|
#61
18-03-2016, 04:23 PM
|
|||
|
|||
   كل هذه الأسماء هى لإنسان ببساطته أحب هذا المكان فتذكروه بكل مافيه فلم يكن ملاكا ولم يكن بلاعنوان وما كان سعيه إلا ليكون إنسان
__________________
الحمد لله 
|
|
#62
20-03-2016, 11:17 PM
|
|||
|
|||
|
ذكريات
غبت يوما عن المدرسة وأثناء ماكان الأستاذ بيأخذ الغياب توعد الغايبين بعقاب كبير وأثناء عودة زملائى الفتانين من المدرسة بلغونى بالتهديد والوعيد فارتعبت رعبا شديدا وطلبت من أخى القريب من هذا المعلم والمسئول عن غيابى أن يذهب لهذا المعلم ويستسمحه ويشرح له سبب غيابى لكن أخى العزيز رفض وقال لى هذا المعلم طيب وماتخافشى من الكلام اللى سمعته فحاولت أقنع أخى أن المعلم طيب معاك لكن معانا بيبقى حاجة تانيه ولكنه رفض ولم يهتم فخرجت للعب فى وقت العصرية وأنا فى الطريق فوجئت بهذا المعلم يظهر من على بعد فلم أجد إلا أن ألقى بنفسى فى الترعة لأمر للطريق التانى وأختبىء منه فى المزارع وبعدما خرجت من الترعة مبتلا من ساسى لراسى نزلت فى جنينه تمتلىء بأشجار الجوافه والليمون وما أن وصل معلمى العزيز فى الجهة المقابله لى تماما وكاد أن يمر وينتهى الأمر فإذا بأيدى صاحب هذه الجنينة تحلق حول رقبتى - ولأننا نعلم مدى قسوة هذا الرجل فصرخت طالبا النجاة ولأن ضرب المدرسة وهذا المعلم أرحم بكتييير من ضرب هذا الرجل طلبت من معلمى العزيز أن ينقذ رقبتى من هذا الهرقل وفى حين كانت بيننا ترعة واسعة اعترفت له بسبب مافعلت فعلم كل من لايعلم فعلتى فضحك وطلب الصفح من صاحب الجنينة وقاللى قابلنى من على الكوبرى فقابلته وأنا ممتن بم فعل معى وأنقذنى من ورطتى فإذا به يقول لى -كنت خايف من ضربى فى الفصل ها أنا سأضربك لغيابك وأيضا لخوفك اللا مبرر الذى عرضك للغرق وأيضا لتهمة السرقة وعقاب صاحب الجنينة ونلت بدل العلقة ثلاث -علقة صاحب الجنينة وعلقة المعلم وعلقة والدتى بعد عودتى مبلل ومهلهل من يومها مات الخوف وتحول لتقبل أمر الله سبخانه وتعالى-فالرضا بما ابتليت به خيرا مم اختبىء فى علم الله جل وعلا فلا تحاول أن تصلح البلاء ببلاء أكبر فقل الحمد لله على بلاء تقدره وتحميك من بلاء الغيب الذى قد لاتستطيع تقبله وتحمله الحمد لله رب العالمين
__________________
الحمد لله آخر تعديل بواسطة أ/رضا عطيه ، 20-03-2016 الساعة 11:21 PM
|
|
#63
21-03-2016, 12:33 PM
|
||||
|
||||
|
هههههههههههههههههههههههههههههههه ه الاخيرة دي كنت زوران فيها تستاهل يا مزوغاتي
هي الترعه دي فيها سمك يا جدوا
__________________
|
|
#64
22-03-2016, 10:44 PM
|
|||
|
|||
|
اقتباس:
أيامها كان فيها ميه وسمك دلوقتى لافيها ميه ولاسمك ردموها وبلطوها وبالشجر زرعوها بس صدقنى المهارة الوحيدة اللى كان نفسى أخد عنها حتى لوفكره تنفعنى هى مهارة الزوغان من المدرسة ولا حتى من العمل المره الوحيدة اللى عملتها سنة 2005وزوغت من المدرسة الساعة 10 طبت ع المدرسة متابعة من الوزارة وطبعا شطبوا عليا وخت فيها 3أيام للخروج بدون إذن خت بالك (متابعة وزاره --مش متابعة إدارة ولاحتى مديرية ) حتى الزوغان يتبع قاعدة (هى للموعودين ياصحبى )  شكرا مستر عادل 
__________________
الحمد لله
|
|
#65
22-03-2016, 10:47 PM
|
||||
|
||||
|
هههههههههههههههه
المنحوس منحوس حتي لو علقوا في رقبتة فانوس فرحان فيك يا عضو مدرسة المشاغبين هههههههههههههه
__________________
|
|
#67
24-03-2016, 01:09 AM
|
|||
|
|||
|
اقتباس:
العبارة دى (المنحوس منحوس ------) هى دى اللى معقدانى فى حياتى لأنها على وزن (قليل البخت اتكعبل فى الصديرى أو السديرى)هههههههههه يلا --- الحمد لله على كل حال شكرا مستر عادل
__________________
الحمد لله
|
|
#68
24-03-2016, 01:12 AM
|
|||
|
|||
|
اقتباس:
أخيرا - جدو نال شرف متابعتك يا أستاذه ! ماتى عارفه إنى بتفائل بمشاركتك فى موضوعاتى من زمااااااااان شكرا جزيلا أستاذه لوجين
__________________
الحمد لله
|
|
#69
24-03-2016, 01:57 AM
|
||||
|
||||
|
اقتباس:
وتصفحك لاى موضوع ليا بيزيدنى شرف والشرف الاكبر ردك عليا تحياتى الك
__________________
ان صمتي لا يعني جهلي بما يدور حولي
|
|
#70
24-03-2016, 10:45 PM
|
||||
|
||||
|
اقتباس:
انا بدات بالخدمة العامة وكنت بقبض 4 جنيه ونصف وسبحان الله اكتر سنة كانت خير عليا وكنت سعيدة بعملى رغم انه ف غير تخصصى ولما اترقيت شوية قبضت 127 ج اللى كان غيظنى من المبلغ انه ف موظف كان بيجى مخصوص المدرسة عشان يقبضى المبلغ الكبير دا  ويفضل يدور عليا والمدرسة كلها تدور عليا فاكرين بقى ف حاجة مهمه قلتله ابوس ايدك بلاش تيجى يزعل جدا ويقولى ازاى بقى يا ابله دى فلوس حكومة اياااااام ..
__________________
أستغفرك ربى حتى ترضى ....... حتى تغفر حتى تطيب لنا الحياة
|
|
#71
25-03-2016, 02:20 AM
|
||||
|
||||
|
اقتباس:
حبيبتي بالاول افتكرتك طالبة وبعد فترة عرفت انك في التعليم هههههههه والله ضحكتيني ربي يسعدك تحياتي وتقديري
|
|
#72
25-03-2016, 02:23 AM
|
||||
|
||||
|
اقتباس:
تستحق كل خير اخي الفاضل استاذ رضا ديما افكارك وتعليقاتك رائعة تحياتي وتقديري
|
|
#73
25-03-2016, 05:23 AM
|
||||
|
||||
|
اقتباس:
اللهم آمين واياكى ياااارب .. تسلمين غلاتى عملى اخصائية اجتماعية والخدمة العامة دى بتكون للطالبات بعد انتهاء الدراسة بالجامعة زى الجيش للطلاب كدا وبتكون لمدة عام كامل بتقدم فيها الطالبة خدمة عامة من خلال المحافظة او المدينة اللى بتقيم فيها ب مدرسة او حضانة او مؤسسة لتنمية المجتمع المحلى وفق توزيعها من خلال الشئون الاجتماعية بمدينتها ولانها خدمة عامة بيكون عائدها بسيط ومستمرة بالمبلغ دا للابد كانت من اسعد ايام حياتى بالعمل رغم ذلك ورغم انها ف غير تخصصى استمتعت جدا وفضل العام دا عليا ف خبرتى بعملى لا يوصف
__________________
أستغفرك ربى حتى ترضى ....... حتى تغفر حتى تطيب لنا الحياة
|
|
#74
26-03-2016, 02:02 AM
|
|||
|
|||
|
حين تحدثت عن مأساة زمان وبداية تعيينى
شعرت بأننى أتحدث عن غيبيات لاتصدقها عقول الجيل الحالى مع إنى ولازلت أسير على الأقدام بين المزارع أكثر من 2كيلو يوميا لأصل لمدرستى طريق لايتسع إلا لإتنين - يعنى لو فيه تالت يبقى يركب فى السبنسه ههههههه لكن الحمد لله وجدت من تذوق بعض ماتذوقته ولو ماديا المرتب (فقط أربع جنيهات مصرية ميه فى الميه ونصف جنيه كمان ) دا مرتب مش مصاريف ساعة لتلميذ فى الحضانة شكرا الأستاذه الفاضلة نسيم الجنة والأستاذه الفاضلة أم فيصل كان السكرتير بيجيب المرتب يوم (1) والحوافز يوم (10) وبدل الحصص الاحتياطى يوم(20) صحيح المرتبات كانت مضحكة لكن كان الشهر كله فلوس الحمد لله على كل حال جزاكم الله خيرا
__________________
الحمد لله
|
|
#75
29-03-2016, 12:46 AM
|
|||
|
|||
|
مشوار
فسحونا أحلى فسح (الاسماعيلية -مدينة التعليم ب6أكتوبر- التدريب عند بعد بطنطا ) وسكنونا أفخم الفنادق وأكلونا أشهى المأكولات ودربونا تدريبات شاقة من ناس كان كلامهم شهد ونظرة التفاؤل عسل مصفى وقالوا لنا البرنامج دا هيغير التعليم 360درجة وانتم يارجاله أمل مصر فى تدريب زمايلكم على التطبيق والتنفيذ صدقنا وخدنا الموضوع بحماس منقطع النظير وبدأت الصدامات والمصادمات بالواقع حين بدأنا فى التدريب فالبرنامج يعتمد على النشاط 100% فى مدارس خاليه من كل متطلبات النشاط الصفى واللا صفى فى مدارس خاويه من ملاعب وغرف موسيقى وفنى ومعامل وحجرات اقتصاد ومعامل حاسب ألى ولا حتى دواليب لحفظ الملفات وأوراق العمل ولاحجرات متوفره أومجهزة لورش العمل وفوق دا كله مدارس بلا ميزانيات لتوفير أقل المتطلبات لتنفيذ البرنامج كان زملائى دائما يعايروننى بـ 300جنيه اللى أخدتهم من التدريب الذى أهلكنى سفرا لمدة شهر بل كانوا يكلفوننى بعملهم فى البرنامج وأنا كنت استجيب على أمل الصورة تطلع حلوة فشعرت بالانكسار من صعوبة التنفيذ والتطبيق فانسحبت وضاعت عليا فرص الصعود كما صعد زملاء المشوار ممن لم يفعلوا مثلى وينسحبوا انسحبت ولم اسمع من المسئولين عن البرنامج بالإدارة غير (امرك غريب وشكلك غاوى فقر ووجع قلب مع كشكول التحضير) فهل بعد فشل البرنامج كله ورغم تحريفه ليوافق الفهلوه المصرية فعلا أنا أمرى غريب وغاوى فقر ووجع قلب ؟؟ إنه ( برنامج التقويم الشامل ) الذى رحل جسده الحقيقى عن عالمنا ولم يتبقى منه سوى القشور ها أنا عاقبت نفسى بـ300جنيه ولم أسمع أحد فى كل وزارة التعليم قد عوقب على فشله وضياع الملايين من يورو الاتحاد الأوربى والتى قدمت لتنفيذ برنامج قبل الإعداد له وتوفير مايلزمه ليضمن نجاحه ؟!!!!!!!!!!!!!! الحمد لله
__________________
الحمد لله آخر تعديل بواسطة أ/رضا عطيه ، 29-03-2016 الساعة 12:51 AM
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:03 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
