|
|
|
#1
28-01-2015, 12:10 PM
|
||||
|
||||
سانده براسها عـ اللى ضاع من عمرها ..
ولا عمرها مـ الماضى قامت .. الجو أهدى مـ الموسيقى التصويريه لـ فيلم صامت .. الفراشه .. الباليه .. ألف ليله وألف ليه ؟! .. مسرح بيشبه للسحاب .. كات ماشيه حافيه على الغيوم .. طلعت وربطت قلبها فـ إيد القمر .. بصت لفوق .. وعيونها بتعيط _ نجوم _ .. كانت ضلوعها مضلمه .. وانا كنت ناى مليان شجن .. ودعتها زى اللى بيودع وطن .. ومشيت وانا زى اللى تايهين فـ الزحام .. كات غربتى غربة _ يهود برلين _ .. وكنت أدبل من سنابل قمح يوسف فـ المنام .. زى اللى أول مره يتفارق.. زى اللى بيفارق براح لـ ضريح رخام
__________________
 
|
|
#2
28-01-2015, 12:11 PM
|
||||
|
||||
|
رسمتك صوره مكسوره ..
وروح عايشه بـ وش إزاز .. لقيتك غنوه غنيتك .. وصوتى صريخ وخوف ونشاز .. يا عايشه فـ كل شيئ فيا عشان انا أموت .. يا سايبه فـ قلبى ميت درويش يلفّوا عيونك الملكوت .. يا كلمه بقولها وانا ساكت .. بشيئ مـ الخوف .. يا حلوه فـ كل عين بتشوف .. جمال صورتك مهوش لايق .. عليا عشان أكون برواز !
__________________
|
|
#3
28-01-2015, 12:12 PM
|
||||
|
||||
|
انا وإنتى دايما فـ خلف الخلاف ..
بنبعد فـ نتعب .. نقرب نخاف .. فلا منى جيتلك .. ولا منّى غبت .. ولا منى حاضنك ولا منى سبت .. لا حصلت يوسف ولا كُنتى مريم ولا كُنتى ورده فـ سنينى العجاف .. ويندهنى أول بعادى الحنين .. أجيلك تصدى .. أصدك تجيلى .. ندور دايره فيها الأنا والأنين أميل لو تملّى .. أملّك .. تميلى .. ولا عرفت أسيبك ولا عرفت أحبك ولا عرفنا حتى نحكّم قدرنا .. ولا حتى ذنبى ولا حتى ذنبك .. خبطنا فـ بعضينا فجأه إنكسرنا
__________________
|
|
#4
28-01-2015, 12:13 PM
|
||||
|
||||
|
خدنى الكلام مع بنت نِفسى تحبنى ..
و فـ فضفضت رغم الإكتئاب .. وسرحت فـ عنيها اللى كانوا بألف باب .. ريحة المكان قهوه .. طعم المكان كان حضن .. يا خوف عنيا من اللى جى يا ست حزن ! .. وقصرها عالى .. وانا عينى غاويه تبص برضه لـ فوق .. جتلك مكان مـ الحب كافر باللقا .. جيتلك فـ قهوه هناك فـ باب اللوق .. انا وانتى نفس البُرج ليه ؟! .. والفرق بينا بس يوم .. حتى السنه نفس السنه .. انتى مش شبهى وبس .. انتى انا ! .. ما تجربى تحبينى يمكن نتلضم ونلم كل اللى إتجرح فينا .. ونقول كلام أصلا أوانه مجاش .. ونحب بعيد عن البراويز ! .. مش شرط تبقى نهاية الحب العظيم البيت .. اللى هنبقى فيه سوا عواجيز .. حلو النهايه ومرها .. ان إحنا منشوفهاش !
__________________
|
|
#5
28-01-2015, 12:15 PM
|
||||
|
||||
|
الصبح بدرى المُرتبط ..
بأغانى فيروز أو نجاة .. ضيقتك وتوهتك فـ اللى فات .. الفيس وناس معمولها مـ الضخك _ بان _ .. عمرو سليمان .. قلبت مين فـ الشاى شربت ؟! .. ومنين وفين وإزاى هربت .. انا كنت فاكر نفسى سبت .. وطلعت متساب من زمان !
__________________
|
|
#6
28-01-2015, 12:16 PM
|
||||
|
||||
|
حبسة عنيك الصُبح فـ الطله مـ الشباك ..
ساعتك وولاعتك .. همُا اللى فضلو معاك .. وعنيك فـ عين دخان بيبصلك دايما .. الـ LM أتقل .. بكتير من الـ Rosmans وعشان جدا غيّرت .. والحاله لما تضيق يا بميل عليك يا صديق .. يا بجيب سجاير فرط .. ولعت كام مره وإنت بتشرب شاى .. القهوه برده ساعات .. تخلص فـ نص كلام قولته مع سيجاره .. كل اللى بينّا إنتهى مفضلش غير إسمها .. مفضلش غير ساره ..
__________________
|
|
#7
09-04-2015, 01:34 PM
|
||||
|
||||
|
كتر التفكير خسّرني كتير
والجرح كبير بس بداري.. أنا عايش محبوس من فترة في سيناريو ومشهد تكراري «إزيك؟! عامل إيه؟ قولّي..... بتصلي؟» «بقيت أيوه بصلي» «نفسياً؟!» «عادي انا كله تمام» أنا نفسي بجد ألاقي كلام.. ميكونش اتقال وجديد لسه أنا نفسي بجد فـ وقت ما انام ميكونش عشان عايز أنسى
__________________
|
|
#8
09-04-2015, 01:36 PM
|
||||
|
||||
|
بحل مشاكلي بمشاكل
وبهرب مـ الضغوط بضغوط.. وطول الوقت مش زعلان وطول الوقت مش مبسوط
__________________
|
|
#9
09-04-2015, 01:37 PM
|
||||
|
||||
|
ارتاحوا يا خلق ده كله نصيب
مكتوب مين فينا هيبقى لمين مكتوب مين باقي ومين هيسيب الرضا بيخلي الحُزن يهون.. ربنا لو عايز شيء هيكون...
__________________
|
|
#10
09-04-2015, 01:38 PM
|
||||
|
||||
|
يا رب كل الزعلانين من غير سبب..
والمؤمنين إن الدُعا هيحل أزمة حزنهم يا رب كل العشمانين فيك بالقوي يا رب كل المذنبين وانا منّهم علمني احبك حب متحبش لحد... علمني لما أصلي أتكلم بجد.. أنا قصدي يعني أحس باللي اتقال واوهب لي صبر كتير وراحة بال دي الدنيا لو شدت إيديا هتوه وانت اللي قربك فيه صلاح الحال
__________________
|
|
#11
09-04-2015, 01:40 PM
|
||||
|
||||
|
أجمل سكوت فـ الدنيا نظرة عين .. و الحُضن أهدى مكان تعيط فيه !
__________________
|
|
#12
10-04-2015, 11:32 AM
|
||||
|
||||
|
محدش فينا قلبه سليم !
ومش شايل كلام جواه ! و بيفكر فى جرح قديم ! ومش عارف ف يوم ينساه ! محدش فينا مش تعبان... ومش زعلان ومش مخنوق ! محدش فينا متمناش .. يعيش لو بس يوم ف هدوء ينام من غير ما يتقلب فى آخر الليل على سريره ويقدر لو مفارق حد يعيش الدنيا من غيره !
__________________
|
|
#13
10-04-2015, 11:33 AM
|
||||
|
||||
|
بلاش تستهلكوا الإحساس
فـ ناس ملهومش فيكم حق نصيبكم جيّ مهما يغيب وبكره قلوبكوا تشبع دق
__________________
|
|
#14
10-04-2015, 11:35 AM
|
||||
|
||||
|
حتى لو مش فـ النهارده ..
بُكره حتى ولاّ بعده ربنا صادق فـ وعده انه راح يديك فترضى !
__________________
|
|
#15
06-03-2016, 11:53 AM
|
||||
|
||||
__________________
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 10:40 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
