بنات اليومين دول .... للشباب بس والبنات برده

[يوسف الشوري]

الغيرة من الصفات اللي بحترمها في الرجالة لانها لازم تكون موجودة بس اللي هتكلم عليه هو إنعدامها في بعض الحالات في مجتمعنا
يعني مثلا الرجالة العسل اللي عايزين يعيشوا في النظام الامريكان ويخلوا اخواتهم او بناتهم او احيانا زوجاتهم يعرفوا رجالة ويسموها صداقة!!

برده قله قليله من الرجاله هما اللي كدا وكويس انك أعترفتي إن دا شئ كويس مننا

[يوسف الشوري]

طبعاً يعني محدش يقولي مفيش راجل عنيد
لاااااااااااااا دول بيستخدموا العند المقنع
يعني يقنعك انه هو مستسلم لرأيك وبرضه يمشي كلامه في الآخر

طبعا مش الراجل

[يوسف الشوري]

طبعاً يعني هي البراءة دي اشك فيها
اما الهدوء والاستقامة المصطنعة فدي وسيلة معظم الشباب الروش علشان يستدرجوا البنات
انهم يظهروا ليهم انهم قمة الاحترام والتقوى

أنا بشوف كدا برده
شكرا علي ردك

[يوسف الشوري]

المشاركة الأصلية كتبت بواسطة titanic1912

موضوع جميل جدا بس هو 90فى 100 كدة من البنات بس بردة فى نسبة عاقلة شوية

شكرا علي مشاركتك يا تيتانيك

[هانى الشرقاوى]

هههههههههههه
فعلا هى دى الحقيقة
عرفت بنات كتير وقليل بس ما عرفتش واحدة كده تكون عفوية وتتصرف بتلقائية

وأكتر حاجة كانت مضايقنى هى (النكد ) وتيجى بقا تتكلم معاها يا بنتى احرمينى حرام عليكى مش ناقص تقولك أصلى أنا رومانسية زيادة عن اللزوم
رومانسية ايه ..........تصدق دول بعزوا النكد زى عينهم

بصراحة (أسف لو كلامى ضايق حد )
عمرى ما عرفت بنت وطلعت عاقلة أو على الاقل بتفكر بعقلها قبل أو عواطفها أقل كلمة كانت بتوديها وتجيبها ويا سلام بقا لو قلتلها كلمة حلوة
وأول ما تقولك يا سلام اعرف انها متكفية أوى
بس بصراحة برده كلهم كانوا دحيحة

[..حدوتة..]

المشاركة الأصلية كتبت بواسطة يوسف الشوري

قصدي في بنات اليومين دول البنات الهاي كوووول طبعا لسه في بنات مش كده خالص وبيفكروني بجد بأي شئ جميل وطيب أه من بنات اليومين دول

قبل اى ضرب ( انا مش بتكلم على كل البنات طبعا )..انا بعبر عن وجهة نظر الشباب الى صعبان عليا وهقول شوية صفات كده ع الماشى

نبتدى فى اول صفة

1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)على فكرة بقى مش كل البنات بتحب النكد
دى معلومة ليك على فكرة

2- الميول العدوانية

عمرك شفت بنت بتتفرج على مصرعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعا** متقعش فى ايد وحدة منهم)ايه يعنى هما حرمو الفرجة ع المصارعة دلوقتى ع البنات
ع العموم دى ثقافة عامة بتنفع فى وقت زنقة

3- الاسراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جديدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول على اساس ان الفطار فول دلوقتى هيبقى ببلاش
انت مابتفطرش بره من زمان ولا ايه
انا بقول فطار بس
بلاش الغدا

4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)
على فكرة انا من البنات اللى مابتسيبش بنت ماشبة فى الشارع الا اما تجيبها من فوقها لتحتها
بس ده والله بيبقى بغرض التريقة
مش (اعوذ بالله)الغيرة
غيرة ايه ياعم
صباح الفل

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )
انا لو حد قالى اقفلى
هقفل السكة على طولى من غير سلام ولا كلام

(فى وشه يعنى)
اصل انا حاجة زى دى ممكن تزعلنى
وانا زعلى وحش

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها
مين ده
انت شكلك بتتكلم عن كائنات تانية
او احنا اللى مش بنات
الله اعلم

مش عاوز اي ضرب من اي حد
هختفي شويه بقي وأرجع اشوف ايه حصل :abdoog8:

ايه ياعم
دا انت شكلك ماتعاملتش مع بنات خالص

[يوسف الشوري]

المشاركة الأصلية كتبت بواسطة dr.heba

ايه ياعم
دا انت شكلك ماتعاملتش مع بنات خالص

لا إتعاملت طبعا بس مع بنات يعرفوني وأعرفهم من بلدي يعني بس في الجامعه حاولت أتعرف ع بنت بس بصراحه لقيتني ضارب لخمه خالص ومش عارف أقول ايه الموضوع مختلف في الجامعه تماما دا أنا كنت بأحسب نفسي جرئ زي أيام الثانويه وأصحابي ضحكوا عليا وكانوا 3 أصحاب زي اللي في الصوره

[حسام العتيق]

كنت هقولة واللة الموضوع دة
خدتة من على طرف لسانى
وشكراااااااااااااااااااااااااااا
انا رخم يلةةةةةةةةةةةةة

[يوسف الشوري]

المشاركة الأصلية كتبت بواسطة حسام العتيق

كنت هقولة واللة الموضوع دة
خدتة من على طرف لسانى
وشكراااااااااااااااااااااااااااا
انا رخم يلةةةةةةةةةةةةة

إيه دا اللي أنا شايفه شكرا ياحسام

[aldemerdasch]

بص يا يوسف انا هرفع صوره لك على المنتدى علشان كل الناس تعرفك بما اننا اصدقاء وأنا خايف عليك علشان البنات
الى انت بتكلم فى حقهم بالغلط لما يقابلوك فى الشارع يظبطوك

[aldemerdasch]

بص يا يوسف انت لو ربنا كرمك يا رب كدا ووقعت مع واحده حلوه وزى القمر وفيها كل المواصفات الى انت عاوزه وانا عارفها طبعا
هتعرف ان 99% من البنات مش كدا الى انت وصفتهم دول مش بنات دول غفر بقى يا ابنى مع احترامى الشديد للبنات وانا مبخفش لأن انا قلت انهم 1% فقط

[aldemerdasch]

والله برافو عليكى يا بسكوته عرفتى تردى على يوسف

[ميراج]

المشاركة الأصلية كتبت بواسطة mostafa1991

هههه موضوع جامد اوى معظم البنات كدة على فكرة
شكرا يا معلم على الموضوع

حرااااام عليك يا مصطفى مش كل البنات كده خالص لما كل البنات كده يبقى الولاد هما الملايكه صح

[ميراج]

يوسف بجد فكرتك عن البنات وحشه اوى محسسنى ان البنات دول شياطين اشمعنا العتاب دايمن يبقى على البنت

[داليا عساف]

والله حرام عليك والله ما هو كل البنات هيك
على العموم شكرا
بارك الله فيكي
جزاك الله كل خير