ما هي افضل كلية علمية من حيث الشغل ؟؟؟؟؟

[د/نداء الجنة المصرية]

لو على الشغل اعتقد يكون طب اسنان

[دكتور كريم الزعيقي]

كان الله فى عون البياطرة

[himo2011]

بصوا يا جماعة انا علوم بس عايز اقول ان كانت رغبتى صيدلة عشان بحب الادوية ولما دخلت علوم اكتشفت انى ممكن اشتغل بردة فى الادوية وزيادة عليها التحاليل كمان والمصانع فى الجودة
يعنى صيدلة كدة بالسلامة بس هيا احسن كلية للبنات عشان ميتعبوش وعلوم بردة بالسلامة عشان ملهاش مستقبل فى مصر وعمر ما شعبنا دة يقدر يفهم يعنى اية علوم
يتبقى الطب البشرى اقولة بالسلامة انتة كمان عشان انتة بتقعد تبهدل فى نفسك طول السنين دى كلها دراسة وفى الاخر تروح تشتغل فى مستشفى او تفتح عيادة هتقعدلى فيها 10سنين كمان على اما تبقى مشهور لية حرام عليك وممكن كمان متبقاش مشور لان الرزق على الله
نيجى للطب البيطرى هيا مهمة جدا الشغل بتاع البيطرى بس عايز اقولة حاجة بردة انتة فى مجتمع جاهل من الاخر بيقولوا دكتور بهايم من جهلهم ومش هتقدر تغير الثقافة دة شعبك اللى انتة اتربيت فية حللنى وكمان فى ناس كتير بتسيب الشغل فى البيطرى وتشتغل شغل تانى من ياسهم والله الناس دى كانت قدامى كتير
نيجى بقة للعلاج الطبيعى والاسنان فدول بقة هما اللى انا شايفهم احسن اتنين عشان فلوس كويسة ودراسة قليلة وشغل عالى ومكانة اجتماعية هايلة ومن نظرى انهم الافضل حالييييييييييياااااااااا

بس اعرف ان انتة فى مجالك احسن من اى حد وميهمكش حد انا بيولو جست وانشاء هنمى نفسى بس مش فى مصر فى بلد تقدر قيمة العلم وانتة المفروض تقتنع بكليتك وغلط انك تعاير حد تظن انة اقل منك ممكن يكون هوا احسن منك بس النصيب اللى ربنا بيدية لعبادة

[the matrex]

دبلومه التحاليل بيطري بس اللي يعملها يعني أسنان لا ؟
ثانيا , في طلبه كتير تعتقد أن صيدله هي الأكثر ربح بس أحب اقولهم ان عشان تفتح صيدليه محترمه أنت محتاج مش أقل من مليون , مليون ونص

[*تائبة فى رحاب الله*]

طب بشرى
او كلية غير دى علووووووم

[dr/sherief]

كل ميسر لما خلقه الله له

[القصاصين]

بصراحة ياجماعة انا نفسي ادخل اي كلية طب نفسي اخد اللقب الا البطري لاني عندي عقدة منه لاني بخاف من الحيوانات بس برجع واقول لنفسي اه طب برضه مش كده:

[la docteur.]

طب بيطــــــــــــــــــــــــــــــــــري له مجالات كتيييييييييييييييييييير جدا في الشغل

[dr. ahmed khalil]

السلام عليكم ,,,,,,اولا انا صيدلة و بقول اوي حد يخشها يا جدعان بقانا عاملين زي خريج التجارة و اقصد في العدد مش بقلل من التجارة لحسن حد يفهمني غلط و معلش محدش يزعل اصل انا مش لسا داخلها فهشكر فيها لا انا شوفت شغلها عامل ازاي ,,,مندوب مبيعات في شركة ادوية ,,,لو عايز الصيدلة يبقي ليها مستقبل يبقي تفتح صيدلية و تكبر بقي ,,,بس هات مليون جنيه و افتحها انت ,,,عشان انا عارف كل الطلبة بقي اللي لسة داخلاها بيشكر فيها و يقولك و افتح صيدلية و اكبر و بتاع ,,,طب افتح الصيدلية بقي و وحيات ابوك لاتجبني اشتغل معاك بس بلاش ال900 في شهر اللي بنسمعها من كل الناس دي داحنا بنتعذب و في الاخر يقولك 900 و انا شايف ((((((علاج طبيعييييييييي))))) و ((((((اسنانننن)))) هما دول احسن كليتين في المجال الطبي .,,,وبذات للعلاج الطبيعي لانوا مش معروف و كمان عددوا قلييل جدا فا بيشتغلوااا بسرعة جداا,, يالا بيسافروا بسهولة لانهم مطلوبيييين. thank's

[babagamil]

انا هقول الحقيقه
1-طب بشرى عدد الدكاتره فى مصر كتييير جدا جدا ومن الاخر الناس بتروح لدكتور كبير ومعروف وليه بصمه وعلى ماتوصل زيه قدامك من 15 - 20 سنه واسال اى دكتور اضافه الى الارهاق فى الدراسه وقلة الدخل الا اذا اصبحت طبيب مشهور
2-طب بيطرى مجالاته حلوه لكن نظره المجتمع انه دكتور حمير مش اكتر كمان الدكاتره البيطريين بيشتغلوا متطفلين فى شركات الادويه هما وبتوع علوم
3-نيجى علوم اعتبرها ليست كليه قمه الا للمبدع فقط زى زويل مثلا غير كده نصهم قاعد على القهاوى والنص التانى بيشتغل عند دكتور صيدلى
4-نيجى صيدلة طبعااا انا قريت كلام انك محتاج تفتح صيدلية بمليون ومش عارف كلام غريب جدا وده كله هجص فى هجص ممكن تاجر صيدليه وتجيب الادويه قسط والحكايه كلها يوم ماتزيد بتجيب 50 الف واعرف دكاتره عاملين كده والموضوع بيتعب بس سنه او سنتين وفى الاخر ربنا بيرزقك بالاضافه لشغلك فى شكره وشغل مندوب مبيعات بيكسب جامد جدا جدا بس طبعا معظم الدكاتره مش بيحيوها علشان البرستيج..الدكتور الصيدلى ممكن يفتح مصنع كحوليات وده تكلفة المشروع 50 الف بس ومكسبه اكتر من 100%
بالاضافه انت عارف ان دور الصيدلى الاساسى انه يكتب العلاج للمريض يعنى الطبيب معلهوش الا انه يشخص الحاله فقط هتقولى الكلام ده مش هنا هقلك الوزير الجديد قال خلال سنتين بالظبط هيكون مستشفيات مصر كلها شغاله بالنظام ده وبالفعل ده ابتدى بدليل فى اكتر من 10 مستشفيات اشتغلت كده

انا مش بمدح فى صيدله بس بقول وجهة نظرى المتواضعه فقط

[كيميائي طبي2011]

المشاركة الأصلية كتبت بواسطة babagamil

انا هقول الحقيقه
1-طب بشرى عدد الدكاتره فى مصر كتييير جدا جدا ومن الاخر الناس بتروح لدكتور كبير ومعروف وليه بصمه وعلى ماتوصل زيه قدامك من 15 - 20 سنه واسال اى دكتور اضافه الى الارهاق فى الدراسه وقلة الدخل الا اذا اصبحت طبيب مشهور
2-طب بيطرى مجالاته حلوه لكن نظره المجتمع انه دكتور حمير مش اكتر كمان الدكاتره البيطريين بيشتغلوا متطفلين فى شركات الادويه هما وبتوع علوم
3-نيجى علوم اعتبرها ليست كليه قمه الا للمبدع فقط زى زويل مثلا غير كده نصهم قاعد على القهاوى والنص التانى بيشتغل عند دكتور صيدلى
4-نيجى صيدلة طبعااا انا قريت كلام انك محتاج تفتح صيدلية بمليون ومش عارف كلام غريب جدا وده كله هجص فى هجص ممكن تاجر صيدليه وتجيب الادويه قسط والحكايه كلها يوم ماتزيد بتجيب 50 الف واعرف دكاتره عاملين كده والموضوع بيتعب بس سنه او سنتين وفى الاخر ربنا بيرزقك بالاضافه لشغلك فى شكره وشغل مندوب مبيعات بيكسب جامد جدا جدا بس طبعا معظم الدكاتره مش بيحيوها علشان البرستيج..الدكتور الصيدلى ممكن يفتح مصنع كحوليات وده تكلفة المشروع 50 الف بس ومكسبه اكتر من 100%
بالاضافه انت عارف ان دور الصيدلى الاساسى انه يكتب العلاج للمريض يعنى الطبيب معلهوش الا انه يشخص الحاله فقط هتقولى الكلام ده مش هنا هقلك الوزير الجديد قال خلال سنتين بالظبط هيكون مستشفيات مصر كلها شغاله بالنظام ده وبالفعل ده ابتدى بدليل فى اكتر من 10 مستشفيات اشتغلت كده

انا مش بمدح فى صيدله بس بقول وجهة نظرى المتواضعه فقط

لي تعليق بس عليك خريج علوم مش متطفل ع شركات الادويه لان ده شغله وممكن خريج علوم يتخصص في مجال الدواء وتصنيع وابحاث الادويه
تاني نقطه علوم ليها مجالات كتيره ومن ضمنها الادويه ومجال تصنيع الدواء مفتوح لخريجي علوم وصيدله وبيتم تفضيل خريجي علوم واسال بنفسك شركات الادويه هتتاكد من الكلام ده
تالت نقطه الصيدلي ليس من حقه يكتب دواء نهائيا ولكن بيصرف الدواء للي الطبيب كاتبه ومن حقه يصرف بردو ادويه الاو تي سي

[babagamil]

لا طبعا يادكتور احمد الضيدلى هو اللى من حقه يكتب الدواء بناء على تشخيص الدكتور للمريض وده يسمى صيدلى اكلينيكى وده مطبق فى مستشفيات كتير فى مصر وحضرتك ده دور الصيدلى الاساسى

[كيميائي طبي2011]

المشاركة الأصلية كتبت بواسطة babagamil

لا طبعا يادكتور احمد الضيدلى هو اللى من حقه يكتب الدواء بناء على تشخيص الدكتور للمريض وده يسمى صيدلى اكلينيكى وده مطبق فى مستشفيات كتير فى مصر وحضرتك ده دور الصيدلى الاساسى

الصيدلي الاكلنيكي فقط للي يقدر يعمل كده اما الصيدلي العادي فده للي اقصده

[eslam mohsen ali]

السلام عليكم
والله يجدعنا انا ان شاء الله داخل تجارة برغم ان مجموعى يجيب اعلى الكليات ولكن انا حابب مجال التجارة فقط وليس اى مجال تانى

[دكتورة/نورهان]

انا بقى شايفة العلاج الطبيعى طبعا دكتورة وبريستيج زى البشرى بلظبط بتشتغلى من سنة تانية شهادتك معادلة للشهادة الامريكية التالت على العالم الدى بى تى هتطبق الى هى الدكتوراة الاكلينيكية وترجمتها doctor of physical thearby ودى هتتديك الحق فى كتاابة الادوية يعنى مش متحدد بقايمة زى دلوقتى تطلب اشعات وتحاليل عادى هو بيحصل بس دة قانونى الحالة كمان تجيلك مباشرة بدون تحويل ودة بيحصل بس كدة قانونى اكتر بتخلص ةعقود السفر بدور عليك مش انت من الاخر طب المستقبل