بالفيديو كيفية اضافة المواليد وتعديل البيانات فى بطاقة التموين

[مستر محمد خليفة]

المشاركة الأصلية كتبت بواسطة ماهر زيدان

اضافة مولود جديد غير نشطة وغم انى ادخلت البيانات صحيحة

لابد من ان تسنكمل حميع البيانات وكل افراد الاسرة المدرجين وكتابة ارقامهم القومية

[zizo70]

بعد استكمال بيانات المولو ورقمه القومى يعطى رساله ان تم إضافة مولو بنفس الاسم و الرقم القومى لهذه البطاقه من قبل علما باننى لم اضيفه من قبل و اسم المولو لا يظهر مع المستفدين

[مستر محمد خليفة]

إجراءات جديدة لتسهيل تسجيل المواليد الجدد على بطاقات التموين

صرح المتحدث باسم وزارة التموين والتجارة الداخلية الدكتور ناصرالفراش بأنه سيتم خلال 10 أيام تسجيل المواليد الجدد على بطاقات التموين من خلال رابطة بوابة الدعم الموجودة على بوابة الحكومة الإلكترونية من خلال تسجيل إسم الأم وتاريخ ميلاد المولود وذلك فى إطار التسهيل والتسيير على المواطنين.

وأرجع ناصر الفراش- فى تصريح لوكالة أنباء الشرق الأوسط اليوم الأربعاء- أن قرار الوزارة أدي إلى التزاحم الشديد علي مكاتب استخراج شهادات ميلاد خلال الفترة الماضية وذلك لتسجيل المواليد الجدد.
وأضاف أن الوزارة ستقوم بوضع الرقم القومي للمولود مستعينة بقاعدة بيانات بمصلحة الأحوال المدنية، منوها إلى أن 630 ألف مواطن قاموا حتى الآن بالدخول الى الموقع حيث تم إضافة 120 ألف مولود جديد.

http://www.egynews.net/wps/portal/news?params=236672

[hamdy_hassan]

سؤال هام لو سمحتم عند التسجيل فى موقع دعم للتموين مكتوب رقم مرجع الحساب فما معنى ذلك

[apokerba]

مش لازم تكتبه كمل البيانات اللي عندها علامة حمرا

[ندي العربي]

اكتب الرقم القومي لكل العائلة فقط

[alaa galal]

عند الضغط على إضافة مولود وتسجيل البيانات لا يمكننى البرنامج من كتابة الاسم فما السبب ؟؟؟؟؟؟؟؟

[kaza1]

المشاركة الأصلية كتبت بواسطة alaa galal

عند الضغط على إضافة مولود وتسجيل البيانات لا يمكننى البرنامج من كتابة الاسم فما السبب ؟؟؟؟؟؟؟؟

ممكن حضرتك تكتبى الاسم كامل فى ملف تكست اوورد وبعيد تاخديه كوبى وكليك يمين فى موقع التسجيل وبعدين لصق
وان شاء الله يكتب وعن تجربة اما كتابة الاشياء الخاصة بمرجع الكهرباء فلا اهمية لها
ومن اجل تنشيط اضافة مولود لابد من تكملة بيانات جميع المسجلين فى البطاقة وخاصة الرقم القومى لكل فرد

[abuanss2004]

انا مشكلتي بحاول احدث الاول البينات ومش راضي يحفظ الرقم القومي بتاعي وبتاع الزوجه والولد اللي مضاف اصلا وكل ما اعمل حفظ مش بيحفظ وبالتالي مش بيضيف اصلا حد جديد حد واجه نفس المشكله ؟

[mrmath]

اولا":- حاجه مشمهم تسجل اى بيانات من البيانات الى تحت غير رقم المحمول لان دى الخانه الاجباريه الوحيده والباقى مش موجود عليه علامه النجمه يعنى اجبارى
ثانيا" :- مش راضى يكتب فى خانة الاسم عشان لغة الكتابه انجليزى دوس ( الت +شفت يمين ) عشان يكتب عربى وهتلقيه يكتب عشان الخانه لا تقبل الكتابه بالانجليزى والله يوفقك

[mrmath]

اخى العزيز الى مش عارف يحفظ انت بتستخدم متصفح انترنت اكسبلولر استخدم متصفح فيرفكس هيحفظ وتخلص المشكله

[مستر محمد خليفة]

صرح المتحدث باسم وزارة التموين والتجارة الداخلية الدكتور ناصرالفراش بأنه سيتم خلال 10 أيام تسجيل المواليد الجدد على بطاقات التموين من خلال رابطة بوابة الدعم الموجودة على بوابة الحكومة الإلكترونية من خلال تسجيل إسم الأم وتاريخ ميلاد المولود وذلك فى إطار التسهيل والتسيير على المواطنين.

[ابوسماءواحمد]

الرقم موجود اسفل فاتورة الكهرباء

[math_0100]

هما اللى اتسجلو الشهر ده يستحقو صرف التموين امتى؟
يعنى اللى اتسجل في يونيو يصرف في يوليو مباشرة ؟

[مستر محمد خليفة]

المشاركة الأصلية كتبت بواسطة math_0100

هما اللى اتسجلو الشهر ده يستحقو صرف التموين امتى؟
يعنى اللى اتسجل في يونيو يصرف في يوليو مباشرة ؟

الصرف للمسجلين الجدد يتم الصرف بعد اكتمال مدة التسجيل( اربعة اشهر ) ومراجعة البيانات