هــــــــــام جـدا لكل اللى عاوز يدخل اعلام

[Bent el pope]

ممكن لو سمحت اعرف تفاصيل كليه الاعلام وسياسه واقتصاد وايهما افضل بس طبعا بعيد عن ان حضرتك فى كليه اعلام ومهنتهم ايه بعد الخروج من الكليه ومن الاخر كده انا كنت داخله علمى وكنت ناويه لى هندسه لكن بعد النظام الجديده ده وسنه واحده فاانا مش ضامنه الكليه على كده فانا علشان كده قولت احول ادبى من الاول ممكن اعرف اول حاجه تفكيرى صح والا غلط ده طبعا بعيد عن الموضوع خالص
فانا علشان كده انا قلت لو دخلت ادبى يا ما سياسه واقتصاد او اعلام علشان سمعت انهم اعلى كليتين فى الادبى فانا عايزه اعرف عنهم كل حاجه وهما بيقبلو من كام فى الميه

سورى للاطاله

[Bent el pope]

ايه فين الرد ايها لاخوه الاعزاء

[askar elnegm]

بصى هو التحويل من علمى لادبى يتوقف على انك هتمشى فى الادبى ولا لا بس هو فعلا الادبى بقى احسن بالنسبة لتنسيق العلمى اللى بقى فى السما دة .. بصى انا معرفش حاجات كتير عن سياسة واقتصاد بس اعرف ان فرصتها فى الشغل اضعف من اعلام وبتحتاج واسطة كبيرة خصوصا شعبة العلوم السياسية عن شعبة الاقتصاد والاحصاء وكمان الدراسة بتاعتها صعبة لكن اعلام الدراسة فيها سهله جدا والتقديرات حلوة اوى وليها فرصة فى الشغل فى قسم الصحافة والعلاقات العامة والاعلان لكن قسم الاذاعة ممكن بيحتاج لواسطة شوية .. والمهم انك تكونى حابة المجال دة .. والكلية واخدة السنة دى من 95,2 % للادبى و 97 علمى .. وسياسة واقتصاد بتبقى اعلى منها ب 1 %

[Nehal Samir Faraj]

مممم حضرتك مردتش عليا ..؟؟

[Ahmed Shedid]

لو سمحت انا سألت فى اعلام انجلش
قالولى هيبقا فيه امتحان بعد العيد علشان هما عايزين عدد معين بس
الكلام ده صحيح و لا لأ و ارجوكوه محدش يعرف نظام الأمتحان ده ايه ؟
شكرا جزيلا

[askar elnegm]

اه باذن الله هيبقى فى امتحان واول مانعرف ميعاده بالظبط هنقولكوا .. احنا مانعرفش عنه حاجة لانه لسة نظام جديد بس بان الله هيبقى سهل المهم تكون جايب 47 فى الانجلش

[Bent el pope]

اولا : ميرسى خالص لردك
ثانيا: بالنسبه لكليه الالسن
ممكن اعرف ايه هى كليه الالسن دى بالظبط انا بسمع عنها وبسمع انى اخد مواد بس انا مش عارفه ايه هى برضو ارجو الرد عليا ياريت تقولولى كل حاجه عنها بالتفصيل ممكن لو سمحتوا اللى يعرف ضرورى
*****************
ياريت حد يقولى كل حاجه عن المستوى الرفيع للادبى بس ياريت على النظام الجديد

[Bent el pope]

لو سمحت فين الرد

[askar elnegm]

المشاركة الأصلية كتبت بواسطة بنت البابا شنوده

اولا : ميرسى خالص لردك
ثانيا: بالنسبه لكليه الالسن
ممكن اعرف ايه هى كليه الالسن دى بالظبط انا بسمع عنها وبسمع انى اخد مواد بس انا مش عارفه ايه هى برضو ارجو الرد عليا ياريت تقولولى كل حاجه عنها بالتفصيل ممكن لو سمحتوا اللى يعرف ضرورى
*****************
ياريت حد يقولى كل حاجه عن المستوى الرفيع للادبى بس ياريت على النظام الجديد

بصى انا معرفش عن كلية الالسن كتير غير انك بتدرسى جواها اللغات وبيبقوا 3 لغات اللغة العرية اساسية وبتختارى لغتين لغة اولى ودى بتدرسيها بتعمق وبتعتمد يااما على مجموعك فى الانجليزوى فى ثانوى او فى اللغة التانية .. وبتدرسى لغة تانية برضو بتختاريها بس مش بتدرسيها بتعمق اوى وفى كل لغة بتدرسى الادب والشعر بتاعها وخريجها بيشتغل فى مجال السياحة او التدريس او الترجمة .. بس دة كل اللى اعرفه عنها واسف عالتاخير فى الرد

[Abeer Ezzat]

فعلا انا استفدت كتير من كل المعلومات دى عن الكلية ويارب تكون الكلية الدراسة فيها لذيذة فعلا لان الواحد تعب بجد السنين اللى فاتت

[Abeer Ezzat]

لو سمحت انا كنت عاوزة اعرف ايه المواد اللى بندرسها فى اعلام انجليزى وايه الفرق بينها وبين اعلام عربى

[askar elnegm]

المشاركة الأصلية كتبت بواسطة abeer ezzat

فعلا انا استفدت كتير من كل المعلومات دى عن الكلية ويارب تكون الكلية الدراسة فيها لذيذة فعلا لان الواحد تعب بجد السنين اللى فاتت

باذن الله وماتقلقيش الكلية سهله جدا جدا وهتعوض تعب السنين اللى فاتت

[askar elnegm]

المشاركة الأصلية كتبت بواسطة abeer ezzat

لو سمحت انا كنت عاوزة اعرف ايه المواد اللى بندرسها فى اعلام انجليزى وايه الفرق بينها وبين اعلام عربى

فى سنة اولى بيبقى يعتبر معظم المواد هى هى زى الاذاعة والصحافة والاعلان والعلاقات العامة والعربى والانجلش بس الفرقى ان الدراسة بالانجلش لكن بعد كدة مااعرفش ايه المواد سواء فى عربى او انجلش

[فداء عمارة]

بالنسبة للمغتربيييين انا جايبة 95.7 من السعووودية هل ممكن يكون ليا القبول في الاعلام؟؟
لسة تنسيقنا مش باااااااان

[محمد المصرى 96]

بالنسبة لكلية اعلام الازهر ممكن حد يدخل يرد على بعض استفساراتى عليها بالنسبة للمجموع والاقسام وكده يعنى