اى استفسار عن التحويل للمعاهد الخاصة الهندسية جاهز للرد

[samirrashed]

مظنش ان فية معهد بيقبل من 71 وبعدين نقابة المهندسين قالت انها مش هتسجل اى عضو حاصل على اقل من 84 فى المية

[hamada100%]

السلام عليكم انا جالي معهد السلام ولكن انا عايز احول لمعهد طيبة وانا عملت التحويل علي النت ومش عارف نتيجة التحويل امتي ومش عارف اعمل اية عشان ادخل معهد طيبة ما هو المطلوب مني مع العلم انا جايب 88.41

[samirrashed]

استنى نتيجة التحويل وان شاء اللى هتجيللك لانك جايب اكتر من مجموع طيبة ولو لقدر اللة ماجتشى تروح معهد طيبة وتحول عادى من هناك تحويل ورقى

[mody21000]

انا في اعدادي هندسه العبور وعايز احول معهد العاشر ادخل كهرباء وعندي كام سؤال
اولا : بالنسبه للدراسه في المعهد انها لها يونتات محدده زي مابيقولو 110 يونت تقريبا كل سنه بيبقي ليك عدد يونتات معينعلي حسب تقديرك
يعني لو جبت امتياز السنه دي تاخد السنه اللي بعدها 20 يونت
جبت جيد جدا تاحد 18
جبت جيد تاخد 15
جبت مقبول تاخد 12
هل الكلام ده صحيح فده معناه ان اللي جايب جيد هتحرج في 6 سنين علي الاقل ومقبول عيزله 7 سنين الكلام ده صحيح ولا غلط ارجو الافاده السريعه من فضلكم ولكم جزيل الشكر
و ياريت حد يشرح نظام التسجيل و نظام الدراسه كلها و شكرا جزيلا

[samirrashed]

مش عارف بصراحة لان العاشر نظام الساعات مختلف عن المعاهد التانية

[kamatesho]

انا جالى معهد الاهرامات و انا عاوز احول العاشر روحت قالولى لازم تحول الاول من على النت و لسة النتيجة مظهرتش انا جايب 92.3 و خايف الاماكن تخلص اعمل ايه ؟؟؟

[samirrashed]

هتستنى نتيجة التحويل لو رفض هتروح تحول من معهد العاشر تحويل ورقى متقلقشى

[! SpY MaN !]

طيب يا غالى هو صاحبى جايب فى الثانوية تقريبا 86 او 84% بس التقدير بتاعوا مش قد كدة حوالى 1.97
هو كان فى معهد عالى هندسة المنيا و هيحول لمدينة الثقافة و العلوم فى اكتوبر
ارجوا الرد

[samirrashed]

بص اهم حاجة ميكنشى شايل مادة علشان يعرف يحول وهيحول عادى خالص بعد كدا

[ANA ELMAGIC]

طيب انا فى المعهد العالى دمياط وعايز احول جامعة الفاروس فهل ينفع
انا كنت جايب 89

[samirrashed]

يا باشا انت تحول عادى خالص روح جامعة فاروس وقدم هناك لان هيا مفيهاش تحويل الانها مش تابعة للتنسيق بس الحق قدم بسرعة الان العدد زمانة انتهى

[12mody]

يا جماعة أنا جبت 73.5% وي أدمت في الجامعة الحديثة mti هندسة بس أنا قلقان منها وهيا خارج التنسيق فهل ينفع اخد فيه اعدادي و بعدين أحول لاكاديمية الشروق او القاهرة الجديدة ؟؟! وهل هيجلي معهد هندسي في المرحلة الثالثة ولا لا ارجو المساعدة ولو حد يعرف عن mti يساعدني و شكراا

[samirrashed]

متقلقشى ولا حاجة ديت جامعة خاصة علشان كدة مش تبع التنسيق لكنها مسجلة فى نقابة المهندسين ومعترف بيها عادى يعنى

[ELSIS]

لو سمحت انا كان جالي حاسبات فيوتشر وعملت تحويل لنيو كايرو هندسة من النت وبردو جالي حاسبات ينفع احول اي كلية تانية ولا هيكون ف مشكلة مع العلم انا مجموعي اعلي من الكليتين
وشكرررررررررررررررررررررا

[حد السيف]

هوه ينفع تحويل من هتدسة العاشر فرع 6 اكتوبر الى فرع العاشر بمدينة العاشر

ممكن حد يفيدنى