منح الجامعة الامريكية و الالمانية

[ypkill]

***** بالنسبة للGUC ******

مصاريف الجامعة ممكن تبقى حاجة من 3 ..
1) لو جايب فوق ال90% هتبقى تبع "Category A" و هتدفع 21,000 في الترم
2)لو مجموعك ما بين 80-89% هتبقى تبع "Category B" وهتدفع 25,000 في الترم
3) لو اقل من 80% هتبقى "Category C" وهتدفع 30,000 في الترم
والكلام ده مكتوب هنا : http://guc.edu.eg/Admission/en/UnderGrad/fees.aspx

بالنسبة للمنح:

- لو إنت من أول 10 على الجمهورية هيدولك منحة كاملة ومش هتدفع حاجة
- لو مجموعك عالي جدا بس مش من اوائل الجمهورية هايدوك خصم 36.78% أو 23.37% من "Category A" ونسبة الخصم دي بتبقى حسب مجموعك ومتوسط المجاميع بتاعت الناس اللي مقدمة .. الكلام ده مكتوب هنا :http://guc.edu.eg/Admission/en/Under...olarships.aspx.
-بالنسبة للمنح الخاصة بالرياضة معنديش فكرة عنها للأسف


******بالنسبة لل AUC ********

مصاريف الجامعة بتبقى على حسب عدد الساعات اللي بتتاخد (Credit Hours), و كل مادة بتبقى غالبا عبارة عن 3 ساعات, وإنت لازم اقل حاجة تاخدها في الترم الواحد 5 مواد (لو هندسة يفترض إنك تاخد 6 مواد عشان تخلص ف 5 سنين ) , يعني تاخد 15 ساعة من الآخر ولو هندسة تاخد 18 ساعة في الترم..

بالنسبة للمصاريف بقى: ال 15 ساعة (الترم يعني) بتبقى بـ 54,147 و ال 18 ساعة بـ 66,045
والكلام ده مكتوب هنا في Undergraduate - Egyptian - 2nd Level http://www.aucegypt.edu/students/fin...eesfor1112.pdf


بالنسبة للمنح:

- لو إنت أول أو أول مكرر على الجمهورية هتاخد منحة كاملة ومش هتدفع حاجة
-لو إنت جايب مجموع عالي جدا و طلعت من أحسن 25% من اللي مقدمين في الجامعة(على أيامي ف 2009 كان من فوق 97%) هتاخد تخفيض 30% على مصاريف وهتدفع اللي تحت 1st Level(اللي في ال لينك اللي فوق) .. يعني الترم هيقف عليك بـ 38,000
-في حاجة اسمها "Financial Aid" دي بتبقى عبارة عن ورقة بتملاها وبتوضح فيها حالتك المادية للجامعة وممكن يدوك خصم على حسب حالتك:
http://www.aucegypt.edu/STUDENTS/FIN...s/default.aspx
- في منحة اسمها "LEAD" .. المنحة دي بتبقى منحة كاملة 100% وبتبقى لولد وبنت من كل محافظة , وشروطها بتبقى إنك تبقى فمدرسة تجربية وليك نشاطات اجتماعية معينة .. وفي برده منح تخص الرياضة لو واخد بطولة أو كده .. المنحتن دول أنا معنديش فكرة قوي عنهم للأسف, فـاتصلوا بالجامعة عشان تعرفه معلومات أكتر عنهم عشان حتى السايت مش موضحهم قوي.

[نو نيم]

هى كام مصاريف الجامعة الالمانية و الامريكية؟؟؟ وايهما افضل؟؟؟

[best love]

cooooooooooooooool

[goggog]

السلام عليكم............إخواني.

ممكن سؤال بخصوص القبول في الجامعه الالمانيه لو انا نزلت في مجموع الثانويه عن ال90في المئه بيكون الوضع ايه من حيث نسبه قبولي في الجامعه و في لغه أجنبيه كويسه.
وكمان المصاريف بتكون كام. وشكرا لكم.

[youssefterpy]

المشاركة الأصلية كتبت بواسطة ypkill

***** بالنسبة للguc ******

مصاريف الجامعة ممكن تبقى حاجة من 3 ..
1) لو جايب فوق ال90% هتبقى تبع "category a" و هتدفع 21,000 في الترم
2)لو مجموعك ما بين 80-89% هتبقى تبع "category b" وهتدفع 25,000 في الترم
3) لو اقل من 80% هتبقى "category c" وهتدفع 30,000 في الترم

ايه ده ازاي حضرتك guc بتقبل من اقل من 80% هل حضرتك متأكد من ده ؟

[ypkill]

المشاركة الأصلية كتبت بواسطة youssefterpy

ايه ده ازاي حضرتك guc بتقبل من اقل من 80% هل حضرتك متأكد من ده ؟

أيوه طبعا متأكد 100%, أعرف حد جايب 75% ودخل بس بيتدفع "category C". أنا متهيألي اللي مش بيقبلو اللي بيبقى جايب اقل من 70% أو 65%.

[عاشقة الافنان]

السلام عليكم
يا جماعة هو المجاميع اللي انتوا كاتبين عنها دة بالنسبة للي داخل ثانوية امريكية ( سات ) ولا ثانوية مصرية ؟
والمبالغ دي بالجنيه المصري ولا بالدولار الامريكي