قطوف لغوية من منهج الصف الثالث الثانوى

[احلام جميلة]

المشاركة الأصلية كتبت بواسطة رفيقة الامل

طيب ف درس قيم انسانية
كانت ف جملة الخواص الذهنية ف اختر جايب خاص وخاصة
اختار ايه
كان امتحان ثانوية قديم

مفرد خواص : خاص وخاصة

ولو جاء الاثنان
فالادق خاصة

[رفيقة الامل]

المشاركة الأصلية كتبت بواسطة احلام جميلة

مفرد خواص : خاص وخاصة

ولو جاء الاثنان
فالادق خاصة

يعنى عشان
الذهنية نعت ليها فنختار خاصة مؤنث

[احلام جميلة]

المشاركة الأصلية كتبت بواسطة رفيقة الامل

يعنى عشان
الذهنية نعت ليها فنختار خاصة مؤنث

برافو عليكى تمام كده ابنتى الكريمة

[احلام جميلة]

مسلمات نحوية + إعراب شواذ القواعد النحوية

1-عند توالى معرفتين فالثانية نعت مثل :الطالب الناجح متفوق
2-عند توالى نكرتين تعرب الثانية نعتامثل :طالب مجتهدفى العلم 0 إلاإذاكانت النكرة بعد النكرة للتخصيص مثل:طالب علم مجتهد0فعلم هنا تعرب مضافا إليه0
3-الاسم المعرفة بعد اسم الإشارة يعرب بدلا مطابقا مثل :هذا الرجل محترم 0 أولئك الرجال محترمون ولكن إذا سبق اسم الإشارة أداة نداء فيعرب ما بعده نعتاً
4-اسم الإشارة أو الإسم الموصول بعد معرفةيعرب نعتا مثل0 الرجل هذا ذكى-البنت التى أعرفها محترمة0
5-الضمير المتصل بعد اسم يعرب ضمير فصل أو مبتدأثان مثل :محمد هو المجتهد0
6- الضمير لايعرب صفة أبداًولايكون موصوفاً0
7-الاسم الواقع بعد أيها أوأيتها يعرب نعت مرفوع مثل أنت –أيها الرجلُ_محمود الخلق0أماإذاسبقت أيها أو أيتها بأداة نداء فالاسم بعدهابدل مطابق أونعت مثل :يا أيها الرجل0
8-الاسم الواقع بعدلولا يعرب مبتدأوخبره محذوف وجوبا تقديره موجود لولا العلم لتأخرنا
9- من أسماء التفضيل 0حب. خير. شر النكرة المنصوبة بعدها تعرب تميزامثل:الصدق خير قولا- الأم خير عطاءا
10-النكرة المنصوبة بعدأفعل التفضيل وما أفعل وأفعل به ولله دره وبعد النداء التعجبى ونعم وبئس وحبذا ولا حبذا وكفى وقر لولا وطاب وكم الاستهامية تعرب تميزا ملحوظا 0
11-خصوصا-خاصة
إذا جاءت فى نهاية الجملة تعرب حالا 0أحب العلوم والكيمياء خصوصا-خاصة
اما إذا وقعت فى وسط الجملة فتعرب مفعولا مطلقا وما مفعولا به مثل :أحب اللغة العربية خصوصا النحو
12-الأفعال الآتية تنصب مفعولين0ظن –حسب-زعم-خال –رأى-علم-وجد-جعل – منح- منع-أعطى – ألبس-كسا
والمفعولين بعدهم يكونان اسمين ظاهرين أوضميرا واسما ظاهرا مثل منحت الرجل مالا-منحته مالا
14-ما الكافة تدخل على إن وأخواتها فتبطل عملها ما عدا ليت فيجوز معها الإعمال والإهمال0
15-أى نكرة بعدها ضمير متصل أواسم إشارة –اسم موصول –علم يعرب ما بعها مضافا إليه مثل:كتابه-كتاب هذا –كتاب الذى
16-المضارع المتصل بنون النسوة يبنى على السكون والمتصل بنون النسوة يبنى على الفتح مثل :الطالبات تذاكرْن الدرس-والله لأذاكرَن الدرس 0
17-الأسماء المبنية هى :الضمائر –أسماء الإشارة عدا اثنان واثنتان–الأسماء الموصولة عدا الذان واللتان –أسماء الشرط_بعض الظروف(أمس-حيث- الآن)العدد المركب-اسم لا النافية للجنس المفرد- الحال المبنى على فتح الجزأين-أسماء الأفعال-العلم المفرد المنادى –لفظة(أى-أيها-أيتها)ويعرب كالآتى –اسم00000منى على0000فىمحل00000
18-كلمات تعرب حالا:كافة-قاطبة-معا-سويا-جميع (خصوصا-خاصة فى آخر الجملة)-وحده-النكرة بعد مالك ومالهاصطلاحا- ظروف زمان إربا إربا-الجماء الغفير-بغتة-بندا بندا –بين بين-تحديدا-دونا-طرا بمعنى جميعا-طوعا-يدا بيد-يقينا-دائما -أبدا-قط وفقط-أمس-قديما-حديثا-عوض-ريثما-حتما -عند-بعد - أصلا –أمدا- بكرة- تارة-حين -ريث صباح مساء – طويلا –نادرا- نحو-هنيهة0000–
ظروف مكان أما دون – دونما- حيث- ثم- لدى – لدن- وسط-هنا- تلقاء- نحو-خلال-حيال- حذاء- إزاء
20-الاسم المرفوع بعد النعت السببى يعرب فاعلاأونائب فاعل مثل:أحب الرجل الصالح عمله
أما الاسم المنصوب بعد النعت السببى فيعرب تميزامثل:أحب الرجل الصالح عملا
21-أى(إلا)عبارة عن إن الشرطية +لا)وفعل الشرط محذوف مثل يجب أن يجتهد الطالب وإلا فشل0والتقدير وإن لايفعل فشل
22-أى (ألا)عبارة عن أن +لا والفعل المضارع بعدها منصوبمثل:عليك ألا تنخدع بالإشاعات0والتقدير أن لا0
23-ضمائر—أى ضمير اتصل باسم فهو مبنى فى محل جر كتابه-كتابكم –كتابنا –كتابهم0
--الياء-الكاف-الهاء-إذا اتصلت بفعل فهى فى محل نصب مفعول به
الناء يكون فاعل مثل :خرجنا مبكرا—ويكون مفعولا مثل:المعلم أخرجنا من الفصل0
24-إن المكسورة الساكنة حرف نفى ولا تؤثر فى إعراب الاسم بعدها مثل :إن هذا إلا ملك
25-الجمل وأشباة الجمل بعد النكرات صفات وبعد المعارف أحوال مثل:رأيت السيارة تجرى جملة تجرى حال
ورأيت سيارة تجرى جملة تجرى نعت0
26-الاسم المعرفة بعدإذا الشرطية فاعل مثل:إذا السماء انشقت
27-التوكيد المعنوى ب(كل –جميع –نفس –عين –عامة-كلا-كلتا)بشرطأن يتصل بهذة الألفاظ ضميرويعود على المؤكد ويطابقه مثل:الطلاب كلهم ناجحونوإذاسبقهم حرف الباء فيعرب حرف جرزائد والاسم بعده مجرور لفظا منصوب محلا
28-البدل المطابق يكون علما بعد لقب أومعرفا بعد إشارة أو اسما بعد أى التفسيرية أو تفيصلا بعد اجمال مثل:الفاروق عمر عادل –قرأت هذه القصة-هذا قزم أى قصير بنى الاسلام على خمس0000)
29-مع تعرب ظرف زمان أو مكان وما بعدها مضافا إليه إلاإذا كانت منونة بالنصب فتعرب حالا
30-أنـــــــــــــــــواع لا
-لا الناهية مثل:لاتهمل 00المضارع بعدها مجزوم
-لا العاطفةمابعدها مفرد ويعرب معطوفامثل أحب الكريم لا البخيل0
-لا النافية لاتؤثر فى إعراب المضارع بعدها مثل :الطالب لايهمل
-لا النافية للجنس وتدخل على الأسماء النكرة مثل :لاطالب مهمل
31-أنواع مــــــــــــــا
-ماالموصولةوهى التى يصح وضع اسم موصول مكانها مثل: أكرمت من اجتهد00بمعنى الذى
-ما الشرطية وهى تجزم فعلين مثل:ما تفعلوا من خير يعلمه الله
- ما التعجبية فى صيغة ما أفعل وتعرب نكرة بمعن شىءعظيم مبتدأمثل ماأجمل السماء
-ماالاستفهامية لغير العاقل ويحذف منها الألف إذا دخل عليها حرف الجر:مثل:ما العلم؟-لم تركتنى؟وتعرب مبتدأ لوجاع بعدها اسم أما لو جاء بعدها فعل فتعرب مفعولا به0
-ما المصدرية مثل إنى مقيم مادمت معنا 0
-ما الزائدةوهى نوعان –كافةتكف الفعل عن طلب الفاعل مثل(طالم-قلما كثرما)وتكف إن وأخواتها عن العمل –إنما المؤمنون أخوة وتكف الكاف ورب عن الجر وتكف الظرف عن الجر ربما الامتحانُ سهل
- الزائدة:فى هذه المواضع
-بعدإذا الظرفية0000إذا ما اجتهدت تفوقت0
- قبل وبعد بين الظرفية مثل:قرأت ما بين الأقواس
-بعد حرفى الجر عن-فى وبعد غير مثل: عماقليل يتحد العرب –انطلقت الرصاصة عن غير ما قصد
-بعد أدوات الشرط الجازمة 0أينما إذما -بعد ليت وشتان
-بين التابع ومتبوعه مثل:لإن الله لايستحى أن يضرب ما بعوضة ف بعوضة بدل من مثل
أنواع من *موصولة مثل:أكرمت من اجتهد *استفهامية00من أعطال القلم *الشرطية من جد وجد
32-الملحق بجمع0 المذكر السالم 0ألو –عالمون –عليون-بنون –أهلون- سنون –ألفاظ العقود
33- الملحق بالمثنى اثنان –اثنتان –كلا –كلتا 0
34-الملحق بجمع المؤنث السالم اولات–عرفات –أذرعات-كل اسم لمفرد جاءبلفظ الجمع مثل :نعمات–عطيات –سادات حسنات
غرائب الإعراب
-آض فعل ماض ناقص بمعنى صار (آض الدقيق خبزا)
-آونة ظرف زمان منصوب ويلازم التنوين ولا يضاف (أمارس الرياضة آونة)
-إبان ظرف إثر –أثناء- خلال-إذ00ظروف زمان
-اتفاقا تعرب حالا أو مفعولا مطلقا 0التقيت معك اتفاقا-اتفق الطرفان اتفاقا
-إذ الفجائية وهى كل (إذ) وقعت بعد (بينا- بينما)
إذن حرف جواب وجزاء لكلام قبله وهى تنصب المضارع بشرط الاتصال بالفعل –الفعل فى المستقبل –أن تقع فى أول الكلام
أصلا0 بمعنى قط-ظرف زمان مثل-لم يتقدم أحد أصلا ألا –حرف استفتاح لامحل له من الإعراب
أم0 حرف تسوية وتخير مثل سواء عندى احضرت أم لم تحضر –تاكل خبزا أم لحما
وسهلا0 مفعول به لفعل محذوف والتقدير نزلت وحللت
-بيد0 اسم ملازم للنصب على الاستثناءبمعنى غيروتضاف للمصدر المؤول بعدها مثل الامتحان سهل بيد أنه طويل
-ثم بفتح الثاء0 ظرف مكان وتعرب اسم اشارة مبنى فى محل نصب وتكون بمعنى وهناك مثل مطاع ثم أمين
-بضم الثاء0 حرف عطف يفيد الترتيب والتراخى وتتصل بها تاءالتأني ثفتكون مفتوحة
-ثم بفتح الثاء0 فى محل جر إذا سبقت بحرف جر مثل تحركنا من ثم إلى القاهرة
-دواليك- بمعن مداولة بعد مداولة وتعرب حالا-دونا-بمعنى ردئ وتعرب حالا مثل هذا الرجل دونا
-ذا-ذاك-ذلك000اسم اشارةللمفرد المذكر -ذات000اسم اشارة للمؤنث والجمع ذوات
-رب حرف جرشبيه بالزائدولاتجر إلا نكرة وهى للكثرة غالبا
-رويد00مفعول مطلق إذا كانت منونة-وصفة ‘ذا وقعت بعد نكرة-اسم فعل إذااتصل بها الكاف
-ريث 00ظرف زمان-سعديك-حنانيك مفعول مطلق -صباح مساء ظرف زمان مركب
-صبرا00مفعول مطلق -طرا- طوعا0 حال منصوبة- كأين ملازمة للتصدير وتعرب مبتدأ وتميزها مجرور بمن
- كلا 00حرف ردع وزجر –حرف تنبيه واستفتاح وقد تكون بمعنى حقا اللام المزحلقة المنقولة من المبتدأ إلى الخبر مثل إنك لمجتهد - لات وهى لا النافية +تاء التأنيث بشرط أن يكون اسمها المرفوع من أسماء الزمان مثل ولات حين مناص
-واو الأصداغ 00وهى التى نقف عليها قليلا مثل (لا وشفاك الله)
-كلمات تعرب مفعولا مطلقا :البتة-جدا-حتف أنفة –حتما-حجا مبرورا-حظا سعيدا -حقا-حمدا لله-خلافا-خلسة-دواليك-سعديك-حنانيك--صبرا -عرفا
الإعـــــــراب والبنـــاء
المعــرب المـبنى
يتغير شكل أخره بتغير موقعه فى الجملة لا يتغير شكل أخره بتغير موقعة فى الجملة
-يجب أن يسود السلام – فاعل مرفوع بالضمة .
-رأيت السلام يسود – مفعول به منصوب .
-أحب العيش فى سلام – مجرور بالكسرة . -هذا طالب اسم إشارة مبنى
-رأيت هذا الطالب على السكون
-مرت بهذا الطالب فى محل ....
( الأسمــــــــــــاء المــــــبنيـة )
الإسـم المبنى أمثــلة إعــراب
الضمائر
الموصلات
الإشارة
أسماء الشرط
أسماء الإستفهام
بعض الظروف
اسم لا النافية المفرد
العدد المركب
أسماء الأفعال منفصلة : مثل أنا – هو – نحن – هم – هن – أنت – أنتم متصلة : كتابه – كتابك – ذهبوا.
الذى – التى - اللائى – اللاتى – اللذان – اللتان0 إعراب المثنى
هذا – هذه – هؤلاء – ذا - تلك هذان – هاتان - إعراب المثنى
إن – من – ما – متى – أين – أينما – حيثما – أيان أنى – إذا – لو- لولا – كلما – أى
من - ما – ماذا – متى – أين – كيف – أ –هل
منذُ - حيثُ – الآنَ – أمسِ .
لا طالب كسول
من (11-19) عدا (12)
صه – شتان – هيهات – دراك – بله – دونك . ضمير مبنى على .....فى محل ( رفع - نصب – جر)
اسم موصول مبنى على ....فى محل ......
اسم إشارة مبنى على ....فى محل ....
اسم شرط مبنى ......

اسم استفهام مبنى على..فىمحل
ظرف مبنى على ..فى محل نصب
مبنى على ...فى محل نصب
مبنى على فتح الجزأين فى محل
اسم فعل مبنى على ....

[على العربى]

روووووووووووووووووووووعة جزاك الله كل خير

[سوسوكاتى]

ممكن حضرتك تشرح جزئية تأنيث الفعل مع الفاعل ونائب الفاعل بس ياريت بطريقة مبسطة عشان داخل فى بعضه

[احلام جميلة]

المشاركة الأصلية كتبت بواسطة سوسوكاتى

ممكن حضرتك تشرح جزئية تأنيث الفعل مع الفاعل ونائب الفاعل بس ياريت بطريقة مبسطة عشان داخل فى بعضه

(( يجب تأنيث الفعل مع الفاعل و نائب الفاعل )) فى الآتى

1- الفاعل او نائبه بعد الفعل مباشرة ويكون مؤنث حقيقى (( يعنى يلد أو يبيض ))

تذاكر البنت

شرحت المعلمة

هنا الفاعل بعد الفعل مباشرة وكان الفاعل مؤنث حقيقى
إذن حكم التأنيث هنا واجب التأنيث

2- لو المؤنث قبل الفعل ( سواء مؤنث حقيقى او مجازى )) مل دام المؤنث قبل الفعل يبقى لازم يكون حكم التأنيث واجب

الشمس أشرقت
(( الشمس مؤنث ولكن مؤنث مجازى لأنها لا تلد ولا تبيض ولكن سبقت الفعل إذن يجب تأنيث الفعل هنا ))

البنت نجحت
(( البنت مؤنث قبل الفعل وهى مؤنث حقيقى إذن حكم التأنيث واجب ))


يجوز تأنيث الفعل مع الفاعل

1- الفاعل مؤنث مجازى جاء بعد الفعل

أشرقت الشمس
((الشمس هنا فاعل وهى مؤنث مجازى إذن حكم التأنيث جاائز ))

2- الفاعل مؤنث حقيقى ولكن فيه فاصل بين لفعل والفاعل مثال
نجحت فى الامتحان طالبة
الفاعل هنا كلمة طالبه وهى مؤنث حقيقى ولكن فيه فاصل بين الفعل وبين الفاعل اذن حكم التأنيث جائز

3- لو الفاعل جمع تكسير مثال

" قال نسوة فى المدينة "
الفاعل هنا كلمة نسوه وهى جمع تكسير إذن حكم تأنيث الفعل جااااائز

بالتوفيق

[ران نيتشان]

المشاركة الأصلية كتبت بواسطة رفيقة الامل

يعنى عشان
الذهنية نعت ليها فنختار خاصة مؤنث

في امتحان سنة كام ‏
اصل سالت الاستاذ فيها وقال خاص اقوي ،‏
عاوزه اعرف سنة كام ع اجيت النموذج.‏‎
‎

[على العربى]

جزاك الله خيرا و بارك الله فيك

[احلام جميلة]

المشاركة الأصلية كتبت بواسطة على العربى

جزاك الله خيرا و بارك الله فيك

وجزاكم بالمثل استاذى الغالى

تحياتى واحترامى

[احلام جميلة]

من لطائف الكشف فى المعجم

معلومة سريعة

- الكلمات اللي بتتكون من تلات حروف وآخرها تاء مربوطة ... دي تلات فرق:
1- الحرف اللي في النص ساكن زي (جنَّة – أُمَّة – سُنَّة) بنكشف عنهم بأننا نحذف التاء ونكرر الحرف التاني مرتين فيبقوا في مادة (جنن – أمم – سنن).


2- الحرف الأول مكسور والتاني متحرك زي (ثقة – صلة – سِنة) بنكشف عنها بأننا نحذف آخر حرف ونحط بداله واو في الأول فبنقول مادة (وثق – وصل – وسن).
3- لو مش من الفريقين اللي فوق زي (سَنَة – أَمَة) فالغالب فيهم إننا بنحذف الحرف الأخير وبنحط مكانه (واو) فبالتالي على الترتيب في مادة (سنو – أمو).
ملحوظة: يستثنى من الكلمات دي (رئة – فئة – مئة ]مائة[) نبحث عنهم في (وري – فأي – مأي).

[احلام جميلة]

ما رأيت من أحد سواك .
ضع إلا مكان سوى واعرب ما بعدها . :-)
‫ الاجابة والتفسير :

أولا هو سؤال مش سهل ، واحتمال يكون موضع لإمتحان بس إحتمال ضعيف :-
(ما رأيت من أحد إلا إياك)
‫ التفسير : متنفعش إلا أنت لأن أنت ضمير للرفع
ومتنفعش إلاك لأن إلا و لولا ميجيش معاهم ضمير مُتصل إلا لضرورات زي الشعر
لكن إيا ضمير منفصل وللنصب يبقا هو المطلوب لأن هنا المحل الإعرابي ليه هو النصب . نوع الإستثناء تام منفي (لاحظ إن من حرف جر زائد مش أصلي)
إعراب ما بعد إلا :
إياك ضمير بارز منفصل مبني في محل نصب بدل أو مستثنى ، والكاف حرف خطاب لا محل له .

[احلام جميلة]

هامة جدا من لطائف الكشف فى المعجم


يا ريت تقروا دا هيفيدكم شوية في الكشف...

كيفية معرفة أصل حرف العلة
لو طلبت منك تبحث عن كلمة (استعاد) البعض هيقول وزنها (استفعل) فبالتالي مادة (عاد) ... البعض هيجيب فعل مضارع (يعود) ودي وزنها (يفعل) فبالتالي في مادة (عود) ... وبعض هيجيب فعل مضارع (يُعيد أو يستعيد) فبالتالي مادة (عيد) ... الإجابة الوحيدة الصح في التلاتة دول هي (عود) ... الباقي غلط ... ليه غلط؟ ... دا موضوعنا بقى (
أولا ما ينفعش في المعجم تكتب في مادة الكلمة حرف الألف ...عشان كدة (عاد) غلط ... لأن احنا في المعجم بنكتب أصل الكلمة دي ونبين هل هو واو ولا ياء
ثانيا إزاي نجيب أصل الألف ببساطة خالص ... بنجيبه من مصدر الكلمة ومن مضارعها ... بس من أي مضارع من أي مصدر؟ ... لأ بنجيبه من مضارع الثلاثي ومصدر الثلاثي وخاصة اسم المرة ... أما غير كدة فده مش هيجيبلك أصل الكلمة والغالب إنه هيوصلك لإجابة غلط.
ملحوظة
مضارع الثلاثي بيبقى على وزن (يَفعَل) أوله مفتوح زي (يعود – يزول –يبيع) ... أما مضارع الرباعي بيكون على وزن (يُفعِل) أوله مضموم زي (يُعيد – يُزيل – يُهين) ... وكل مضارع مضموم الأول يبقى رباعي.
فلو طلبت منك تكشف عن (المشتكى) ... هنوزنها (المفتعل) ... فيه حرف اللام قصادها حرف علة ... يبقي نجيب المضارع ... اوعى بقى تقول (يشتكي) كدة هتقول في مادة (شكي) وكدة غلط ... لأ احنا قلنا مضارع الثلاثي اللي هو (يشكو) فكدة هتوصل للإجابة الصح اللي هي (ِشكو).
ولو طلبت تكشف عن (سيء) ...هنلاقي إن فيها حرف علة فيه النص ... فبالتالي بنجيب المضارع الثلاثي منها اللي هو (يسوء) فبالتالي مادة (سوأ) ودا صح... ومش تسرح وتقول (يسيء) فتغلط وتقول (سيأ) دا غلط.
المشكلة إن بعض الكلمات مش هتعرف تجيبلها مضارع الثلاثي ... ساعتها حاول تجيبلها مصدر الثلاثي ... ودا حصل مع الكشف عن (إنارة) ... مش عارف تجيب فعل ثلاثي ... وطبعا (يُنير) رباعي مالناش دعوة بيه ... بس لو دورت شوية هتلاقي كلمة (نور) ودي مصدر ثلاثي ... فبالتالي هي في مادة (نور).
أحيانا مش هتعرف تجيب المضارع ولا المصدر الثلاثي زي مثلا (إرادة – استطاعة – مسافة – حاجة) ... وهنا دا دورك إنك محتاج تقرأ مواد كتير عشان تعرف الكلمات اللي زي دي ... بس اعرف إن في الغالب أصل الألف بيكون (واو) عشان كدة كشف الكلمات دي ع الترتيب (رود – طوع – سوف – حوج) ... بس بردو أحيانا بتبقى ياء وساعتها الكلمة بيكون سهل تعرف كدة زي (مباع – زائد) فعلهم (يبيع – يزيد) فبالتالي في مادة (بيع – زيد) ... وساعات بيبقى صعب تعرفها ودي كلمات قليلة أهمها (إفادة – إقالة – قيلولة – سياحة – هيام – إذاعة) كلهم على الترتيب في مادة (فيد – قيل – قيل – سيح – هيم – ذيع).
غير الكلمات دي هتبقى احتمالات وأضمن لك طالما ما عرفتش تجيب أصل الألف إنك تعتبر أصلها واو.

كل الشكر والتقدير لمستر حسن محمد حسن

[احلام جميلة]

شرح تفصيلى للكشف فى المعجم



اخيرا كشف المعجم... مش تدققوا اوي في المقدمة هو بس بجهزكم فيه عشان تعرفه أن الدرس تقيل وإن اي حد أي حد ممكن يغلط في كشف المعجم... في البداية شرح ثم البهاريز في الاخر
الكشف في المعجم
الكشف في المعجم هو إنك ترد الكلمة لحروفها الأصلية وهي دي مادة الكلمة ... مثلا كلمة (كتاب – استخراج – انعزال) في مادة (كتب – خرج – عزل) ... مش هقدر اقولك إن الدرس بسيط وسهل كالعادة ... لأن الدرس محتاج شغل منك ... الكشف في المعجم مش فهم بس ... ولا حفظ بس هو الاتنين ... الكشف في المعجم خبرة بتيجي من التدريب الكتير المبني على فهم ... ببساطة دا بسبب إن المواد اللي في المعجم كتييير ... مثلا معجم (لسان العرب) فيه حوالي تمانين ألف مادة ودا أقوى المعاجم ... وطبعا في كل مادة بيطلع عشرات الكلمات وممكن يعدوا المائة كلمة ... وكل كام كلمة ليه طريقة عشان تعرف المادة بتاعتهم .... طريقة خاصة بيهم ... وصعب تعرف كل الطرق ... وبردو صعب تحفظ كل المواد ... بس بالخبرة هتقدر تعرف معظمهم ... وهتقدر تبقى كويس جدا فيهم ... وانا هساعدك ( ... المهم نبدأ بقى.
كيفية معرفة مادة الكلمة
أشمل وأسهل طريقة عشان تعرف أصل كلمة إنك توزن الكلمة ... الوزن يعني مثلا (احتمال) على وزن (افتعال) ... (انسجام) على وزن (انفعال) (مناوشات) على وزن (مفاعلات) ... والوزن دا حاجة هتلاقيها فيك بالفطرة فخليك واثق من نفسك وقول اللي في بالك وهتلاقيه الوزن الصح فمش تشك في نفسك ... بعد كدة ناخد الحروف المناظرة للفاء والعين واللام... فتبقى مواد (احتمال – انسجام – مناوشات) هي (حمل – سجم – نوش).
كام ملحوظة
1- الحروف اللى بتبقى موجودة مع وزن الكلمات ... دي بنسميها (حروف الزيادة) وهي مجموعة في كلمة (سألتمونيها).
2- الكلمات (اضطرار – ازدهار – اضطراب) ... على وزن (افتعال) صح ... زي ما انت حاسس ... فلما ناخد الحروف المناظرة هيبقوا في مادة (ضرر – زهر – ضرب) ... (الطاء والدال والتاء) قرايب فمش تقلق ما تلاقي الحرف اللي مناظر للتاء في كلمة (اضطراب – ازدهار) هو طاء أو دال على الترتيب.
3- لو الكلمة فيها حرف مضعف زي (شدَّ – همَّ – جُنَّ) ... لما نكتب مادة الكلمة بنفك التضعيف وبنقول مادة (شدد – همم – جنن) ... مش بنسيب التضعيف وإلا غلط.
4- لو مادة الكلمة فيها همزة زي (آخذ – مسئول – إنشاء) بنكتب الهمزة على ألف فبنفول في مادة (أخذ – سأل – نشأ) ... مش بنكتبها بأي شكل تاني وإلا غلط.
5- لو كلمة آخرها (اء) زي (سماء) أو الكلمة المقطع قبل الأخير (ائـ) زي (سوائل) مش بنوزنها ... بنجيب كلمة تانية منها ثم نوزنها مثلا (سماء) هنقول (يسمو) دي وزنها (يفعل) تبقى مادة (سمو) ... كذلك كلمة (سوائل) نجيب كلمة تانية مثلا (يسيل) يبقى مادة (سيل).
6- ممكن إن الكلمة يكون أصلها أربع حروف زي (زلزل – دحرج – طمأن – قشعر – سلسل) ... بل ممكن يكون خمسة زي (زبرجد – سفرجل)
كيفية معرفة أصل حرف العلة
لو طلبت منك تبحث عن كلمة (استعاد) البعض هيقول وزنها (استفعل) فبالتالي مادة (عاد) ... البعض هيجيب فعل مضارع (يعود) ودي وزنها (يفعل) فبالتالي في مادة (عود) ... وبعض هيجيب فعل مضارع (يُعيد أو يستعيد) فبالتالي مادة (عيد) ... الإجابة الوحيدة الصح في التلاتة دول هي (عود) ... الباقي غلط ... ليه غلط؟ ... دا موضوعنا بقى (
أولا ما ينفعش في المعجم تكتب في مادة الكلمة حرف الألف ...عشان كدة (عاد) غلط ... لأن احنا في المعجم بنكتب أصل الكلمة دي ونبين هل هو واو ولا ياء
ثانيا إزاي نجيب أصل الألف ببساطة خالص ... بنجيبه من مصدر الكلمة ومن مضارعها ... بس من أي مضارع من أي مصدر؟ ... لأ بنجيبه من مضارع الثلاثي ومصدر الثلاثي وخاصة اسم المرة ... أما غير كدة فده مش هيجيبلك أصل الكلمة والغالب إنه هيوصلك لإجابة غلط.
ملحوظة
مضارع الثلاثي بيبقى على وزن (يَفعَل) أوله مفتوح زي (يعود – يزول –يبيع) ... أما مضارع الرباعي بيكون على وزن (يُفعِل) أوله مضموم زي (يُعيد – يُزيل – يُهين) ... وكل مضارع مضموم الأول يبقى رباعي.
فلو طلبت منك تكشف عن (المشتكى) ... هنوزنها (المفتعل) ... فيه حرف اللام قصادها حرف علة ... يبقي نجيب المضارع ... اوعى بقى تقول (يشتكي) كدة هتقول في مادة (شكي) وكدة غلط ... لأ احنا قلنا مضارع الثلاثي اللي هو (يشكو) فكدة هتوصل للإجابة الصح اللي هي (ِشكو).
ولو طلبت تكشف عن (سيء) ...هنلاقي إن فيها حرف علة فيه النص ... فبالتالي بنجيب المضارع الثلاثي منها اللي هو (يسوء) فبالتالي مادة (سوأ) ودا صح... ومش تسرح وتقول (يسيء) فتغلط وتقول (سيأ) دا غلط.
المشكلة إن بعض الكلمات مش هتعرف تجيبلها مضارع الثلاثي ... ساعتها حاول تجيبلها مصدر الثلاثي ... ودا حصل مع الكشف عن (إنارة) ... مش عارف تجيب فعل ثلاثي ... وطبعا (يُنير) رباعي مالناش دعوة بيه ... بس لو دورت شوية هتلاقي كلمة (نور) ودي مصدر ثلاثي ... فبالتالي هي في مادة (نور).
أحيانا مش هتعرف تجيب المضارع ولا المصدر الثلاثي زي مثلا (إرادة – استطاعة – مسافة – حاجة) ... وهنا دا دورك إنك محتاج تقرأ مواد كتير عشان تعرف الكلمات اللي زي دي ... بس اعرف إن في الغالب أصل الألف بيكون (واو) عشان كدة كشف الكلمات دي ع الترتيب (رود – طوع – سوف – حوج) ... بس بردو أحيانا بتبقى ياء وساعتها الكلمة بيكون سهل تعرف كدة زي (مباع – زائد) فعلهم (يبيع – يزيد) فبالتالي في مادة (بيع – زيد) ... وساعات بيبقى صعب تعرفها ودي كلمات قليلة أهمها (إفادة – إقالة – قيلولة – سياحة – هيام) كلهم على الترتيب في مادة (فيد – قيل – قيل – سيح – هيم).
غير الكلمات دي هتبقى احتمالات وأضمن لك طالما ما عرفتش تجيب أصل الألف إنك تعتبر أصلها واو.
بهاريز
- الكلمات اللي بتتكون من تلات حروف وآخرها تاء مربوطة ... دي تلات فرق:
الحرف اللي في النص ساكن زي (جنَّة – أُمَّة – سُنَّة) بنكشف عنهم بأننا نحذف التاء ونكرر الحرف التاني مرتين فيبقوا في مادة (جنن – أمم – سنن).
الحرف الأول مكسور والتاني متحرك زي (ثقة – صلة – سِنة) بنكشف عنها بأننا نحذف آخر حرف ونحط بداله واو في الأول فبنقول مادة (وثق – وصل – وسن).
لو مش من الفريقين اللي فوق زي (سَنَة – أَمَة) فالغالب فيهم إننا بنحذف الحرف الأخير وبنحط مكانه (واو) فبالتالي على الترتيب في مادة (سنو – أمو).
درب نفسك:
(كلٌ على حدة) – (السكين لها حدة شديدة).
اكشف عن ما تحته خط.
- الكلمات زي (الخاصة – المادة – الهامَّة – العامة) بنبحث عنهم في مادة (خصص – مدد – همم – عمم).
- (آفة – آهة – ساحة – ساعة – عاهة – هامَة) في مادة (أوف – أوه – سوح – سوع – عوه – هوم).
- الكلمات (غاية – راية – آية) بنبحث عنهم في مادة (غيي – أيي – ريي) ... وجمعهم (غاي – راي – آي) ... كلمة (داية) وهي المرأة التي تولِّد ... بنبحث عنها في مادة (دوي) ... اطمن إنه مش هتقابلك كلمة تاني بتنتهي بالمقطع (اية).
- الكلمات اللي بنحس إن وزنها (مفتعل) وتكون ظاهريا من أربع حروف بنقسمها لفريقين:
1- (معتدَّ – مهتمَّ – مختصَّ – مغتمَّ) ... الفريق دا ظاهريا من أربع حروف والحرف الأخير مشدد .. ففي مادة (عدد – همم – خصص – غمم).
(معتدٍ – مهتدٍ – مرتضٍ – مقتضٍ) ... بردو ظاهريا من أربع حروف وفيه تنوين في الآخر ... ... لأن دي أسماء منقوصة (معتدي – مهتدي ... الخ) حذفنا منها الياء اللي كانت في الآخر ...فلما نجيب أصل حرف العلة دا هيكونوا في مادة (عدو – هدي – رضو – قضي) ... والوزن الحقيقي للكلمات دي هو (مفتعٍ).
- الكلمات زي (اتصال – اتعاظ – اتساع – اتهام – اتكال – اتسام – اتصاف) وكل اللي على القياس دي بنبحث عنهم في مادة (وصل – وعظ – وسع – وهم – وكل – وسم – وصف) ... ما عدا (اتباع - اتخاذ) في مادة (تبع –أخذ) ... و(إتقان) مش تبع الكلمات دي لأنها بادئة بهمزة قطع والتاء مش مشددة.
- (أبناء) في مادة (بنو) .... أما (بناء) في مادة (بني).
- (سياحة) في مادة (سيح) ... أما (ساحة) في مادة (سوح).
- (هيام) في مادة (هيم) ... أما (هَامَة) أي الرأس في مادة (هوم).
- (زيادة) في مادة (زيد) ... أما (الزاد) الخاص بالمسافر ففي مادة (زود).
- (الميل) في مادة (ميل) ... أما (المال) في مادة (مول).
- (يد) في مادة (يدي) ... (دم) في مادة (دمي).
- (سماء – أسماء) في مادة (سمو).
- (أسماء) في مادة (سمو) أو (وسم) ... و(سمو) أفضل.
- (حياة) في مادة (حيي) أو (حيو) ... و(حيي) أفضل.
- (إتقان – متقن) في مادة (تقن) ... (تقوى – متقين) في مادة (وقي) ... (يقين – موقن) في مادة (يقن) ... (قانون) في مادة (قنن).
- (مدين – ديون – أديان) في مادة (دين) ... (مدينة – مدائن) في مادة (مدن) ... (ميدان – مائدة) في مادة (ميد) ... (مادة) في مادة (مدد).
- (إنسان – أناس – أناسي – إنس) في مادة (أنس) ... (ناس) في مادة (نوس) ... (نِسَاء – نسوة – نسوان) في مادة (نسو) ... (نَسَّاء – نسيان) في مادة (نسي).
- (قيامة – تقييم – إقامة – تقويم – قوم) في مادة (قوم) ... ما فيش (قيم).
- (دعوة – يُدعى – تداعيات) في ماد (دعو) ... ما فيش (دعي).
- (مكان – أماكن) في مادة (كون) ... (مكانة) في مادة (مكن).
وللتسهيل (المكانة) هي منصب بيمكن الشخص من حاجات أكتر ... المكانة بتمكنه فعشان كدة مادة (مكن).
- (أبناء) في مادة (بنو) ... (بناء) في مادة (بني).
- (أباء) في مادة (أبو) ... (إباء) في مادة (أبي).
- (الحياة البرَّية) نبحث عنها في (برر) ... (الله خالق البرِيَّة) نبحث عنها في مادة (برأ).
- (يئنُّ الرضيع) بمعني يبكي ويتوجع جاية من (الأنين) بنبحث عنها في مادة (أنن).
- (الحادي عشر) نبحث عنها في (وحد) جاية من الواحد ... (حادي الإبل) ودا اللي بيرعاهم بنبحث عنه في (حدو).
- (تاريخ) في مادة (أرخ) ... (تجاه) في مادة (وجه).
- (الرياح – الراحة – أرواح) في مادة (روح).



كل الشكر والتقدير لمستر حسن محمد حسن

[احلام جميلة]

تمييز العدد للمبدع مستر حسن محمد حسن
تمييز العدد

درس موضوعه سهل جدا تفهمه وتتعامل معاه ... ونقدر نلخصه في موضوعين ... أحكام كتابة الأعداد من حيث التذكير والتأنيث ... وحكم التمييز بعد العدد هل جمع ولا مفرد وهل مجرور ولا منصوب ... ودا اللي هنتكلم عنه هنا.
أساسيات
- لو عدد بعده المعدود ... بيكون المعدود تمييز ... زي (قابلت ثلاثة أولاد) (أكلت خمس عشرة وجبة) ... هنا (أولاد –وجبة) تمييز.
- لو معدود بعده عدد ... بيكون العدد نعت ... زي (قابلت أولادا ثلاثة) (مررت بحدائق خمس) ... هنا (ثلاثة –خمس) نعت.
- الأعداد (واحد – اثنان) بيطابقوا المعدود في التذكير والتأنيث.
- الأعداد (من ثلاثة إلى تسعة) تخالف المعدود في التذكير والتأنيث.
- العدد (2) ملحق بالمثنى ... ألفاظ العقود (10 ،20....90) ملحقة بجمع المذكر السالم.
- العدد (عشرة) لو مذكور لوحده زي (جاء عشرة طلاب) بيخالف في التذكير والتأنيث ... أما لو مذكور مع رقم تاني زي (جاء ثلاثة عشر طالبا) فبيطابق في التذكير والتأنيث.
- المطابقة والمخالفة في التذكير والتأنيث بتكون لمفرد الكلمة مش جمعها .... مثلا لو قلت (قرأت (3) مقالات) وطلبت منك تحول الأرقام لحروف اوعى تقول إن (مقالات) مؤنث ورقم (3) بيخالف يبقى هنقول (ثلاث) ... لأ دا مش صح ... أيوة رقم (3) بيخالف لكنه بيخالف المفرد ... مفرد (مقالات) هو (مقال) ودا مذكر ... يبقى نقول (ثلاثة) ... الإجابة الصحيحة (قرأت ثلاثة مقالات).
الأعداد من (1) إلى (10)
- الأعداد (1-2) ما يجيش بعدهم تمييز ليهم ... مش ينفع تقول (جاء واحد رجلا) ولا ينفع تقول (قابلت اثنتين فتاة).
- الأعداد (من ثلاثة إلى عشرة) تمييزهم جمع مجرور بالإضافة ... ولسا قايلين فوق إنهم بيخالفوا في التذكير والتأنيث ... زي (ذهبت إلى خمس مكتبات) – (ذاكرت أربعة دروس) – (أنشأنا سبعة مصانع) ... هنا (مكتبات – دروس) كلهم تمييز مجرور بالإضافة وعلامة جره الكسرة ... بس ركز إن كلمة (مصانع) ممنوعة من الصرف فهتكون مجرورة بالفتحة.
- العدد (8) لما يكون مذكر وما يجيش بعده التمييز مباشرة ... ساعتها بنعامله زي الاسم المنقوص ونحذف ياءه في حالة انه نكرة مجرورة أو مرفوعة ... (نجحت فتيات ثمانٍ) (مررت بثمان من الفتيات).
الأعداد من (11) إلى (19)
- الفترة دي من الأعداد بنسميها الأعداد المركبة.
- الأعداد من (11) إلى (19) بيكون تمييزها مفرد منصوب.
- العدد (11) ... قلنا العدد (1-2) بيطابقوا وإن (العشرة) لو مع عدد تاني بتطابق ...فبنقول (جاء أحد عشر طالبا) (جاءت إحدى عشرة طالبة).
- العدد (12) ... قلنا العدد (1-2) بيطابقوا وإن (العشرة) لو مع عدد تاني بتطابق ... بس لازم تركز إن (اثنان) ملحق بالمثنى ... فلو كان مرفوع بالـألف هتقول (اثنا) أو (اثنتا) حسب التذكير والتأنيث ... ولو كان منصوب أو مجرور بالياء هتقول (اثني) أو (اثنتي) حسب التذكير والتأنيث... فبنقول (نجح اثنا عشر طالبا) (نجحت اثنتا عشرة طالبة) (قابلت اثني عشر شخصا) (سافرت باثنتي عشرة سفينة).
-الأعداد من (13) إلى (19) ...قلنا الأعداد من (3 : 9) بتخالف أما العشرة لو مع عدد تاني بتطابق ... فبنقول (قابلت ثلاثة عشر شخصا) – (في الفصل سبع عشرة طالبة) (اشتريت خمسة عشر مصحفا).
- إعراب الأعداد من (11 : 19) ما عدا (12)... بيكون إعرابهم حسب المحل ... وبنعرب الرقم كله ع بعضه مرة واحدة وبنقول انه (اسم مبني علي فتح الجزأين في محل كذا) .... مثلا (جاء ثلاثة عشر طالبا) ... بيكون إعراب (ثلاثة عشر) اسم مبني على فتح الجزأين في محل رفع فاعل ... مش تسرح وتقول فاعل مرفوع بالضمة على طول دا غلط.
- إعراب العدد (12) ... العدد (12) دا متكون من جزأين (2) و(10) ... الجزء الأول (2) معرب وله محل ... والجزء الثاني (10) مبني وليس له محل ... مثلا لو قلنا (اشتريت اثني عشر قلما) ... نعرب (اثني عشر) كالتالي ... (اثني) مفعول به منصوب بالياء لأنه ملحق بالمثنى ... (عشر) جزء مبني لا محل له من الإعراب.
الأعداد من (20) إلى (99)
- تمييزهم مفرد منصوب كلهم ...وببساطة الأعداد من (11) إلى (99) تمييزهم كلهم مفرد منصوب.
- نفس اللي قلنا في المخالفة والمطابقة ...فبنقول (دمر الزالزال خمسا وعشرين وحدة سكنية) (عمري ثلاث وثلاثون سنة) (صليت في تسع وأربعين مسجدا).
تنبيه: وانت بتكتب العدد لازم تعرف هو مجرور ولا منصوب ولا مرفوع لأن دا بيفرق في الكتاب زي ما أثر في الأمثلة اللي فوق كدة.
المئات والألاف
- تمييزهم مفرد مجرور بالإضافة .... ومش بيتأثروا بالتذكير والتأنيث... فبنقول ( معي مائة صوتٍ) (جيشنا ألف جنديٍ) (هذه مائتا جنيه) (أعطيتك ألفي ريالٍ) (عندي ثلاثمائة عاملٍ).
تنبيه: العدد (200) و (2000) ... الاتنين مثنى ففي النصب والجر بالياء بنكتب (مائتي) و(ألفي) ... وفي الرفع بنكتب (مائتا) و(ألفا) ... في الأصل إنهم (مائتين ومائتان) و(ألفين وألفان) لكن لما جه بعدهم تمييز مجرور بالإضافة ... فحذفنا النون عشان الإضافة.
صياغة العدد على وزن فاعل
- لما نخلي العدد على وزن (فاعل) زي (الخامس) و(الثالثة) وما شابه ... دا المقصود بصياغة العدد على وزن فاعل ... إلا رقم (1) فبنقول (الحادي) مش الواحد ... والأعداد دي بتطابق صاحبها في التذكير والتأنيث فبنقول (حصل على المركز الخامس) (إنها الساعة الرابعة) (قابلت القبيلة الثانية عشرة)