إعلان الكويت لعام 2012/2011 المنشور بجريدة الاهرام

[حسام ابوزهره]

السلام عليكم
بالنسبة للمعلمات كل التخصصات يتم التغاضى فى كثير من الأحيان عن شرط الخبرة
بس المهم التقدير لا يقل عن جيد والسن لا يزيد عن الاربعين وبنجح فى المقابلة الشخصية
ويجتاز الكشف الطبى
الأخت العزيزة ( pretty_memo55 ) توكلى على الله
وارسلى صور مستنداتك على العنوان المذكور فى الاعلان
ان شاء الله يكون لكى نصيب

[pretty_memo55]

متشكرة لحضرتك جدا ولكلام حضرتك
بس عاوزة اعرف احنا هانخضع لامتحان فى المادة بتاعتنا ولا لا
انا فى ناس بتقولى امتحان وحاجات كتير وناس بتقولى انه مقابلة شخصيه فقط

[حسام ابوزهره]

السلام عليكم
الى الأخت ( pretty_memo55 )
هناك امتحان أثناء المقابلة الشخصية
أسئلة خاصة بالتخصص ومطلوب الرد عليها أثناء المقابلة
والنتيجة فورية فى نهاية المقابلة مباشرة
اللجنة تقول فى نهاية المقابلة اذا كان لكى نصيب ان شاء الله
أكملى اجراءاتك مع المسئول فى الخارج
واعرفى ما هو المطلوب منك من مستندات وانتظرى اتصال تليفونى
بعد فترة يحدد لكى موعد الكشف الطبى وهكذا بعد كل اجراء يتم الاتصال
بكى لعمل الاجراء التالى فى عمل منظم جداً الى ان تصلى الى الكويت بسلامة الله ان شاء الله

[pretty_memo55]

متشكرة لحضرتك جدا
جزاك الله كل خير

[هانى كامل3]

المشاركة الأصلية كتبت بواسطة حسام ابوزهره

معلمين ومعلمات لغة فرنسية للعمل بدولة الكويت للعام الدراسى 2011/ 2012


بالتوفيق للجميع ان شاء الله

جهد مشكور وبارك الله فيك
من ان اتيت بهذه المرفقات

[هانى كامل3]

المشاركة الأصلية كتبت بواسطة حسام ابوزهره

ابعتوا على العنوان المذكور فى الاعلان

ان شاء الله يكون فيه فرصه كويسه لكل الزملاء

lما هى الشروط المطلوبه لوظيفه لغه عربيه التعليم الدينى اناث وذكور

[نورالحبيب]

السلام عليكم
ياجماعه بالله حد يفيدنا هل تخصص مدرس الالكترونيات غير مدرس الحاسب الالى لانى سالت واختلفت الاجابات
اميلى noor_elghalyعلى الياهوو
لوحد يقدر يفيدنى يرسلى رساله وجزاكم الله خيرا

[حسام ابوزهره]

تخصص الحاسب الآلى يحتاج يعمل معلم حاسب آلى ويكون من خريجى التخصصات
( علوم حاسب آلى - هندسة حاسب آلى - تربية نوعية حاسب آلى )

اما تخصص الالكترونيات فيعمل معلم دراسات عمليه ( كهرباء )
ويكون من خريجى كلية الهندسة الالكترونية

أتمنى أن أكون قد أوضحت الفرق بين الحاسب الآلى و الالكترونيات
مع أطيب تمنياتى للجميع بالتوفيق

[أم بسملة 2]

السلام عليكم

مشكور يا أخي على الجهد

بس أنا عاوزة أسأل هل أسئلة المقابلة الشخصية الخاصة بالتخصص بتكون من المناهج اللي بندرسها أم تكون من نوعية الأسئلة اللي بتيجي في اختبار الكادر؟؟؟؟؟؟؟؟؟؟

كمان المرتب المذكور 370 دينار يكفوا أسرة 3 أفراد هناك معيشة و سكن لحين حصول الزوج على عمل؟

[حسام ابوزهره]

السلام عليكم
الأسئلة من المناهج التى تدرس فى مصر
أسئله عادية جداً فى كل تخصص واكيد كلنا يستطيع الاجابة عنها
ولكن لها تقييم آخر على مثلاً طريقة الاجابة وزمن الاجابة

الأستاذة / أم بسملة 2
مشكلة ونحن مدرسين لنا خبرة كبيرة فى التربية والتعليم ان نخاف او نقلق
من امتحان عادى جدا يجب ان تكونى على ثقة كامله بنفسك أثناء الاجابة على الأسئلة
امتحان ومقابلة فى منتهى البساطه وان شاء الله يكون نصيب لكل المتقدمين

المرتب كافى جداً والحمد لله للعيش معيشه محترمة لأسرتك بس لما الزوج يلاقى عمل أكيد الوضع حيكون أفضل
بالتوفيق للجميع ان شاء الله

[عبداللهه]

السلام عليكم
الاخ الاستاذ حسام ابو زهره
اريد ان اعرف كليه التجاره ينفع اقدم بيها مدرس حاسب ولا لاء
ولو ينفع ايه اخبار المقابله . ارجوا توضيح وشرح كافى عن المقابله وعل هناك واسطه ولا لاء
واخر التقديم امتى
و شكرا

[حسام ابوزهره]

السلام عليكم
الأخ الفاضل الأستاذ / عبداللهه
توكل على الله وقدم اوراقك
أعرف ناس بكالوريوس تجاره بس قدموا اوراقهم من الداخل ( الاعلان الداخلى داخل الكويت )
ابعت اوراقك على العنوان المذكور فى الاعلان يمكن يكون لك نصيب ان شاء الله
وبعدين انت مش خسران حاجه دى صور اوراقك ولو معاك شهادة icdl تعزز بكالوريوس التجارة ان شاء الله

[هانى كامل3]

lما هى الشروط المطلوبه لوظيفه لغه عربيه التعليم الدينى اناث وذكور

[هانى كامل3]

تقدم الطلبات على العنوان التالى


العنون دوله الكويت وزاره التربيه اداره الموارد البشريه مراقبه الاختبار ص.ب (7) الصفاة _ الرمز البريدى
(13001)
اخر موعد لتقديم الطلبات 31/1/2011

[عبداللهه]

الاخ الاستاذ حسام ابو زهره
انا عارف ان التقديم من داخل الكويت
عاوز اعرف من حضرتك اخر ميعاد للتقديم من داخل الكويت
وعاوز اعرف انه فى واسطه فى التقديم ولا المقابله ولا لاء بصفتك مدرس هناك ومن خلال خبرتك اربع سنوات
ارجوا الرد مع التوضيح
وشكرا