايدك انت
و صعب تثبت تثبيت كامل الا بالكادر ونجاحك فيه .
اما النقل من اللى شفته من زملائي لما بيجى التثبيت سهل تنقلى من محافظة لمحافظة بتقدمى طلب بالادارة وبيتوافق عليه وانا ليا زميلة اثبتت في شهر 2 اللى فات وجابت موافقة من المحافظ واتنقلت علطول .

وبالتوفيق للجميع وياريت نتفائل خير

[حمادة عبد القتاح]

طيب من فضلك ايه الفرق بين الدرجة الثالثة التخصصية والدرجة الثالثة .

[aswan.com]

الله ينور يا دكتور

[د.عبدالرحمن المنياوي]

المشاركة الأصلية كتبت بواسطة نورالحبيب

مشكوووووووووووووور يادكتور عبدالرحمن جزاك الله كل خيرا وبشرك بما يسرك
لى استسار عن مرتباتنا وموضوع الحدالادنى للدرجه التالته انا كنت تعاقد 1/10/2007 وامتحنت كادر 1/4 ونجحت الحمدلله
دلوقتى هنقبض 700 ولا 900 ولا 1200 لانه كثرت الاقاويل ومحدش فاهم حاجه عشان يهمنى وبما ان حضرتك اهم ياريت توضحلى وجزاك الله كل خير استاذى الاضل

الوزير قال إن المعلمين بما فيهم المعلم المساعد هيستفيد من الحد الأدنى ..

وكمان في نشرة بتتعبت للمديريات اليومين دول علشان تفهم الموظفين يعملوا إزاي مرتبات شهر 7

لو قلت لك حاجة أدق من كده دلوقت يبقى بأفتي وأنا مش كده !!!!!

[د.عبدالرحمن المنياوي]

المشاركة الأصلية كتبت بواسطة أبو عمر وإلياس

طيب ممكن سؤال بس طويل شوية

دلوقتي لو خريج 2007 كلية فنون جميلة (ويعمل بعقد بالحصة كمدرس تربية فنية) من شهر 2 2009 ومن بعد الثورة مباشرة مضى عقد شامل.. هل هيتم تثبيته كمعلم مساعد ؟؟ ولو لا فامتى يتم تعيينه إن شاء الله تعالى ؟؟؟

وايه الشروط المطلوب توافرها فيه عشان يمتحن الكادر ويسري عليه زي باقي المدرسين ؟؟

هل لازم يعمل دبلومة تربوية ؟ أو مهنية ؟؟؟

وسؤال أخير.. معذرة أثقلت عليك .. فسامحني ولك عظيم الأجر بإذن الله ... متى موعد التقديم للدبلومة في جامعة المنيا ؟؟ وما الأوراق المطلوبة لها ؟؟



أنتـــــــــظر رد حضرتك يا دكتور عبد الرحمن وجزاك الله عنا خير الجزاء

نعم المفترض ان اسمك موجود حاليا في التنظيم والإدارة علشان تتثبت على معلم مساعد ..

وعلشان تمتحن الكادر فقط تكون تربوي يعني عامل دبلومة تربوية أما المهنية ليست من الشروط ..

موعد تقديم الدبلومة التربوية شهر 8 يعني تسأل عليها من آخر 7 علشان رمضان السنة دي ..

والورق المطلوب أصل المؤهل وأصل الميلاد وصورة البطاقة وبطاقة الجيش .. وحوالي 400 جنيه تزيد أو تقل قليلا..

[د.عبدالرحمن المنياوي]

المشاركة الأصلية كتبت بواسطة miro86

استاذ عبد الرحمن
بالنسبة لمدرسي الحصة او الاجر ( تعيينات جديدة ) 2010 يعني بقالي سنة تقريبا و طبعا مش معايا عقد و لا اختبرت كادر و لا حاجة !
عايزة اعرف ايه مصيري دلوقتي ؟؟ يا ترى هاتثبت بعقد سنوي و لما اتم ثلاث سنوات هاتعين معلم مساعد و لا هاطلع من المولد بلا حمص ؟؟؟؟؟ ارجو الافادة ارجوك لان كل اللى بيكلم اما شغال منذ اكثر من ثلاث سنوات او معاه عقد يعني ضمن التعيين
علما بانني خريجة تربية قسم انجليزي و معايا الــ icdl ......... و شكرا

المفروض مفيش حاجة اسمها بالحصة دلوقت .. الوزارة قالت هنعمل عقود دائمة للناس علشان لما يكملوا 3 سنين يتم تثبيتهم .. وعلى فكرة كل محافظة بتنفذ القرار حسب ظروفها يعني في المنيا عندنا مفيش حصة خلاص .. حتى العقود الشاملة كلهم هيبقوا معلم مساعد خلال أسابيع

[د.عبدالرحمن المنياوي]

المشاركة الأصلية كتبت بواسطة اواخر الشتاء

الف مليون شكر يا استاذ عبد الرحمن جزاك الله عنا كل خير
ويا جماعة كل شخص بيسال عن حالته الخاصة كلنا زى بعض
والخبر مش فيه اى لبس ( طمن نفسك واقراه بهدوء )
يعنى باختصار لو انت بالحصة هتكون معلم مساعد اولا
وعشان تنتقل لمعلم لابد من حصولك على مؤهل تربوى وتدخل امتحان كادر
يعنى الموضوع في ايدك انت
و صعب تثبت تثبيت كامل الا بالكادر ونجاحك فيه .
اما النقل من اللى شفته من زملائي لما بيجى التثبيت سهل تنقلى من محافظة لمحافظة بتقدمى طلب بالادارة وبيتوافق عليه وانا ليا زميلة اثبتت في شهر 2 اللى فات وجابت موافقة من المحافظ واتنقلت علطول .

وبالتوفيق للجميع وياريت نتفائل خير

يا سلام على العقل والرزانة .. والله أخدت الكلام من على لساني ..

شكرا جزيلا للأخ او الأخت (اواخر الشتاء) .. ولو اننا في (منتصف الصيف) .. هههههههه

شكرا مرة أخرى ..

[ايهاب بابا]

السلام عليكم يا دكتور عبد الرحمن اريد ان اسأل حضرتك انا معلم بالحصة ومضى على ثلاث سنوات ومن شهر تقريبا عملوا لينا عقود بالمكافاة الشاملة بند 3على2 مالهات اى لزمة ولا تسمح لنا بان نمتحن الكاددر انا ادارة اسيوط هل سينطبق علينا هذا الكلام وهيعملولنا تعيين على معلم مساعد هذا املنا الوحيد ام ان ذلك القرار خاص بالمنيا ومتى رايت هذة الكشوف ارجو الافادة جزاك الله كل خير وطمأن قلبك دائما ارجو من الله ان ترد على سؤالى وشكرا مقدما

[د.عبدالرحمن المنياوي]

المشاركة الأصلية كتبت بواسطة نورا حمادة

طيب من فضلك ايه الفرق بين الدرجة الثالثة التخصصية والدرجة الثالثة .

مفيش حاجة اسمها ثالثة بس ..

الدرجات إما فنية أو تخصصية أو كتابية أو عمالية ..........إلخ

الدرجات التخصصية للمؤهل العالي المتخصص زي المعلم المهندس الطبيب كده يعني ..

أما الدبلومات فيه فنية وفيه كتابية حسب الدبلوم والوظيفة نفسها ..

أما المؤهلات الأقل زي الاعدادية والابتدائية ففيه العمالية ..

طيب حد هيقوللي هو البلوم ليه في الدرجة الثالثة .. مش الثالثة دي بتاعت المؤهلات العليا بس ؟!!!

أرد عله وأقولله : يا (تييييييت) .. ماهو الدبلوم اللي على الرابعة مسيره يترقى ويروح الثالثة .. اللي بيتعين ع الثالثة على طول هو بس المؤهل العالي ..

بالمناسبة .. (تيييييييت) دي شتيمة .. ههههههههههههه

[د.عبدالرحمن المنياوي]

المشاركة الأصلية كتبت بواسطة ايهاب بابا

السلام عليكم يا دكتور عبد الرحمن اريد ان اسأل حضرتك انا معلم بالحصة ومضى على ثلاث سنوات ومن شهر تقريبا عملوا لينا عقود بالمكافاة الشاملة بند 3على2 مالهات اى لزمة ولا تسمح لنا بان نمتحن الكاددر انا ادارة اسيوط هل سينطبق علينا هذا الكلام وهيعملولنا تعيين على معلم مساعد هذا املنا الوحيد ام ان ذلك القرار خاص بالمنيا ومتى رايت هذة الكشوف ارجو الافادة جزاك الله كل خير وطمأن قلبك دائما ارجو من الله ان ترد على سؤالى وشكرا مقدما

القرار واضح في النقطة دي ويشملكم بكل تأكيد ..

انت لازم نتنقل لدرجة معلم مساعد خلال هذه الأيام .. والمنيا فعليا عملت كده ..

تابع حقك مع إدارتك ....

[د.عبدالرحمن المنياوي]

المشاركة الأصلية كتبت بواسطة msamirkh

تحياتى للدكتور عبدالرحمن وارجوا منه ان يدلني علي الطريقة او علي اسم موقع يكون وارد به الاسماء ومتي سيتم اعلانها في الادارات مع العلم اني تابع لادارة ملوي التعليمية ولم يرد بها اي معلومات حتي الان وشكرا

كل إدارات المنيا تم إرسالها في شهر 5 للتنظيم والإدارة .. وبالفعل حصلت على الموافقات المطلوبة خلال الأسبوع الأول من يونيو .. وماعليك سوى الانتظار .. أإو السؤال في مركز علومات إدارتك أو في مركز معلومات المديرية

[علاء راضى]

لف مليون شكر